رواية كانسر الفصل السادس عشر 16 والأخير بقلم آية السيد
 |
| رواية كانسر الفصل السادس عشر 16 والأخير بقلم آية السيد |
رواية كانسر الفصل السادس عشر 16 والأخير بقلم آية السيد
في الطائره
مالك وحور ركبوا الطياره
مالك بحب /مبسوطه يا حوري
حور بابتسامه مزيفه هزت راسها بايوة
حور بارتباك /ه… هو احنا هنطير دلو.. دلوقتي
مالك /ايوة خلاص معدتش وقت علي الطيران
حور ارتبكت جامد ومالك لاحظ دا
مالك بحب /مالك يا حوري
حور بارتباك /ها لا مفيش انا كويسه
مالك ورفع حاجبه الشمال واتكلم باستنكار /دا ازاي دا طيب ليه جسمك بيرتعش كده
حور بقوه مزيفه /ها لا مش برتعش ولا حاجه
مالك باستغراب /ماشي
المضيفه /لو سمحت يا فندم اربط الحزام جامد عشان الطياره خلاص هتطير
مالك /تمام
حور اول لما سمعت كلام المضيفه خوفها زاد اكتر وضغطت من غير ما تحس علي ايد مالك اللي مسكاها
مالك بصلها والملامح الرعب المرسومه علي وشها وضغطها الجامد علي ايده
مالك بقلق /مالك يا حوري
حور بصتله وعيونها دمعت واتكلمت بصوت متقطع /ب… بخاف م.. من المر….. المرتفعات
مالك حضنها وحاول يطمنها لما افتكر خوفها من المرتفعات
مالك بحنيه /متخافيش يا روحي انا معاكي ماشي اهدي وحاولي تسترخي
حور مسكت فيه جامد وهزت راسها بايوة
___________________________
في المستشفى
محمود بعد ما رن علي ياسين فجأه حد فتح الباب ودخل.
محمود اتصدم لما بص علي الباب ولقي ياسين اللي قرب منه وهو بيضحك بطريقه هستيريه وراح عليه وحضنه.
محمود كان واقف زي التمثال ومش متخيل تصرفات ياسين ولا طريقه ضحكه الهستيريه
ياسين بعد عن محمود ولسه بيضحك ومحمود بيبصله باستغراب
محمود باستغراب /ياسين انت كويس؟!!!
ياسين بفرحه /كويس اوي اوي اوي كمان انا مبسوط اوي
محمود /اه ما انا واخد بالي انك مبسوط بس بصراحه فضولي قاتلني عشان اعرف السبب
ياسين بفرحه /قولتلها يا محمود قولتلها وخلاص هنروح نتقدم ليها رسمي
محمود بصدمه /نورهان!!!!
ياسين هز رأسه بفرحه /اه هي اخيرا بجد انا كنت غبي اوي وكنت هضيعها من ايدي
محمود بسخريه /انت هتقولي ما انا عارفك طول عمرك غبي
ياسين بصله بشراسه ومحمود اترعب من نظرته/نعم!!!
