رواية طفله في عرين الشيطان الفصل العاشر 10 بقلم ميادة السيد الجزار
رواية طفله في عرين الشيطان الجزء العاشر
رواية طفله في عرين الشيطان البارت العاشر
رواية طفله في عرين الشيطان الحلقة العاشرة
يوم جديد تشرق الشمس على ابطالنا
جاسم صحي من النوم ذهب الي الحمام خد شاور
مِسِك : صباح الخير
جاسم ساكت ببرود
مِسِك باستغراب : جاسم انت كويس
جاسم ببرود : انتي شايفه ايه !
مِسِك باستغراب : انت مردتش عليا لما قولتلك صباح الخير
جاسم ببرود : انا حر واياكي تفتكري اني علشان خرجتك معايا امبارح او علشان رجعتك للمدرسه هبقا عادي معاكي لا انا بس عملت كل ده علشان شفقه عليكي
نظرت له مِسِك بدموع محبوسه : عارفه كل ده مش لازم تقول كل شويه
جاسم بحده خفيفه : بدل عارفه يبقي تغوري من اودامي
نظرت له مِسِك بوجع ثم ذهبت الي الحمام لكي تبكي
نظر جاسم الي اثرها وتنهد بهدوء ثم خرج من الغرفه
جاسم : صباح الخير يا داده
الداده نعيمه بابتسامه : صباح الخير يا ابني
جاسم بتنهيده : داده خلي مِسِك تفطر كويس
الداده نعيمه : ماشي يا ابني
ثم قالت بحزن : بس انت اتخنقت معاها صح ؟
تنهد جاسم قائلا : انا رايح على الشركه يا داده
الداده نعيمه بحزن : جاسم يا ابني البنت غلبانه بلاش تقسي عليها متبقاش انت والزمن عليها يا ابني
نظر جاسم الي الداده نعيمه بتنهيده قائلا : ده اللي لازم يحصل يا داده لغيط لما هخلص اللي بعملوا وبعدين هطلقها سلام
ذهب جاسم الي الشركه
الداده نعيمه بشرود : يارب اجعل مستقبلهم احسن واسعدهم يارب دول ميستاهلوش العذاب ده .
ــــــــــــــــــــــــــــــــــــــــــــــــ
اماني صحيت لقيت مروان واقف في المطبخ بيعمل فنجان قهوه
اماني : صباح الخير
مروان ساكت
اكملت اماني كلامها : طب ثواني انا هعملك الفطار وسيب القهوه انا اعملها ليك
مروان : شكرا مش عايز
اماني : لا هات بس
مروان بحده : قولتلك مش عايز حاجه منك
اماني بحزن : بتعاملني كده ليه !
مروان ساكت
اماني بدموع محبوسه : انا عارفه إنك مضايق مني علشان امبارح بس والله غصب عني انا
صمتت اماني وظلت تبكي
مروان مقدرش يشوفها كده شدها في حضنه
مروان بحنيه : بسسس اهدي انا اسف حقك عليا
اماني بدموع : انا اللي اسفه
مروان بحنيه : لا يا قلبي انا المفروض هصبر عليكي مكنش ينفع هضغط عليكي كده
نظرت له اماني بدموع
مروان بحنيه مسحلها دموعها وظل يهديها
ــــــــــــــــــــــــــــــــــــــــــــــــ
مايا بابتسامه : صباح الخير يا عمتو
رحاب : صباح النور يلا تعالي افطري
مايا قعدت على السفره بتاكل
رحاب : عندك جامعه انهارده
مايا : ايوه الساعه 11
رحاب : تمام
ثم اكملت بضيق قائلا : هي مرات اخوكي هتفضل نايمه يعني اقوم اصحيها انا
مايا باستغراب : تصحيها ليه يا عمتو دي عروسه لسه
رحاب : يعني علشان عروسه تفضل نايمه
مايا : يا عمتو والله هدير مفيش اطيب منها انتي بس حاولي تحبيها
رحاب بسخريه : كفايه انتوا بتحبوها
نظرت مايا الي عمتها بضيق قائلا : كلت الحمدلله عن اذنك يا عمتو
ذهبت مايا الي غرفتها بضيق من طريقه عمتها
