رواية الان اقول احبك الفصل الثالث 3 بقلم ندى سامي
رواية الان اقول احبك الجزء الثالث
رواية الان اقول احبك البارت الثالث
رواية الان اقول احبك الحلقة الثالثة
ساره دخلت و قعدت شويه وعملت نسكافيه و قعدت تشوف مسدجات الشغل و فجأه جه ف بالها فارس ف قعدت تدور ع اكونت الانستا بتاعو لحد م لقتو و فضلت تقلب فيه و وهى بتقلب عملت لايك لصوره قديمه بالغلط
ساره بخضه : يلهوى ايه إلى انا عملته ده
شالت اللايك بسرعه و هى مخضوضه و قعدت تقول ل نفسها اكيد مش هياخد بالو لحد م هديت و بطلت تفكير و لبست و قبل م تنزل لقت ضياء بيرن عليها ف افتكرت إلى حصل و اضايقت و قفلت فونها و نزلت قابتلهم و اتغدو و راحو كلهم الكافيه الى كانو متفقين عليه
_______________________
ف الكافيه
كانو قاعدين كلهم لحد م الويتر جه خد الطلبات و ساره قالت عايزه تدخل الحمام و خدت ميريام
~~~~~~~~ ف الحمام
ساره بتوتر : ميريام انا عملت مصيبه
ميريام : مش هنخلص هببتى ايه
ساره : انا فتحت اكونت فارس انستا و وانا بقلب عملت لايك ع بوست قديم ب الغلط
ميريام : طب ايه المصيبه ف كده و بعدين يا بت انا مش قولتلك بتحبيه ولا لا قولتى لا و ضياء حبيبى بتحورى عليا
ساره بتوتر : لا م انا مش بحبه فعلا انا بس جالى فضول اشوف الاكونت بتاعو مش اكتر
ميريام : ماشى هنعديها المهم يعنى بتقولى دلوقتى ليه انتى مش شيلتى اللايك
ساره : ايوه بس عايزه اشوف بان انى عملت لايك ولا لا قبل م يمسك الفون انا عماله الهيه كل م يمسك الفون من ساعت م نزلنا ف محتاجه مساعدتك
ميريام : هنعمل ايه
ساره : هتقولى ل خطيبك يروح يجيبلك حاجه م السوبر ماركت ف انا هقول ل فارس يقوم معاه يجيبلى حاجه و نمسك فونو و نشوف
ميريام : تمام يلا
خرجو الاتنين و قعدو برا معاهم تانى لحد م الويتر جه حط الطلبات و مشى
~~~~~~~~ برا
ميريام : محمد حبيبى ممكن معلش تروح تجيبلى لبان م السوبر ماركت عشان حاسه نفسى مهبطه خالص
محمد : ايوه اكيد ثوانى و هاجى
ساره بسرعه : فارس معلش ممكن تروح معاه و تجيبلى لبان برضو و اى بسكوت
فارس : حاضر
قامو هما الاتنين و ساره حمدت ربنا انو مخدش الفون و ميريام قربت منها و مسكو الفون تحت استغراب يارا
يارا : انتو بتعملو ايه
ميريام : اصبرى انتى دلوقتى بس
فتحو الفون و فتحو الانستا ملقوش حاجه بس ساره قالت تتأكد اكتر و تشوف المسدجات إلى بتيجى فوق
ساره : اهو كان باين
ميريام : طب امسحى المسدج و سيبى الفون زى م كان بسرعه عشان هما جايين
عملت كده و سابت الفون بسرعه و كان ف الوقت ده داخل محمد و معاه فارس إلى لاحظها و هى بتسيب الموبايل بس معلقش و مشكش ف حاجه اوى
ميريام لما لاحظت انو خد بالو قالت بفرفشه : تيجو نلعب لعبه
الكل : ايه هى
ميريام : هنجيب ازازه المايه دى و هنلفها و الاتنين إلى هتيجى عليهم واحد منهم هيسأل و التانى هيجاوب
و بدأت تشرح تفاصيل اللعبه لحد م فهمو و بدأو لعب و الدور جه ع يارا و ساره و كانت يارا إلى هتسأل
يارا : ايه مواصفات فتى احلامك
ساره بتفكير و سرحان : اممم يكون اطول منى و قمور و متربى و عندو كرامه و عصبى بس معايا يكون طيب و حنين كده و يكون جسمه رياضى
