رواية الان اقول احبك الفصل الثالث عشر 13 بقلم ندى سامي

رواية الان اقول احبك الجزء الثالث عشر

رواية الان اقول احبك البارت الثالث عشر

رواية الان اقول احبك الحلقة الثالثة عشر

فارس : انا قررت هجوز تاليا ل الياس
ساره بصدمه : بتهزررر !!!
فارس بجديه : لا .. تاليا مينفعش تفضل هنا و الياس ف البيت لازم يبقى محرم حتى لو احنا عارفين اخلاق ابننا و كمان عشان هى مينفعش تفضل قاعده قدامه كده كتير و قدامى كمان و هى الفتره دى بقت تنزل كتير
ساره : عندك حق بس هنقنع الياس ازاى انت عارف انو مستحيل يوافق
فارس : انا مش بخيره دى حاجه هتتعمل كده كده
ساره : انا خايفه يوافق و يعملها حاجه بعدين
فارس : مش هيعرف يعمل حاجه طول م هما قدام عينا و كمان الياس بيعرف يتحكم في عصبيته كويس و احنا مربينو ع انو ميمدش ايدو ع ست أو يقل ادبو صح ولا لا
ساره بثقه : صح
فارس بحب : يلا روحى كملى الأكل و انا هروح المكتب اشوف ورق الشغل الجديد
ساره بابتسامه : ماشى يا حبيبى
قامو هما الاتنين ساره راحت المطبخ و فارس راح اوضه المكتب
_______________________
ف كافيه
كانت نيروز قاعده مع صحبتها ف الكافيه و قاعدين بيضحكو و يهزرو لقو شباب جايين عليهم
_ م تضحكونا معاكو يا قمرات
مردوش عليه ف لقوه بيشد الكرسى و يقعد
نيروز بانفعال : انت عبيط يا اخ انت
الولد بوقاحه : القطه طلعلها لسان .. بس مش مشكله اهم حاجه انك قمر
نيروز : تصدق انك بنى ادم زباله و مش متربى
الواد قام و كان عمال يبجح و صاحبة نيروز قامت تتخانق معاها و لحسن حظهم كان مراد ف نفس المكان و قام راحلهم و ضرب الواد لحد م مدير الكافيه جه و طرد الولد
مراد : انتو تمام !؟
نيروز و صاحبتها : اه الحمدلله
نيروز : شكرا ليك
مراد : العفو ده واجبى انتى اخت الياس يبقى اختى برضو
نيروز ابتسمت بضيق و حست انها اضايقت بس سكتت و هو سابهم و مشى و نيروز و صاحبتها مشيو هما كمان م الكافيه
~~~~~~~~ عند مراد
مراد رجع و قعد لقى إلى معاه باصص مكان م نيروز و صاحبتها مشيو
_ مين القمرات
مراد بعصبيه : اتلم يا منتصر و اتكتم خلينا نكمل شغل
منتصر و هو بيضحك : خلاص يا عم عروقك هتفرقع
مراد بصله بعصبيه و سكت و فتح اللاب يكمل شغل
_______________________
ف الفيلا بليل
كانت نيروز رجعت من برا بقالها فتره هى و تاليا و الياس كان لسه راجع و اول م وصل طلع اوضتو غير و نزل ل ساره ف المطبخ
~~~~~~~~ ف المطبخ
الياس بتلذذ : شامم ريحه اكل خطير
ساره بضحك : همك ع بطنك ع طول
الياس : يعنى هو فى حد يقاوم أكلك يا عسل انت
ساره : مش عملاه لوحدى يا بكاش
الياس ل صفيه : تسلم ايدك يا داده
صفيه بابتسامه : بالهنا و الشفا
الياس : الاكل قدامو قد ايه انا جاى جعان
ساره : خلاص بيتسخن اهو .. مكلتش حاجه ف الشغل
الياس بحزن مصتنع : بيستخسرو فيا الاكل يا امى
ساره بضحك : نفسى اعرف شخصيتك دى بتختفى فين قدام الناس