ــــــــــــــــــــــــــــــــــــــــــــــــ
الداده نعيمه : مِسِك يلا علشان تفطري
مِسِك عيونها منفوخه من العياط قائلا : ماليش نفس
الداده نعيمه بحزن : علشان خاطري يا بنتي يلا
نظرت مِسِك الي الداده نعيمه بدموع محبوسه : خاطرك غالي عندي يا داده بس ماليش نفس
الداده نعيمه بحنيه : طب بصي كلي السندوتش ده بس
مِسِك بدموع محبوسه : لا
الداده نعيمه بحزن : يا بنتي لازم تفطري
نظرت مِسِك لها بدموع : هو ليه كده يا داده ده انا مصدقتش نفسي لما لقيتوا كويس معايا بس ليه كده ، كلمني بطريقة وحشه اوي انا بكرهه
الداده نعيمه بحزن خدت مِسِك في حضنها وظلت تهديها
ــــــــــــــــــــــــــــــــــــــــــــــــ
مروان بابتسامه : صباح الخير يا جاسم
جاسم شارد
مروان باستغراب : انت يا ابني
جاسم بانتباه : بتقول ايه
مروان باستغراب : انت مش معايا خالص فيه ايه مالك
جاسم : لا مفيش المهم انت جيبت سكرتيره ليك بدل هدير ولا لسه
مروان باستغراب : انت نسيت ولا ايه يا ابني ما انا عملت انترفيو مع بنت من يومين وقبلتها في الشغل وهي زمانها جايه
جاسم بتذكر : اه صح
مروان باستغراب : لا ده كده فيه حاجه كبيره
جاسم بتنهيده : لا مفيش
مروان : فيه اي يا جاسم ما تحكي ؟
نظر له جاسم بصمت
مروان : بدل انت ساكت كده ومش عايز تتكلم يبقي الموضوع فيه مِسِك صح ، اوعا تكون زعلتها انت مشوفتش هي كانت فرحانه ازاي امبارح
جاسم بتنهيده : مكنش ينفع هتعامل معاها بحنيه
مروان : نعم !! يعني اللي ينفع انك تتعامل معاها بقسوه
جاسم : ايوه علشان لما يجي يوم واطلقها متتوجعش
مروان : يعني انت محبتهاش
جاسم : لا طبعا مينفعش اساسا
مروان : بلاش تكابر يا جاسم البنت دي غلبانه متساهلش منك قسوه
جاسم غمض عيونه بقوه
اكمل مروان حديثه قائلا : جاسم انا متاكد انك بدات تحبها انت مشوفتش ازاي كنت بتبصلها امبارح
جاسم : لا مش بحبها واقفل على السيره دِ
تنهد مروان بحزن على صديق عمره
معتز دخل بقلق من ملامحهم
معتز بقلق : فيه اي مالكم
مروان بتنهيده : مفيش
معتز : مش باين
جاسم : ركزوا في الشغل متنسوش إننا داخلين في صفقات ومشاريع مش عايزين نخسر حاجه
معتز بتنهيده : متقلقش يا جاسم كل حاجه هتكون تمام
جاسم : ان شاء الله
مروا ن : اه صح يا معتز ليه مجتش فرح فهد ؟
معتز : انا معرفهوش علشان هحضر الفرح
مروان : يا ابني انا كنت هعرفك عليه
معتز : عادي هتعرف عليه مره تانيه بقا
مروان : ماشي
معتز بابتسامه : بس كل واحد عامل اي مع زوجته
مروان بابتسامه : الحمدالله
جاسم شارد
معتز : جاسم انت معانا
جاسم : ايوه فيه ايه
معتز : لا ده انت مش مركز اساسا
جاسم بابتسامه : انا مركز بس تركيزي اكتر في الشغل مش زيكم
معتز ومروان نظروا الي بعض ثم ضحكوا
جاسم : ايوه يا ساندي
ساندي : فيه بنت اسمها نهي بتسال على مروان بيه
جاسم : تمام خليها تقعد لغيط لما مروان يخرجلها
ساندي : تمام
مروان : البنت جات صح
جاسم : ايوه
مروان : تمام انا خارج ليها
معتز بغمزه : ايوه بقا
