رواية أقتحمت قلبي حورية الفصل الرابع عشر 14 بقلم هاجر أحمد
| رواية أقتحمت قلبي حورية الفصل الرابع عشر 14 بقلم هاجر أحمد |
رواية أقتحمت قلبي حورية الفصل الرابع عشر 14 بقلم هاجر أحمد
عدا يوم والتاني والتالت وحور مبتروحش الشغل ومحدش يعرف عنها حاجه ورعد كان قلقه وتوتره بيزيد مع غيبها كل يوم عن اللى قبله
في شركه السيوفي
رعد بعصبيه: يعني ايه يا حازم مش هينفع تحضر الاجتماع مكان حور هو مش ده كان شغلك انت من قبلها
حازم بتوتر: يا رعد بيه حور هي اللي حافظه كل حاجه وكل الاوراق معاها
رعد: طب اتصرف شوف رقم تلفونها مع اي حد اعمل اي حاجه
حازم: للاسف يا فندم حور مكنش بتتكلم مع حد خالص ومالهاش اي اصحاب في الشركه
رعد: طب والعمل الاجتماع بكره
حازم: انا هحاول اظبط الدنيا واحفظ كل حاجه لحد بكره
رعد: ياريت تبدا من دلوقت
حازم: حاضر،عن اذنك
رعد: اتفضل
رعد
قلقه علي حور كان اكتر من قلقه علي الاجتماع هو مش معه رقم فون ليها بس
عارف عنوان بيتها بس هو شايف انه مينفعش يروحلها هيقولو ايه لما مدير
الشركه اللي شغاله فيها يروحلها مخصوص عشان يشوف مش بتيجي الشغل ليه
رعد: يا تري فيكي ايه يا حور وانتي فين لحد دلوقت
في بيت عم محمود
محمود: حور عامله ايه دلوقت يا سميه
سميه بقلق: الحراره مبتنزلش خالص يا محمود ومش عارفه نعمل ايه
محمود: مجبتلهاش الدكتور تاني ليه يا سميه
سميه: معاذ جابه تاني وقال انه ادها خافض حراره ونشتغل بالكمادات
محمود: ربنا يشفيها ويقومهلنا بالسلامه
سميه: يارب
محمود: انا هدخل اشوفها
سميه: ادخل يا اخويا
راح محمود وخبطت علي باب الاوضه
سندس: ادخل يا معاذ
محمود: مينفعش انا
سندس: تنفع ونص يا حجوج تعالي ادخل
محمود: انا جاي اطمن علي حبيبت بابا عامله ايه دلوقت
حور بتعب: انا كويسه يا بابا متقلقش دور برد وهيروح لحاله
محمود: اكيد يا حبيبتي ربنا يشفيكي والف سلامه عليكي
حور: الله يسلمك يا حبيبي
سندس: بت بطلي محن ومتقوليش حبيبي
محمود ضحك: ههههه طب وانتي زعلانه ليه متعملي زيها
سندس: منتا عارف يا حجوج انا ماليش في جو البنات الملزقه ده
حور: عارفه انا لو فيا حيل كنت قومت ولعت فيكي انا ملزقه ياللي تلزقي في برطمان عسل ويتلم عليكي النمل
سندس: اه ملزقه وبتفضلي تتموحني على الحجوج بتاعي
حور: بابا طلع البت دي بره عشان هتبقا جلطه مش برد
محمود: بطلو خناق بقا مش ناوين تكبرو وانتي يا ام نص لسان احترمي نفسك اختك تعابنه
سندس: دي تعابنه دي تعبانه
حور: تعبانه لما تقرصك يا سحليه الكلب
محمود: انتو بداتو طب اطلع بقا
خناق
حور وسندس اللي مبيخلصش ده مش معانا انهم مبيحبوش بعض او ان في كره بينهم
بالعكس المنكافه في بعض والهزار واللي بيحصل دي اهم حاجه لو كل ده مش موجود
هتبقا علاقتهم ببعض تافها ربنا يخليلنا اخوتنا ونعيش ونتخانق
عدا اليوم حور لسه تعابنه ورعد بيحاول يشغل نفسه في الشركه والشغل وخلص وراجع علي البيت وهو فى العربيه تلفونه رن وكان بدر صاحبه
رعد: ايه يا بدر
بدر: ايه يا ابني انت فين من يوم مكنت هنا ولا حد شافك ولا حد سمع صوتك
