رواية الان اقول احبك الفصل الرابع 4 بقلم ندى سامي
رواية الان اقول احبك الجزء الرابع
رواية الان اقول احبك البارت الرابع
رواية الان اقول احبك الحلقة الرابعة
عدى يومين ع رجوعهم م السفر و ساره بعد م رجعو مشافتش فارس ولا اتكلمت معاه لحد تانى يوم الصبح و هى رايحه الشغل عشان هو إلى بيوصلها
فارس و هو بيفتحلها بابا العربيه قال بابتسامه : صباح الخير
ساره : صباح النور
ركبت و هو ركب و فضلو ساكتين لحد م وصلو المصنع و ساره نزلت بس قبل م تدخل لقت حد مستنيها
ضياء : ساره
ساره باستغراب : انت بتعمل ايه هنا !!؟
ضياء بقلق مزيف : انتى كويسه .. كنتى فين قلقتينى عليكى و كنت بدور عليكى ف كل حته و ف شغلك قالو انك مش ف القاهره
ساره : ايوه كنت ف السخنه مع صحابى
ضياء : طب مقولتيش ليه و مش بتردى عليا ليه
ساره بعتاب : هو مش انت برضو عملت نفس الكلام جيت ارن عليك كذا مره مش بترد و ف الآخر اكتشف انك مع صحابك و مطنشنى
ضياء بكدب : يا حبيبتى مين قال كده انا اقدر اطنشك برضو ده انتى الحب انا بس مخدتش بالى م الفون و لما خدت بالى رنيت عليكى كتير
ساره بزعل طفولى : لا برضو صالحنى
ضياء : طب ايه رأيك اعزمك ع العشا بليل
ساره بتثيل التفكير : هشوف و اقولك بعد الشغل
ضياء : ماشى يا حبيبتى وانا مستنيكى
قال كده و مشى و هو مكشر و ساره ابتسمت بفرحه و دخلت المصنع تبدأ شغل
_______________________
ف مكان تانى
_ ها عملت ايه
ضياء : عزمتها ع العشا
_ انت بتهزر
ضياء : يعنى اقولها ع إلى احنا عايزينو ازاى يعنى مش فاهمك
_ انت عارف انى مش بحبك تقعد معاها
ضياء : يا بنتى انتى الى ف القلب و بعدين م انتى عارفه بعمل كده ليه
ابتسمت إلى معاه و قالت : بتثبتنى بس ماشى هسامحك عشان اتثبت بس
ضحكو هما الاتنين و بعدين بصو لبعض بخبث
_______________________
ف المصنع
رقيه بفرحه : ساره اخيرا رجعتى حمدالله ع السلامه
ساره حضنتها بفرحه و قالت : وحشتينى اوى .. الرحله كانت نقصاكى بجد لولا بس أن مامتك كانت تعبانه مكنتش سيبتك
رقيه : وانتى اوى و متقلقيش أن شاء الله تتعوض
ساره ابتسمت بفرحه بس مبالغ فيها ف رقيه بصتلها بشك
رقيه : مالك مبسوطه اوى كده ليه
ساره حكتلها ع إلى حصل مع ضياء ف رقيه كشرت
رقيه بخوف عليها : ساره خلى بالك عشان انا مش مرتحالو
ساره : لا يا بنتى ده ضياء طيب اوى و بيخاف عليا و بيخاف ع زعلى عشان كده اصلا عزمنى ع العشا
رقيه لسه هتتكلم قاطعها المدير : مش هنقضى اليوم كلو رغى و انتى يا ساره كفايه الايام إلى خدتيها اجازه روحى شوفى شغلك
ساره : ممكن تبطل تزعقلى
المدير بغضب : هتعملى ايه يعنى
ساره : مش من حقك تزعقلى حتى لو انا بشتغل عندك
المدير : اظن انا حر و المصنع مصنعى و انا إلى هبقى مهتم ب الشغل اكتر و لازم لما اشوف حد مش مهتم ازعقلو و مش بعيد ارفدو كمان
