رواية حماتي ملاك الفصل الرابع والعشرون 24 بقلم هايدي محمد
 |
| رواية حماتي ملاك الفصل الرابع والعشرون 24 بقلم هايدي محمد |
رواية حماتي ملاك الفصل الرابع والعشرون 24 بقلم هايدي محمد
محمد بيرزع باب بيت ام رتيبة يطلع سامح بخضة
سامح : اية ده يامحمد مالك فى ايه
محمد : أختك بتخوننى
سامح يمسكه من ياقة القميص : قطع لسانك ولسان اللى يتكلم على أختى و…
محمد يرميلة الظرف
سامح يشوف الصور سامح : طب اهدى كدا يامحمد
سامح : مين دة ياريتبة
رتيبة : أصل … أصل … أصل
رتيبة مش عارفه تقوله ايه هتقوله ازاى ده سواق التوكتوك اللى اتفقت معاه على مراتك
سامح بالقلم : انطقي قولى مين دة
قولى ياللى عرتيبنا حطيتي راسنا فى الطين
أم رتيبة بعد ماتشوف الصور : ده واحد كنت طلبت منها تخليه يعمللى حاجة
سامح : بلاش ياحجه تدارى على بنتك ..انطقى يازبالة قولى مين دة
محمد : أنا رميت طوبتك من هنا ورايح سلام
سامح : عاجبك كدا انطقى قولى اتكلمى
رتيبة بخوف : ده ده ده
سامح : شفتى حصلك ايه كنتى عاوزه تتفقى مع أيمن على مراتى ربنا وقعك فى شر أعمالك
رتيبة بعياط : انت عرفت منين
سامح :الحمد لله نى عرفت فى الوقت المظبوط لولاش ان جوزك رماكى ماكنت خليتك تعتبي البيت ده تانى انت ايه شيطانة
ام رتيبة : يعنى انت قربت الفرح والدخلة عشان كدا
سامح : من هنا ورايح أنا هعزل وهنقل مع همسة لبيت تانى لوحدنا وانتى ياما معاش أبويا فاضلك ياريت يكفيكي مش صارف على حد تانى من هنا ورايح سابهم
أم رتيبة : منك لله يا شيخة مش قلتى محدش هايعرف حاجة
رتيبة ببكاء : واهو عرفوا هعمل ايه سيبنييني فى حالى مش ناقصة
تخرج همسة من أوضتها
رتيبة : قدم السعد اللى اول يوم ليها فى البيت كله هنا
همسة : أيوا طبعا قدم سعد عليا أشوفك مضروبة كدا
أم رتيبة عملت مش سامعة : قومى حضرى الفطار لرتيبة
همسة : آسفه أنا لسة عروسة جديدة
رتيبة : نعم ياختى ليه ان شاء الله كاتعة ولا مشلولة
همسة ببرود : لو انا كنت مشلولة ولا كاتعة فإيه الفرق مابينا ماتقومى تعملى اكل لنفسك
رتيبة : ده اللى ناقص زبالة المجتمع تيجي تتكلم
همسة : والله أعرف واحدة وسخت شرف جوزها خلته زبالة خلته مش طايقها خلته يجرجرها فى الشوارع لحد بيت أبوها تعرفيها دى
رتيبة وشها جاب ألوان تقصدى إيه
همسة : لا ياختشي مقصدش اما أروح لسامح أصله مستنيني
تدخل همسة
أم رتيبة : مين ده يابت
رتيبة : ده سواق التوكتوك اللى كنت ناوية أركب صور اللى ماتتسمي معاه والصور دى واحنا بنتفق
يقطع كلامهم رن الباب
أم رتيبة : أكيد دى ام عدلات جاية تسأل على اللى حصل زمان الشارع كله بيتكلم دلوقتى وتلوى شفايفها
إخص عليك يامحمد قال دكر قال تخلى سيرة مراتك على كل لسان كدا استرنا يارب
