رواية أنت طريقي الفصل السابع 7 بقلم ياسمينا

سالم دخل الاوضه وآمال وحنين دخلو وراه فورا امال شافت قطتها كانت علي سرير

امال : دي دي القطه هي الي عملت الصوت ده

حنين : ايوا اه فعلا هي

سالم : طب وقعت ايه

امال بتوتر : ماحضرتك عارف يابابا أن قطتي شقيه وكدا

سالم : اممم لو كنتي رمتيها كان احسن

سالم خرج برا الاوضه وحنين وراه امال فتحت الدولاب

امال بضيق : كنا هنتكشف

اركان : طب احنا كدا هنطلع ازاي

امال : مش عارفه

اساف بصوت عالي : انا زهقت

اركان بغضب : وطي صوتك ياحيوان

امال حست ان فيه حد داخل الاوضه قفلت الدولاب بسرعه وكانت مامتها

اميره : امال عايزه اكلمك في حاجه

امال بتوتر : طبعا تعالي نطلع برا

اميره : لا هنا

امال : ماشي اتفضلي

عند اركان كان مركز اوي كان عايز يسمع مامتها عايزها في ايه

اركان بهمس : لتكون عايزه تكلمها عن عمر شكلو أتقدم ولا ايه

اساف : وانت مالك

اركان بضيق : حمار اسمع بس

اميره : ابوكي شاف الدفليه امبارح وشاف لما اركان قال انو هيتجوزك

امال بصدمه : ومزعقش ليه ازاي هادي كدا

اميره : علشان ده اركان

امال بتفهم : اه اركان اه

اميره : المهم انتي بتحبيه

امال معرفتش تقولها أن دي كلها تمثليه ولا تكدب

امال يحيره : اوووي ياماما بحبو اوي

اركان بابتسامه : شووووفت

اساف : ياشيخ اتنيل تلقيها اتكسفت تقولها أنها تمثليه

اركان بسخرية : اه ومتكسفتش لما قالت انها بتحبني اسمع اسمع هتجبلي الجلطه

اميره بشك : متاكده

امال بتوتر : طبعا

اميره : وحبتي فيه ايه

امال : في ايه ياماما ليه الاسئله دي

أميرة : بس هو مجاش من الباب

اساف بسخرية : اه والله ياخالتي يا ام امال جاه من شباك

اركان بصلو بغضب

امال : مهو ياماما كان هيسفرلكم انهارده

اميره بغضب : اتصلي عليه حالا خليه يجي دلوقتي الي حصل ده مينفعش

امال بتوتر : دلوقتي دلوقتي

اميره : اهاااا

امال : طيب ياماما بس مش دلوقتي هو تلقيه نايم دلوقتي

اميره بغضب : وكمان عرفتي معاد نومو

امال بضيق : والله ابدا بس بصي يا ماما هو هيجي انهارده وهتشوفي

اميره : ماشي

اميره سبتها وخرجت برا الاوضه وأركان طلع من دولاب وآمال راحت قفلت الباب بلمفتاح بسرعه

امال : ايه الي طلعك

اركان : لازم اكلم اهلك

اساف بسخرية : لما نطلع الاول ابقا فكر تكلمهم

اركان : امال شوفلنا حل نخرج من هنا علشان اعرف اكلم باباكي

امال : تمام وبعد ماتكلمو

اركان يحيره : معرفش

امال : اووووف

اركان : امال

امال : ها

اركان : بصيلي

امال بصتلو : ها

اركان : تجي اخطفك ساعه واحده بس

امال بسخرية : لا والله وأهلي الي برا دول وبعدين انت مين علشان اجي معاك

اركان بأبتسامه : هتعرفي لو جتي معايا

امال : وايه الي يخليني اجي معاك

اركان : اسمعي كلام ومن هتخسري حاجه

امال : اركان دي اخر مره هجي معاك فيها تمام

اركان بأيتسامه : تمام

اساف : هي اختك حنين دي ايه سكتها

امال : الحلال ثم الحلال ثم الحلال

اساف بضحك : ماشي ومالو الحلال نجربو بردو

امال : ومين هيسمحلك انك تجربو ها

اساف : اطلعي انتي بس منها وكل حاجه هتنحل

اركان قام ووقف جمب الدولاب وفتحتو وطلع فيه باب سري ورا الدولاب وأركان فتحتو بلمفتاح امال بصت علي باب بصدمه كان فيه هدوووم كتيرر اوي كلها رجاالي

