رواية يوميات سماء وغيث الفصل الثالث 3 بقلم Faloula Elazab
رواية يوميات سماء وغيث الجزء الثالث
رواية يوميات سماء وغيث البارت الثالث
رواية يوميات سماء وغيث الحلقة الثالثة
غيث : السلام عليكم …. ايه الريحة دي …. دي بخور ولا انا متهيألي ………. سمااء ؟!
سماء : ايوا انا في المطبخ …. دقيقة و جايه
غيث باستغراب : في المطبخ !!!!!
سماء : حمد الله على السلامة …… بقولك ايه انا كتبتلك ورقة طلبات و حاجات محتجاها للبيت و التلاجه … انت كنت عايش ازاي يا ابني …. ايه دا مش عارفه اعمل سندويتشين
غيث : ما انا في الاغلب باكل في الشركه و لما باكل هنا بيبقى دليفري
سماء : طيب انا هجيبلك الورقة علشان الحق اعمل اكل
غيث : طب انا عندي فكرة احلى …. ايه رأيك تيجي معايا نتغدى برا و نروح نجيب كل اللي انتي عيزاه … و ربنا يستر و مرتبي ميخلصش بسببك
سماء : اظن انك بقالك كتير مش بتصرف غير حق بنزينك بس …. فمعاك بما فيه الكفايه علشان اصرفه …. بس بلاش ناكل برا او انزل معاك مش عايزة …. هات الاكل هنا بس
غيث : يا ستي اصرفي زي ما انتي عايزة بس لا احنا هننزل …. و يلا روحي البسي …. بس الاول ممكن سؤال علشان افهم بس ؟!
سماء : اتفضل …. يعنى في حاجه بعد انك هتنزلي من البيت تضايقني اكتر
غيث : تضايقك اكتر !!!
سماء : اه انا مبحبش انزل من البيت … مبحيش انزل الشارع او اتعامل مع حد …. البيت اكتر آمان
غيث : هنتناقش في الموضوع دا بشكل مفصل بس
ايه سبب تغيرك النهاردة …. هو اينعم غيرتي الاسدال و لبستي ايس كاب …. بس اي السبب
سماء بخجل : ما هو بص … بص انا ماليش غيرك دلوقتي بمزاجي او غصب عني …. فكان لازم اتأقلم على الامر الواقع و احاول زي ما بابا طلب مني …. اني مقفش و احاول ابني بيت …. و علشان نحاول نخلي بيتك يعيش تاني بس واحدة واحدة عليا …. انا هروح البس
غيث بسرعه و هو بيمسك ايديها : استني بس هنا رايحه فين …. سماء انا مقدر جدا محاولتك و انا كمان معاكي و دا شئ يبسطني …. بس انا مش عايز ابقى امر واقع …. اللي انتي عيزاه هو اللي هيتنفذ اتفقنا ؟!
سماء بايماءة تدل على موافقتها الخجولة
غيث : يلا روحي البسي بسرعه
__________________________________________________________
غيث : ها يا ستي عايزة تاكلي الاول ولا نروح نجيب اللي عيزاه الاول ؟!
سماء : براحتك …. اي حاجه مش مهم
غيث : سماء …… عايز اجابة محددة … كلامك هو اللي هيمشي
سماء : طب ناكل الاول … علشان هنلف كتير … و اللف على معدة فاضية وحش اوووي صراحة
غيث : طب يلا يا طفلتي يا صغيرة …… دا انتي اصغر من اصغر طفلة انا عرفتها ياختي …. هناكل ايه بقى يا كتكوتة انتي ؟!
سماء : ممكن بيتزا ؟!
غيث : احلى بيتزا …. يلا يا ستي
# بعد ساعة #
غيث : يا سماء هو البيت مفيهوش اي حاجه كده خاالص ؟!
سماء : البيت فاضي خالص
استنى كده …. احنا جبنا المنظفات كلها و المكرونات و الرز و الرز البسمتي و الالبان و منتجاتها …. البيض نسينا البيض و لسه السكر و الملح و البهارات كلها و عايزة دبس رمان كمان و نسيت اكتبها …. و فراخ و لحمه بس هجيبها اكيد من هنا …. و جبنا الدقيق و لسه الباكينج باودر و الفانيليا و دا لسه في حاجات كتير يلا بقى بطل كسل
و اه صحيح في كام طقم حلل و صواني عايزة اجيبه من بيت با…….
سماء بهدوء اكتر و عيون مدمعه : كانت حاجات لماما بس بابا مخلنيش استخدمها كلها … قالي خلي حاجات تاخديها بيت جوزك علشان طول ما تشتغلي فيهم تدعي لوالدتك … ممكن نجيبهم يا غيث ؟!
غيث : الصغننه بتاعتي تأمر و انا انفذ … اتفقنا ؟!
