رواية جبروت أنثى الفهد الفصل الخامس عشر 15 بقلم هدير بدر

رواية جبروت أنثى الفهد الجزء الخامس عشر

رواية جبروت أنثى الفهد البارت الخامس عشر

رواية جبروت أنثى الفهد الحلقة الخامسة عشر

نزار خد رحيل وروحوا الفيلا وكان ماسك ايدها بتملك وبعدين نده علي كل خدم القصر بصوت جهوري وفعلا كله اتجمع بقلق وخوف
نزار بصوت عالي : ياريت من النهارده ترحبو بسيده البيت مراتي وشريكتي لو لاقيت حد زعلها انتو عارفين هاعمل ايه كويس
كان ف الحاقد وفي اللي فرحان ليهم
عنايات كانت بتبصلها بغل
ونزار خد رحيل وطلع الجناح بتاعه
اول مادخلوا نزار مسك ايدها بحنان : انتي هنا دا بيتك فاهمه حياتي كلها ملكك من النهارده اياكي تفكري انك اقل مني في مره انتي تاج راسي وشريكتي ونصي التاني اياكي تقللي من نفسك انتي فاهمه وبعدين باس دماغها بحنيه
كانت ضربات قلب رحيل بتزيد من قربه ليها بتقسم لو حد جنبها كان سمع صوت قلبها اكنه بيقرع طبول
نزار : يالا نصلي العشا سوا
رحيل دخلت اتوضيت وبعدين نزار
وبدأو في الصلاه وكان صوته عذب لدرجه رحيل عيطت من الخشوع
تم الانتهاء من الصلاه ونزار انعكس أدام رحيل ومسك ايدها وبدأ يسبح علي ايدها رحيل ابتسمت وكانت فرحانه اوي علشان كان نفسها انها تتجوز ويعمل كدا معاها
تم الانتهاء ونزار بصلها بحب : عايز اعترفلك بحاجه
بصراحه كدا
…………
اللواء لسه هيتكلم كان الدكتور طلع
كله جري عليه
الدكتور بعمليه : ماكدبشي عليكم المريضه تحت ضغط نفسي رهيب وواضح انها بتعاني من ازمه نفسيه من زمان
عزيز بقلق : ايوا بنتي اتعرضت لحادثه زمان مأثره عليها كانت مخطوفه برضو ومن يومها واحنا بنحاول نخرجها من اللي هي فيه
الدكتور باسف : للأسف لازم تقفوا جنبها الفتره الجايه لأنها أثرت عليها اسؤا من المره الأولى لازم تحاولوا تطمنوها
عزيز : ان شاء الله يادكتور
بيجاد بقلق : هي هتفوق امتي
الدكتور : ان شاء الله كمان ساعه تكون فاقت
بيجاد : ينفع ادخلها دلوقتي
كله كان مستغرب بيجاد وعزيز مستغرب اكتر
الدكتور : للاسف مش هينفع عن اذنكم
بيجاد قعد ف الارض وفهد قرب منه يربط علي كتفه
بيجاد قام أدام عزيز : عمي لو سمحت انا عايز اتجوز بنتك ارجوك ماترفضشي انا عارف ولا الوقت ولا المكان مناسب بس انا محتاجها في حياتي صدقني هاحافظ عليها اكتر من حياتي بس خليني اكتب الكتاب دلوقتي انا عايز ابقا جنبها من غير قيود ارجوك ياعمي وافق
اللواء ربت علي كتف عزيز : وافق مش هتندم اه احنا كلنا متوترين بس انا واثق ان بيجاد الوحيد اللي هيحافظ علي بنتك وهو اللي هيخليها تطلع من الازمه دي
عزيز بص لبدر
بدر : انا موافق انا فعلا شوفت حبه لاختي وانا فرحان ان لاقيت حد ياخد باله من اختي واطمن عليها معاه
عزيز بقلق: وافرض هي مش عايزاك
بيجاد : هطلقها وقتها واديها حريتها بس ارجوك اديني فرصه
بعد محايله وافقوا وبالفعل كتبوا الكتاب
بعد ساعه كانت فاقت هنا وكله حواليها
هنا بصتلهم بخوف وبدأت ترجع لورا : ابعدوا عني ارجوكم محدش ياذيني
حنان عينها دمعت جات تقرب منها
هنا بصريخ: ابعدوا عنييييي
بيجاد شاورلهم يخرجوا
حنان باعتراض: بس
بيجاد مسك ايدها وباسها: ارجوكي اطلعي دلوقتي
