رواية وحدة شغف الحلقة الرابعة عشر 14 بقلم ندى
 |
| رواية وحدة شغف الحلقة الرابعة عشر 14 بقلم ندى |
رواية وحدة شغف الحلقة الرابعة عشر 14 بقلم ندى
بعد خروج شهد
حمدي موجه كلامه لعصام- البت دي هتقرفنا لازم نخلص منها
طلعت شغف من ورا البضاعة المرصوصة
=تؤ تؤ تؤ تؤ بقي عمي اخو ابويا عايز يقتلني
-يابت ال *** … هاتوها
شغف ببرود= والله لو حد لمسني بس مش هتطول باقي الورق واديك شوفت نبذة
-عايزة ايه يابت انتي
شغف قعدت عالكرسي اللي قدامه ببرود .. وفي نفسها … ياختاي انا هموت، ايه التلاجة اللي ظهرت عليا دي ، استمري يا شغف انتي صح المفروض يعترف استمري .= عايزة اعرف ليه … ليه قتلت عيلتي … ابويا .. جدتي … جوزي … وعايز تقتلني كمان … ليه تعمل كدة في نفسك وفيا
ضحك حمدي بصوت عالي – انتي هبلة ولا ايه قومي يابت اتكلمي عدل بدل ما ادفنك هنا .. ورق ايه اللي تهدديني بيه مش حمدي عمران اللي يتهدد
ضحكت شغف نفس ضحكته ومدت ايديها وشاورت = طب بص كدة علي الورقة اللي عالسور دي كدة ..
شاور حمدي بقلق الراجل يجيبها ..شافها حمدي وعصام وصدموا جدا دي بتثبت ان اخر شحنة دخلت للممنوعات تبعهم
عصام بانفعال: انت ازاي تدي الورق ده ليحيي انت اتجننت وانا اللي بقولك اي خطوة بنفذها اتاري حضرتك هتودينا في داهية بغبائك
انا غلطان اني كنت شريك معاك … وبص عصام لشغف وقال بنفعال جدا … هو اللي قتل عيلتك كلها و هو اللي قتل يحيي وكان عايز يلبسك القضية واعترف اني كنت شريكه بس مكنتش موافق علي اي جريمة قتل بتحصل … وبص بغل لحمدي وقال .. انا ماشي وحسابي معاك بعدين…وشاور عالورقة وقال .. استلم بقي غبائك
…..
احمد دخل المخزن و قلبه هيقف لما شاف شغف بتكلم عمها …. قرب بخفة لينقذها من شر عمها … بص عليها بقلق ومن اسلوبها ومن خطتها ..هو عارف انها بتخاف ومدرك جدا انها هتموت من الخوف حاليا … تابع كل اللي حصل …
رن عمر عليه …
احمد بصوت واطي – في ايه
=معايا شهد .. انت عندك كل ده بتعمل ايه شهد بدأت تقلق
-هانت .. عصام خارج سلم عليه حلو اوي اوعي يفلت
= احنا جاهزين ياسطا
استغرب احمد من اسلوب عمر الاهبل
……
خرج عصام ومعاه راجل من المخزن وهوب كل واحد اخد ضربة علي دماغه ووقعوا الاتنين
حضنت شهد عمر بتلقائية: انا ضربته مش مصدقة ، عمر انا بحبك
فلاش باك#
شهد بحيرة – هنعمل ايه بقي دلوقتي
عمر = اصبري …
بقولك ايه مش انتي بتحبي الاكشن بردة
– اه
=قمر انتي والله .. بصي قومي بسرعة كدة امسكي الحديدة دي وانا همسك دي واي حد هيخرج اضربيه اتفقنا
-هاااااااي بجد يا عمر
ضحك عمر عليها = ايوة بجد يلا بسرعة بس
باك#
عمر : يخربيتك ياشيخة ده وقته
شهد خجلت جدا من تصرفاتها وبعدت عنه باحراج وجرت تركب العربية تهرب منه
………
شغف – شوفت شريكك سابك بسبب غبائك…
حمدي قرب من شغف بسرعة وضربها بالقلم جامد = ده انا هربيكي قبل ما اقتلك
شغف بصدمة وبتحاول متضعفش- تمام كفاية هديك الورق بتاعك وهلبس انا القضية كمان بس بشرط
حمدي بحيرة وتفكير = قولي انجزي انتي هتقطعي في الكلام
شغف بحزن – انا عايزة اعرف انت قتلت عيلتي ازاي وقتلت يحيي ازاي بسهولة كدة …وقالت باستسلام.. اوعدك بعدها هعمل اي حاجة عايزها
حمدي =فين الورق الاول
شغف – احكيلي الاول عملت ايه
حمدي ضربها جامد لما الراجل جابله الورق بتاع صفقاته = فين الورق الاصلي يابت
شغف بدموع – هجيبهولك بس عايزة اعرف الحقيقة
حمدي بغضب وماسكها من شعرها فطرحتها شدها بعنف = عايزة تعرفي اني قتلت ابوكي ازاي ابوكي مات مسموم في المصنع بتاعنا حطيت ليه سم في الاكل وسيبته يعيط قدامي زي الكلب …. جدتك عايزة كل الفلوس تبقي ليكي وبس خنقتها بايدي دي بسهولة مخدتش ثانيتين في ايدي وودعت .. وزورت ورق الورث وخليتك تمضي كمان ماهو مش هتكون وهخسر… يحيي جوزك ده لما عرف اني بتاجر في ممنوعات ضحك عليا وقال انه هيساعدني واخد كل الورق بتاع كل صفقة وبطلقة كان مرمي في الأرض و خرجت من البيت بعد ما رجالتي مسحت التسجيلات .. ضرب حمدي شغف برجله ومسكها من شعرها وصرخت شغف … قولي يابت فين الورق بدل ما تحصلي اهلك
……..
