رواية حب وعذاب البارت الحادي والعشرون 21 بقلم آية السيد
 |
| رواية حب وعذاب البارت الحادي والعشرون 21 بقلم آية السيد |
رواية حب وعذاب البارت الحادي والعشرون 21 بقلم آية السيد
في شرم
وخصوصا في غرفه رحيم
ياسين كان خارج من الاوضه بعد ما فكر ان رحيم مش موافق انه يرتبط بوعد بس وقفه صوت رحيم
رحيم بصوت عالي /استني عندك انا لسه مخلصتش كلامي
ياسين وقف ورحيم راح وقف قصاده ومحدش فيهم اتكلم
رحيم /انت عارف انا ضربتك البوكس دا ليه
ياسين /عشان..
رحيم قاطعه بعصبيه/عشان انت غبي فرق مستوي ايه دا اللي بيني وبينك انت نسيت احنا نعرف بعض من أمته بلاش دي نسيت انا وانت حصلنا ايه عشان نرجع نوقف الشركه تاني علي رجليها ونخليها اكبر شركه في الشرق الأوسط كله بلاش نسيت ان انا وانت اكتر من اخوات بالنسبه لبعض والآخر تيجي انت تقولي فرق في المستوي وان احنا العيله لبعض
انت عارف انا كنت شايف نظرة الحب اللي في عينك لوعد واتبسطت لما قدرت اشوف نظرة الحب دي في عنيها هي كمان
واكمل رحيم /اول ما دخلت وبدأت تتكلم اتبسطت بس انت بغبائك عصبتني بكلامك
ياسين كان بيسمع كلام رحيم ومصدوم
ياسين /مع… معني كده انك موافق
رحيم بعصبيه من غبائه /يبني انت هتجنني يعني بعد كل ده ولسه بتساؤل
ياسين حضن رحيم بسرعه وكان مبسوط
ياسين بفرحه /ربنا يخليك ليا يا رحيم… وانا اسف والله مكنتش اقصد
رحيم بغضب مصطنع /ابعد يلا بقا
ياسين بفرحه بعد عنه /يعني يعني اخيرا… بجد يا رحيم انا م عارف اقولك ايه
رحيم /عارفه لو سمعتك بتقول الكلام الأهبل اللي قولته من شويه دا انا هعمل فيك ايه
ياسين بفرحه شديده حضن رحيم تاني /مش هقول مش هقول خلاص انا مبسوط اوي
رحيم حضنه هو كمان واتبسط لفرحته وهو من جواه متأكد ان ياسين هو الوحيد اللي هيحب وعد ومش هيكسرها ابدا وهيخلي باله منها وهيدافع عنها بحياته
ياسين بعد عن رحيم /طب… طب انت مش هتقول لوعد بقا
رحيم /ماشي يومين كده وهتكلم معاها
ياسين /لا يا رحيم لسه هستني يومين
رحيم بضحك /اجمد ياض كده مالك فيه ايه
ياسين /يا عم اهدي ايه بس انت عارف انا بحبها من امته
رحيم بعصبيه مصطنعه/ولا انت نسيت انها اختي ولا ايه
ياسين /خلاص يا عم كلها شويه وهتبقي ليا وهتكلم براحتي
رحيم /ماشي يا لمض ممكن بقا تروح اوضتك عشان ارتاح ولا هو يوم شكله مش باينله راحه اساسا
ياسين بضحك /لا يا عم وعلي ايه انا ماشي
رحيم /ماشي يا اخويا يلا اتكل بقا
ياسين خرج من الاوضه ورجع دخل راسه من الباب تاني
ياسين /رحيم كلم وعج بسرعه بقا
رحيم /غور بقا ياض من هنا
ياسين /خلاص يا عم أعصابك فيه ايه
ياسين خرج من اوضه رحيم وراح اوضته والفرحه مكنتش سيعاه انه خلاص هيتجوز حب عمره هو متأكد ان وعد بتحبه زي ما هو بيحبها
ياسين لنفسه /خلاص يا وعدي كلها كام يوم بقا وتبقا معايا ومتبعديش عني ابدا
_________________
أما في اوضه رحيم
رحيم فضل يضحك علي تصرفات ياسين وابتسم بحب واتبسط انه اخيرا احد الخطوه دي لانه كان عارف ان ياسين بيحب وعد وهي كمان بتحبه وهو كان بيشوف نظره الحب دي في عينهم
رحيم رمي جسمه علي السرير وبدأ يفكر في حنان
رحيم /يا تري انتي كمان يا حنان فيه حب ليا في قلبك ولا القدر مخبيلنا ايه