قال كده و مشى و هى اتعصبت جامد و راحت تشتغل
_______________________
بليل بعد الشغل
خلصت ساره الشغل و خرجت لقت فارس مستنيها
ساره بحماس : سوق بسرعه ونبى عشان عندى معاد عشا مع حد بحبو اوى و مش عايزه اتأخر
فارس : حاضر يا فندم
ساره استغربت انو رجع يتكلم رسمى بس معلقتش من كتر م هى متحمسه تقابل ضياء و بعد وقت وصلو الفيلا و هى طلعت خدت دش و لبست و نزلت و فارس وصلها
_______________________
ف المطعم
ساره راحت ل ضياء و قعدت معاه و طلبو اكل
ضياء بحزن مزيف : انا مش مرتاح طول م انتى زعلانه منى يا ساره هتفضلى مضايقه منى لحد امتى
ساره بابتسامه : مش مضايقه منك خلاص
ضياء : بجد يا حبيبتى الحمدلله
ساره ابتسمت بفرحه و بعد شويه الجارسون جه و حط الاكل و خلصو اكل و طلبو حاجه يشربوها و كانت بتحكيله ع إلى حصل ف الشغل
ضياء : حبيبتى كنت عايز اتكلم معاكى ف فكره حلوه اوى جت ف دماغى
ساره : ايه هى
ضياء : ايه رأيك نعمل انا و انتى مشروع
ساره بحماس : مشروع ايه
ضياء : نفتح مصنع ادويه و اهو بدل م انتى تبقى شغاله ف المصنع و ع طول بتتخانقى مع المدير تبقى صاحبه مصنع
ساره : الله حلو اوى ده
ضياء : هو بس هيبقى محتاج مبلغ كبير شويه
ساره : قد ايه مثلا
ضياء : مش اقل من 10 مليون
ساره بدهشه : اييه انا هجيب كل الفلوس دى منين
ضياء بخبث : من باباكى و كمان انا هدفع زيهم
ساره بحيره : امم ماشى انا هقول ل بابا و اقولك و نبدأ ف المشروع
ضياء : حبيبى إلى بيفكر صح
ساره ابتسمت بحب و الجارسون جه و نزل المشروبات
ساره : انا همشى بقى عشان متأخرش
ضياء : ماشى يا حبيبتى
ساره ابتسمت و سلمت عليه و خرجت لقت فارس ساند ع العربيه من برا و مستنيها ف ركبت العربيه و هو ركب و مشيو
ضياء كان خرج وراها و اول م مشيت ابتسم بسخريه و قال : هبله
_______________________
تانى يوم بليل
ساره : بابا كنت عايزه اقولك حاجه
فؤاد : قولى
ساره : انا كنت عايزه اعمل مشروع ضغنن
فؤاد : ايه هو
ساره حكتلو ع أنها عايزه تعمل مصنع و عن إلى بيحصل معاها ف الشغل و قعدت تقنعو كتير
فؤاد بقله حيله : طب مين إلى هيبقى شريكك
ساره بكدب و توتر : رقيه
فؤاد : رقيه متاكده
ساره بتوتر : ايوه اكيد
فؤاد بشك : ماشى
ساره : كنت بس عايزه منك مبلغ وانا هكمله
فؤاد : كام !؟
ساره : 9 مليون و نص
فؤاد : قصدك 10
ساره : م انا هكمل عليهم بقى
فؤاد : ماشى حظك أن فى ناس جايين بكره هياخدو كام عربيه م المعرض هاخد الفلوس و اديهالك
ساره : حبيبى يا فؤش
فؤاد : مسمعكيش تقولى فؤش دى تانى سامعه مش بحبها
ساره بضحك : خلاص ولا تضايق نفسك
نهاد بتمثيل الزعل : وانا مليش ف الحب ده ولا ايه
ساره : لا طبعا ازاى
قالت كده و راحت حضنتها و هى مبسوطه و طلعت اوضتها تكلم رقيه و تقولها ع أنها تمثل معاها أنها تبقى شريكتها