مروان : فيه اي يا ابني سكرتيره جديده بدل هدير وبعدين انا مراتي ماليه عليا دنيتي
معتز بابتسامه : ربنا يسعدك يا صحبي
مروان بابتسامه : ويسعدك
جاسم ببرود : هو انتوا فاضيين لدرجادي
مروان بضحك : انا خارج اهو
معتز بضحك : خدني معاك
مروان ومعتز خرجوا
ــــــــــــــــــــــــــــــــــــــــــــــــ
مروان بجديه : اهلا يا استاذه نهي
نهي باحترام : اهلا بحضرتك انا اسفه علشان اتاخرت
مروان بجديه : تعالي هفهمك الشغل
معتز بابتسامه : طب انا رايح على مكتبي بقا
معتز راح علي مكتبوا
مروان راح على المكتب ومعه نهي
مروان بجديه : اتفضلي يا استاذه نهي
نهي قعدت بتوتر
مروان : اولا انا مش هركز المرادي في التاخير علشان بس اول يوم ليكي في الشركه
نهي بتوتر : والله انا
مروان مقاطعا : ثانيا لما هكون بتكلم مش بحب حد يقاطعني المهم الشغل بيبدا الساعه 10 بس انتي المفروض تكوني موجوده قبلي بنص ساعه على الاقل
هزت نهي راسها بتوتر
ثم اكمل مروان حديثه : ثالثا طبعا انتي هنا علشان السكرتيره اللي قبلك اتجوزت ولو حبيت ترجع في اي وقت ساعتها هتكونوا بتساعدوا بعض
رابعا الشغل اللي هتاخدي مني لازم يخلص في خلال ساعتين ولو شغل كتير يبقي في خلال يوم كامل ميكونش اكتر من كده
خامسا مفيش شغل يروح معاكي البيت لان ده ملفات خاصه بالشركه يبقي يتعمل في الشركه
سادسا وقت البريك نص ساعه ممكن ساعتها تقعدي في كافيه الشركه عادي بس المهم متتاخريش بعض النص ساعه
سابعا متفضليش طول اليوم تتكلمي في الموبايل لازم الشغل يكون المهم ماطول انتي في الشركه
وطبعا اخيرا اي اجتماع هقولك عليه قبله بيوم واول لما تيجي الشركه يوم الاجتماع تجهزي الاوراق بس لما انا هكون موجود في المكتب تمام
ولو عندك اي سؤال اتفضلي
نهي بتوتر : انا بس كان عندي سؤال واحد
مروان : اتفضلي
نهي : يعني كده لما السكرتيره القديمه تيجي هنساعد بعض في الشغل يعني انا مش همشي
مروان : لا مش هتمشي واه هيكون فيه تعاون ما بينكم لغيط لما هشوف اي قسم من الاقسام اللي تنضمي ليها او ممكن تروحي في اي فرع من الفروع بس طبعا ده في حاله لو عجبني شغلك بس لو شوفت اهمال ساعتها هتمشي اكيد
نهي بتفهم : ايوه طبعا عارفه وحضرتك متقلقش شغلي هيعجب حضرتك
مروان : تمام اتفضلي
خرجت نهي بسعاده
مروان : الو يا موني
اماني بخجل : اول مره تدلعني
مروان بحب : اتعودي على كده مفهوم
اماني بخجل : احم انا اقفل
مروان بضحك : ثانيه طيب
اماني : نعم
مروان بحب : بحبك
اماني بخجل : سلام
اغلقت اماني بخجل في وش مروان
مروان بضحك : يا مجنونه قفلت السكه في وشي بس اعمل ايه بحبها
ــــــــــــــــــــــــــــــــــــــــــــــــ
مجدي : طب ليه مقولتيش اني فرحها كان امبارح
ندي بضيق : انا نسيت يا مجدي وبعدين انا مكنتش هعرف اصلا لغيط لما عرفت اني في بنت تانيه جايه تشتغل بعد هدير
صمت مجدي بحزن
ندي بصدمه : انت بجد حبيت هدير
مجدي : انتي هتروحي ليها انهارده
ندي : امممممم هكلمها الاول وهشوف ينفع ولا لا
مجدي : تمام لو هتروحي قوليلي علشان هاجي معاكي
ندي : ليه !
