رواية حكاية سارة الفصل الثالث 3 بقلم أروى اسماعيل

رواية حكاية سارة الجزء الثالث

رواية حكاية سارة البارت الثالث

رواية حكاية سارة الحلقة الثالثة

مامت حسام بصدمة: عايز تبعد عني ي ابني، تاني و ليه عشان مراتك بص ي حسام انا مش هعتذر و اللي عايز تعمله اعمله.
حسام ببرود: خلاص ي ماما انتي اللي مصممة اني ابعد عنك سلام ي امي سلام ي ست عليا.
حسام رجع البيت ولا كأن حاجه حصلت و اتعشى و كان رايح ينام لحد ما سألته سارة: ايه ي حسام مقولتش عملت ايه مع حماتي و اختك و جيت عادي و مبتتكلمش.
حسام: عادي ي بنتي ايه يعني هيكون حصل قولتلها هي و اختي متكلمناش و ملهمش دعوة بينا و قطعت علاقتي بيهم لما مردوش يجوا يعتذوا ليكي.
سارة بصدمة: ايه قطعت علاقتك بأهلك لا ي حسام انا مرضهاش كله الا الاهل لا روح صالحهم.
حسام: هوة ايه اللي اروح اصالحهم هما غلطوا فيكي و خدوا جزائهم انتهى الموضوع انا عايز انام.
كنت فاكرة انه ممكن اقنعه مع الوقت لكن لقيته عادي مش فارقة معااه و لا حتى بيجيب سيرتهم كأنهم ميتين و اللي مستغرباه اكتر انه امه و ابوه اصلا منفصلين يعني هوة راجل البيت ازاي يسيبهم كدة و عدت الشهور لحد ما علا بقى عندها سنة و حياتنا كانت مستقرة و كويسة لحد ما لقيت نفسي حامل و كنت خايفة اقوله ليكون رد فعله زي المرة الاولى لكن دي حاجه متستغباش و لما جه من الشغل قولت: حسام حبيبي انا عندي ليك خبر حلو
حسام: خبر ايه ي سارة شوقتيني
سارة: انا حامل ي حسام
حسام: حامل هوة مش قولنا نكتفي بعلا ازاي ده حصل انتي لازم تنزليه
سارة: انزله مين انت مجنون لاء اكيد ده روح
حسام: هوة ده اللي عندي بقى اتصرفي مليش دعوة
لميت هدومي و روحت على بيت بابا و حكتله على كل حاجة قلها و انه عايزني انزل الطفل قال: هوة مجنون ولا ايه ده ازاي تنزلي الطفل مفيش حاجه من دي هتحصل و انا معاكي متقلقيش كله هيبقى تمام
دخلت انام شوية و سبت علا مع ماما و قعدت افكر هوة ليه عمل كدة ليه عايزني انزل الطفل اتقطع تفكيري على صوت الباب بيخبط جامد روحت اشوف لقيت حسام و معااه رجالة و بوليس و بيقول: ايه ي باشا سابت البيت من غير اذني و خدت البت بنتي من غير معرف.
قبل ما اتكلم نص كلمة لقيت الضابط خده بابا على البوكس و لقيته بيقول: استاذ علي حضرتك متهم بتحريض بنتك على انها تسيب بيت جوزها
رديت بلهفة: اسيب بيتي ايه حضرتك انا روحت عند بابا عشان البيه اللي جايبك عايزني انزل الطفل و انا مش هنزله مهما يحصل ف جيت عند بابا
الضابط: الكلام ده مظبوط ي استاذ حسام عشان لو كدة هيبقي على حضرتك اللوم المدام مش غلطانة
حسام بخوف: طفل ايه بس ي باشا اللي انزله انا لسة عارف انها حامل دلوقتي انا اسف على ازعاج حضرتك و انا هحل الموضع بهدوء حضرتك مع السلامة ي باشا
سارة: جبت ورا انت يعني انت مجنون عايز تحبس بابا
حسام: و احبس عيلتك كلها لو منزلتيش الطفل فاهمة
كنت في حيرة و مش عارفة اعمل ايه ولا اقول ايه لحد لما لقيته بيقول: لو منزلتيش الواد اللي في بطنك في المستشفى هنزله انا بطريقتي و ساعتها مش هيفرق معايا لو هتموتي….