محمود بارتباك /ق.. قصدي يعني أنك طول عمرك محظوظ… محظوظ
ياسين /اه بحسب
محمود بمرح /لا يا عم تحسب ايه بعد كده هجبلك اله حاسبه عشان متغلطتش تاني
ياسين برفعه حاجب /يا راجل
محمود /ايوة ايوة اسمع مني…. المهم بقا احكيلي
ياسين سرح في اللاشئ واتنهد
محمود بسخريه /يا حنين
ياسين خبطه علي قفاه /بقالي كتير بحترمك بس انت مهزء مع الأسف
محمود حط ايده مكان الضربه /اه يا عم ايدك تقيله ابو شكلك
ياسين /يا بني انت بتحب تتهزء هل انت بتحب تتهزء قولي بس عشان ابقا عارف
محمود /اخلص بقا يا عم واحكي في اليوم المنيل دا
ياسين /ماشي يا لمض تعالي نقعد واحكيلك
محمود /يا عم انت لسه هتقعد ما خلاص المفروض هنمشي الوقتي
ياسين بص في ساعته /تصدق صح طاب يلا بقا عشان هموت من الجوع وخرج بسرعه من المكتب
محمود جري وراه /انت يا بني استني بس الله يخربيتك علي بيت اليوم اللي شوفتك فيه دي معرفه ايه الهباب دي يا ربي
_________________________
في المملكه العربيه السعوديه
حور ومالك وصلوا وراحوا للفندق اللي هيقعدوا فيه
مالك بحب وهو يقبل جبين حور /حمد لله علي السلامه يا حوري
حور بحب /الله يسلمك يا مالكي
مالك /يلا بقا نغير لاني بجد هموت من التعب وكمان جعان جدا و…
قطع كلامهم صوت الموبايل
حور /دا صوت موبايلك صح؟؟
مالك /ايوة استني هشوفه
مالك جاب التليفون وبص لقاه أسر
مالك بمرح /اخوكي أسر داهوه هادم اللذات والله
حور ضحكت عليه وقعدت جنبه علي الكنبه
مالك /السلام عليكم ورحمة الله وبركاته
اسر /وعليكم السلام يا مالك وصلتم؟؟ وحور عامله ايه
مالك /ايوة يا بني وصلنا من شويه واحنا دلوقتي في الفندق اهوه وحور الحمد لله كويسه
اسر /طيب خود الكل عاوز يطمن عليكم
مالك /لا بقولك ايه طمنهم انت بقا انا هنا في اجازة ومش عاوز اكلم حد ومش عاوز ازعاج وخصوصا بقا لو كان منك انت
حور كانت عاوزة تكلمهم بس مالك شاورلها تسكت
مالك /يلا بقا يا باشا معطلكش سلام ووصل سلامي للجميع وقفل معاه
أسر بص للموبايل واتصدم لما لقي الخط اتقفل
أسر بذهول /ابن ال*** قفل في وشي
الكل بص لبعضه وضحك عليه
فايزة بضحك /أحسن عشان كنت عاوز ترخم عليهم
أسر ببراءه مصطنعه/انا ابدا دانا كنت بطمن بس عليهم.
ايمان /يا أسر مكشوف اوي بصراحه اللي بتعمله دا حور دلوقتي مع جوزها يا بني وهو اكيد هيخاف عليها ويحطها في عينوا كمان
أسر نفخ بضيق /عارف هو انا يعني هديها لأي حد وبعدين انا عارف مالك كويس بس بردوا مش مقتنع انها مش هتبقي معايا في البيت ولا هصحا علي رخامتها
أحمد /اهدي يا بني وبعدين دي سنه الحياه
أسر /ماشي يا جماعه خلاص بقيت انا اللي غلطان دلوقتي
ابراهيم بتفهم /يا بني محدش فينا قصده كده وكلنا عارفين انت بتحب حور اد ايه بس بردوا مينفعش تكلمهم كل شويه كده دول من ساعه ما مشوا وانت بترن عليهم
