رواية نور الاعمى الفصل الثالث 3 بقلم تارا
رواية نور الاعمى الجزء الثالث
رواية نور الاعمى البارت الثالث
رواية نور الاعمى الحلقة الثالثة
احمد بصدمه: ازاي دي ماكنتش الخطه
حسناء: عارفه بس خلينا شخص يراقبهم متعرفش كميه القر*ف اللي بيعملوه ومايا دي وحده معندهاش قلب ولا رحمه هي وامها الحربا*يه وعندها سر محدش يعرفه
محمد مقاطع حسناء: قصدك اسرار الست دي مش ساهله لازم نخلي بالنا منها
احمد: طيب اي الخطه
شخص: خطه ومن غيري
في مكان جديد
الداده: سيا هانم الفطار جاهز ووالدك مستنيكي تحت
سيا: حاضر يا داده نازله
سيا نزلت
سيا وهي بتبوس رأس والدها: صباح الخير يا بابا
مصطفي: صباح الفل يا حبيبه بابا عامله ايه
سيا وهي بتقعد علي السفره: الحمد لله يا بابا
مصطفي: كل سنه وانتي طيبه يا حبيبتي
سيا بحزن: وحضرتك طيب يا حبيبي
مصطفي : مالك زعلانه ليه ده انهارده عيد ميلادك
سيا: مش عارفه يا بابا حسه نفسي مخنوقه وقلبي واجعني
مصطفي بخوف ابوي: مالك يا حبيبتي انا عايز افهم الوجع دا بيجي لك ازاي مع أن الدكاتره قالت مافيش حاجه
سيا: مش عارفه يا بابا متقلقش هبقي كويسه دلوقتي
مصطفي: ماشي يا حبيبتي كملي فطارك انا همشي لاني اتأخرت علي الشركه النهارده في اجتماع مهم
سيا: ماشي يا بابا انا هاكل وهروح الكليه
مصطفي: خلي بالك من نفسك يلا سلام عليكم
سيا: حاضر وعليكم السلام ورحمة الله وبركاته
سيا لنفسها: ياربي انا مش عارفه حسه بشعور غريب
بعد فتره في كليه سيا
سيا لصحبتها: صباح الفل
يارا: صباح الورد عامله اي
سيا: الحمد لله انتي عامله اي ومامتك عامله اي معاكي
يارا: انا الحمد لله وكملت بحزن بس ماما زي ما هي نفس التعامل الز*فت انا مش عارفه هي بتعمل معايا كده ليه دا انا حتي بنتها الوحيده
سيا: متزعليش نفسك يا حبيبتي هي ربنا يهديها انتي طيبه وتستاهلي كل خير
يارا بمرح مصطنع: فكك كل سنه وانتي طيبه يا حبيبتي وعقبال ١٠٠ سنه
سيا فهمت انها عايزه تغير الموضوع : وانتي طيبه يا حبيبتي
يارا: اي هنروح المحاضرة ولا ناكل
سيا بضحك: لا انا فطرت ف هروح المحاضره
يارا : خلاص روحي انتي وسجليها وانا هروح اكل
سيا: بالهنا يا حبيبتي يلا سلام
يارا : سلام
يارا راحت الكافتريا تفطر
و بعد ما جابت الأكل وقعدت عينها لمحت شخص قلبها بيدق له
يارا لنفسها : امتي يا سيف هتحس بيا وتعرف أن قلبي عمره ما دق لشخص غيرك
عند سيا دخلت المحاضره
سيا لنفسها : ياربي المحاضره دي رخمه اوي وكمان يارا مش معاي هي لازم تفطر هيحصل اي لو مكلتش هيجي لها انيميا هتروح بالعلاج انما تسبني وحدي لا
بنت: بقولك يا بنتي تعب فجأه ونقلوه المستشفي
بنت تانيه: يعني نشمي مافيش محاضره ولا اي
بنت: لا طبعا في دكتور غيره جاي
سيا لنفسها: ياربي دا قولت خلاص اروح افطر تاني مع يارا حظي وانا عرفاه
بعد شويه دخلت الدكتور اللي اعجبت به كل البنات
الدكتور: السلام عليكم انا دكتور سليم هكون معكم فتره لحد ما دكتور ياسر يقوم بالسلامه ياريت ندعو له بالشفاء العاجل
سيا في نفسها: تبارك الرحمن اي الجمال دا
بنت: اي القمر ده يارب يطلع سنجل
بنت تانيه: يارب يعجب بيا يارب
بنت بصوت عالي: دكتور حضرتك مرتبط
المدرج كله ضحك
سليم ببرود: والله دي حاجه متخصكيش وياريت نلزم حدودنا نحن في جامعه مش في الشارع
البنت باحراج: انا اسفه
سليم: يلا نبدأ وياريت بلاش اسئله خارج المحاضره
بعد فتره المحاضره خلصت وسيا راحت ليارا
سيا: انا جيت
يارا: نورتي
سيا: اسكتي يا بنتي جالك دكتور انهارده يقول للقمر قوم وانا اقعد مكانك
يارا: اي ده اومال دكتور ياسر راح فين