سماء و هي بتمسح دموعها : طب يلا يلا لسه قدامنا كتير اوووي
_________________________________________________________
غيث : ياختااااااااي …. مكنش يووومك يا غيث ياااخوووياااا
اهخ يا رجلي ياللي بقبقت ……. انا مني لله اني قلتلك تعالي ننزل
انا عمري ما مشيت كل دا ….. انتي ايه يا شيخه
سماء : هو سؤال صغير …. مين فينا اللي طفل دلوقتي افهم بس ؟!
مكانوش كام لفه اللي لفيناهم …. و برغم كده مشيتني من غير ما افتكر اللي انا نسياه …. اوووف
هههيييح ….. افتكرت … نسينا الملوووخية …….. ينفع كده يا غيث … و الجلاش
انا هدخل افتكر كل اللي نسيته بسببك …. و اكتبهولك في ورقة باسم مصنعه …. سامع !
و يلا خش غير علشان تيجي تفضي معايا الاكياس دي كلها
و يلا و بطل تذمر يا طفل يا صغير 😝😝😝😝😝
غيث : طفل صغير ؟!
انا محدش قالي ان البت دي لمضة و شقيه …… بس لذيذة البت دي
دقيقة يا صغننه و جاي
_____________________________________________________
غيث : سممممااااااء ….. انا جعان … انتي عامله اكل ايه دي قالبة ريحة السلم كله ….. يا سماااااء
سماء : انااا في المطبخ اهو ….. خش غير و اغسل ايدك و وشك و متنساش تصلي العصر يلا …. هكون انا حطيت الاكل … عملالك صنية فراخ بالبطاطس و رز معمر انما ايه …. حاجة توووحفة
غيث : توووحفة ؟!
طب يلا انا هخش بسرعه …. بس بسرعه يلا يا سماء الله يكرمك ميت من الجوع …. مأكلتش من فطار الصبح اللي زغطيهولي دا فاكرة … مش هتنزل من البيت غير لما تاكل السندويتش يا غيث … و هتيجي تتتغدى معايا ….
سماء : نينينيني …. انت بتتريق عليا …. طب يا غيث مفيش نزول بعد كده غير لما تفطر معايا الصبح ….
غيث بغمزة : مش هتأخر و اجي نتناقش في الفطار يا موزة
سماء : موووزة !!!!!!
# بعد نص ساعه #
غيث : الله تسلم ايدك بجد يا موزتي … الاكل توحفة بقالي كتير مأكلتش اكل بيتي بالحلاوة دي
سماء بخجل : غيث ايه الاسلوب دا … ايه موزة دي
غيث : ما هو لازم اقول كده و انا شايف قمر قدامي …. الا قوليلي يا صغنن …. ايه اللي قلعك الايس كاب … تطور جديد دا
سماء : ما هو …. بص هو
انا …. اللي هو عايزة انام اه او لا
غيث بضحك : طب بس بس بس ….. ايه التوتر دا كله … انا اسف يا ستي
انتي قمر في جميع حالاتك و انا مبسوط بالخطوات اللي بتمشيها دي
سماء : شكرا انك موجود يا غيث
غيث : يييييي تاني …. يا بنتي هرميكي من الشباك و اخلص من الكلمة دي …. بقولك ايه هو مش انتي خريجة السن ؟!
سماء : اه فعلا السن لغة اولى انجليزي و التانيه فرنسي …. بس اشمعنى
غيث : حلو سؤال اشمعنى دا ….. لاني محتاج مساعدتك معايا
سماء : مساعدة ازاي …. لو معاك اي ورق عايزني اترجمهولك هاته مفيش اي مشاكل خاالص والله …..
غيث : اممم لا …. انا عايزك انتي اللي تيجي معايا
سماء : اجي فين ؟!
غيث : الشغل …. تيجي الشغل معايا يا سماء ….. ايه رأيك ؟!
سماء : طب ليه … ما انت ممكن تجيبلي اللي عايزه و اترجمهولك او اشتغل من اللاب …. يعنى اخلص الحاجه و في نفس الوقت اعمل الاكل
غيث : لا يا ستي …. احنا نظبط اكل الاسبوع في الاجازة … نتبل اللي نتبله او نعمل الحاجه و نسيبها على السوا ….. و لما نيجي نعلق على الاكل و يا دوب يتسوي بس …. و كده تفضلي معايا اليوم كله مش مشكلة
سماء بخوف و لجلجة : بس بس مش لازم انزل يا غيث … علشان خاطري
غيث : لا يا سمسمتي …. الفترة دي في شغل كتيير اوووي و ممكن اتاخر برا كمان … فمن ناحية ابقى مطمن عليكي معايا و من ناحية تانيه تطلعي تشمي هوا و تتعاملي مع الناس
سماء : بس انا مش عايزة اتعامل مع حد انا كل مرتاحه
غيث : هو انتي يا بنتي كل حاجه تدمعي كده …… تعالي تعالي اقولك
و خدها غيث في حضنه و بدأ يكلمها كطفلة صغيره
غيث : اللي انتي فيه دا و خوفك من الناس بالشكل دا غلط يا سماء …. انا على عيني تتعاملي مع حد اصلا لو عليا هحبس طفلتي الصغننه دي في البيت و محدش يشوفها …. بس لازم تتعاملي و تقاومي خوفك دا علشان بعدين يا صغنني
سماء : غيث انت تعبان ؟!