اركان : تعالي

اساف : يخربيتك طب مخلتناش نستخبه هنا من بدري ليه دانا ضهري انكسر

اركان بضحك : بحب اتعبك يابيبي

امال بضيق : انت عايزني ادخل معاك جوا ليه وقولي الشقه دي بتعتك ولالا

اركان مد ايدو لي امال

اركان : بتثقي فيا

امال بتوتر : اه

اركان : يبقا هاتي ايدك

امال مسكت ايد اركان وهو خدها ودخلو الباب السحري

اساف : وانا اعمل ايه

اركان بسخرية : لما حد يدخل ابقا استخبه تحت سرير ياحب

اركان قفل الباب في وش اساف

اساف بغضب : ماشي ونبي لفضحك استنا عليا

اما امال كانت عماله تبص علي الهدوم المتعلقه حوليها هدوم كتير اوي

اركان : امال

امال بتركيز : ها

اركان بصدق : انا كنت بحب بنت بس البنت دي كانت بتحب اساف

امال بصدمه : معقول

اركان : ايوا هحكيلك قصتها بعدين بس انا عايز طلب منك

امال : ايه هو الطلب

اركان بحب : بصي ياامال انا مش هنكر اني مرتاح اوي معاكي وبغير عليكي ايوا بغير عليكي اوي وحسيت معاكي بأحساس مختلف ومعجب اوي بيكي طبتك هدوءك عصبيتك حتي جميله اوي بس انا خايف خايف من الحب خايف الحب يخوني تاني ويكسرني انا عايزك تساعديني اقدر اكسر العقده دي علشان انا بجد عايز اكمل معاكي حياتي

امال كانت بتسمع كل ده ومش مصدقه ومش عارفه ترد تقول ايه

اركان : امال هو انتي بتحبني

امال بحيره : معرفش

اركان : بتحبي تشوفيني

امال بتلقائية : اه

اركان : بتحبي تكلمي معايا حتي لو في حاجات تافهه المهم نتكلم

امال بلا وعي : جداا جداا وبذات لما تعصبني

اركان بأبتسامه : وايه تاني

امال بتوتر : ها لا مفيش

اركان : بليز كملي عايز اسمع

امال بهدوء : هقولك بص ياسيدي انت كنت مثلي الاعله عجبني فيك انك انسان واثق من نفسك ولما قبلتك بجد مكنتش اعرف انك كدا عادي بتهزر زاينا كدا وكمان بتحب الحاجات البسيطه دي احم طبعا اعجبت بيك وكدا يعني

اركان بحب : توافقي تساعدني

امال : موافقه

اركان : يعني مش هتندمي علي القرار ده

امال بثقه : مستحيل هو انا لو مكنتش حاسه انك بتحبني مكنتش هوافق

اركان بحب : بحبك اوي

امال بخجل : احم بسرعه دي

اركان بضحك : اه صح خلاص نقول معجب بيكي اووووي

امال بابتسامه : اممم دي تمشي علشان اعرف اصدقك

اركان : جاه دورك يلا

امال : معجبه بيك شويه صغيرين خالص

اركان بضحك : ماشي انا راضي ياستي بصي بقا انا هغير هدومي وبعدين هقولك هنعمل ايه

امال بحماس : سبني انا اختارلك هدومك

امال بدأت تختار من الهدوم وبعدين طلعت بنطلون جينز اسود و تشرت ابيض وفوقو جكت جلد اسود وكوتشي ابيض

امال : خلصتتت

اركان : طب الجميل مش هيساعدني اغير

امال وهي بتخرج من الباب : لا لما ابقا مراتك بقا أن شاء الله ابقا اغيرلك هبعتلك صحبك

امال خرجت وأركان ابتسم وقال : مرااتك واووو

اساف دخل

اساف : يلا خليني اغيرلك

اركان بضحك : لا بتكسف

اساف : استرجل ياض

اركان : طيب ماشي وانت مش هتغير وانت شبه العفريت كدا

اساف وقف قدام المرايا : يلهوي عليا انا اتبهدلت خالص

اركان بضحك : عندي فكره نلبس زاي بعض

اساف : حلوه الفكره بس انت مش ملاحظ انك بتلزق فيا وده غلط لان قلبي مش ملكي

اركان بضحك : لا ونبي خليه ملكي علشان هموت من غيرك

اساف بضحك : حبيبي ياصحبي

اركان : مش انا قرارت اتجوز امال

اساف : حبتها ولا هتظلمها معاك

اركان : بحبها بس خايف مش اكتر

اساف : متاكد

اركان بثقه : جدا

اساف وهو بيحضن اركان : حبيبي ياكوكي

اركان : كووكي طب ابعد عنييي

اساف بضحك : طيب يلا علشان اغيرلك زاي البيبي صغير

اركان بغضب : برااا يااساف براااا

اساف بضحك : خلاص والله

اساف بدأ يشوف جرح اركان وعقمو وساعدو يلبس وهو مكان لبس زاي اركان وكان باين انهم توأم طلعو من الباب الي في الدولاب وحنين وآمال كانو مستنينهم