وبالفعل طلعوا بيجاد قرب منها وحضنها بقوه
في الأول هنا كانت بتقاومه بس بعدين استكانت داخل حضنه
بيجاد لما شاف منها استجابه معاه بدا يتكلم : اهدي انا جنبك وكلنا جنبك محدش يقدر يلمس شعره منك اياكي تخافي طول مانا جنبك انا في ضهرك
هنا بصتله بعياط: كانوا هيقتلوني والله كانوا هيقتلوني
بيجاد فضل يمسح علي شعرها بهدوء: طول مانتي جنبي محدش يقدر يرفع عينه في وشك إياك اشوف الخوف في عينك مره تانيه
فاجاه حس بتقل علي كتفه عرف انها نامت باس دماغها وطلع علشان يطمن أهلها
كله جري عليه
عزيز بلهفه: طمني يا ابني
بيجاد بابتسامه: ماتقلقشي ياعمي هي بخير ونامت دلوقتي
كله اتنهد بارتياح
عزيز بابتسامه: مش عارف اشكرك ازاى يابني
بيجاد : دي مراتي وواجب عليا لازم كلكم تروحوا ترتاحو بقا هي اكيد هتفوق بكرا القعاد مالوش لازمه وانا جنبها اهو
حنان : انا مش هسيب بنتي
بيجاد باصرار: صدقيني مالوش لازمه تقدري تروحي ترتاحي علي الاقل علشان تقدري تقعدي معاها بكرا والا عايزاها تشوفكم تعبانين بسببها فا تزعل انا جنبها وعمري ماسيبها تقدروا تتفضلوا
وبالفعل كله مشي
وفهد طلع بسرعه علي المستشفي لكيان
مراد كان مع فهد
فهد بحنان : روح انت يامراد انت محتاج راحه
مراد : مش هينفع اسيبك ياصاحبي
فهد ربت علي ضهره : صدقني انا بخير ارجوك روح ريح
مراد : متأكد
فهد حضنه بقوه : متأكد وودعه
اللواء بص لعزيز : شكوك كلها طلعت صح
عزيز قلبه دق بقوه : يعني يعني دا ابني يعني اللي انقذ بنتي هو ابني
فهد دخل لكيان
كيان بلهفه: ايه حصل ايه حصلك حاجه اتاخرت كدا ليه
فهد فرح جدا انها خايفه عليه : ايه بقيتي بتخافي عليا
كيان بتوتر : ل لا انا انا مش بخاف ابدا هاخاف من ايه مثلا انا بس لاقيتك اتاخرت
فهد ضحك بقوه : ماشي ياستي وبدأ يقص عليها كل حاجه
كيان عينها دمعت : كل دا حصل يارب تقوم بالسلامه
كيان عيطت بقوه وفهد استغرب فا جري عليها بلهفه : بتعيطي ليه
كيان بدموع : اصل حكايتها شبه حكايه صاحبتي اوي حتي اسمها نفس الاسم
فهد : طب اهدي علشان دا غلط عليكي
كيان مسحت دموعها بكف ايدها
فهد : دا ايه القمر دا ياولاد قمر وانتي بتعيطي كمان
كيان وشها قلب طماطم: بس بقا
فهد ضحك بقوه : وكمان بتتكسفي
كيان : بطل بقااااا
المهم عايزه اطلع بقا ماما وحشتني اوي
فهد : سألت الدكتور وقال بكرا ان شاء الله هتطلعي
المهم وبدأ يفرك في ايده تقبلى تتجوزيني
………
هنا صحيت من النوم لاقيت بيجاد واخدها في حضنه
قامت مفزوعه وبيجاد صحي بخضه: مالك يا هنا في ايه
هنا بعصبيه: انت ازاى تنام جنبي كدا واهلى سايبينك كدا
بيجاد اتنهد بارتياح: ياشيخه خدتيني
هو انا ماقلتلكيش انتي بقيتي حرمي المصون
هنا فتحت عينها جامد: نعم مرات مين وامتي دا حصل
بيجاد بهدوء: امتي دي امبارح علشان حضرتك كنتي هتجبيلى سكته قلبيه من الخوف وعمري ماهسيطر علي نفسي وماقربلكيش خلى بالك انا بحبك واقنعت اهلك واوعدك لو مش عايزاني هطلقك
هنا عينها دمعت : انا عايزه اطلق
بيجاد أكن سكينه رشقت في قلبه: ليه اديني فرصه
هنا بجمود : اديك فرصه وانا مش بنت
بيجاد بصلها بصدمه
نتوقع مين ابن عزيز اللي بيدور عليه لو لاقيت التخمين صح هنزل باللي بعده علطول