سمسمتي …. طفلتي و صغنني ؟!
غيث بضحك : شوفي انا بتكلم في ايه و انتي ركزتي في ايه 😂😂🤦🤦
سماء ….. جهزي نفسك علشان هتنزلي بكرا معايا …. سامعه ؟!
سماء : لاازم يعنى 🥹🙄
غيث : ايوا لازم و مفيش نقاش …. خلص الموضوع
_________________________________________________________
سماء : حسبي الله و نعم الوكيل
غيث : بتتحسبني على مين يا بت انتي
سماء : على كل ظااالم …… حراااام عللليكم يا بشششر
انا بقالي شهر هنا بس و جبت اخري …. انتوا بتعذبوا الموظفين عندكم ولا ايه
غيث و هو بيجيبها من قفاها : بت انتي … انتي لسانك طووول اوووي …. ايه ياختتتي في ايه
سماء : في ايه يا غيوثتي حد يمسك جوزه حبيبه كده …. مينفعش يا جدع … حتى علشان الشاكته الجومر دي
غيث : جومر !! شاكته !!!
لا استني …. غيوثتي و جوزه و حبيبه كمان 😉😉
سماء : اهممم … بص انا …. في حد بيناديلي من برا
غيث : حد بيناديكي …. لا انسي يا امي … احنا هنروح حاالا
في موضوع لازم نتناقش فيه في البيت
_________________________________________________________
# في البلكونة #
سماء : اتفضل يا سيدي عشقك كوباية الشاي اللي بالنعناع
خير عايز ايه ؟!
غيث : عاايز ؟! هي وصلت لكده
المهم ….. سماء انتي لسه شايفاني امر واقع … او انك يعنى … فاهمة قصدي ؟!
سماء بخجل : بص هو اصل
غيث : هو انتي معندكيش غير اصل و هو و بس و بص …. يا ربي
سماء و هي مغمضة عنيها و بتتكلم بسرعه : متتريقش لو سمحت …. بص لا …. انا اتعودت عليك و مش عايزة امشي من هنا و حاسه اني مطمنة وووو
غيث و هو بياخدا في حضنه بسرعه : بس بس … خلاص يا صغنني فهمت كل حاجة ….. بس كنت عايز اتأكد يا حبيبي
سماء و هي بتخش في حضنه اكتر : حبيبي !!!
غيث : طبعا حبيبي … و روحي كمان …. انا مقدرش اعيش من غير شقاوتك و هزارك و دلعك دا يا سمسمتي …. خلاص لو بعدت عنك شويه بحس اني مخنووق اوووي ….. انا حبيتك يا سمائي
سماء و هي مكسوفه و لسه دافنة وشها في حضنه : و انا كمان يا غيثي
غيث : انا عايز اجيب بنت و ولد يا سماء او اكتر … عايز اعمل اسرة كبيرة اوووي …. عارفه نفسي اسمي اسامي ايه ؟!
__________________________________________________________
غيث : اااليييااااااااااسسسسسسسس …….. فااااااااايييروووووووووز ……. سمااااااااااااء ….. الفين مرة اقول ابعدي انتي و عيالك عن ورق شغلي و حاااااااجتتتتتي
ورررق الصفقة باااااااااااااظ
سماء : بص بص بص اهدى هما غفلوني والله انا ماليش دعوة يا بيه …. بص ولع فيهم براحتك علشان هما اصلا مش بيسمعوا كلامي
غيث : لا انا عندي فكرة تانيه احلى …. انا اولع فيكم انتوا التلاته و اخلص ….. هتجننوني ……
سماء : انا اسفة يا غيث 🥹🥹🥹
غيث : اسفه على ايه يا حبيبتي مالك هتعيطي ليه بس يا صغنني
سماء : احنا تاعبينك على طول و دايما بنبوظ حاجات في الشقه و فلوسك ضايعه على الحاجة اللي بتتكسر و بتبوظ
غيث : انتي بتقولي ايه يا صغنني انتي ….. انا ماليش غيركم يا حبيبي والله ….. فاكرة لما قلتلك ازاي البيت بيعيش ….. بسببكم انا كمان بقيت عايش …. مش البيت بس … البيت تحسي ان الحيطة بتاعته بتحضنا جواها …. انتوا اه بتطلعوا عيني بس انا ماليش غيركم و من غيركم انا مش عايش
تعالوا انتوا كمان يا مصايب حياتي
الياس و فيروز : بابا احنا بنحبك اووي
غيث : و انا بحبكم يا ضي عيوني من جوا
تمت
لقراءة الرواية كاملة اضغط على : (رواية يوميات سماء وغيث)