احمد كان شايف كل حاجة مش عارف يتصرف خايف عليها كل ده ومش عارف هي بتفكر في ايه ولا هدفها ايه ومن بيساعدها بس مستحملش تهديد حمدي ليها
نزل يضرب الرجالة اللي واقفة في كل ركن بهدوء تام
بعد ما خلص علي معظمهم لقي شغف بتصرخ
قرب بخفة ناحيه حمدي ووقف وراه بمسدسه قبل ما يضرب شغف اكتر واتلم حواليه باقي رجالة حمدي
-ارمي اللي في ايدك وسيبها يا حمدي وخلي الرجالة تنزل السلاح .
حمدي صدم فاجأة و بتفكير مسك شغف جامد وحط مسدسه عليها
=ها ها ها انت كدة هتخوفني يعني .. اي خطوة منك هقتلها
احمد بغضب -سيبها يا حمدي .. هتدخل نفسك في مشاكل مش قدها
شغف بصدمة وخوف : احمد انت بتعمل ايه هنا .. ايه اللي انت ماسكه ده انت اتجننت.
احمد بغضب وعصبية وعنف – انا بردو اللي اتجننت بترمي نفسك في النار اقسم بالله لهوريكي
حمدي مش فاهم حاجة = مين ده يابت
شغف لسه هتتكلم
احمد بغضب – انا ابن الحاج يحيي اللي انت قتلته
صدم كل اللي موجود في المكان .. شغف نزلت دموعها بغزارة مش مستوعبة اي حاجة .. حمدي صدم ف رمي شغف ووقف وجه سلاحه لاحمد
…….
شهد بدموع – عمر انا قلقانة اوي شغف بتصرخ ليه .. احمد فين بقي
عمر = احمد معاها جوة متقلقيش
شهد -عمر البوليس جيه
عمر باستغراب فهو بلغ فرقته بس اللي تبع محافظته
قرب عمر منهم وعرفهم بنفسه
احد الظباط- تمام يا باشا دلوقتي فيه واحدة مبلغة انها مخطوفة هنا
عمر بحيرة وقد فهم انها شغف = المقدم احمد جوة من بدري وانا لوحدي حاليااخته كانت مخطوفة وخرجت بس فيه واحدة تانية جوة غير المتهم ..
– دلوقتي هنعمل ايه .
عمر= اتنين يفضلوا مع البنت اللي هنا وال 3 رجالة اللي مضروبين دول اربطوهم كويس وكلنا هندخل من ورا في باب خلفي يلااا جاهزين يا رجالة
– جاهزين يا فندم .
……
ضحك احمد بصوت عالي – مالك اتصدمت ليه
حمدي = ابنه ازاي يعني .. يحيي مخلفش غير واحدة وماتت
– مش لازم تعرف كل حاجة عن ابويا يا مغفل .. عموما البت دي للاسف حسابها معايا مخلصش ف محتاجاها قصادها هبقي شريكك الجديد وهخرجك من اي قضية .. اتفقنا ولا ايه ؟
شغف منهارة من العياط مش قادرة تستوعب: احمد انت ابن يحيي بجد ..انت كدبت عليا … كل ده كان كدب صح
احمد خاف عليها من كلامه .. خاف يحصلها حاجة فكر بسرعة في حتت الوصية = ايوة اومال هعرفك عشان تهربي ولا ايه .. مش كفاية ابويا كاتبلك نص الورث باسمك ونص ليا .. معرفش سايب ليكي كل ده ليه وعلي اي ده انتي ولا حاجة … هتخرجي معايا من غير شوشرة وتمضي علي تنازل عن كل حاجة يا هموتك بايدي ومحدش هيقدر يمنعني .
شغف انهارت اكتر وفاجاة افتكرت كلام الحاج يحيي
فلاش باك#
– بابا
=عيون بابا … تعرفي يا شغف انا حقيقي مرتاح اوي انك بتناديني كدة بجد انتي عوضتيني كدة
– انت اكتر واحد حنين عليا والله في الدنيا دي… كان عندي سؤال
=قولي
– مين الظابط اللي بتحبه ده
=ده ابني اللي مخلفتهوش.. ظابط زي ابوه الله يرحمه ساعدني كتير في وقت مشاكلي وكنت معاه في حياته بردو … شاب ذكي .. هادي .. بس ربنا يبعدنا عن غضبه ممكن يعمل اي حاجة لو غضبه متحكمش فيه .
شغف بهزار- انا نفسي اشوفه والله هتخليني اغير عليك منه .. بتحبه اكتر مني ولا ايه
ضحك الحاج يحيي علي تفكيرها
باك#
حست انه عامل خطة فعلا بس ازاي وهو مش ظابط … وعارف الحاج يحيي وعرف مكانها كمان والوصية … فكرت انها تحاول تفهم بأي اشارة تانية منه
يتبع..
لقراءة الحلقة الخامسة عشر : اضغط هنا
لقراءة باقي حلقات الرواية : اضغط هنا