رعد: مشغول يا بدر
بدر: مالك يا رعد انت فيك حاجه صوتك مش مطمني
رعد بنبره ماليانه خوف: معرفش عنها حاجه بقالي تلات تيام وقلقان عليها اوي ومش عارف اوصلها ومينفعش اروحلها البيت
بدر: انا بتحبها اوي كده يا رعد
رعد: اه بحبها معرفش ازاي وامتا وليه
بدر: الحب مفيهوش ازاي وامتا وليه يا رعد ربنا يطمنك عليها وترجعلك وتشوفها قدامك قريب
رعد: يارب
بدر: تعالي اسهر معانا انا وليل قاعدين في المكان بتعنا
رعد: لا اسهرو انتو انا هروح البيت اخد دش وانام عشان مفرهد وتعبان
بدر: خلاص ماشي ولو عرفت حاجه طمني
رعد: حاضر سلام
بدر: سلام
ليل: قالك ايه جاي
بدر بتنهيده: لا مش جاي
ليل: ليه
بدر: رعد مضايق وقافل خالص وانت عارف قفلته وحشه
ليل: ايه اللي مضايقه
بدر: بقالو كام يوم ميعرفش حاجه عن حور
ليل: انا نفسي اشوف حور اللي شقلبت كيان ابن السيوفي بالطريقه دي
بدر: هي معملتش حاجه هو الحب كده وده نفس اللي حصل معايا لما شوفت ساره وحبيتها
ليل: والنبي يارب ابعدنا عن الحب ده انا مش ناقص
بدر: بكره تيجي اللي تجيبك علي بوزك وتقول بدر قال
ليل: لا مش هيحصل
بدر: بكره نشوف
وصل رعد البيت وكان كلهم متجمعين في الجنينه وبيخطتو ويتفقو علي تفاصيل جواز نور وياسين
نور: اهو رعد جه اهو
رعد: مساء الخير
كلهم: مساء النور
اكمل: تعالي اقعود معانا يا رعد
رعد: لا يا عمي هطلع ارتاح شويه عشان تعبان
مرفت: مالك يا حبيبي
رعد: متقلقيش يا حبيبتي ارهاق بس
سلوي: الف سلامه عليك يا رعد
رعد: الله يسلمك يا لوله
نور: طب استنا اقولك احنا قرارنا ايه
رعد: قوليلي
نور: هنعمل خطوبه الاسبوع الجاي وبعد امتحاناتي كتب الكتاب والفرح
رعد: الف مبروك يا اميرتي
جاسر: بس في حاجه قبل الخطوبه لازم تحصل
رعد: ايه هي
ياسين: قرارنا نعمل حفله صغيره كده ونعزم القربين مننا ونحتفل لوحدنا مع بعض
رعد: فكره حلوه وحبيتها
مايا: طب اسمعوني بقا كل ديزين لبسكو كلكو انا اللي هختاره حتي ديزين فستان نور
نور: ده اكيد
جاسر: موافق
ياسين: معنديش مانع
رعد: وانا كمان
مايا بفرحه: اشطا
رعد: انا هطلع بقا انام تصبحو علي خير
كلهم: وانت من اهله
اليوم خلص ويبداء اليوم التاني،بجانب قلق رعد علي حور كان في قلقه علي الاجتماع اللس مش عارف ممكن يحصل فيه من غير حور
في بيت عم محمود
سميه: انتي لبسه ورايحه فين يا حور
حور بتعب: رايحه الشركه يا ماما
سميه: لا يا حور انتي تعبانه
حور: لا انا بقيت كويسه ولازم اروح الاجتماع الاخير النهارده
سميه: مش هتقدرى يا حور بلاش لتتعبي
حور: متقلقيش يا ماما انا هحضر الاجتماع وهاجي علي طول واخد اجازه بالمره
سميه: مش مطمنه بلاش يا حور
حور: متقلقيش بقا ويلا خليني اخلص لبس فاضل نص ساعه علي الاجتماع
سميه: طب هتروحي ازاي
حور: هركب تاكس عشان معاذ في شغله
سميه: طيب خالي بالك من نفسك
حور: حاضر يا ماما
في شركه السيوفي
ياسين: رعد في بنت مناسبه ونفس المواصفات اللي طالبتها عشان تبقا السكرتيره
رعد: طب بعد الاجتماع ده فاضل نص ساعه
