رواية عافك الخاطر الفصل السابع 7 بقلم رويدا القاضي

رواية عافك الخاطر الجزء السابع

رواية عافك الخاطر البارت السابع

رواية عافك الخاطر الحلقة السابعة

توضيح لبعض الأحداث طبعا عياط لطيفة للي سمعوه كان لما عرفت انهم طلعوا السحر واكتشفوا مكانه وهنيا عرفت انه جزء كبير من الدمار للي سبباته لسفلها ومرته راح ….
بعد أسبوع من من جيه محسن لحوش عمه …..
أنس: اهلا ياشيخ محسن …
محسن: شن شكلك وصلت البلاد ياغالي الحمدلله ع سلامتك…
أنس: ايه الحمدلله وصلت ومسافة الطريق ونكون عندك انجئ نلقاك جاهز ….
محسن: وين بترفعني…
أنس:لحوشي في ….. اكيد مش رح نقعد مع امك وحتى انت بناخدك معايا….ياسرك ماتحملت وعانيت….
محسن: تمام …
الفترة للي من وقت الحادث كنت كل يوم ندعي ربي يغفرلي ويرحمني ع الذنب للي درته او بالاصح
الكارثة للي درتها …. وقررت انه نكفر ع ذنبي بجديات مش كلام وخلاص….
قيس:معقولة في الناس بالحقد هذا والسم اهو كله.
كريمة: واكثر …بهلبا لطيفة هاذي نتوقع منها كل شئ..
قيس: باهي علاش شن السبب للي خلاها هكي…
كريمة: سبب تافه جدا لطيفه بعد موت جدي وجدتي كانت تعتبر في روحها مسؤولة عن بوي
وتعامل فيه زي ولدها لما تزوجها عمي الله يرحمه كان عمر بوي 12 سنه وقت جاء الوقتللي بيتزوج فيه قررت تعيش دور الام وتختارله الزوجة
المناسبة في نضرها هيا….
قيس: وشن كان رد بوك …
كريمة: طبعا رفض واختار هوا الانسانة للي اختارها قلبه….
قيس:توا فهمت سبب الكره للي هيا فيه ….
أسماء: قداش عجبتني مسرة بنت عمتي لطيفة والحق خاطري الغبي للي عندنا يطلق الهم هاذي
وياخد وحدة نازكة زي مسرة…
صالحة:شن بنديروا باهي نصيبات المهم هو متفاهم معاها يدبر راسه.
أسماء: نبي نفهم كيف لحست ذماغه هكي وخلاته يصدق انه للي صار ظلم ….
صالحة: يدبر راسه معاها.
أسماء:لكن حسيت في عمتي لطيفة في ذماغها شئ بكثرة المشي والجي…اهو
صالحة: حتى انا لكن مازال مافهمتش ….
وصل أنس لحوشهم وكانت جيته صاعقة بالنسبة لأمه واخته ….
أنس: السلام عليكم…
لطيفة: شن جابك اما ريح قبلي حذفاتك علينا ..
أنس: لاريح ولا اعصار ماتخافيش مش رح نعطلك ع اسحارك ومواضيعك للي تحتاج طقوس خاصة…
مسرة: كيف تكلم ماما هكي احترم نفسك..
أنس:من للي تتكلم الطفلة المدللة ….
محسن: انا جاهز هيا كان بنطلعوا…
لطيفة: وين بتمشي بدون علمي مافيش طلوع من الحوش.
أنس: ومن بيمنعه انه يطلع هو حر نفسه…
محسن: شنتبي تسحريني والله ياريت معاش عندي رغبه في الحياة كلها….
طلع أنس ومعاه ومحسن وطول لحوش فتحي للي كان يستنى في الشاري ولكن ماعنداش خلفية
هو من ….كل للي يعرفه انه من طرف محسن وبس….
عائشة: أنس مستحيل الحمدلله ع سلامتك امتا روحت …
أنس: عرفتيني يامرت عمي حتى بعد السنين هاذي كلها مازال تزبطي ملامحي…
عائشة: بإبتسامة مخلطة بالحزن نعرفك من الندبة للي مازال أثرها في حاجبك لما ضرباتك
عليه كوثر الله يرحمها….
أنس: البقية في حياتك … والله عارف كلام الدنيا مش رح يواسيك …لكن كل انسان وربي كيف كاتبله يموت وع يد من ….
محسن: نزلت راسي …
خش أنس ومحسن لحوش عمهم وتفاهموا
ع كل الإجراءات للي تخص البيع والشراء….
فتحي: بارك الله فيك ياأنس ولدي ماخليتش غريب يسكن حوشي لولا للي لقيته والله مانبيعه …
أنس: واعتبره مازال حوشك غير ع الورق تغير..
عائشة: لاحوشه لا شئ ماشفنا فيه غير الايام السوداء …
انس: توا نستأذن انا ومحسن وغدوا مر عليا خود الفوس وتبي نشوفلك حوش في مكان كويس نشوفلك….
فتحي: والله ياريت تعرف مانفهمش فيها الامور متع العقارات …
انس : خلاص تم اعتبره صار…. وسلمولي بالله ع كريمه…