مجدي بتنهيده : كده من غير ليه
ندي : ماشي يا مجدي اما هشوف اخرتها معاك
ـــــــــــــــــــــــــــــــــــــــــــــــ
الباب بيخبط
سميه بصدمه : ايهاب
ايهاب ببرود : فين تقي
سميه بحده : وانت مالك بيها مش كفايه انك كل شويه بتخونها
ايهاب ببرود : وانتي مالك بلاش تتدخلي ما بيني وبين مراتي
سميه : مراتك دي بتكون صحبيتي
ايهاب بصوت عالي : تقيييييييييي
تقي بغضب : اي اللي جابك هنا مش مكفيك اللي عملتوا فيا
ايهاب ببرود : تعالي نتكلم فيه بيتنا
تقي بحده : لا انا مش هروح معاك في اي حته طلقني يا ايهاب وخليك مع الزباله اللي شبهك
ايهاب بغضب : تقي الزمي حدودك ويلا
تقي : لا مش هروح معاك في اي مكان
ايهاب محاولة الهدوء : حبيت هسيبك امبارح تهدي وقولت هجيلك تكوني اهديتي
تقي بدموع : اهدا ! انت مصدق نفسك طب ازاي وانت خونتني
ايهاب : انا والله مخونتك انا كنت لسه ازقها لقيتك دخلتي
نظرت له تقي بدموع
ايهاب : والله يا تقي انا اتغيرت ومش لدرجادي صدقيني
تقي بدموع : كل مره بصدقك وفي الاخر بتصدم فيك
ايهاب : تقي
تقي بدموع : طلقني يا ايهاب وده اخر كلام عندي
ايهاب بحده : مش هطلقك يا تقي ولو وصلت إني اطلبك في بيت الطاعه اعملها فاهمه
تقي بدموع : تمام وانا هرفع عليك قضية خلع
نظر لها ايهاب بغضب ولكنه ذهب وتركها تبكي على حبها له
سميه بحزن : اهدي يا قلبي اهدي
تقي بدموع : بحبه اوي يا سميه
سميه بحزن : طب ما كنتي سامحتي وخلاص
تقي بدموع : لا مش اقدر استحمل خيانتوا ليا بس غصب عني والله بحبه
ظلت تقي تبكي
ـــــــــــــــــــــــــــــــــــــــــــــــ
حازم بابتسامه : منوره العربيه
حبيبه بحزن في داخلها : بنورك
طول الطريق كانوا ساكتين
حازم قطع الصمت قائلا : عامله اي في المذاكره
حبيبه : تمام
حازم : ان شاء الله تجيبي مجموع عالي السنادي علشان تدخلي اللي تتمني
حبيبه : يارب
حازم : عايزه تدخلي ايه
حبيبه ببرود : لسه معرفش
حازم باستغراب : ازاي اللي انا هعرفوا انك محدده حلمك من زمان
حبيبه ببرود بتبص من الشباك : زمان بقا
حازم وقف العربيه فجاه
حبيبه باستغراب : فيه ايه ؟
حازم بغيظ : انتي مالك انهارده فيكي ايه !