أسر /خلاص مش هرن وربنا يصبرني بقا لغايه ما البيه يحن علينا ويرن هو
الكل ضحك علي أسر وطريقته
أسر ل فايزة /طب يلا عشان اروحك
فايزة هزت راسها بأه وسلمت علي الكل
انجي بغمزة /يلا يا حلو مع حبيب القلب شوفي بيغير علي اخته ازاي امال مراته بقا هيعمل فيها ايه هي لبسها النقاب هههههه
فايزة خبطتها في كتفها /بس يا انجي والله انك مستفزة
انجي بضحك /هههه خلاص خلاص احنا اسفين يا صلاح
أسر بابتسامه /يلا
فايزة /يلا
_____________________________
في شقه ياسين ومحمود
ياسين /بس يا سيدي هو دا كل اللي حصل
محمود /يعني انت بتحب نورهان بجد ولا مجرد كلام وخلاص
ياسين بنفي /تفتكر انا من الشباب اللي بتقول اي كلام عشان تضحك علي البنات يعني
محمود بنفي /لا وانا عارفك كويس بس مستغرب بردوا
ياسين /الحكايه وما فيها اني كنت حاسس فعلا بمشاعر ناحيه نورهان بس انا حسبت المشاعر دي غلط وفكرت انها حب واحد لاخته مش اكتر وكدبت اي احساس تاني جوايا والفتره اللي فكرت فيها في حور كان مجرد فضول مش اكتر ولأنها ظهرت قدامي اكتر من مره فكان عندي فضول بس اني اعرف سبب نظرة الحزن اللي في عيونها مش اكتر ولما عرفت بدأت احس اني عادي ناحيتها حتي لما قابلتها بعدها كذا مره في المستشفى وهي بتاخد الكيماوي محستش باي حاجه معاها
محمود /بس اتضايقت لما لقيتها اتجوزت مالك
ياسين بنفي/لا انا اتفاجات بس مش اكتر والدليل علي كده اني كنت بتكلم معاها بعدها عادي هي ومالك.
محمود /بجد فرحتني اوي انك اعترفت لنورهان وانك هتروح تتقدملها بجد نورهان طيبه وتستاهلك وكمان بتحبك ومن زمان مش من دلوقتي بس ورغم كل اللي حصل لسه بتحبك
ياسين /معاك حق انا نفسي مكنتش اتوقع اني اكون بحبها كده
محمود حضنه /مبروك يا حبيب اخوك وربنا يفرح قلبك يا رب
ياسين /حبيبي يا برو ويفرحك انت كمان يا نجم وتلاقي اللي تشقلب حالك انت كمان
محمود بتنهيده /يا رب
ياسين /ايه دا شكل فيه حاجه معرفهاش
محمود /بصراحه فيه بنت شوفتها كذا مره وشاغله بالي
ياسين /دي مين دي وقابلتها فين
محمود /قابلتها في المستشفى كذا مره وأعتقد كانت انها قريبه حور لاني سمعتها بتسأل موظفه الاستقبال عن تحاليل حور قبل كده
ياسين /طيب انت تعرف اسمها او اي حاجه عنها
محمود بتنهيده /لا
ياسين /دا اسمه ايه دا
محمود /والنبي يا اخويا انت الوحيد اللي مينفعش تقولي كده.و…
ياسين /هششش ايه راديو خلاص يا اخويا
ياسين /طاب انا عندي فكره
محمود /ها
ياسين /مش هي كانت جايه تاخد تحاليل حور
محمود بعدم فهم /اه
ياسين /يعني اكيد اكيد مضت علي ورق الاستلام في المستشفى وموجود فيه اسمها
محمود /صح يا بن الايه هو انا بحبك من فراغ
ياسين بضحك /ههههههه ماشي يا عم المصلحنجي بكره نسأل في المستشفى ونعرف
محمود بابتسامه جذابه /أمته ياجي بكره بقا