الياس ضحك جامد و قعد يتكلم معاها لحد م دخلت تاليا
تاليا بضحك من غير م تشوف الياس : عمو فارس جعان و بيقولك عايز الاكل
الياس بصلها ببرود و ابتسامته اختفت و ساره بصتلها و ضحكت
ساره بضحك : عيله كل همها الاكل مفاجيع والله
تاليا ضحكت و بعدين خدت بالها من الياس ف سكتت
الياس لساره : انا مستنى برا ها
ساره : ماشى يا حبيبى
الياس مشى ف ساره قربت من تاليا
ساره : تاليا حبيبتى ممكن اقولك حاجه بس متفهمنيش غلط
تاليا : اه طبعا قولى
ساره : معلش حاولى تلبسى لبس اطول من كده عشان زى م انتى عارفه مينفعش تقعدى قدام الياس كده
تاليا كانت لابس بجامه بشورت
تاليا باحراج : اه اكيد انا بس كنت فاكره انو عادى
ساره : هى احلام مكلمتكيش ف كده
تاليا : لا
ساره استغربت بس محبتش تبين ف قالت : طب يا حبيبتى انتى مسلمه صح
تاليا : ايوه طبعا
ساره : طب م ف الاسلام حرام البنت تلبس كده و المفروض تتحجب عشان الحجاب ده فرض علينا .. انا مش بقولك اتحجبى بس حاولى تطولى من لبسك شويه
تاليا بابتسامه : حاضر
ساره : يلا روحى غيرى ع بال م نحط الاكل
تاليا مشيت و ساره قعدت تكمل الاكل
~~~~~~~~ ف اوضه تاليا
كانت قالبه الدولاب و بتدور ع لبس تانى عشان هى اغلب لبسها ب النظام ده لحد م لقت بجامه تانيه طويله و واسعه ف لبستها و نزلت
~~~~~~~~ تحت
الياس و فارس : اخيرا
فارس : سنتين عشان ناكل
ساره بضحك : الاكل اتحط اهو انا مرضتش اتأخر اكتر من كده لتاكلونى
فارس بغمز و صوت واطى : بالنسبالى احسن م الاكل
ساره بصتله و برقت بصدمه بس مقدرتش تمسك ضحكتها و ضحكت و فارس ضحك معاها و ف الوقت ده كانت تاليا نزلت ف ساره بصتلها و بصت ل فارس و ابتسمت و قعدو كلهم ياكلو
فارس : الياس عايزك بعد الاكل ف اوضه المكتب
الياس : حاضر
~~~~~~~~ ف اوضه المكتب
كانو كلهم خلصو اكل و فارس دخل قبل الياس و بعد شويه الياس خبط و دخل
الياس : خير يا بابا فى ايه
فارس : كنت عايزك ف موضوع بس من غير م تقاطعنى
الياس : تمام قول
فارس : كتب كتابك انت و تاليا بكره بليل و قبل م تقول حاجه تاليا مينفعش تفضل هنا و انت موجود عادى حتى لو انا ضامن اخلاقك مينفعش تفضل كده و كمان مشكله لبسها و دى حاجه هنحلها بس حاليا مينفعش تفضل عايشه معانا كده و لازم يبقى فى محرم و خصوصا انها الفتره دى بقت تطلع كتير
الياس و هو ماسك اعصابو : حضرتك خلصت
فارس : ايوه
الياس بعصبيه : طب وانا مالى بكل ده هو انا إلى جبتها قولتلها تعيش معانا انا ليه اتدبس معاها يعنى مش فاهم م تروح تقعد ف اى حته يعنى هى ملهاش قرايب تانين
فارس بحده : انا قولت إلى عندى انا مش باخد رأيك انا بقولك إلى هيحصل و فهمتك ليه .. المأذون جاى بكره بليل هو و عمها متجيش تقول ورايا شغل سامع
قال كده و مشى و سابو و الياس خبط ف الحيطه جامد لدرجه ان ايدو جابت دم
الياس بعصبيه : ماشى يا تاليا يا انا يا انتى ابقى قابلينى لو عيشتى يوم حلو بعد كتب الكتاب
