رواية البلطجية والأعمى الفصل الثالث 3 بقلم هالة

رواية البلطجية والأعمى الجزء الثالث

رواية البلطجية والأعمى البارت الثالث

رواية البلطجية والأعمى الحلقة الثالثة

حور بصوت عالي: اخرس ي *** تيم ده سيدك وسيد الرجاله كلهم لو لسانك الزفر ده نطق كلمه متعجبنيش عن تيم اقسم بالله لوريك الويل انت فاااهم. قالت كلمتها الاخيره بزعيق
فارس محاول استعطافها : انا بحبك ي حور معقوله تتجوزي واحد زي ده… ده حتى مش من مقام المعلمه حور ست ستات المنطقه
حور: مش انت اللي تقول مين مقامي ومين لا
فارس بصوت عالي نسبيا: لا مهو مش معقول كده ازاي توافقي على واحد اصلا هيعرف يحميكي ولا يهتم بيكي ده واحد اعمى و
اسكتته صفعه قويه من حور: كلمه كمان وهخليك تخرج برا المنطقه وشك بيلحس التراب من اللي هعملو فيك ومتنساش نفسك. قالت بدلع: تيم ده حبيبي روحي راجلي وتاج راسي لو حب اعيشلو خدامه تحت رجلو العمر كلو هعمل كده في سبيل راحتو
فارس بصدمه: بتضربيني ي حور وعشان اي عشان واحد اعمى فيه اي احسن مني
حور: راجل تيم راجل وشهم واحد اقدر اتسند عليه ومخافش اكون مطمنه في حضنو ومش خايفه يوم متكسر الاقيه في ضهري تيم راجل وده الفرق بينة وبينك ي فارس

فارس: حور ا
قاطعته حور بحده: المعلمه حور متنساش نفسك
فارس بعصبيه وغل: مش هخليكي تتهني بيه
حور بغضب: اقسم بالله ي فارس لو فكرت مجرد تفكير تأذي تيم ليكون اخر يوم في عمرك متنساش انا مين فاهم
فارس لسه هيتكلم فحور قالت بحده: فااهم
فارس بتوعد: ماشي ي حور ماشي. وخرج وهو بيتوعد ليها ولتيم
حور بقرف وهي بتفتح الباب: عيل تنح اللهي يفور دمك زي مفورت دمي قادر ي كريم
في صباح اليوم التالي
صحي تيم على صوت في خبط في البلكونه فمسك العصايه وفتحها: مين
حور رمت باقى الطوب اللي في اديها: اي ي حبيبي كل ده نوم
تيم ضحك: هو انتي.. بس مش المفروض انا اللي اعمل كده
حور: الاختلاف حلو بعدين تعالى هنا يخرب عقلك
تيم باستغراب: في اي
حور: اي ي ولا الحلاوه دي يخربيت جمال امك ده منظر واحد لسه صاحي من النوم يالهوي على القمر
تيم ضحك بصوت عالي: بتعاكسيني ي حور
حور بدلع: مش كلها ايام وتبقى جوزي براحتي بقى
تيم بإبتسامة: طبعا براحتك يحبيبتي حد يقدر يقول حاجه ده انتي روح قلبي
حور: طب خش البس التشيرت عشان متخادش برد
تيم: حاسك امي اوي
حور: طبعا امك وحبيبتك وكل حاجه في حياتك ولا عند الايتاذ تيم اعتراض
تيم ضحك وعينو غمضت وبانت غمزاتو
حور: استغفر الله العظيم خش يبني بدل ماجي ابوسك خش يخربيت عضلاتك
تيم بضحك: انتي رهيبه بجد
صوت واحده: اي الجمال ده من امتى القمر بيطلع الصبح