حنين : اوووووبا

امال بصت لي اركان الي كان شكلو حلو اووووي اركان ابتسملها وقال : عجبك ولا ايه

امال بتوتر : عادي

اساف : وبنسبه ليكي عجبتك ولا لا

حنين بصت لي امال لقتها بتبصلها بغضب

حنين : احم يعني عادي

اساف قرب من حنين : قولي ومتخافيش من البومه الي واقفه هناك دي

حنين ضحكت

اساف : يخربيت ضحكتك ياشيخه تجنن

امال بغضب : لا كدااا كتير

اركان : خلاص اهدو بقا بصي ياحنين انتي هتخدي اهلك وتقعديهم في الصالون تمام واحنا هنطلع وبعد دقيقه هنخبط علي الباب وتفتحي وكدا هنبان قدامهم أن احنا لسا جاين

حنين : اشطا يلا هروح

حنين فعلا عملت الي اركان قالها عليه وآمال خدتهم وفتحت باب الشقه وطلعو بهدوء وبعدين راحت قعدت معا أهلها وبعد 5 دقايق سمعو الباب بيخبط وآمال راحت تفتح

اركان بتمثيل : ده منزل امال سالم

امال بضحك : همووت

اركان بحب : بعد شر

امال :طب يلا ادخلو

اركان واساف دخلو الصالون وسالم رحب بيهم

اركان : احم انا جاي انهارده علشان اطلب ايد بنت حضرتك وطبعا حضرتك عارف انا مين

سالم : اه طبعا بس بردو لازم ناخد رأي العروسه

اساف : هو انتو عملتو غدا ولا لسا

الكل بصلو بصدمه

اساف : مالكم انا جعان مكلتش من صبح

اركان بهمس : فضحتني يابن مفضوحه

اساف : وهفضحك اكتر واقول لي ابوها انك بايت هنا من امبارح لو مأكلتنيش

اركان بضيق : طب اخرس

سالم : ها يابنتي ايه رأيك

امال بخجل : الي تشوفو يابابا

اساف : ياااعمي هي موافقه وهو موافق وبيحبو بعض نتكلم في المهم بقا الغدا هيجهز امتا

