رواية لعبة القدر الفصل الثالث 3 بقلم نانسي ماجد
رواية لعبة القدر الجزء الثالث
رواية لعبة القدر البارت الثالث
رواية لعبة القدر الحلقة الثالثة
بدأت أتوتر وجسمي يعر*ق من الخوف والتوتر
-في ايه يا حاتم قلقتني قول
*رغد،أنا…أنا….أنا بحبك
كنت مستغربه من سرعه حاتم في الموضوع دا،بس كان عندي فضول اني اجرب الحُب اللي بيقولوا عليه دا ف قولت في بالي:وماله يعني لو اديته فرصه
طبع مني رد تلقائي:بس أنت ايه اللي خلاك تقرر كدا بسرعه مش غريبه شويه دي،دا أحنا لسه عارفين بعض من اسبوع بس
*حاتم بضحكه خفيفه:مانا قولتلك إني بحب انتهز فُرصي كلها
-بس دا مش معناه يعني أنك تقول كدا بالسرعه دي،وضحكت بصوت عالي شويه
بص في عيني وقال:عينك فيها لمعه الفرحه علفكرا واخده بالك
-حاتم انا عايزه اقولك حاجه،هو أنت ازاي بتقرأ العيون كدا بجد همو*ت واعرف علفكرا
*رد عليا باستغراب:بجد والله،أنتي غبيه يا بنتي،احنا ف ايه ولا ف ايه متهربيش من موضوعنا،أنا عايز إجابه حالاً
رديت بقلق:علفكرا أنا اول مره حد يقولي كدا،ف حاسه إني متردده،قلقانه،خايفه…..
قطع كلامي ورد بتساؤل:ثواني ثواني،خايفه من ايه!؟
خايفه اخسرك،او النصيب يكون مخالف لينا،بس مش هنكر اني كمان بحبك يعني،دا حتى أنا كنت محضرالك مفاجأه
رد وعنيه بتلمع من الفرحه:ايه دا بجد ايه هي قوليلي بسرعه
بص كدا…وريته صورته اللي رسمتهاله لما كنت سرحانه،فرح اوي زي العيال الصغيره لدرجه انه شالني قدام الناس وفضل يلف بيا زي الطفل اللي فرحان بلعبته الجديده،كنت فرحانه وفي نفس الوقت خايفه أخوض التجربه دي بس في نفس الوقت كنت متحمسه لعلاقتنا،كل دي افكار اتراكمت في عقلي مره واحده بس قررت اني اتخطاها عشان استمتع بكل لحظه مع حاتم
اليوم دا كان أحلى يوم في حياتي بجد،أول ديت بينا كان اليوم دا روحنا على مطعم ظريف أكلنا بيتزا وحلينا بأحلى كنافه نابلسي أكلتها في حياتي وبعدين شربنا قهوه سوا،فضلنا نلف ونتفسح كتير اوي لحد ما تعبنا وقررنا نروح،روحنا كل واحد على بيته وفضلنا نتكلم كتير لحد ما نمنا
إحساس جميل اوي لما حد جميل زي حاتم كدا يدخل حياتك بس معروف إن الحلو مبيدومش كتير،لأن حصل اللي كنت مرعوبه منه،بعد ٣ سنين حُب وأيام حلوه بينا،كل حاجه حلمت بيها راحت في الهوا،إحساس يقبُض مش كدا بس محدش حس بيه قدي،كنت محضره مفاجأه لحاتم بما إن تمينا 3سنين مع بعض بس هو كان مخططلي مفاحأه ولا أروع،روحت الكافيه اللي كُنا متفقين نتقابل فيه لكن….لكن لقيته قاعد مع واحدة عمال يلعب في شعرها ويقرب منها،شوفته وهو بيب*وس رقبتها ومسك ايديها وقالها:أنا مش عايز من الدنيا دي غيرك،أنا بحبك وأنتي اول شخص وآخر شخص في حياتي
أنا سمعت كدا وكل حاجه جوايا اتكسرت حرفياً،حسيت إني وحيده تاني،مقدرتش امسك نفسي اكتر من كدا،محستش بنفسي غير وانا قدامه
مين دي يا حاتم!؟