حور بغيره وعصبيه: وحيات امك طب وربنا لانزل اجرك من شعرك واوريكي تعاكسي جوزي ازاي اصبري عليا بس
تيم: اهدي ي حور محصلش حاجه يعني
حور بعصبيه: متقوليش اهدي بعدين انت اي اللي موقفك يلا خش جوا
تيم بابتسامه جذابه: طب بحبك طيب
حور وقد نست عصبيتها وقالت بحنان: وانا بعشق امك يولا
بعد شويه
حور قاعده على القهوه وبتشرب شيشه: واد ي عنبه تعالى غيرلي الحجر يولا
عنبه جه جري: امرك ي معلمه
وسط مهي بتشوف الحسابات لقت اللي سحب كرسي وقعد قدامها رفعت عنيها ببرود: اهلا ي معلم خير ان شاء الله
حسن: كل خير عايزك في موضوع على انفراد
حور وهي بتطبطب على كتف عنبه: عنبه ده اخويا مش غريب قول اللي انت عايزو وياريت مطولش عشان ورانا مشاغل اديك شايف
حسن: ٥٠٠ الف
حور ببرود وهي بطلع الدخان: مالهم
حسن: مهرك ي معلمه
حور حطت الشيشه على المكتب وسندت عليه: بقى انا المعلمه حور على سن ورمح ست ستات المنطقه مهري يبقى ٥٠٠ الف
حسن: تستاهلي دهب الدنيا كلها ولله يمعلمه خلاص خليهم ٧٠٠ مش خساره فيكي

حور رجعت بضهرها ورا وحطت رجل على رجل: لا يخويا خلهملك
حسن: قصدك اي
حور: قصدي معروف ي معلم انا مستخسره نفسي فيك بصراحه
حسن: لي الكلام اللي يزعل ده بس
حور: ربنا ميجيب زعل يخويا بس معلش انا واحده عايشه بطولي وده جواز يعني هتقعد في اربيزي العمر كلو وانت متجوز بدل المره ٣ وانا مبقاش ضره لحد
حسن بسرعه: اطلقهم عشانك ي معلمه
حور: لا يخويا انا ميرضنيش خراب البيوت ثم حتى لو طلقتهم ف انت بصراحه متنفعنيش اصل بصراحه كده انت قد ابويا ان مكنتش قد جدي مرضاش اتجوز واحد في سن جدي لو مؤخذه
حسن: لي كده بس ي معلمه ده انا افرشلك الارض دهب عشان عيونك
حور: انت بتكلم المعلمه حور انا مببصش للفلوس ولا الدهب انا عايزه راجل بمعنى الكلمه يدخل دماغي اعرف اعيش حياتي معاه هه مش اقعد معاه اسبوع ويتكل وتتحسب عليا جوازه
حسن: يعني مفيش فايده
حور وهي تضع الشيشه في فمها: شرفت ي معلم
حسن وقف وبصلها من فوق لتحت: هيجي اليوم اللي تجيلي فيه ي معلمه
حور بصحكه ساخره: ابقى اتغطى كويس بقى…عارف سكتك ولا ابعت الواد عنبه معاك
حسن: لا عارفها بس ابقي افتكري اني جيت لغايه عندك سلام. ومشي
حور: اللهي يدوسك قطر يبعيد قال اتجوزك قال ده الموت ارحم… متخلص يعنبه ساعه بتغير الحجر
عنبه: خلصت اهو شدي كده

حور وهي تنفذ الدخان: لا جدع يواد يلا روح شوف شغلك . رجعت تبص للورق اللي قدامها لغايه معنيها وقعت على تيم وهو نازل فقامت بسرعه: واد ي عنباااه خد بالك من المحل اعبال ماجي يولا . وجريت على تيم
تيم بإبتسامة: صباح الخير
حور بإبتسامة: صباح الورد على عيونك ي حبيبي… على فين كده
تيم: هروح المستشفى انهرده عشان اشوف الدكتور في المتابعه واشوف في جديد ولا لا
حور: اخص عليك ي تيم من غير متقولي
تيم: مرضتش اتعبك معايا منا عارف انو موسم والشغل كتير عليكي
حور: ولله لو ورايا اي افضالك هو انا ليا غيرك يلا ي خويا عشان منتأخرش
تيم بإبتسامة: يلا
…………………………
حور بقلق: طمني ي دكتور
الدكتور: عال اوي طول م هو مستمر على العلاج هيخلي نسبه نجاح العمليه تعلى
تيم: هو مفيش حل غير العمليه
الدكتور: للاسف لا
حور: طب ممكن تتعمل امتى كده
الدكتور: لو استمر على العلاج بالحاله دي يبقى بعد شهر من دلوقتي
حور: طيب ي دكتور شوف كده وظبط الامور وان شاء الله هنكون عندك في المعاد
تيم: انتي بتقولي اي ي حور
حور ضغطت على ايدو: اهدى بس.. حاجه تاني ي دكتور
الدكتور: لا تقدرو تتفضلو
واستأذنو ومشيو
تيم بضيق: ممكن افهم بقى اي اللي قولتيه ده

