رواية الان اقول احبك الفصل الثاني عشر 12 بقلم ندى سامي

رواية الان اقول احبك الجزء الثاني عشر

رواية الان اقول احبك البارت الثاني عشر

رواية الان اقول احبك الحلقة الثانية عشر

كانت تاليا قاعده ف الجنينه و هى مضايقه و فجأه حست بحد بيدخل الفيلا ف قامت بسرعه تشوف مين عشان المفروض كلهم ف البيت و لما راحت لقت حد بيطلع ع السلم ف راحت بسرعه و خدت عصايه وراحت ناحيته قعدت تضرب فيه و بعد شويه ضرب بعدت عنو و لسه هتروح تجيب الفون ترن ع البوليس لقت إلى ضربتو بيقوم بوجع
تاليا بصدمه : يا نهار ازرق .. ربنا يرحمنى
الياس بزعيق : انتى عبيطه إلى عملتيه ده
تاليا بخوف : مكنتش اقصد كنت فكراك حرامى
الياس : و هو الحرامى هيدخل ازاى ” كمل بوجع ” حسبى الله يا شيخه انتى جبتى العصايه دى منين
تاليا : م المطبخ
الياس قام و بصلها بعصبيه و قرب منها و هى بعدت بخوف و توتر ف كور ايدو جامد و مشى و هو متعصب
تاليا : يخربيتك يا اخى ايه النظره دى
دخلت اوضتها و قررت مش هتطلع تانى عشان كل م تطلع تعمل مشكله معاه
_______________________
تانى يوم الصبح
كانو كلهم قاعدين ع السفره و الياس نزل من فوق و هو لسه متعصب من بليل
ساره باستغراب : مالك يا حبيبى متعصب كده ليه و دراعك محمر كده ليه
الياس بصوت واطى : حسبى الله ف الى ف بالى
الياس : مفيش يا حبيبتى فى حد متخلف كده بس كان فاكرنى حرامى ف ضربنى
ساره : امتى ده و فين
الياس : امبارح .. متخافيش انا كويس
ساره : الحمدلله يا حبيبى
فارس : هى تاليا مش هتنزل
نيروز : روحت اشوفها بتقولى مش عايزه انزل ف قولت ل داده صفيه تطلعلها الاكل
فارس : هو حصل حاجه تانى ولا ايه
الياس ف سره : ياريت تفضل ف اوضتها ع طول
نيروز : مش عارفه بس هى قالت مش حابه تنزل
سكتو و خلصو فطار و الياس قام
الياس : انا رايح الجيم و بعدها هروح الشركه
ساره : ماشى يا حبيبى ربنا معاك
سلم عليهم و خد الشنطه و مشى
_______________________
ف الجيم
_ الياس هاى عامل ايه
الياس ببرود : الحمدلله
_ مش هتسالنى عامله ايه
الياس : واضح انك كويسه
_ ايه رأيك تتمرن معايا بدل م انت لوحدك
الياس : ميرنا ياريت تسيبينى ف حالى عشان مطلعش عصبيتى عليكى
ميرنا بدلع : قولى طيب متعصب من ايه
الياس باستفزاز : ملكيش دعوه و امشى من قدامى
ميرنا بصتلو شويه بغيظ و مشيت و هو كمل تمرين و خلص و مشى
_______________________
ف الفيلا ف اوضه تاليا
كانت قاعده و ماسكه صور مامتها و باباها و هى بتعيط
تاليا : وحشتونى اوى ربنا يرحمكو .. مكنتش متخيله انى هرجع مصر من غيركو
و هى قاعده الباب خبط و مسحت دموعها و قامت تفتح و كانت ساره
ساره : حبيبتى ممكن ادخل
تاليا : اه اكيد اتفضلى
ساره : مالك انتى كنتى بتعيطى !؟
تاليا : لا خالص .. حضرتك كنتى عايزانى ف حاجه
ساره : اه كنت جايه اقولك أن المفروض تبدأى تروحى الجامعه عشان لو غبتى اكتر من كده هيبقى فى رفد و الامتحانات قربت و مش هينفع نفضل نجيب المحاضرات كده … انا لو عليا مش هقولك حاجه و هسيبك براحتك بس حرام يا حبيبتى تضيعى السنه
تاليا بابتسامه : فهماكى يا طنط و اكيد ماما و بابا لو كانو موجودين كانو هيزعلو من إلى انا فيه و أنا مش المفروض افضل حابسه نفسى كده كتير و هما اكيد هيبقو زعلانين و هما شايفينى كده
ساره : شاطره يا حبيبتى .. بس بلاش طنط ونبى
تاليا بضحك : حاضر
ساره : يلا انزلى اقعدى معايا نيروز راحت الجامعه و فارس راح مشوار