قال كلامو و مشى و هو متعصب و خرج م البيت و ساره خافت عليه و خاصتا لما شافت ايدو
ساره بخوف لفارس : فارس الياس ايه إلى حصلو
فارس : يعنى مش عارفه ابنك طبيعى لما قولتلو كده اتعصب و لما خرجت تلاقيه ضرب اى حاجه عشان يطلع عصبيتو
ساره بقلق : انت ازاى مطمن كده
فارس : يا حبيبتى هى مش اول مره يعنى هدى اعصابك انتى .. المهم صحيح قولتى ل تاليا
ساره بصت ل تاليا إلى كانت بتتفرج ع التليفزيون هى و نيروز و بعدين بصت ل فارس و قالت : لا لسه بس تفتكر هتوافق
فارس : اه أن شاء الله انا عارف انها عاقله و هتفهم بسرعه
ساره : تاليا حبيبتى ممكن تيجى معايا ثوانى
تاليا و هى بتقوم : اه اكيد
قامو هما الاتنين و طلعو اوضه تاليا
~~~~~~~~ ف الاوضه
ساره : كنت عايزه اتكلم معاكى ف موضوع يا حبيبتى
تاليا : قولى سمعاكى
ساره قالتلها ع الموضوع و تاليا كانت مصدومه م إلى هى بتقوله بس بدأت تجمع كلامها و شافت أنها صح
تاليا : بس هو اصلا مش بيطيقنى
ساره : مع الوقت هتلاقيه غير صدقينى و انتى قمر ماشاء الله و تدخلى القلب بسرعه
تاليا بابتسامه : حبيبتى
ساره : ها موافقه
تاليا بتردد : إلى تشوفوه
ساره : شاطره يا حبيبتى كنت عارفه انك عاقله و هتفهمينا
تاليا ابتسمت بتردد و ساره قعدت معاها شويه و نزلت و تاليا قعدت تفكر و عرفت أن الياس كان خارج متعصب عشان كده
تاليا : يعنى هو مش طايقك و خرج متعصب و معور نفسو بسببك و انتى رايحه توافقى .. م كنت روحت قعدت ف اى اوتيل بدل المشاكل دى
قعدت تفكر لحد م تعبت و قالت مش هتفكر تانى و راحت تذاكر
_______________________
عند بيت مراد
كان الياس واقف عمال يخبط و يرن الجرس لحد م مراد خرجلو
مراد : فى ايه يا ابنى مالك
الياس زقو و دخل قعد ع الكنبه بضيق و مراد قفل الباب و دخل وراه
مراد : فى ايه حصل ايه تانى
الياس : بقولك ايه اختك هنا
مراد : لا ف بيتها م جوزها رجع
الياس : طب انا هبات معاك انهارده
مراد بشك : حصل ايه تانى يا الياس
الياس حكالو كل حاجه حصلت و إلى فارس قالو عليه
مراد : بجد طب مبروك يا عم اخيرا هتتجوز
الياس : مراد متعصبنيش اكتر بقولك مش بطيقها و كمان لبسها ده حوار لوحدو مش فاهم بتلبس كده ازاى
مراد : مش بتقول كانت عايشه ف أمريكا
الياس : و اهى جت مصر احنا هنا ف مصر مش امريكا
مراد : طب يا عم هو جواز ع الورق يعنى فكك ده عشان الحرمانيه بس
الياس : بقولك ايه انا داخل انام
_______________________
تانى يوم بليل
الياس رجع البيت هو و مراد و لقى فارس جايبلو بدله و حاطتها ع سريرو ف لبسها بضيق و نزل و كان المأذون جه ف نزل قعد تحت و جمبو فارس و مراد و عم تاليا كان قاعد الناحيه التانيه
الياس ف سرو : يعنى م عمها موجود اهو م تقعد عندو ده ايه ده
المأذون : فين العروسه يا استاذ فارس
بص ناحيه السلم لقى تاليا نازله هى و ساره و نيروز
فارس بابتسامه : اهى جت
الياس بصلو و بعدين بص ناحيه م بيبص و اتصدم من ….