حور: عايزه حمص ي تيم
تيم: انتي بتهزري ي حور
حور بطفوليه: مليش دعوه عايزه حمص
تيم بتنهيده: يلا ي حور نجيب حمص منا عارف انك مش هتسكتي. واشترو الحمص وقعدو على النيل
حور: يلا افتح بؤك
تيم: هو انا عيل صغير ي حور
حور: بنسبالي اه يلا بقى العصفوره راحه فين
تيم بعد اديها: حور لو سمحت انا عايز اعرف اي اللي قولتيه عند الدكتور انهرده ده
حور: قولت اي يعني
تيم: بلاش استعباط عمليه اي اللي اعملها
حور: الاه وفيها اي بقى
تيم: فيها كتير هجيب منين فلوس العمليه بقى
حور: ربك هيفرجها ملكش دعوه انت
تيم: انتي متخيله اني ممكن اخد منك مليم ده على جثتي ي حور
حور: ي تيم انا وانت واحد مفهاش حاجه اننا نساعد بعض يعني
تيم: لي ان شاء الله شيفاني لابس طرحه ولا مركب قرون
حور بسرعه: فشر ده انت سيد الرجاله ي حبيبي هو حد يقدر يقول عليك نص كلمه بس يعني ساعتها هنكون اتجوزنا وهنبقى شخص واحد فعلا بعدين ي تيم متفسرهاش من الجهه دي يسيدي ابقى رضهالي بعدين
تيم: برضو لا ي حور
حور بضيق: يووه بقى ي تيم هو مفيش فايده فيك
تيم: حور متعصبنيش انا على اخري
حور: كل ي تيم كل ي حبيبي ساعتها يبقى يحلها الف حلال… فك بقى متبقاش رخم
تيم ضحك بخفه بعدين قال: تعرفي ي حور انا عايز ارجع اشوف تاني لي
حور: لي

تيم: عشان اشوفك مش فارق معايا اي حاجه انشالله لو بس افتح خمس دقايق اشوفك فيهم بعدين ارجع تاني اعمى مش هيفرق
حور بإبتسامة بسيطه: ان شاء الله هتخف ي حبيبي وهتزهق مني. ضحكت بخفه: تخيل كده لو شكلي مش عجبك هتسبني
تيم بسرعه: لا طبعا اسيب مين هو انا مجنون عشان اسيبك تضيعي مني بعدين انتي قولتهالي قبل كده انا حبيتك انتي ك حور حبيت طيبه قلبك وجدعنتك حبيت وقفتك جنبي حبيت كل حاجه فيكي انتي عوضتيني عن كل حاجه في حياتي انتي مش متخيله انا بكون عامل ازاي وانا معاكي بكون زي الطفل اللي خايف يتحرم من امو وانتي امي واختي وبنتي وحبيبتي وكل حاجه ليا ي حور
حور بدموع خفيفه وابتسامه: مش عارفه اقولك اي بس انا بوعدك ي تيم اني مش هسيبك ابدا وهفضل احبك لغايه اخر نفس فيا وهعتبرك ابني مش بس جوزي
تيم ابتسم: المهم انك معايا ي حور. ضحك: كلي الحمص عشان لو برد بتقعدي تعيطي
حور ضحكت وهي بتمسح دموعها: حاضر
بعد شويه
رجعو الحاره وهما بيتكلمو ويضحكو لغايه موصلو لبيت تيم
حور: اوعى الاقيك طالعلي الصبح من غير تيشيرت ولله اقتك
تيم ضحك: حاضر ي حور حاجه تاني
حور: اه متضحكش وانا متعصبه عشان بتضعف موقفي بغمزاتك دي
تيم ضحك بصوت عالي
حور: اما قليل الادب بصحيح
تيم بضحك: بجد مش قادر ههههه انتي رهيبه
حور بإبتسامة: ربنا يديم ضحكتك ي حبيبي