تاليا : هى نيروز لسه ف جامعه
ساره : ايوه ف اخر سنه
تاليا : ربنا معاها
ساره : و معاكى يارب .. يلا تعالى نقعد مع بعض تحت و نتفرج ع التليفزيون
نزلت معاها و قعدو تحت و فضلو يتفرجو ع التليفزيون لحد م فارس رجع و قعد معاهم و قعدو يتكلمو و يضحكو لدرجه ان تاليا نسيت أنها زعلانه
_______________________
تانى يوم الصبح
كلهم صحيو و نزلو يفطرو مع بعض حتى تاليا
فارس : الياس وصل نيروز و تاليا انهارده عشان السواق خد اجازه والدتو تعبانه
الياس : حاضر
فارس لتاليا و نيروز : انتو الاتنين ف جامعه القاهره ف هتروحو مع بعض كل مره .. وانتى يا تاليا حاولى تكونى صحاب عشان انتو مش نفس التخصص ف مش هتعرفو تبقو مع بعض
تاليا بابتسامه : حاضر يا عمو
ابتسم و كملو اكل و خلصو و كلهم مشيو
_______________________
ف الجامعه
الياس و صلهم و كل واحده دخلت الكليه بتاعتها
~~~~~~~~ عند تاليا
دخلت الجامعه و هى عماله تبص حواليها و كان كل الى ف الجامعه بيبصولها عشان كانت لابسه شورت و تيشرت بنص و هى بدأت تتوتر من نظراتهم لحد م واحده قربت منها
_ هاى انا اميره وانتى
تاليا بابتسامه : هاى انا تاليا
اميره : هو انتى مش من هنا صح
تاليا باستغراب : مش فاهمه
اميره : يعنى لبسك و كده
تاليا باحراج : اه هو انا مكنتش ف مصر طول عمرى
اميره : كنتى فين بقى
تاليا : امريكا .. بابا الله يرحمه كان عندو شغل هناك
اميره : الله يرحمو .. انتى ف سنه كام
تاليا كانت لسه هترد جه ولد شكلو سرسجى و وقف جمب اميره
_ ايه يا ميرو مش تعرفينا ع القمر
تاليا بصتلو بقرف و قالت : انا ماشيه اشوفك بعدين
قالت كده و مشيت و الولد بصلها بإعجاب و بعدين بص ل اميره
اميره : اتلم شويه و بطل الى انت فيه ده
_ مش مهم دلوقتى المهم قالتلك مش من مصر صح
اميره : كانت عايشه ف أمريكا
_ جامد اوى ده
اميره بشك : انت عايز ايه انت قولتى اتعرف عليها ليه
_ هتعرفى بعدين سلام انتى دلوقتى
قال كده و مشى و اميره بصتلو بشك و مشيت
_______________________
ف الشركه بليل
مراد : بقولك ايه انا رايح اتعشى مع الشباب بتوع الجامعه م تيجى معايا
الياس : مين إلى جاى
مراد : فتحى و محمد و فاروق و ساندى و شمس
الياس : انت عارف انى مش بطيق ساندى
مراد : وحياتك ولا انا بس الشباب وحشونى بقالى كتير مشوفتهمش
الياس : وانا والله كانو حوار لما كنا ف جامعه
مراد بضحك : مكانوش بيبطلو مصايب
الياس : بقولك ايه هاجى معاك العيال وحشونى
مشى هو و مراد و راحو للشباب
_______________________
عند الشباب
دخل مراد و الياس و الشباب اول م شافوهم قامو يسلمو عليهم و هما بيضحكو
ساندى بدلع : اليااس عاش من شافك وحشتنى عامل ايه
الياس ببرود : الحمدلله
قال كده و سلم ع الباقى و قعد و مراد كان ماسك الضحك و قعد هو كمان و قعدت جمبو شمس
شمس بهدوء : عامل ايه
مراد : الحمدلله وانتى
شمس : انا تمام الحمدلله .. عمو زهران و طنط عاملين ايه
مراد : كويسين الحمدلله انتى باباكى و مامتك عاملين ايه
شمس بابتسامه : الحمدلله بيسلمو عليك
” شمس صاحبه مراد من و هما ف اعدادى و اهلهم صحاب ”
قعدو يتكلمو كلهم شويه و اتعشو مع بعض و هما مبسوطين و الياس كان مخنوق من ساندى بس مبينش اوى لحد م مشيو
_______________________
ف الفيلا
نيروز : بقولك ايه م تيجى نلعب
تاليا باستغراب : نلعب !! نلعب ايه
نيروز : خلاويص
تاليا : مش فاهمه !؟
نيروز : اه صح نسيت انك متعرفيش الحاجات دى طب بصى هقولك هى ….