ياسين بضحك /ههههههه دا انت حالتك صعبه خالص
محمود بضحك /ههههههه شكلي كده
___________________________
في المملكة العربية السعودية
حور بتزمر /قفلت ليه مالك كنت عاوزة اكلمهم
مالك /يا حبيبتي انتي عارفه أسر مش هنخلص والود وده كان ياجي معانا
حور/بس كنت عاوزة اكلمهم
مالك /هنكلمهم بس نرتاح الأول وبعدين نكلمهم فكي بقا دا احنا اول يوم جواز وبوزك شبرين آمال بعد كام سنه هنعمل ايه
حور /انا بوزي مش شبرين بس زعلانه منك
مالك باسها من خدودها /وانا مقدرشي علي زعل حوري ابدا… ها كده اتصالحتي ولا لا
حور /ماشي سماح المره دي بس هنكلمهم تاني
مالك بحب /وانا تحت امر حور قلبي يلا بقا غيري علي ما اطلب الاكل
حور بابتسامه /ماشي
وراحت عشان تغير هدومها
مالك بابتسامة /ربنا يديمك ليا يا حوري ويديم ضحكتك دي
وقام طلب الاكل
. ___________________________
بعد ما انتهت مده العمره حور ومالك رجعوا تاني مصر
وأسر راح لجدته فايزة وحددوا معاد الفرح
وياسين أتقدم لنورهان واتفقوا علي الجواز بسرعه عشان يسافروا سوا تبع مؤتمر الأطباء اللي هيتعمل في دبي وفعلا اتجوزوا بسرعه وسافروا سوا
ومحمود قدر يوصل لمعلومات عن انجي واتقدملها ووافقت عليه وقرروا يتجوزوا مع أسر وفايزة
__________________________
يوم الفرح
حور وانجي وفايزة كانوا في الكوافير عشان يجهزوا
انجي وهي ملاحظه شحوب حور /حور انتي كويسه
حور بايماءه /اه يا حبيبتي متقلقيش انا كويسه
فايزة /بس يا حور انتي باين عليكي التعب ازاي بقا كويسه
حور /يا حبايبي متخافوش انا بخير اهوه
انجي /متأكده؟؟!!!
حور بايماءه /ايوة… وكملت بمرح /وبعدين يلا بقا يا حلوين عشان متتاخرش وانتوا عساسيل كده
فايزة بضحك وهي تقبل وجنتها /هههههه والله انتي اللي عسل هاتي بوسه
انجي ضحكت عليهم /اه لو مالك شافك هههههههه نو تاتش ممنوع اللمس يا حب
حور بضحك /هههههه طب يلا يا لمضه انتي وهي
__________________________
عند الشباب
محمود كان بيكلم ياسين
محمود بحزن /يعني بردوا مش هتعرف تنزل
ياسين بكذب /لا يا محمود انت عارف المؤتمرات الطبيه والله انا كان نفسي انزل عشانك وزعلان اني مش معاك في يوم زي دا
محمود بحزن /خلاص يا ياسين.
ياسين /متزعليش مني يا محمود انت اكتر واحد عارف اني زعلان اني مش عارف انزل
محمود /ماشي يا ياسين انا هروح اكمل لبس عشان معدش وقت سلام
ياسين /سلام
مالك جه وسمع مكالمه محمود من غير ما يقصد
مالك حط ايده علي كتفه /اهدي يا صاحبي احنا جنبك وحاول تقدر موقفه
محمود /والله مقدر وعارف أن الكل معايا بس مش متخيل اني هتجوز من غير ما ياسين يبقا موجود معايا
مالك بابتسامه /انا مقدر اللي انت فيه بس انت مش عارف ربك بيرتبها ازاي ان شاء الله خير متقلقش
محمود /يا رب يلا عشان منتاخرش
مالك /يلا.