كانت بتتخيل و هى باصه ع الحيطه و كلو باصصلها و فارس كان باصصلها بتعمق
ميريام : مش واخده بالك أن دى مش مواصفات ضياء خالص
فارس باستغراب : ضياء مين
ميريام بخبث : ده واحد هى مرتبطه بيه
فارس بصلهم بضيق و غيره ميعرفش سببهم بس سكت و ساره بصت ل ميريام بتبريقه خفيفه و سكتت و كملو لعب و لفت الأدوار لحد م جت ع فارس و ميريام إلى بصتلو بخبث
ميريام : مين حبيبه الطفوله
فارس رجع ب تفكيره ل روا و ابتسم ابتسامه خفيفه : كانت قريبتى ف البلد كنا مع بعض من و احنا صغيرين و كنت واعدها أننا لما نكبر هنتجوز انا و هى عشان كنا بنحب بعض بس حاليا انا مشيت م المنصوره ف مبقتش اقابلها غير ف الإجازات
ميريام بخبث : و لسه بتحبها
فارس بتفكير و تردد : مش عارف بس اكيد
ساره بدأت تحس بضيق و خنقه ف قامت فجاه و مسكت الشنطه و قالت : معلش انا عايزه اروح
فارس و ميريام باستغراب : فى ايه
ساره : مفيش معلش عايزه اروح
فارس و هو بيقوم : انتى كويسه طيب
ساره و هى بتمشى : ايوه
مشيت و هو خد فونو و راح وراها و هى كانت مستنياه برا ف وقف تاكسى و ركبو لحد الاوتيل
_______________________
ف الاوتيل
فارس بقلق : حاسه بتعب أو حاجه
ساره بضيق و صوت أشبه ب العالى : لا ممكن اطلع اوضتى
فارس باستغراب : اه اتفضلى
مشيت من قدامه بسرعه و هو استغرب إلى هى عملته
~~~~~~~~ ف اوضه ساره
دخلت و رمت الشنطه ع السرير و قعدت و استغربت هى ليه عملت كده و بتحاول تعرف هى اضايقت ليه لما جاب سيره حبيبته القديمه و أن هى بتحب ضياء مينفعش تفكر في حد غيرو
ساره بتعب : اووووف خلاص بقى كفايه تفكير
قالت كده و قامت غيرت لبسها و خدت دش و نامت و مسمعتش موبايلها و هو عمال يرن
_______________________
تانى يوم ف القاهره
ضياء : يا بنتى بقولك عمال ارن عليها مش بترد
_ طب هتعمل ايه اكيد اضايقت عشان كنت بتنزل استوريهات و صور و مش بترد عليها
ضياء : م هو اكيد عشان كده بس هعمل ايه مينفعش اسيبها
_ هقولك بص ….
_______________________
ف السخنه
ميريام بحزن : هنمشى بليل خلاص
يارا : مش عايزه امشى
فارس : استمتعت معاكو والله
يارا بهزار : انت بقيت م الشله خلاص مش كده ولا ايه يا جماعه
محمد و ميريام : ده كده كده
بصو كلهم ل ساره إلى قالت بعد تركيز : ايوه اكيد
قالت كده و ابتسمت بحزن و سكتت
قعدو يتغدو و بعد وقت كل واحد طلع اوضتو يلم هدومو
~~~~~~~~ عند ساره
كانت خلصت لم هدومها و قعدت ع التسريحه تظبط شعرها و لقت فونها بيرن و كان ضياء برضو
ساره بزهق : يارب انت مبتزهقش ده انت غتت
قالت كده و قفلت الفون و قلبتو ع وشو و قامت تلبس و شويه و لقت الباب بيخبط و لما فتحت لقت فارس
فارس : احم انا كنت نازل اتمشى ع البحر شويه قبل م نمشى ف قولت لو حابه تيجى معايا
ساره بابتسامه : اه انا كده كده كنت نازله يلا
خرجو و قفلو الباب و لسه هينزلو لقو يارا وراهم
يارا بمتعه : رايحين فيين
فارس : نازلين نتمشى ع البحر
يارا حبت ترخم عليهم ف قالت : هاجى معاكو
ساره بصتلها شويه و كانت عايزه تضربها عشان كانت عايزه تقضى وقت معاه قبل م يرجعو القاهره بس تفادت ده و قالت بابتسامه : تعالى
