رواية هنايا الفصل الأول 1 بقلم شوشو النجار
 |
| رواية هنايا الفصل الأول 1 بقلم شوشو النجار |
رواية هنايا الفصل الأول 1 بقلم شوشو النجار
-انتي يازفته قوووومي
-يووه ياماما كل يوم علي الموال دا
-انا غلطانه خليكي نايمه والمقابلة تروح عليكي
-وهي بتكمل نومها ماشي مااا ااااي يالاهوي المقابله فين الشراب فين البلوزه فين الطرحه يامممممااامممما
-اي ياجموسه في اي
-المقابله ياماما فين اللبس
-أمها بتاكل: اهدي لسه ساعه علي المعاد
-يعني أنا لما اطفش من البيت هتنبسطي يعني
-اها عادي ياريت
-اممممي ياجدعان
(انا هنا عايشه مع ماما أو اللي كونت فاكره أنها امي وبابا متوفي خريجه حاسبات ومعلومات )
هنا:ماما انا ماشيه
امها:ماشي خلي بالك علي نفسك
هنا:ادعيلي ياحجه اتقبل ونبي يالا سلام
……………..
-هنا:لو سمحتي انا عندي مقابله انهارده
-السكرتيره:اتفضلي اقعدي هتدخلي حالا
“قعدت… حقيقي انا متوتره جدا ودا عكس شخصيتي فادا مقلق للغايه ????????
السكرتيره:اتفضلي حضرتك المدير في انتظارك
“ياحلاوه المدير بذات نفسه ؛ياسلام عليكي يابت ياهنا مش اي حد بردو.
المدير: استاذه هنا
هنا: اكيد يافندم هو الملف عندك اسم تاني ولااي
المدير بعصبيه: نننعم احنا هنستظرف
هنا:احم هستظرف ليه بس ربنا ميجيب استظراف اصل الاسم قدامك يعني
بصلي ورجع بص للملف تاني : خريجه حاسبات ومعلومات
هنا بااستغراب مصطنع:شوف ياسبحان الله انا مكنتش اعرف ياجدع .
-” انت بتحمر وبتخضر ليه اهدي كدا ؛ طب اقوم امشي ولااعمل اي .. طب السلام عليكم .
” لا هو مش هزار ياجماعه انا طلعت جري من المكتب بتاعه شكله مات باين يالا واهي شركه كمان طارت.
رجعت البيت
هنا: ياماممممما انا جعاااانه
مامتها: الشارع كله سمع صوتك يامفجوعه
هنا: اي ياماما جعانه
مامتها:عملتي اي ياموكوسه
حكتلها اللي حصل
مامتها:وداخله جعانه ياللي معندكيش دم
هنا بتاكل:الله يعني احزن واكتئب علي شغل يروح شركه تيجي التانيه ياحجه فرفشي كدا
” طار الشبشب
هنا بتتالم: ااااه ليه كدا ياللي اسمك امي علي الورق بس
– طططااار التاني.
– ومجاش فيا ومجاش فيا
”دخلت الأوضه بعد المعركه اللي دارت بيني وبين ماما ؛هي احلي حاجه في حياتي بعد موت بابا هي اللي عوضتني عن كل حاجه مش متخيله أن ممكن في يوم ابعد عنها .”
– بعد اسبوع بدون احداث لا والله في أحداث نمت فيهم ????