ياسين: الانترفيو بتاعها مش هياخد عشر دقايق عشان حرام متستناش كل ده
رعد: طب دخلها
دخلت
البنت واسمها رقيه بنت في منتها الرقه والجمال محجبه ولبسها في قمه
الاحترام بس لسانها طويل ولمضه حبتين،رعد اول مشافها ابتسم لانها فكرته ب
حور
رقيه بتلقيه: صباح الخير يا فندم
رعد: ابتسم صباح النور اتفضلي اقعودي
رقيه: متشكره
رعد: هاا قوليلي بقا معاكي شهاده ايه وبتتكلمي كام لغه
رقيه بسرعه: بكالريوس تجاره بتكلم خمس لغات انجليزي وفرنساوي والماني وتركي وايطالي بس ضعيف شويه
رعد: طب اهدي بتتكلمي بسرعه ليه
رقيه: هااا لا عادي
رعد: طب ممتاز السي في بتاعك كويس جدا
رقيه: الله يخليك والله
رعد ضحك: ههه شكلك لمضه
رقيه: انا خالص ده انا غالبانه
رعد:
طب اسمعي يا غالبانه مبحبش التاخير بحب الانضباط مبحبش انك تتكلمي مع اي
حد في الشركه حتي لو اصغر عامل وحش او انك تمنعيه من دخول مكتبي بحب كل
حاجه تتعمل صح
رقيه: لا ثواني بس استوعب يعني انا اتقبلت في الشغل
رعد: اومال انا بقول ايه من الصبح
رقيه بفرحه: هيييييه
رعد ضحك: وكمان طفله يمشاء الله
رقيه: ده انا هبهرك
رعد: ربنا يستر، اتفضلي علي شغلك من دلوقتي لو تحبي
رقيه: احب جدا
رعد: مبروك عليكي
رقيه: الله يبارك في حضرتك
رعد: يلا علي شغلك وقولي ل استاذ حازم من قسم المحاسبه يجيلي
رقيه: حاضر عن اذنك
رعد: اتفضلي
بعد دقايق الباب خبط ودخل حازم
رعد: ها يا حازم عملت ايه
حازم: والله يا رعد بيه انا حفظت اللي قدرت عليه وحاولت علي اد ما اقدر وربنا يستر
رعد: خير ان شاء الله
ياسين: رعد الناس وصلت
رعد: وديهم اوضه الاجتماعات وانا جاي
ياسين: حاضر
فى اوضه الاجتماعات
الاجتماع
بداء ورعد بداء يشرح خطه المشروع وجه الدور علي حازم يشرح الميزانيه ونفس
الوقت حور كانت اخيرا وصلت الشركه وتمشي بسرعه علي قد متقدر رعد قدم حازم
عشان يتكلم
ماكس: اين الفتاه ذات الحجاب
رعد لسه هيتكلم ويقول مش موجوده لكن الباب اتفتح ودخلت حور بسرعه
حور: اسفه علي التاخير
رعد اول مشافها قلبي كان بيرقص جوه وكان نفسه يقوم ياخدها بالحضن بص في ملامحها قدر يعرف انها تعبانه لا وشها بهتان وباين عليه التعب
حازم: في معادك يا حور يلا شوفي شغلك
حور: حاضر
بدات حور تشرح وتشتغل رغم انها تعبانه وكان التعب بيزيد عليها وهي شغاله لكنها كانت متحمله علي نفسها وخلصت شرح
حور: وبكده الارباح هتبقا بنسبه 50 لي شركه السيوفي و 50 ليكو
ماكس: للمره الثانيه تبهريني يا ذات الحجاب
حور بتعب: شكرا
حور اتحركت من مكانها وراحت قاعدت جمب رعد وكنت بتمسك كوبيه المايا وفي نفس الوقت رعد مسكها ولمس ايدها وحس بحرارتها
رعد بقلق: انتي كويسه
حور: اه
رعد: طب اشربي
حور: شكرا
الاجتماع
خلص وخلاص الصفقه بقت ل شركه السيوفي رسمي حور قامت من مكانها بعد ما
الناس مشيت لكن الحراره عندها عليت اكتر وبدات تدوخ وعينها تقفل لسه بتتحرك
عشان تمشي وقت في الارض
رعد بخوف: حور
يتبع …
لقراءة الفصل السادس عشر : اضغط هنا
لقراءة باقي فصول الرواية : اضغط هنا