اركان : علفكره انا معرفش مين ده وبيعمل ايه هنا ف اطردو

اساف : كدا يااركان متخلنيش ابوظلك الجوازه

اركان : انت لسا هتبوظها مهو باظت خلاص

سالم بأبتسامه : خلاص ياسيدي هنغديك حنين يلا حطي الاكل

اساف : لو حنين محتاجه مساعده هساعدها عادي جدا

اركان بهمس : ارحم امييييي بقا

اساف : اوف طيب سكت

اركان : انا عايز اتجوز في خلال شهر

اساف : متخليها اسبوع ونخلص

اركان : اسااااااف

اساف : خلاص خلاص

سالم : ماشي وانا موافق

اساف : علفكره ياعمو مفروض نسبهم شويه معا بعض

اركان : والله احلا حاجه قولتلها من ساعت ما شوفتك

اساف بضحك : مرسي

سالم : اكيد طبعا لازم يخدو علي بعض

اساف بسخرية : مهو خدو علي بعض خلاص وانت نايم في العسل

سالم : ايه

اساف : لا متخدش في بالك تعال قولي بقا انتو عاملين اكل ايه

اساف وسالم خرجو وآمال قربت من أركان بغضب

امال : ازاي بعد شهر هااا

اركان بأبتسامه : ايه عايز اجيب بقا زينه وزين

امال بصدمه : زينه وزين مين

اركان : عيالنا يابيبي

امال : انت اتجننت صح

اركان : بصي ياحبيبتي انا مبحبش العصبيه تمام

امال : طيب ولا انا

اركان بأبتسامه : يلا علشان اخطفك

امال : وبابا

اركان : اممم طيب نقعد شويه وبعدين اقولو

امال : يارب يوافق

اركان بضحك : شايفك بقتي مدلوقه شويه

امال بغضب : انا مدلوقه ماشي

حنين دخلت عليهم

حنين : يلا علشان جهزت الاكل

امال : يلااا

امال جت تقوم لقت اركان لسا قاعده

امال : متقوم

اركان بأبتسامه : مش انا يعتبر كدا خاطب

امال : اه

اركان : يبقا امسكي ايدي

امال بضيق : جو النحنحه دي انا ماليش فيه

اركان : بجد خلاص انا همسك ايدك

اركان قام ومسك ايد امال وطلعو برا وآمال كانت فرحانه

_____________________________________

❤️عند تالا❤️

مريم وتالا وصلو النادي الي بيدرب فيه معتز وشافوه وهو نازل من عربيتو

تالا : انا خايفه

مريم : متخافيش روحي بس كلميه

تالا قربت من معتز بتوتر

تالا : معتز

معتز بصلها بضيق : ها

تالا بضيق : مالك بتبصلي اكنك مش طايقني

معتز : مانا فعلا مش طايقك ولا عايز اشوفك بجد بكرهك انتي وأركان ده

تالا مقدرتش تمسك نفسها وبدأت تعيط ومشيت من قدامو وهو حس انو ندمان بس مشي وسبها

تالا بدموع : مش بقولك مش هينفع

مريم يحزن : انا اسفه

تالا : مش ذنبك انتي ذنبي انا اني حبيت واحد زايو

مريم : طب تعالي نقعد شويه

تالا ومريم قعدو في كافيه ولسوء حظهم كان معتز قاعد قدامهم وبيتكلم في تلفون

تالا : يلا نمشي

مريم : لا نشرب حاجه ونمشي

وفاجأه سمعو صوت طفل بعيط وتقريبا كل الي في الكافيه سمعو صوتهم تالا بصت علي طفل لقتو قاعد جمب مامتو وبيعيط تالا قربت من الولد ومعتز كان مركز معاها

تالا : بتعيط ليه ياحبيبي

الطفل بدموع : اصل ماما مش عايزني اركب الحصان

تالا : ليه حضرتك مش عايزاه يركب الحصان

ام طفل : محدش هنا علشان يركب معه وانا خايفه يركب لوحدو

تالا بأبتسامه : خلاص تسمحيلي اركبو واركب معه

ام الطفل : تمام اوك

الطفل بسعاده: مرسي بجد

تالا خدت الطفل وطلعت برا الكافيه ومريم وراها ومعتز ابتسم وخرج وراهم

معتز خد الطفل من ايد تالا

معتز : تعال بقا اركبك حصاني المفضل

تالا بضيق : وانت مالك

معتز تجاهلها وخد الطفل وراحو يركبو الحصان وتالا جريت وراهم

مريم بخبث : شكلها هتحلووووو

معتز ركب الطفل الحصان وهو ركب وراه

تالا بغضب : وافرض حصلو حاجه وهو علي مسؤوليتي

معتز بحب: اركبي معانا

تالا : نعم

معتز : لو خايفه عليه اركبي ورايا

تالا بحيره : استنا افكر

معتز : لا انا هتحرك

تالا : لا خلاص خلاااص

معتز مسك ايد تالا وساعدها تركب وراه

معتز : امسكي فيا جامد

تالا بخجل : لا طبعا اتحرك يلا

معتز ابتسم بخبث وتحرك بسرعه وتالا غصب عنها حضنتو من ضهرو

تالا : براحه

معتز وهو بيغني :حبيبي يا عاشق ياحر زاي الطير شاور هقول حاضر للحب قلبي اسير الحلم ده حلمنا والحب من حقنا مين الي يمنع طير انو يطير في سماء

معتز بص لي تالا وقال بأبتسامه ساحره : اسف اني زعقتلك

تالا بصتلو بصدمه وقالت : ده بجد انت يتتأسف

معتز بأبتسامه : اه اسف اني زعلت القمر

تالا كان قلبها هيوقف من صدمه

تالا : انا مبقتش فهماك

معتز بابتسامه : مش مهم تفهميني المهم اني مش عايز ازعلك

تالا بابتسامه : ماشي

معتز بدأ يغني تاني : حبيبي ياعاشق ياحر زاي الطير شاور هقول حاضر للحب قلبي اسير الحلم ده حلمنا والحب من حقنا مين الي يمنع طير انو يطير في سما