مشيو شويه لحد م خرجو م الاوتيل و لقو يارا وقفت
يارا بضحك : بهزر معاكو انا كنت بتمشى معاكو لبرا بس انا رايحه اشترى حاجه اصلا
ساره بضحك : ماشى يا ستى
ضحكو و يارا مشيت و هما كملو مشى
فارس : انتى مشيتى فجأه ليه امبارح
ساره بتوتر : مفيش حسيت انى دايخه شويه
فارس بقلق : طب مقولتيش ليه كنتى تقيسى ضغطك
ساره : لا م مكنتش دايخه اوى يعنى و محبتش اقلقكو
فارس : تقلقى ايه امال انا جاى هنا بعمل ايه م انا جاى عشان اخلى بالى منك زى م استاذ فؤاد طلب
ساره : يعنى انت بتعمل كل ده عشان استاذ فؤاد
فارس : ايوه امال عشان ايه ده شغلى
ساره : تمام
قالت كده و مشيت من قدامو و هو مشى وراها لحد م راحو قعدو قدام البحر
فارس : ثانيه و جاى
ساره بصتلو و لسه هتتكلم لقتو مشى .. فارس اول م قام راح لبتاع الايس كريم الى كان شايفو من ساعت م قعدو و طلب منو ايس كريم و جاب النكهة إلى هى بتحبها و هو مستنى لقى اتنين ولاد بيضايقو ساره ف راحلها بسرعه
فارس بعصبيه : فى حاجه منك ليه
_ وانت مالك احنا بنكلم الانسه
قال كده و هو بيبصلها بطريقه مش حلوه و ساره خافت و قامت وقفت ورا فارس إلى لما شاف نظره الولد ضربه ب البوكس و بدأو يضربو ف بعض لحد م الناس بعدت بينهم
ساره بخوف : انت كويس
فارس و هو بيمسح وشو : اه .. عملولك حاجه
ساره : لا
فارس : تعالى هجيب حاجه
خدها و راحو عند بتاع الايس كريم و اداهم الحاجه و ساره كل ده مستغربه
ساره : ايه ده
فارس : م انا كنت قايم اجيب الايس كريم ده اصل عجبنى طعمو اخر مره
ساره ابتسمت بفرحه و خدت الايس كريم و قعدو ياكلو مع بعض و كل شويه يتكلمو و بعدين يسكتو كتير
فارس : يلا عشان نقفل الشنط عشان ساعتين و هنمشى
ساره : تمام يلا
قامو و رجعو الاوتيل و كل واحد طلع اوضتو يقفلو الشنط
~~~~~~~~ ف اوضه ساره
ساره استغربت فرحتها دلوقتى و حزنها لما عرفت انو بيحب واحده بس بدأت تقنع نفسها أنهم صحاب عادى
ساره : ساره عادى احنا صحاب مفيش اى حاجه انتى مبسوطه عشان خرجتو قبل م ترجعو مش اكتر مفيش حاجه انتى بتحبى ضياء مش عشان مضايقه منو يعنى
قالت كده و لمت شنطتها و قفلتها و بعد شويه اتجمعو كلهم تحت
~~~~~~~~ تحت
اتجمعو كلهم و معاهم الشنط و كانو مستنيين الباص لحد م جه و ركبو و الباص اتحرك بس المرادى ساره كانت قاعده لوحدها و ميريام و يارا مع بعض و فارس و محمد مع بعض و فارس اول م محمد نام راح ل ساره و قعد جمبها و قعدو ساكتين لحد م هى نامت و نزلت راسها ع كتف فارس ف بصلها و ابتسم و سكت
_______________________
ف القاهره بعد يومين
عدى يومين ع رجوعهم م السفر و ساره بعد م رجعو مشافتش فارس ولا اتكلمت معاه لحد تانى يوم الصبح و هى رايحه الشغل عشان هو إلى بيوصلها
فارس و هو بيفتحلها بابا العربيه قال بابتسامه : صباح الخير
ساره : صباح النور
ركبت و هو ركب و فضلو ساكتين لحد م وصلو المصنع و ساره نزلت بس قبل م تدخل لقت حد مستنيها
_ ساره
ساره باستغراب : انت بتعمل ايه هنا !!؟
_ …
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الان اقول احبك)
2 تعليقات