سيا: شكله بيودع هههه فكك منه دلوقتي بقولك دكتور سليم حاجه تاني خالص شكله حلو وشرحه حلو ولبسه حلو يالهوي كل حاجه فيه حلوه طب تعرفي ان في بنت قالت له بصوت عالي انت مرتبط
يارا بضحك : يالهوي هههههه
سيا بضحك: اه والله زي ما بقولك كده والدكتور سليم كسفها مكنتش عارفه تودي وشها فين تعرفي لو هو قدامي كنت هقوله جدع يسطا ههههه
يارا بضحك: هههههه كفايه
سيا بضحك: هههههه يلا بينا ياعم
عند نور جهزت هي ومايا وكانوا منتظرين اهل زين
صفاء بصدمه لما شافت نور كانت جميله جدا بالرغم من لبسها البسيط القديم
صفاء بغضب: اي اللي انتي عملاه دا
نور بخوف: عامله اي وبقت تبص علي نفسها
صفاء بغضب مكتوم: مافيش
صفاء بصت لمايا: حصليني علي الاوضه
مايا: حاضر
في الاوضه
صفاء: اي يابت مش حطه ميكب كتير ليه عايزه البت دي تطلع احلي منك
مايا بغل: لا طبعا انا احلي دا ميكب
صفاء: ايوا طبعا انتي احلي بكتير مافيش مقارنه بس برضو حطي ميكب تاني وظبطي نفسك
مايا: حاضر
عند أهل زين
شخص: خطه ومن غيري
حسناء بفرحه: يزن
يزن: ازيك يا طنط
حسناء اخدته بالحضن: قلب طنط
محمد: اوعي يا وليه الواد وحشني
محمد اخد يزن بالحضن: عامل اي ليك وحشه والله
يزن خرج من حضن محمد: الحمد لله يا عمو انت اكتر
احمد حضن يزن: عامل اي يسطا
يزن : الحمد لله وحشتوني والله
حسناء: انت اكتر والله ليه قطعت مره وحده
يزن: دا موضوع كبير بعدين انتوا رايحين فين كده وفين زين
محمد حكي له اللي حصل
يزن بهدوء: تمام انا رايح لزين ونبقي نقعد مع بعض لما تيجوا بالسلامه
محمد: تمام يلا يا احمد
محمد وحسناء واحمد اتجهوا لبيت نور ويزن راح لزين
يزن: ازيك يا صاحبي
زين بفرحه واضحه : يزن
يزن اخده بالحضن: اي ياعم عامل اي
زين: الحمد لله انت عامل ايه واي فينك دا كله
يزن: الحمدلله دا موضوع طويل
زين: وانا بحب اسمعك
يزن: ههه وانا بحب احكي لك
( اي حد عنده أصحاب كتير ومنهم واحد بس بيكون الكلام معاه حياه)
عند أهل نور
الباب بيخبط وحاتم فتح
حاتم: اتفضلوا
محمد: شكرا
بعد السلمات
حسناء: أومال فين نور
صفاء بغضب مكتوم: هنادي علي مايا ونور وجايه
صفاء نادت علي مايا اللي كانت طايره من الفرحه ونور الباين عليها الحزن والاستغراب لأنها لحد الان مش مستوعبه اللي بيحصل
صفاء : يلا يا مايا بينادوا عليكي مش قادرين يستنوا وبذات احمد
مايا بتكبر: اكيد طبعا ما انا مافيش في حلاوتي وجمالي يلا يا مامي
صفاء بقرف: وانتي يا زف*ته والله ما عارفه اي اللي عجبهم فيكي
نور بحزن: حاضر
طلعت صفاء الاول وهي ماسكه مايا
احمد بصوت واطي لمحمد: اي عروسه المولد دي يا بابا
محمد بضحك مكتوم: والله ما عارف شكلها بيفكرني ب ميس سوسن حناكه زمان ههه
احمد مقدرش يكتم ضحكته: ههههه صفاء ومايا بصوا له بغضب
احمد بضحك مكتوم: احم انا اسف
محمد: احم معلش احمد علي كده بيحب الهزار
حسناء وهي فاهمه بيضحكوا علي اي: ايوا صح احمد بيحب الضحك اكيد يعني مش بيضحك عليها ولا علي الميكب بتاعها
احمد ومحمد في صوت واحد بضحك مكتوم: اكيد طبعا
مايا سلمت عليهم بغضب مكتوم وبعدها نور دخلت
حسناء وقفت: بسم الله ماشاء الله بسم الله ماشاء الله تبارك الرحمن تعالي يا حبيبتي واخدتها بالحضن
نور حست بكميه راحه وهدوء وهي في حضن حسناء ودمعت ومكنتش عايزه تطلع من حضنها وحسناء لاحظت كده
حسناء: سلمي يا حبيبتي علي عمو محمد ودا احمد ابني الصغير
نور بعد ما خرجت من حضنها وسلمت علي احمد ومحمد
حسناء: تعالي اقعدي جنبي
صفاء اضايقت من تعامل حسناء مع نور ومره وحده قالت
صفاء بغضب: انا مش موافقه علي الجوازه دي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نور الاعمى)