وبعد كده غمض عينه وراح لدنيا تانيه
_________________
في الجريده
ريم ومي كانوا في مكتبهم
ريم /ها يا ميمو خلصتي
مي /اه يا حبيبتي خلاص اهوه
ريم /اشطا يلا بينا بقا عشان نلحق نروح للبت على
مي /يلا يا روحي
مي وريم خرجوا من الجريده وراحوا ناحيه بيت علا
الاتنين خبطوا ونسرين هي اللي فتحت الباب
ريم /السلام عليكم ازيك يا طنط نسرين
نسرين بابتسامه /الحمد لله يا حبايبي اتفضلوا
مي /يزيدك فضلك يا جميل.. انتي عامله ايه
نسرين بابتسامه /الحمد لله يا حبيبتي
ريم /ها الجميل بتاعنا فين
نسرين /في الاوضه يستي جوه ادخلوا ليها
مي وريم شكروا نسرين وبعد كده راحوا ناحيه اوضه علا
خبطوا ودخلوا هما الاتنين
ريم بابتسامه /ها يا لولو وحشاني
علا بضحك /تعالوا يا كلاب وحشتوني اوي وطبعا مقدرتوش تبعدوا عني
مي /طبعا يا صديق هو احنا نقدر علي بعدك بردوا
علا /اتثبت انا كده يعني
مي بثقه /طبعا يا باشا
وبعدين مي اخدت بالها من شنطه علا
مي بضحك /ايه يبنتي انتي مهاجره ولا ايه
ريم بصت علي الشنطه وبعدين بصت لعلا
ريم /فيه ايه يا علا وايه الشنطه دي
علا اخدت نفس وبعدين اتكلمت /دي شنطتي هروح اسكندريه اقعد هناك عند عمتي فتره وبعدين اجي
ريم بصت لعلا بصدمه /انتي انتي بتتكلمي جد
علا /ايوة يا ريم
ريم دموعها بدأت تنزل /يعني… يعني انتي بجد هتسبيني وتسافري
علا هي كمان دموعها نزلت وحضنتها /سامحيني يا ريم عشان خاطري بس صدقيني مش هقدر اقعد هنا… مش هقدر يا ريم
ريم بدموع وهي تحتضنها /انا والله عارفه اللي انتي حاسه بيه
وبعدين بعدت عنها ومسحت دموعها /اا.. انا عارفه انك محتاجه الفتره دي انك تسافري وعشان كده خلاص روحي بس بس تكلميني كل يوم فاهمه
علا هوت دماغها وحضنتها تاني وبعدين مي حضنتهم الاتنين
وبعد كده بعدوا عن بعض
مي بتحاول تغير الموضوع /بس بقا يخربيت نكدكم يا شيخه انتي وهي ايه قنبله نكد ماشيه علي الارض
علا بضحك وهي تمسح دموعها /طول عمرك هتفضلي بلسانين
ريم /هههههههه
مي /كده انا اصلا هروح لطنط حبيبتي وسيباكم في النكد دا
علا وريم ضحكوا علي طريقتها
ريم /طيب انتي هتيجي أمته
علا /لغايه اما ابقا قادره أواجه يا ريم هتلاقيني رجعت
ريم حضنتها تاني /مش مصدقه انك هتبعدي عني
علا /والله انا عمري ما اتمنيت كده بس الظروف دايما بتجبرنا نعمل حاجات احنا مش عاوزينها
ريم وهي بتمسح دموعها /خلاص بقا وانتي عارفه لو مكلمتنيش كل يوم هعمل فيكي ايه هعلقك من ودانك
علا بضحك /خلاص يا باشا وعلي ايه الطيب احسن
وفضلوا يضحكوا تاني
مي خرجت من الاوضه وهي بتضحك علي اصحابها وفي نفس الوقت زعلانه ان علا هتسيبهم وتمشي ودموعها نزلت غظب
وبعد كده مسحت دموعها وكانت راحه ناحيه المطبخ لغايه ما خبطت في حد
مي بوجع /اهههه انا شكلي خبطت في حيطه ولا ايه
الشخص باستغراب /نعم
مي /نعم الله عليك ايه ماشي تخبط وخلاص
الشخص /انتي اللي خبطاني
مي وصوتها بدء يعلي غظب عنها /نعم يا اخويا دا اللي هو ازاي
علا وريم خرجوا من الاوضه علي صوت مي
علا بفرحه/زيزو
يتبع..
لقراءة البارت الثاني والعشرون : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببت عفيفة للكاتبة آية السيد