حبيبه : مفيش
حازم : لا اكيد فيه بتردي عليا بطريقة مش حلوه ودي مش طريقتك كالعاده
حبيبه : ممكن تمشي علشان انا متاخره
حازم بغيظ : بقا كده ماشي
ساق حازم العربيه وبداخله غضب
ــــــــــــــــــــــــــــــــــــــــــــــــ
مِسِك : داده نعيمه هو جاسم ليه قاسي كده
الداده نعيمه بحزن : شاف كتيره يا بنتي
مِسِك ببراءه : طب ما انا شوفت كتير برده ومعاملتش حد بقسوه
الداده نعيمه بحنيه : ده انتي بسكوته خالص
مِسِك بابتسامه : ربنا ما يحرمنيش منك يا داده
الداده نعيمه بابتسامه : ولا منك يا ست البنات
مِسِك : برده مقولتيش جاسم شاف ايه زمان
الداده نعيمه بحزن : اهل جاسم كانوا قاسيين عليه جدا بس فيه مره عملوا حادثه وتوفوا
مِسِك : طب وهو زعلان على موتهم
الداده نعيمه بحزن : ايوه طبعا بس شاف منهم كتير علشان كده قلبوا قاسي
مِسِك بطفوله : خلاص انا هفضل معاه علشان ميكونش قاسي كده
الداده نعيمه بابتسامه : ربنا يسعدك يا ست البنات يلا انا هروح المطبخ علشان الغداء وانتي ذاكري اتففنا
مِسِك بابتسامه : اتففنا
ذهبت الداده نعيمه الي المطبخ تاركه مِسِك شارده
ــــــــــــــــــــــــــــــــــــــــــــــــ
ايهاب بضيق : اهلا اللي بسببه سمعت كلام قد كده من جاسم
رامي بضحك : عامل ايه يا صحبي
ايهاب بضيق : والله شخص مستفز يعني انت عارف اني جاسم هيكتشف ومخليني هعمل معاه صفقه
رامي بتنهيده : مكنتش هعرف انه هيكشفنا بالسرعة دي وبعدين ما انت اللي طولت معاه اوي في الصفقه
ايهاب بضيق : دلوقتي انا الغلطان
رامي بضحك : ايوه
ايهاب بضيق : غور من هنا
رامي : هي رانا معرفتش تتقرب من جاسم !
ايهاب : لا كل لما كانت بتقرب منه بيصدها
رامي بشرود : جاسم زي ماهو استحاله يبص للبنات
ايهاب بضيق : يعني انت عارف كده وبرده قولتلها تتقرب منه
رامي بضحك : قولت هجرب وبعدين انت ليه مضايق
ايهاب بتنهيده : مفيش
رامي بهدوء : لا اكيد فيه احكي
ايهاب : تقي طالبه الطلاق
رامي بصدمه : ايه ليه كده !
ايهاب غمض عيونه بوجع : دخلت ورانا واقفه جنبي وبتحاول تتقرب مني
رامي بصدمه : يا نهار ابيض ايهاب اوعي تكون
ايهاب مقاطعا : رامي انا اتغيرت والله كنت لسه ازقها بس لقيت تقي دخلت
رامي : وطبعا مش مصدقه
ايهاب بحزن : ايوه
رامي : طب هي راحت لي اهلها
ايهاب : لا عند صحبيتها سميه
رامي : طب ما تمشي رانا وريح نفسك
ايهاب : انا اكيد همشيها ايوه
رامي : ان شاء الله ومتقلقش تقي بتحبك
ايهاب بتنهيده : المرادي مصممه على الطلاق
رامي : هتغير رايها علشان بتحبك
ايهاب : ان شاء الله المهم مراتك عامله ايه ؟
رامي : الحمدالله بخير
ايهاب : ربنا يسعدكم يا صحبي
رامي بابتسامه : يارب ويهدي ليك مراتك
ايهاب : يارب
رامي : يلا بقا سلام
ايهاب : لسه بدري
رامي : انا جيت بس علشان متكونش زعلان
ايهاب بحب اخوي : مينفعش هزعل وانا معايا اخ زيك
رامي بابتسامه : ربنا ما يحرمني منك
ايهاب بابتسامه : ولا منك ومتزعلش بقا علشان فشلت خطتنا
رامي بابتسامه : لا عادي ده كان المتوقع يلا سلام
ذهب رامي
ــــــــــــــــــــــــــــــــــــــــــــــــ
هدير بطيبه : صباح الخير
رحاب بضيق : كل ده نوم يا عروسه
هدير باحراج : انا
رحاب مقاطعا : انا مردتش هصحيكي بنفسي بس المره الجايه اعملها علشان ميعجبنش التصرفات دي
هدير : انا
فهد مقاطعا : فيه اي !