رد عليا بكل البرود اللي ف الدنيا:دي حبيبتي،مفاجأه مش كدا
أنت بتهزر صح!؟قول انك بتكد*ب يا حاتم هاا،طب انا ايه طيب
_رغد هو أنتي صدقتني بجد،انتي على نياتك اوي بجد
رديت وعيني مليانه دموع:تقصد ايه يا حاتم،دا أنا حبيتك ليه تعمل معايا كدا،ليه رهنتني جنبك طول ال 3 سنين دول طيب،أنا معملتلكش حاجه عشان تردلي كل التعب دا مكنتش متوقعاها منك انت ليه كدا بجد
رد عليا بكل هدوء واستفزاز:رغد..رغد،فوقي يا ماما أنتي كنتي مجرد رهان مش اكتر وانا كسبته،لا يشغلني انك اتأذيتي ولا الهري بتاعك دا وفري على نفسك الحوارات بتاعتك دي بقا
مقهرنيش قد اللي عماله تلعب في شعره بكل تناحه قدامي دي،محستش بنفسي وأنا هجمت عليها ضربتها بالشنطه غير لما حاتم شدني من عليها وضرب*ني بالقل*م وقالي بغضب:بت أنتي،اقسم بالله إن ما احترمتي نفسك لأدمر*ك إنتي سمعاني هدمر*ك يا رغد،باين عليكي مش متربيه أصلاً ف أنا عارف هربيكي ازاي ويلا غور*ي في ستين داهيه
زقني لدرجه اني وقعت على الأرض حسيت بكسره نِفس جامده اوي،أنا سمعت صوت تكسير قلبي من طريقته معايا كل دا ليه انا عملت ايه عشان استحق دا كله منه هو،حسيت وكإن مليش اي لازمه في الحياه أصلاً،قعدت في الشارع اعيط ع اللي حصلي على كرامتي اللي اتبعترت قدام الناس كلها،كان هيغمى عليا لكني قاومت،فوقت على مكالمه من مرام صاحبتي حاولت امسك دموعي وبصوتي المبحوح رديت:مرام!؟
مرام:رغد،انتي كويسه؟مال صوتك يا بنتي،انتي فين احنا قالبين الدنيا عليكي
رديت عليها وانا بنه*ار من العياط:أنا تعبانه اوي يا مرام
مرام:مالك بس في ايه رد عليا،انتي فين وانا اجيلك طيب
قولتلها مكاني ونص ساعه بالظبط ولقيتها قدامي شافتني وأنا منهاره،خدتني في حضنها بدون تفكير وحكيتلها اللي حصل حاولت تهديني لكني انهالت عليها بالكلام
“اشمعنا هي وأنا لا فيها ايه زياده عني بجد،ليه كل اللي حلمناه سوا راح هو يحققه معاها هي مش معايا أنا،ليه يارب كدا دا انا عمري ما أذيته أنا كنت بحبه،طول ال ٣ سنين دول كان بيضحك عليا،كل دا كان مغفلني،طب ليه تفرق عني في ايه”
باك..
فضلت اعيط على نفسي لما افتكرت حاتم لكن قطع تفكيري مكالمه من مراد
_بقولك ايه يا رغد أنا لازم اشوفك
امتا يا مراد
_بكرا فاضيه!
لو مش فاضيه أفضالك
_طب كويس،هقابلك في أول كافيه اتقابلنا فيه فكراه؟
طبعاً،بكرا ٩ بالليل أكون عندك صح كدا
_بالظبط،يلا بقا على معادنا بُكرا،تصبحي علي خير وبحبك
وأنت بخير،وأنا بحبك كمان يا مراد
قفلت مع مراد وقولت انام عشان مش عايزه افتكر حاتم اكتر من كدا
تاني يوم المغرب
خدت دُش وجهزت لبسي وميكب بتاعي عشان مراد هيعدي ياخدني زي ما اتفقنا،كلمته ومفيش ساعه كانت تحت البيت عندي،نزلت وركبت معاه العربيه وصلنا على الكافيه ودخلنا بس كانت صدمه….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لعبة القدر)