___________________
بعد ما خلصوا لبس وراحوا اخدوا البنات وراحوا القاعه والكل كان بيرقص سلوا مع مراته
مالك وهو يحيط خصر حور /انا حجزت عند الدكتورة وهنروح بكره تن شاء الله
حور باعتراض /يا مالك انا كويسه وهاخد دوا بس وهبقا تمام واصلا دا من الإجهاد بس
مالك /بقالك يومين بتقولي كده وانا ساكت لأنك بتقولي دا جهد من الفرح والترتيبات بس لا الموضوع زاد عن حده وخلاص انا حجزت وهنروح بكره ان شاء الله
حور حضنته /ربنا يديمك ليا يا مالكي
مالك بحب /ويديمك ليا يا قلب مالكك
أسر بحب /مبارك عليا انتي يا روحي اخيرا بقيتي جنبي وليا
فايزة بكسوف /الله يبارك فيك يا أسر
أسر باعتراض /لا أسر ايه بس انا عاوز حاجه تانيه
فايزة بمكر /حاجه ايه
أسر بغمزة /يعني بحبك علي بعشقك كده يعني
فايزة بحب /بحبك يا أسر وبعشقك وبموت فيك كمان
أسر شالها ولف بيها جامد
وأسر /بيموت فيكي يا قلب أسر من جوه
انجي بصت بملامح محمود اللي بيحاول يضحك باصتناع
انجي بحب /مالك يا محمود
محمود بابتسامه مصتنعه /تمام يا روحي
انجي بحب /انا عارفه انك زعلان عشان ياسين مش موجود بس انت متعرفش ربك بيرتبها ازاي
محمود باستغراب /مالك لسه قايل كده من شويه انتوا متفقين ولا ايه
انجي بابتسامه /ثواني وهتعرف
وفجأه النور طفا واشتغل تاني
محمود بص لقي ياسين واقف قدامه
محمود من فرحته حضنه جامد وكان مبسوط انه جه
محمود /مش قلت مش هتعرف تاجي
ياسين /تفتكر اقدر اغيب عن فرح اخويا يعني
محمود بص لمالك وانجي /كنتوا عارفين صح؟؟
هما الاتنين ابتسموا وهزوا رأسهم بايوة
نورهان /مبروك يا محمود
محمود /الله يبارك فيكي يا نورهان
وحضنت انجي /مبروك يا انجي
انجي /الله يبارك فيكي يا حبيبتي
وكملوا الفرح والكل كان مبسوط ان اخيرا كل واحد قدر يلاقي نصه التاني
_____________________
تاني يوم
مالك وحور راحوا للدكتوره
الدكتورة /بتشتكي من ايه يا مدام حور
مالك /تعبانه جدا وعلطول دايخه
الدكتوره بصتله ووجهت كلامها لحور تاني /طيب بتقرفي من الاكل او اي حاجه من دي
مالك /ايوة ومش بترضي تاكل ايدا
حور والدكتورة بصوا ليه والدكتورة ضحكت عليه
الدكتورة /طاب اتفضلي يا مدام حور علي السرير
حور قامت ومالك كمان
الدكتورة /اتفضل ارتاح يا استاذ مالك لغايه ما نخلص كشف
مالك بحرج /تمام
بعد الكشف
مالك بقلق /ها يا دكتورة
الدكتورة بابتسامه /متقلقش يا استاذ مالك دا طبيعي في الشهور الاولي
مالك بعدم فهم /شهور اولي في ايه
الدكتورة /المدام حور حاول في شهر مبروك
مالك بصدمه /مين اللي حامل
الدكتورة بضحك /المدام حور
مالك بصدمه /يعني هنبقي ماما وبابا
حور بضحك /لا عمو وخالتوا هههههه
الدكتورة ضحكت عليهم هما الاتنين
مالك من صدمته قام بسرعه ناحيه حور وحضنها جامد
مالك بحب /مبروك يا حوري
حور بحب /الله يبارك فيك يا مالكي
_________________________
بعد 23 سنه
مالك /فهمت بقا يا سيدي اللي بيحب حد بيحبه زي ماهو ومش بيتخلي عنه لمجرد ظروف او حاجه هو ملوش ذنب فيها وكمان الحب اللي بجد هو دا اللي بيخلي العلاقه تستمر
أحمد(بن مالك وحور) /معاك حق يابابا وبجد حكايتك انت وماما ولا الأفلام وانتوا الابطال
حور من وراه /وتفتكر فيه حد في الدنيا دي شبهه مالكي
مالك بابتسامه /بحبك
حور /بعشقك
“وما الحب إلا لمن رانا ونحن في أسوأ حالاتنا ورغم ذلك لم يتركنا… فسلاما لمن أحبنا بصدق….”
تمت بحمد الله
لقراءة باقي فصول الرواية : اضغط هنا
نرشح لك أيضاً رواية جوازة غصب للكاتب عمرو خالد