_______________________
ف مكان تانى
_ مش مبسوطه م إلى بيحصل مع البت و ضياء
– م انتى عارفه انو بيمثل و بيحبك
_ بس مش حابه قربها منو انا لازم ابوظلها حاجه
– مش كفايه إلى بتعملوه دلوقتى
قالت بشر : لا مش كفايه انا مش بطيقها من و احنا ف جامعه هى اه مش هتفتكرنى عشان احنا مش صحاب بس انا مستحلفالها من ساعتها
_______________________
بعد 3 ايام ف المصنع
دخلت ساره المصنع لقت رقيه جريت عليها و خدتها برا بسرعه
ساره : فى ايه مالك
رقيه : المصنع كلو مقلوب عليكى جوا
ساره بخوف : ليه فى ايه
رقيه : الادويه إلى البنت وقفتك تعمليها عشان تعبت فجأه و اضرت تروح لما نزلوها و الناس جابتها جالهم تسمم
ساره : نعممم ازاى
رقيه : معرفش و هما حاليا بيدورو عليكى عشان انتى إلى عملتيهم و فاكرين انك حطيتى عليهم حاجه او دخلتى حاجتين ف بعض
ساره بخوف : اعمل ايه طيب
قبل م تتكلم المدير خرج
المدير بعصبيه : انتى هنا و احنا عمالين ندور عليكى
ساره بتوتر : فى ايه انا لسه جايه
المدير : ع أساس رقيه مقالتلكيش .. بتسممى الناس و بتضيعى سمعه المصنع
ساره : انا معملتش حاجه والله
المدير : قولى الكلام ده قدام الظابط بقى الناس رفعت قضيه و انتى اول متهمه
قال كده و بصلها بعصبيه و مشى و هى بصت ل رقيه بخوف
ساره : رقيه انا معملتش حاجه والله انا مش عايزه اروح قسم
رقيه : اهدى انا مصدقاكى والله بس لازم يبقى معانا دليل
ساره : طب هعمل ايه
قعدت تعيط و بعدين حاولت ترن ع ضياء كتير بس مكانش بيرد ف رنت ع فارس ف رد بس قبل م يقول حاجه اتكلمت هى و هى بتعيط
ساره : فارس ممكن تيجى عند المصنع
فارس بقلق من صوتها : حاضر بس هو فى حاجه
ساره بعياط : ممكن تيجى الاول
فارس : حاضر
قفل معاها بعد دقايق كان جه و خرج م العربيه لقاها قاعده ع السلم بتعيط و رقيه حضناها
فارس بقلق : فى ايه مالك
ساره حكتلو و هى بتعيط جامد و بعدين قالت : انت مصدقنى صح انا و الله معملتش حاجه
فارس : اهدى طيب و قوليلى اسم البنت الى انتى وقفتى مكانها و انا هحاول اجيبها تشهد
رقيه : اسمها هند ساكنه ف ****
قالتلو مكانها و هو حاول يهدى ساره و حلف انو لازم يجيب البنت دى و تشهد ب إلى حصل ب اى طريقه لحد م سمعو صوت عربيات بوليس ف ساره قامت بخوف و وقفت ورا فارس و هى ماسكه رقيه
_ مين فيكو ساره فؤاد
فارس : خير حضرتك فى حاجه
_ الانسه مطلوب ب القبض عليها بتهمه تخريب ادويه
فارس : فى أمر يثبت ده
الظابط بصلو بعصبية و طلع الأمر : اهو مين فيهم ساره
ساره بتوتر و خوف : ا..انا ساره
_ اتفضلى معانا
راح نحيتها و خدها و فارس وقف قدامو وقال : انا هاجى معاكو
_ مينفعش ممكن تيجى ورانا بس مش معانا .. يلا يا انسه