مريم كانت متابعه ده من بعيد وكانت مبسوطه اوووي…

______________________________________

❤️عند امال ❤️

كانو قاعدين علي سفره

اساف : مين الي عمل الاكل

حنين : انا

اساف : من كتر حلوت الاكل نفسي اقوم ابوس ايد الي عملو

اركان بهمس : ابوس ايدك انا اقعد محترم لو نص ساعه

اساف : طيب

اركان : عمي الخطوبه بعد اسبوع

سالم : تمام وانا موافق

اساف بصوت عالي : متقولو انك عايز تخرج معاها دلوقتي

اركان : قوووم اطلع برا يلا برااا مش عايزك

اساف بضحك : ياعمي الصراحه كدا عايزين يقعدو معا بعض وانا من رأي انك تخلي حنين معاهم يعني وانت معندكش ابن ولد ف حنين تبقا معاهم وكدا

اركان بهمس : اه يابن الذكيه عايز تاخد المزه

اساف : مش انت شوفت حالك صح

اركان : صح

اساف : يبقا سبني اشوف حالي

سالم : تمام وانا موافق حنين هتبقا معاكم بس مش عايز تأخير

اساف : ماشي

اركان : قومي اجهزي

امال قامت بسعاده وحنين قامت وراها وشرين كانت هتموت من الغيظ واميره دخلت وراها

امال وهي بتختار فستان تلبسو : انا مبسوطه اوي

حنين : امم علشان اركان

امال اختارت فستان ووقفت قدام مرايا : حلو ده

حنين : يجنن

اميره بأبتسامه : مبسوطه

امال : اوي ياماما

اميره : ربنا يفرحك اكتر واكتر

امال : يارب ياماما

امال دخلت الحمام علشان تغير ولبست فستان لونو زهري وربطت شعرها وحطت ميك اب خفيف ولبس كعب عالي علشان تبقا طول اركان وحنين لبست فستان لونو ازرق فاتح وفرضت شعرها وكانو شبه الاميرات امال وحنين طلعو من الاوضه وملقوش اساف وأركان

امال : هما وفين

اميره : مستنيكم تحت في العربيه

امال وحنين نزلو بسرعه لقو اركان قاعد في عربيتو امال قربت من العربيه وركبت وحنين جايه تركب

اركان : لالا استني انتي

اركان اتحرك بعربيتو ومشي وجاه مكانها عربيه اساف

اساف : اركبي

حنين بأبتسامه : مش ينفع نسبهم لوحدكم

اساف : ومين قالك هنسبهم لوحدهم

حنين وهي بتركي العربيه : ازاي مش فاهمه

اساف : هنمشي وراهم

اساف اتحرك بلعربيه وشغل اغنيه

اساف : انتي مرتبطه

حنين : والله لا بس شكلي هرتبط

اساف : مين ده بقا أن شاء الله

حنين : احم اسر زميلي

اساف : طيب بصي علشان نبقا علي نور أسر ده متكلموهش تاني

حنين : وليه بقا

اساف : ياستي اعتبرني مجنوون المهم يعني مش هتكلميه تمام

حنين : امممم بسرعه دي بتدني أوامر ولا اكني مراتك

اساف : اصل مفيش وقت نحب ونتحب

حنين بضحك : احكيلي عن نفسك

اساف : عادي انا انسان بحب الستات جدا وعيني فارغه جدا

حنين بصدمه : وبتعترف

اساف : مانا بقولك علشان لو خونتك في مستقبل تبقي عارفه

حنين بضيق : وانا مالي

اساف بأبتسامه : هو انا مقولتلكيش

حنين بسخرية : لا والله ماقولتليش

اساف : مانا قرارت اتجوزك والمك بدل ماحدش راضي يبص في وشك

حنين بغضب : لا طبعا ناس كتير طلبو ايدي وانا رفضت

اساف بضحك : ماشي هصدق

فاجأه تلفون اساف رن وهو فتح وفتح الاسبيكر

ليلي : فينك ياحبيبي

اساف : لولتي حبيبتي معلش مكنش عندي مزاج اسهر معاكو امبارح

حنين كانت بتسمع كل ده بصدمه

اساف بهمس لي حنين : دي ليلي بروح عندها كل يوم خميس ماشي علشان بس لما اتجوزك تبقي عارفه وكمان في مديحه دي يوم السبت