خشي على جوة يارتيبة مايصحش تشوفك كدا
دخلت أم عدلات البيت وهى بتقعد
أم عدلات : الله العفش جميل والشقة بقت حلوة جدا
أم رتيبة : ياختي بلا نيلة
تخرج همسة من أوضة نومها تقابل أم عدلات وأم رتيبة وتسلم عليهم
أم عدلات : منورة ياعروسة
همسة : منورة بأهلها
أم عدلات : أومال يختى ماحدش جابلنا كحك وبسكوت العروسة ولا إيه أهلك ماجابوش أكل التلاجة .. هما مايعرفوش فى الذوق ولا إيه
همسة : واضح إن حضرتك ست كبيرة لكن مش محترمة
أم عدلات : وواضح غنك عديمة الرباية … يللا بلا نيلة انا ايش عرفنى هو عاجبه فيكي إيه
همسة : بجد لو مكنتيش في بيتى كان يبقي ليا كلام تانى
أم رتيبة : نعم بيت مين دة ان شاء الله
همسة : بيتى وبيت جوزى واعتبريه زى مايكون بيتك بالضبط ياطنط
بس ياريت تخلى ضيوفك يحفظوا أدبهم بس عشان سامح مايدخلش فى الكلام دة
تسيبهم همسة وتمشي
أم عدلات : واضح إن البنت دى متعرفش تربية
أم رتيبة : بورررريه منها ياختى وقعدت ترغي فى موضوع همسة عاوزه تلهى أم عدلات عن رتيبة واللى حصل لها
خلصوا كلام
أم عدلات : زى ماتفقنا تنيسش
تمشي أم عدلات تعدى على ام عبد الله تحكيلها اللى حصل .. وأم فؤاد تحكيلها الللى حصل
وتعدى على الشارع كله
أم عبد الله الدم غلى فى عروقها ولبست طلعت لأم رتيبة
أم عبد الله تدخل البيت
أم عبدالله : بسم الله ماشاء الله الشقة بقت جميلة وتشرح القلب
أم عدلات : هو انتى دخلتى الروضة ياختشي بلا قرف
أم عبدالله : بس يا أم رتيبة هقولك كلمتين عشان أخلص ضميرى … اللى اسمها ام عدلات دى تآمنيش ليها
أم رتيبة : ليه كدا بس ياختي دى صاحبتى الوحيدة
أم عبدالله : جت حكتلى على اللى حصل هنا من همسة وراحت لأم فؤاد قالت بارضوا ومتقريبا زمانها ماسابتش حد الا وطلعتله أسرار البيوت وجابوا شقة جديده وعفش جديد وكلام من دة
دى واحده بصه على اللى افي ايد الناس مابتتمناش الخير لحد
أم رتيبة : لا لا لا ماصدقش إن أم عدلات تعمل كدا
أم عبد الله : بصي يا حبيبتي انا عرفتك وانتى حرة بس حرام عليكي اللى انتى ناويه تعمليه فى ابنك ومراته
قالتها وهى بتبص لأم رتيبة بصة فهمتها
أم رتيبة : قصدك ايه
أم عبد الله : ماقصدش
سابتها ونزلت
.وأم رتيبة بدأ الفار يلعب فى عبها من اللى سمعته من أم عبدالله
تانى يوم الصبح
أم رتيبة نازلة تجيب العيش شافت ام عدلات واقفه مع أم فؤاد جارتهم قربت تتصنت تسمع هى بتقول إيه
أم عدلات : يوه يوه يوه بوررررريه منها هو فى حد فى الدنيا منصوف زى أم رتيبة بولادها ولا مراتاتهم تحت رجليها
ده ابنها ممدوح دايما ناصفها ومراته مهما تسمع منها بارضوا بتجيلها وبتحبها الخيبة علينا احنا وبس
أم فؤاد : بجد