رحاب بضيق : بشوف مراتك اللي صاحيه الظهر
فهد ببرود : احنا عرسان يا عمتي لسه
ثم نظر الي هدير وذهبوا الي الغرفه تحت انظار رحاب
ـــــــــــــــــــــــــــــــــــــــــــــــ
عادل بغضب : انت يا زفت كنت فين طول اليوم امبارح
اشرف بتعب : كنت مع صحابي
عادل بغضب : مع صحابك من بليل لغيط دلوقتي فاكرني غبي ها انا عارف كل قرفك
اشرف : يوووووه بقا
عادل بغضب : احترم نفسك والا والله هربيك من جديد
حنان : اهدا بس يا عادل على الواد شويه
ثم نظرت الي ابنها : اشرف انا وابوك بنفكر في خطه علشان المحروسه اختك
اشرف بتعب : طب وفكرتوا
حنان : بنفكر لسه
اشرف بتعب : طب هنام وبعدين نفكر
عادل بحده : نعم يا روح امك
حنان : تعال معايا يا عادل
عادل خرج بالعافيه
عادل بحده : انتي مدلعه الزفت ده لغيط لما بوظتي
حنان : اهدا بس يا عادل الواد يرتاح وبعدين نتكلم معاه
عادل بضيق نظر لها ثم ذهب
ــــــــــــــــــــــــــــــــــــــــــــــــ
عبد الرحمن : حبيبه ممكن ثانيه
حبيبه : نعم
عبد الرحمن : مين اللي جابك ده انهارده
حبيبه بضيق : وانت مالك
عبد الرحمن بحزن : انا بس بسالك
حبيبه : انت
حازم شاف حبيبه واقفه مع عبد الرحمن اضايق وبقا غضبان
حازم بصوت عالي : حبببييييييبه
ــــــــــــــــــــــــــــــــــــــــــــــــ
اماني باستغراب : الو
الشخص بضحك : عامله اي يا قلبي
اماني بصدمه
ــــــــــــــــــــــــــــــــــــــــــــــــ
اي اللي هيحصل ؟؟
جاسم هيفضل لغيط امته يعامل مِسِك ببرود ؟؟
هل جاسم هيطلقها في الاخر ؟؟
جاسم عايز يعمل ايه الاول قبل ما يطلق مِسِك ؟؟
تقي هتسامح ايهاب ولا لا ؟؟
مين هو الشخص اللي اماني اتصدمت لما سمعت صوته ؟؟
رحاب هتفضل تعامل هدير كده ولا هتتغير للاحسن وتعاملها حلو ؟؟
حبيبه هتفضل تتعامل ببرود مع حازم ؟؟
حازم هيعمل اي لما شافها واقفه مع عبد الرحمن. ؟؟
انا جاوبت على كازه سؤال قبل كده
والبارت ده جاوبت على سؤال منهم
من هو الشخص الذي كان يتحدث مع ايهاب ؟؟
كان رامي الشخص ده
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طفله في عرين الشيطان)