ليلي : روحت فين ياحبيبي

اساف جاي يرد بس حنين قطعتو

حنين : بصي ياحبيبتي مش تتصلي علي رقم ده تاني علشان هو هيتجوز واحده محترمه مش زايك تمام سلام بقا

حنين مسكت تلفون وطلعت الشريحه الي فيها وكسرتها وابتسمت لي اساف

حنين : كدا مش هتحتاج تتعب نفسك وتروح يوم سبت عند مديحه ولا يوم الخميس عند ليلي

اساف غمزلها وقال : ايوا كدا انا عارف نفسي مبجيش غير بزعيق

حنين بأبتسامه : سبها عليا دي

اساف بصلها وابتسم وبعدين كمل سواقه

______________________________________

❤️عند اركان ❤️

اركان وقف عربيتو فاجأه

امال : ايه

اركان : هخطفك

اركان طلع من جيبو شريط لونو احمر

امال : اممم هتغمضلي عيني

اركان : بظبط

امال لفت نحيه تانيه وأركان ربطلها الشريط

وبعدين اتحرك وبعد 5 دقايق وقف عربيتو تاني ونزل من العربيه ونزل وبعدين نزل امال ومسك أيدها

امال : هنروح فين

اركان بأبتسامه : هتشوفي

اركان فضل يمشي بيها وهي كانت فرحانه اوي وبعدين وقفها

اركان : جاهزه

امال : اه

اركان شال الشريط من عنيها وهي بصت حوليها لقت قدامها حمام سباحه في ورد احمر كتير اوووي علي شكل قلب وكان حجمو كبير اوي وكل المكان كان متزين وبدأت تشتغل موسيقي هاديه اركان من غير اي مقدمات خدها وفضل يرقص بيها وهي كانت مش مصدقه الي بيحصل وبدأت ترقص معاه وفاجأه لقت ورد عمال ينزل عليهم من فوق ولونو احمر

اركان : ايه رأيك

امال بسعاده : ابقي اخطفني كل يوم ونبي

اركان بأبتسامه : عجبتك

امال بسعاده : اوووي اوووي

اركان بخبث : ودي هيعجبك كمان

اركان خد امال ووقفها قدام حمام السباحه وخله ضهرها لي حمام السباحه

اركان بأبتسامه : امال

امال : امم

اركان : بحبك

اركان حضن امال

امال بأبتسامه : وانا بدأت اعجب بيك شويه شويه

اركان وهو في حضن امال ابتسم ابتسامه خبيثه وفاجأه امال حست انها بتقع في حمام السباحه وأركان كان في حضنها ووقعو سوا واركان فضل يضحك

امال بصدمه : يخربيتك

اركان بحب : لسا معنديش بيت بس بعد شهر هيبقا في بيت

امال بضحك : مجنون

اركان مسك أيدها وقالها : الخاتم تحت تعالي نجيبو

امال : تؤ تؤ تعال نشوف مين الي هيوصلو الاول

الاتنين نزلو تحت الميه سوا وأركان مكنش بيدور علي الخاتم كان بيقرب من امال وبيحاولو يضايقها ومسك شعرها الطويل في ميه وهي بصتلو بغضب وطلعت فوق الميه

امال : اطلعلي يااستاذ

امال لقت اركان بيشد رجليها من تحت ميه ونزلها ليه وهي اتخضت وأركان بصلها بحب وطلع الخاتم ولبسهولها في الميه امال من كتر فرحتها مكنتش قادره تستوعب الي بيحصل وحضنت اركان علشان تتأكد أنها مش بتحلم

واساف وحنين وصلو عند اركان وشغلولهم اغنيه رومانسيه وأركان وآمال طلعو فوق الميه وأركان مسك ايد امال وفضل يرقص بيها في الميه

اساف : ماتجي نرقص

حنين : لا

اساف خد حنين ورقص بيها غصب عنها

اساف : اول حاجه أنا مقليش لا

حنين بهمس : ماشي انا هوريك

وبدأ كل واحد يرقص معا حبتتو

علي اغنيه : في جوا قلبي حاجه مستخبيه كل ما بجي اقولها فاجأه مش بقدر قدام عنيك بقف و بنسه ايه يتقال ليه كل مره يجره فيا كدا ليه ودي هي كلمه واحده بس مش اكتر ولكلمه دي عندي فيها رحة البال حبيتككككك يوم ماتلقينا لما حكيناا اول كلاام حبيتككككك وحلف علي لده تسمع زياده دانا مش بنام

يتبع..