ام عدلات : اه والله عايشه متهنية ماشفتيش الشقة بعد ماجابوا العفش الجديد بقت ولا القصر ولا ولادها كل واحد يشتغل ويجيب القرش يحطه فى حجرها
أوقلك ايه ولا ايه بس
أم رتيبة : بقي انتى يا مرا ياسو بتجيبي فى سيرتى …. بتتكلمى عنى
أم عدلات : ياختي اسمعي بس
أم رتيبة : قسما عظما من هنا ورايح لماعايزة اعرفك تانى بكره شفى حياتى قد اللى ياكل معاك عيش وملح ويحسدك ويبص على اللى عندك ياختى من آمنك لا تخونه
أم عدلات : يعنى انتى اللى مش بتخونى مراتات ولادك لما بتتبلى عليهم بس ربنا مش بيسيب حد فى حاله جاتلك فى بنتك اهى
أم رتيبة : وانتى عرفتى منين
ام عدلات : أم محمد صاحبتي وحبيبتشي وقالتلى كل حاجة
أم رتيبة تمشي متغاظة ومحروق دمها
ترجع البيت تقابل رتيبة
رتيبة : ايه ياما مالك واخده فى وشك كدا ليه
ام رتيبة : بوررررريه هتشل من كل الناس الوحشة اللى حواليا مش عارفه بس جرا إيه فى الدنيا دى
رتيبة : اهدى ياما اهدى صحتك ماتستحملش هروح أصحي المخفية اللى ما تتسمي عشان تحضرلنا طفح نطفحه
أم رتيبة : لا لا لا أنا اللى هعمل الأكل
رتيبة : مالك ياما فيكي ايه حاسه عينيكى بتلمع
أم رتيبة تسيبها وتقوم المطبخ تحضر هى الأكل
………..
……….
أم رتيبة تخبط على سامح وهمسة
يللا قوموا ياعرايس عشان الفطار
تفتح همسة : أيوة ياطنط
أم رتيبة : الفطار جاهز يللا عشان سامح مايتأخرش عن شغله
همسة : حاضر ثوانى هصحي سامح
أم رتيبة : عنك أصحيه انا
همسة : آسفه ماينفعش انا مراته وانا اللى اصحيه
دخلت همسة الأوضة قفلت عليها الباب شوية خرجت مع سامح
أم رتيبة : تعالوا ياحبايبي يللا
أم رتيبة بتجهز لكل واحد طبقه وكباية العصير بتاعته كمان
أم رتيبة لهمسة : تفضلي يا حبيبتي العصير
سامح حاسس إن فى حاجه غلط .. أمه هادية وساكته من الصبح ماقالتش لهمسة أى كلام يضايقها
همسة : ميرسي يا طنط
سامح بحب : هاتى ياهمسة أشرب من العصير بتاعك بحب اشرب مكانك أنا
أم رتيبة : ايه شغل السهوكة ده ماتشرب وتخليك فى كبايتك
سامح : آسف يا ماما أنا أحب أشرب من إيد مراتى حبيبتي
همسة : عارفه طول عمرك باصصلى فى اللقمه اللى باكلها أعمل ايه بحبه ياناس
تديلة العصير
أم رتيبة تقلق
ام رتيبة تخبط الطرابيزة والعصير يتدلق
سامح : مالك ياماما فى ايه
أم رتيبة : مش عارفه والله حسيت بنغزة فى صدرى وراحت لوحدها
سامح : تلاقيه برد ولا حاجه ارتاحى انتى
أم رتيبة :لا لا لا ازاى هاقوم اعمل كباية عصير تانيه ثوانى
تدخل ام رتيبة المطبخ تحضر العصير
تطلع حباية من اللى جابتهم ام عدلات
تفاجأ تلاقي سامح قدامها
سامح : …..
يتبع..
لقراءة الفصل الخامس والعشرون والأخير : اضغط هنا
لقراءة باقي فصول الرواية : اضغط هنا
نرشح لك أيضاً رواية وقعت أسيرة في حبك للكاتبة غفران