قعدت فهمتها اللعبه كلها و هى طلعت عارفاها بس متعرفش اسمها بس مكانتش موافقه ف الاول و بعدين نيروز قعدت تقنعها لحد م وافقت و قعدو يلعبو و جه دور تاليا و كانت عماله تلف تدور ع نيروز و وهى بتمشى خبطت ف حد و مسكت فيه
تاليا بضحك : مسكتتك و بتقوليلى مش هتعرفى تمسكينى
نيروز ساعتها خرجت باستغراب عشان هى مش مسكاها اصلا و لما شافت هى ماسكه مين فضلت تضحك ف صمت
تاليا باستغراب : نيروز هو انتى لبستى كده امتى
قالت كده و شالت الشريط الى كان ع عينها لقت الياس واقف باصللها و باين عليه العصبيه
الياس بعصبيه : اتمنى بعد كده لما اجى م الشغل تكونى نايمه
قال كده و طلع و هى فضلت واقفه مستغربه و لما جمعت إلى قاله كانت هتطلع اوضتها بس نيروز وقفتها
نيروز : فكك منو و متزعليش من كلامو هو كده ع طول عشان مش بيحب البنات اصلا بس صدقينى هياخد عليكى بعد كده .. تعالى احنا نكمل لعب و سيبك منو
تاليا ابتسمت بحزن و كانت بتفكر ليه بيعمل كده و هو اصلا ميعرفهاش ولا اتعامل معاها ليه مش بيطيقها كده و قاطع تفكيرها نيروز و هى بتشدها يكملو لعب
~~~~~~~~ ف اوضه الياس
الياس دخل و قلع الجاكيت و رماه ع السرير
الياس : مكنش ناقصنى غيرك انا
راح يجيب لبس من غرفه الملابس شاف بوكس ع الأرض و برغم انو عارف إلى فيه جابو و فتحو يشوفو و كانت صور ليه هو حبيبتو القديمه
الياس بحزن : كنتى احسن ممثله بجد و انا زى الاهبل صدقت و حبيتك
قال كده و فضل يبص ف باقى الصور و بعدين رجعهم مكانهم و قام ياخد دش
_______________________
بعد مرور شهر
عدى شهر و تاليا كانت بتروح الجامعه يوم اه و يوم لا و بدأت تنسى حزنها مع الوقت بسبب المذاكره و بسبب نيروز و ساره إلى بيحاولو يخرجوها م المود و طبعا الياس كل ده كان بيتجاهل وجودها و لما كانت بتحاول تكلمه مكنش بيرد عليها و كان بيسيبها و يمشى و هى مش فاهمه بيعمل كده ليه و نيروز مبتعملش حاجه غير انها بتروح الجامعه و تخرج مع صحابها و خدت تاليا معاها مره
_______________________
ف الفيلا
الساعه 1PM
كانت ساره ف المطبخ مع صفيه بتعمل الاكل لقت فارس جه وراها و حاوطها من وسطها
فارس بابتسامه : ريحه الاكل حلوه اوى
ساره : عملالك الاكل الى انت بتحبو
قرب منها و باس خدها و قال : تسلم ايدك يا حياتى
ساره بخجل : اهدى داده صفيه واقفه
فارس بضحك : مش مركزه معانا
ساره ضحكت و كملت إلى كانت بتعمله
فارس : تعالى عايزك ف موضوع
ساره : موضوع ايه
فارس و هو بيشدها : تعالى بس .. عن اذنك يا داده صفيه هخطفها منك ثانيه
صفيه بضحك : براحتك يا ابنى
~~~~~~~~ ف الاوضه
فارس : كنت عايز اقولك حاجه بخصوص تاليا
ساره : على لبسها !؟
فارس : ده كده كده كنت هكلمها فيه بس مش مباشر عشان حتى لو احنا ملناش الحق ف أننا نكلمها ع ده و هى كمان عايشه طول عمرها برا ف شايفه أن ده عادى مع أن المفروض كانت احلام الله يرحمها تفهمها بس مش مشكله هى مع الوقت هنا هتلاقى أن محدش بيلبس كده و هتتحرج تطلع باللبس ده
ساره : طب فى ايه خوفتنى
فارس : انا قررت ه…..
ساره بصدمه : بتهزررر !!!
_______________________