عائشة: يوصل ياولدي…
محسن:فوتني ع الجامع شوية أنس قبل مانطلعوا..
أنس:شن عندك فيه الصلاة مازال وقتهاااا
محسن: نعرف ارفعني بس وتوا تفهم علاش نبي الجامع …
وصل محسن للجامع ولقى القيم ع الجامع يستنى فيه وقله انت واثق من الشئ للي تبي
اديره راك تقول كلام بدون ماتعرف عواقبه….
محسن: نعرف وانا مستعد لأي شئ المهم نريح ضميري ونبري ذمتي امام الله ….
انس: انا واقف برا نستنى فيه ماحبيتش نتطفل ع خصوصياته ….لين سمعت صوت المكبر متع
الجامع فتح …وهنيا كانت الصدمة …
انا محسن ولد…. نبي نعترف بغلط درته من شهور فاتوا يشهد الله انه مرتي كوثر بنت فتحي مظلومة
وبرئية براءة الذئب من دم يوسف وانا اتهمتاها زور وبهتان وقتلتها ظلم لانه كنت واخد مخدر وغائب ع الوعي….
القيم ع الجامع: ربي يغفرلك ذنبك …
عائشة: بعد ماسمعته من كثر حرقتي ع بنتي ع كثر فرحتي انه ربي سخر محسن باش يقول الحق نبكي ونزعرت … الحمدلله يارب يما قعدت في الحوش لانه كرهت نضرات الناس ليا وهما يتهموا في بنتي ظلم وبهتان…
فتحي: وهو يبكي الحمدلله{وَيُحِقُّ اللَّهُ الْحَقَّ بِكَلِمَاتِهِ وَلَوْ كَرِهَ الْمُجْرِمُونَ (82} سورة يونس
أنس:فاهم شن بيصر فيك توا لا.لا..
محسن: بنمشي معاك لحوشك بندوش ونشطب اموري وبنمشي نسلم نفسي لشرطة …
انس: انا رجعت ياخوي وانت بتسيبني…
محسن: نبي نطلب منك طلب توا عارف وضعي الصحي نبي مستلزماتي توصلني في الحبس لعند اتجئ لحظة اعدامي ونبي دخلي مصحف وكتب الاحاديت النبوية واي كتب تشرح وتبسط
وفيها تفسير للأيات…
انس: بدون ماتوصي للي تحتاجه رح يوصلك وربي يغفرلك ماتحملش نفسك اكبر من للي تتحمله….
محسن: ناسي شكلك …{: مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ…}
سورة الحجرات…
ثاني يوم سلم محسن نفسه لكن قرر يبعد التهمه ع امه كل البعد وحط الجريمة في رأسه…
لطيفة: اولادي ضاعوا مني لكن مش رح نرتاح لين كريمة تلحق بنتها كوثر…
مسرة: تتوقعي يطلع منها هذا كله …
لطيفة: ماتعرفش انها فتحت ع نفسها ابواب جهنم ….
مسرة: لازم نستعجلوا معاش فيه وقت…
فتحي: محسن وين ماشفتاش معاك والا رجع لحوشكم…
انس: سامحه ياعمي نترجاك محسن ندم وسلم نفسه للشرطه.
عائشة: لما أنس قال حسيت فعلا انه محسن تغير والدليل الفعل للي صدر منه مستحيل يصدر من انسان كذاب ولا ينافق ….
كريمة: هيا نبي نمشي لحوش اهلي الجديد باش نشوفه …
قيس: جهزي روحك نمشوا ناخدولهم هدية قبل …
كريمة : ع طول ثواني وتلاقاني جاهزة…
قيس: عاد شن تعودتي ديما جنبي ع اليمين 🤣🤣.
كريمة: اكيد مانقدرش نخليك بروحك نخاف عليك.
عائشة: والله ماك مروح جايه كريمة وراجلها اقعد تعشى معانا…
انس: لالا مانبيش نتعبكم…
فتحي: تعب شن بنطيبوا بيك ولا بالك …
عائشة: ولا مامليتش من ماكلة المقاهي….
انس: لالا ، لكن مش خاطري في شئ وانا مش غريب عليكم امتا عندي نيه في حاجة رح تلقوني عندكم … راني ولدكم وانتم اي حاجة تحتاجوها انا موجود ورقبتي سداداة….
وهو طالع تلاقى مع قيس وكريمة في الباب ..
كريمة: كذبة مستحيلة أنس ولد عمي حي ع جو كبرت….وتغيرت…
أنس:ههههه وانتي مازال شبر ونص ولسانك طويل…اه نسيت ودرتي كرشه ….
قيس:تضايق من كلام انس مع مرته انا قيس راجل كريمه..
كريمه: بنضرة استغراب من طريقة كلام قيس مع انس…
أنس:تشرفت بمعرفتك ورد بالك ع الشبر ونص …
قيس: مش محتاج توصي ع مرتي..
كريمة: وين ماشي توا…
انس: مروح
كريمة: والله ماصارت لما تخش تتعشى معانا..
قيس:قريب يموت من كلام كريمه …
انس: تمام اهو بنرجع معاكم …
طبعا أنس رح يلعب دور كبير في الرواية ومحسن مش الحبس نهاية قصته ولا لطيفة
رح تبطل مكائد ……