رواية لقد وقعت في حب منتقبه الفصل التاسع 9 بقلم بسملة أحمد
رواية لقد وقعت في حب منتقبه الجزء التاسع
رواية لقد وقعت في حب منتقبه البارت التاسع
رواية لقد وقعت في حب منتقبه الحلقة التاسعة
وقفنا في البارت التامن علي ان ملاك وسليم رجعوا البيت ولفت انتباه ملاك حاجه علي الحيطه
ملاك:اي ده دي صورتي
كانت صوره كبيره لملاك فوق السرير
سليم:ايوة ما انا عارف
ملاك بغباء:بتعمل ايه هنا
سليم:ملاكي مين اللي كان معاكي وانتي صغيره ومربيكي يا حبيبتي
ملاك بغباء:ايه دخل ده في ده
سليم بصبر: ملاكي انا مربيكي من وانتي صغيره اكيد هيبقي عندي صور ليكي
ملاك:خلاص انت محسسني انك بتكلم طفله ما انا عارفه من الاول
سليم:ما انتي فعلا طفله انتي طفلتي وملاكي الصغيره
ملاك وحضنت سليم : حبيب قلبي يا سولي
سليم:قلب وعقل وروح وحياة سولي
ملاك وقد استوعبت ما فعلت : احم اسفه
سليم بمرح:بتتأسفي علي ايه ده انا زي جوزك يعني
ملاك:عايزه انام
سليم: اتفضلي وشاور علي السرير
ملاك دخلت غيرت هدومها لبجامه مرسوم عليها ميكي موس
وراحت علي السرير واتمددت عليه لقت اللي نايم جمبها:في ايه
سليم:ايه هنام
ملاك:هتنام فين
سليم:علي السرير
ملاك:طب وانا هنام فين
سليم:علي السرير
ملاك: لا والله
سليم:اه والله
ملاك:وهتنام علي السرير بمناسبه ايه بقا
سليم:بمناسبة اني سولي حبيبك وجوزك يا ملاكي ولا نسيتي
ملاك:لا منسيتش يا سليم
سليم : تمام يا قلبي نامي يلا
ملاك نامت وعطيته ضهرها وضحكت
سليم استني لحد ما نامت واخدها في حضنه وباس راسها وشم ريحتها اللي بيعتبرها ادمانه
ملاك كانت صاحيه وبتتظاهر بالنوم
سليم:ملاكي فتحي عينك عارف انك صاحيه كفايه عليا الطماطم اللي في خدودك ياقلبي لوحدها بتخليني اتجنن
ملاك اتكسفت لدرجة ان وشها كله بقا احمر
وناموا ابطالنا بسلام وكل واحد فرحان لسبب معين
~~~~~~~~~~~~~~~~~~~~~~~~~~~~~
تاني يوم سليم صحي لقا ملاك نايمه في حضنه باس دماغها وقعد يتامل كل انش فيها: حبك جنني يا ملاكي تعرفي ان لما انتي بعدتي عني كان لازم ابقي راجل وفعلا تعبت علي نفسي واشتغلت وشركة ابويا اللي كانت لاحول لها ولا قوة رجعتها تاني ووقفتها علي رجليها وكنت عارف او متأكده انك هترجعيلي في يوم كان عندي احساس ان انتي عندك سبب وقوي جداً علشان تسيبيني كنت بتعب ليل نهار شوفت من الحياة دي مصايب وتعب كتير لحد ما وصلتلها هي بس اللي حسيت انك معايا كأنك موجوده منكرش ان مازن عوضني بصراحه ساعات بحسه اخويا من امي وابويا بحبه جداً بحبك يا ملاكي وقعد يمشي ايده علي وشها ويلعب في شعرها
كانت ملاك بتتقلب علي سريرها لما سليم حس بيها اتظاهر بالنوم
ملاك صحيت لقيته جمبها ونايم
قعدت تلعب في شعره وقربت منه وباست كل انش في وشه وحضنته
ملاك بشرود: تعرف اني بحبك اوي اوي
سليم وهو ماسك نفسه عشان ميضحكش: وتعرفي اني بموت فيكي اوي اوي وبعشقك اوي
ملاك بخبث وهي بتقوم من علي السرير وبتدور علي حاجه في الدرج وبتجيبها وبتروح لسليم ناحية رجله : تعرف ان واحنا صغيرين لما كان بيبقي نايم بيبقي زي الملاك البرئ ولما بيبقي صاحي بيبقي قاسي مع الكل الا معايا كان ملجأ ليا في وقت تعبي وخنقتي كنت بروح اعيط في حضنه ده كان بيمدني بدفا وامان فظيع كنت بحبه اوي وبجري عليه علطول
سليم سرح في كلامها ومش واخد باله من اللي هيا بتعملوا كانت بتحط ورقه بين صوابع سليم وولعت فيها وطلعت تجري علي الحمام
سليم حس ان فيه حاجه في رجله بيبص عليها لقا الورقه اتولعت في رجله
سليم:مملاااااااااااك
ملاك في الحمام:يا ماما ده شكله هيولع فيا مكنش يومك يا ميمو مكنش يومك يا ملاك
سليم بغضب:اطلعي يا ملاك اطلعي يا حبيبتي مش هعملك حاجه