خدها و هى قعدت تبص ل فارس إلى بصلها بمعنى متخافيش و ركبت و مشيو و فارس دخل المصنع و طلب كاميرات المراقبه و أدى الراجل بتاع الكاميرات فلوس و خد التسجيل و خرج ركب العربيه و راح عنوان البنت إلى رقيه قالت عليها
_______________________
عند هند
هند : انا عملت إلى قولتى عليه و اهى اتقبض عليها فين بقى باقى فلوسى
_ هتاخديها بس مش انهارده لحد م الوضع يهدى عشان محدش يشك
هند : طب و لو حد جه يسألنى ع حاجه
_ انكرى و اوعى تقولى انك كنتى تعبانه ف خلتيها تاخد مكانك قولى انا كنت بشتغل عادى لقيتها جايه تقولى انا هعمل مكانك روحى ارتاحى و قعدت تقنعك لحد م سبتيها
هند بتوتر : ماشى ربنا يستر
قفلت معاها و قعدت تفكر و هى متوتره لحد م مامتها دخلت
_ فى حد بيقول عايزك برا يا هند
هند بخوف : حد حد مين !؟
_ معرفش مقالش
هند : طب انا طالعه
خرجت لقت فارس قاعد برا ف بصتله باستغراب و راحت قعدت ع الكنبه
هند : خير مين حضرتك
فارس : انا فارس جاى تبع ساره
هند بتوتر : ايوه مالها فى حاجه
فارس لاحظ توترها ف قال : كنت عايز اسألك ع إلى حصل من 3 ايام لما قولتى لساره انك تعبانه و مشيتى
هند بإنكار : انا مقولتش انى تعبانه هى إلى قالتلى ريحى وانا هاخد مكانك حتى انا استغربت
فارس : متاكده !!
هند : اه
فارس طلع فونو و فتح الفيديو و قال : طب و ده ايه هى برضو إلى وقعت ع الأرض مغمى عليها !!
هند بتوتر و خوف : ايه ده اكيد متفبرك
فارس : بلاش كدب كتير عشان واضح توترك و خوفك و كمان الفيديو واضح زى م انتى شايفه ف انتى قولى بقى ايه إلى خلاكى تعملى كده بالزوق احسن م أودى الفيديو ده للظابط بتاع القضيه و ساعتها مش هتعرفى تكدبى ف لو حد وراكى قولى و لو عملتى مع نفسك برضو قولى وانا مش هأذيكى لو بطلتى كدب
هند بتوتر : بس هى قالتلى مقولش حاجه
فارس : هى مين دى !!
قبل م تقول حاجه دخلت مامت هند حطت عصير
_ اتفضل يا ابنى
فارس بابتسامه : تسلمى
مامتها مشيت ف فارس بصلها عشان تكمل
فارس : مين إلى قالتلك متقوليش
هند : معرفش مقالتش اسمها بس هى قالتلى اعمل كده و ابدل الدوا و هتدينى مبلغ حلو و انا وافقت عشان كنت محتاجه الفلوس و زى م انت شايف احنا حالتنا مش احسن حاجه و بنبقى ف اشد الحاجه للفلوس بس انا والله بحب ساره و موافقتش ف الاول بس اضريت اوافق ف الآخر
فارس : هديكى اكتر م المبلغ ده بس تروحى تقولى الكلام ده كلو ف القسم و حالاً
هند : بس هى ممكن تعمل فيا حاجه
فارس : مش هتعمل حاجه متقلقيش و بعدين انك تروحى تشهدى بنفسك احسن م انا اروح و اسمعهم التسجيل ده و المبلغ إلى هديهولك هدفعو غرامه عشان التسجيل عادى
هند بتوتر اكتر : ماشى هاجى معاك
_______________________
ف القسم
الظابط : ….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الان اقول احبك)
2 تعليقات