مامتها:هنااااا تليفونك بيرن
هنا:الو
الشركه: استاذه هنا حضرتك ممكن تيجي بكره تسلمي الشغل
هنامصدومه:شغل اي
سكرتيره:مش حضرتك قدمتي علي شغل من أسبوع
هنا: ايواا
السكرتيره: تمام وحضرتك اتقبلتي ممكن تيجي بكره تستلمي الشغل
” هنا وهي بتبص علي التليفون بعد مقفلت وهي مصدومه
-مامتها: مين اللي كان بيكلمك
-مافيش رد
مامتها:انتي يازفته
هنا:ها
مامتها:ها اي في اي يابنت مين اللي كلمك
هناوهي لسه مصدومه:اتقبلت
مامتهابااستغراب:اتقبلتي فين
هنا:عاااااا انا اتقبلت ياماما في الشغل اللي كونت مقدمه في
مامتهابااستغراب:اي دا بعد اللي عملتيه واتقبلتي
هنا بثقه:ها عيب عليكي هما يلاقوا زي فين
مامتها:اتوكسي تعرفي
هنا:خليكي كدا حابطاني
تاني يوم جهه
هنا:لوسمحتي انتو اتصلتوا بيا اني اتقبلت في الشغل
السكرتيره:ايوا حضرتك اطلعي الدور التالت
هنا:تمام شكرا
لسه طالعه اتخبطتت في حد
هنا:اااه انت غبي مش تبص قدامك
-هو مين دا اللي غبي
هنا لسه باصه في الأرض:انت طبعا هيكون انا يعني
-انتي مين انتي علشان تعلي صوتك عليا
وهي بتبص للشخص اللي بيزعق : احيييه هو انت
المدير:انتي دا احلوت خالص وسابها ومشي
هنا بتفكر:طب الف وامشي ولا اطلع ولا اموت نفسي والبسهم جريمه انا اطلع احسن
-الموظفه الجديده بره يافندم
المدير:دخليها
هنا:احم انا هنا الموظفه الجديده
المدير:يسلام علي الصوت الواطي امال فين اللي كانت بتقول ياغبي من شويه
هنا:عيله وغلطت هتفكر في كلام عيله بردو
المدير: عيله؛علي شغلك يااستاذه
” طلعت وفهمت الشغل او يمكن فهمته الصراحه مش هكدب عليكم وعرفت اني هبقي سكرتيره رجل الالوان اللي جوه دا”
(مراد العفيفي 27 سنه عايش مع والدته واخته وباباه متوفي مسك شركات والده بعد وفاته وكبرها وخلاها شركات العفيفي اسما وسيط)
هنا: حضرتك طلبتني
مراد: ايوا انا هخرج علشان عندي اجتماع لما يجي ادهم خليه يستناني
هنا: تمام
– لسه هيمشي رجع تاني : اياكي تعملي مشاكل مع حد
هنا : هو حضرتك تعرفني لا بجد حضرتك تعرفني دا لسه اول يوم شغل انا عمري مااعمل مشاكل ابدا
-بصلها بعدم تصديق ومشي
هنا بتقلده وبتتكلم بهمس: اياكي تعملي مشاكلي نينينينينيني انا انا اعمل مشاكل دا نسمه يالاهوي علي الناس اللي واخده فكره غلط عني ونبي تلاقي امي هي اللي مسلطاه عليا .
– بس بس
هنا بتبص علي الارض :هو في قطط هنا ولااي
– بس بس
هنا بتبص فوق : نعم
بتتكلم بدلع: مراد موجود
هنا مصدومه: ها
يارا: ها اي بقولك مراد موجود
هنا: لا هو مش موجود
يارا بتمشي ناحيه باب المكتب:خلاص هدخل استناه جوه
هنا قامت تمنعها تدخل : ياقطه .. قصدي يامدام مينفعش ادخل اي حد المكتب
يارا بغيظ: اي مدام دي وبعدين هو انا اي حد انتي مش عارفه انا مين
هنا: لا هو الصراحه مش عارفه غير استاذ ادهم اللي ادخله لو انتي ادهم ادخلك عادي
يارا بانفعال: ادهم شيفاني راجل ولااي انا هعرفك انا مين
هنا : هو اكيد ادهم هيبقي احلي منك
ادهم من وراها: انا احلي من مين بقي
هنا بخضه: ياماما انت مين انت كمان
ادهم بضحك: انتي اللي مين ومراد جوه ولالا
هنا : هو كله عاوز مراد مراد
ادهم: هو انتي السكرتيره الجديده
هنا :بيقولوا حضرتك مين بقي
ادهم : انا ادهم
هنا بهمس: طلع احلي منها فعلا
ادهم باابتسامه: انا من حقي اعرف انا احلي من مين
هنا : ها لا مافيش اتفضل جو المكتب هو طلب انك تستناه
بعد فتره
مراد: ادهم جهه
هنا: ايوا ومستني حضرتك جوه
مراد: تمام هاتي ورق الصفقه وتعالي
هنا :اتفضل دا ورق الصفقه
مراد: تمام حد سال عليا
هنا وهي تنظر إلي ادهم: ايوا استاذ ادهم وهو قاعد معاك اهوا
مراد بغيظ: يابنتي اكيد قصدي حد تاني
هنا بتفكير: اااه في واحده جت وسالت عنك وكانت عاوزه تدخل تقعد المكتب بس انا منعتها
مراد: واحده واحده مين؟
هنا: مقالتش اسمها انما قعدت تقول انتي متعرفيش انا مين وزعلت اني قولت ليها يامدام بس هو مش لايق عليها غير مدام والله ????
مراد بصدمه: ياراا
يتبع ..
لقراءة الفصل الثاني : اضغط هنا
لقراءة باقي فصول الرواية : اضغط هنا
نرشح لك أيضاً رواية دكتورة قلبي للكاتبة شوشو النجار