ملاك: انت قولت مش هتعملي حاجه صح
سليم:ايوة اطلعي يلا يا ملاكي
ملاك طلعت من الحمام واول ما طلعت لقت حد بيمسكها من بجامتها زي اللي ماسك حرامي
ملاك وهي تكاد تبكي:ايه يا رمضاان بهزر مبتهزرش
سليم:ودي تحصل برضوا بهزر بس هزاري تقيل حبتين ومشي بيها وهو لسه ماسكها نفس المسكه ومسك تليفونه بعت رساله اخلاء الحديقه من اي حد علشان محدش يشوف ملاكه وهيا بشعرها ومن غير نقاب وراح نزل تحت عند حمام السباحه نزلها فيه: ايه رايك في هزاري يا ملاكي
ملاك:سليم انا مبعرفش اعوم انت عارف وبدإت تبصله بنظراتها البريئة
سليم: لا او وقد خطرت في باله فكرة
سليم: هطلعك بس بشرط
ملاك:ايه هو
سليم:انك هتبوسيني
ملاك:لا طبعا
سليم ومثل انه هيمشي: خلاص خليكي بقا هنا
ملاك بخبث:خلاص موافقه بس طلعني الاول سليم نزل حمام السباحه واشتالها علي ايده وخرجها وطلع دخلها الاوضه وقعد علي السرير وقال:ها
ملاك بخبث ونظراتها تدل علي ذلك:ها ايه
سليم وقد ادرك ما تنوي عليه
ملاك طلعت تجري علي الحمام بس اتفاجإة باللي وقف قدامها وغمزلها بمعني علمت ما كنتي تنوين عليه
ملاك وخطرت ببالها فكره:تمام موافقه سليم جيه يقرب منها لقاها طلعت تجري علي Dressing room
ملاك من جوا:هههههههه وضحكت عليك هههههههه
سليم ماشي ما انا مستنيكي مش هتعيشي طول حياتك جوا يعني وبعد شويه فتح الباب ونزل تحت
ملاك لما سمعت صوت الباب وهو بيتقفل فتحت الاوضه وطلعت وكانت المفاجأه من نصيبها لان لقت سليم واقفلها وساند علي الباب وبيبصلها طلعت تجري وهو وراها زي العيال الصغيره لحد ما نزلوا تحت وهو بيجري وراها وهيا تطلع علي الاريكه وتطلع علي السفره وترمي عليه المخدات وكل ده تحت انظار الخدم اللي واقفين وبيبصوا لسليم وملاك بصدمه
سليم: والله لوريكي يا ملاك بقا بتضحكي عليا
ملاك طلعتله لسانها وقالت: تربيتك يا اسطا مش دي تربيتك برضوا يا سولي
سليم:صحيح من اعمالكم سلطت عليكم
ملاك:بتقول حاجه يا سولي وكانت وقفت عن الجري وسليم بدأ يقرب منها علشان يمسكها بس علي آخر لحظه اخدت بالها وجيت تجري اتكعبلو الاتنين ووقعوا علي الارض (جماعه المنظر كالآتي ملاك علي الارض وسليم فوقها وربنا يكون في عونك يا ملاك من هتلر اللي وقع فوقك)
ملاك: اه عضمي هتلر وقع فوقي اه ياني يا ماما ياني مكانش يومك يا ملاك يا صغيرة علي الموت يا ميمو
سليم:ههههههه ميمو
ملاك:لقبي بعد ازنك الا لقبي يا سولي
سليم:ملاكي
ملاك:ها
سليم: انتي مسميه ده لقب
ملاك:انا مخمصاك وزعلانه منك وقوم علشام اتاخرت علي الشغل
سليم:انتي هتروحي معايا
ملاك:تمام يلا علشان نروح
سليم:تمام يلا
ملاك طلعت لبست وطلعت لسليم
اللي لقيته كعادته بكامل اناقته كان حلو جد وكانت ملاك حلوه جدا وركبوا العربيه وراحوا علي الشركه ودخلوا علي مكتب سليم ودخلت مايا وراهم
مايا وهيا بتقرب منه وبدلع:سليم باشا تشرب حاجه
سليم: عايز قهوه وشوفي ملاك تشرب ايه
ملاك بغيره واضحه:عايزه قهوه زي سولي
مايا بغيظ:تمام
سليم وهو بيقرب منها :ايه يا قلب سولي بتغيري ولا ايه
ملاك بارتباك:ها لا خالص
سليم وهو بيقرب اكتر:امال ايه يا قلبي
ملاك بارتباك:لا مفيش
سليم: طب ارفعي النقاب
ملاك:لا افرض حد دخل
سليم:استني لحظه وقفل الشبابيك ونزل الستاير ورن علي مايا متدخليش حد من غير اذني
مايا:تمام يا سليم باشا
ملاك رفعت النقاب وقعدت: انا عايزه اروح شغلي
سليم:ما انتي في شغلك
ملاك:مش فاهمه
سليم: انتي سكرتيرتي الخاصه وده مكتبك
مايا خبطت ودخلت وراحت قدمت القهوه لسليم وجايه تقرب منه…….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لقد وقعت في حب منتقبه)
2 تعليقات