رواية قهر الفصل العاشر 10 بقلم رويدا القاضي

رواية قهر الجزء العاشر

رواية قهر البارت العاشر

رواية قهر الحلقة العاشرة

بعد مرور سبع سنوات مرام وقت ع المحاضرة تأخرت عمي خالد ارفعني الله يربحك….
خالد:قريب نشريلك سيارة باش نرتاحوا منك ومن مشواريك…
منال: الله الله ايش هالدلع سيارة للي يسمعك مايقول ولدك احمد وبشير ليهم سنين يطلبوا فيها…
خالد:😂قصدك وانت صدقتي بعد توصل حوش راجلها للي مايتسمى …دبر راسها تسوق حتى طيار هنا مافيش بنات يسوقوا ….
مرام:كملت المسرحية متعك انت وياها … وللي مايتسمى اسمه اسامة …
امباركة: تعالي اقعدي هنا احكيلي ايش قلتي من اتصل بيكم…
منال: اه ياامباركة حتى بعد كبرتي مازالت الذاكرة هيا هيا ياحنا خلي نخبرك اتصل رقم بخالد قله انه مريم ومحمد وصغارها ماتوا في الحرب …
خديجة: هيا ضاعت بلاد يابال مريم سبحان الله وكأنه نسل العائلة هذي مكتوبله الموت …
منال: هالة وبنتها رجعه جايين نهاية الاسبوع ايش رايكم نديروا شواء …
امباركة: ليا وقت ع الجمعه هذي.
خديجة: نا ماعاد عندي حيل بكل …
منال: الشغالات موجودات ماتخافيش التعب كاين ايام قبل انسيه….
هالة بعد علمت بموت رجعه قررت انه لو جابت بنت تسميها رجعه منال عندها ولدين أحمد وبشير وجابت اخر العنقود سما … طبعا مشروع خالد نجح وتم تاجر معروف وليه قيمته في السوق الحوش القديم الصغير تغيير وتم فيلا كبيرة ….ومرام انخطبت وتستنى في فرحها….
يوسف:الحمدلله ربي فتحها عليك ورزقك من واسع ابوابه .
خالد:لولا انك كنت معاي خطوة بخطوة ماكنتش وصلت للي وصلته بكل..
يوسف: حتى انت يعطيك الصحة خدمت وتعبت واحد باش صنعت اسم.
خالد: اسمع نهاية الاسبوع بدون أي أعذار نبيك تكون عندنا انت وهالة وكنتي رجعه…
يوسف: ها قول لولدك يفكنا من نظرات الاعجاب للي نحق فيهن في عيونه…
خالد:للي يسمعك يقول انت ماكنتش تقعد راقد في الشارع بالعرض باش تحق هالة مروحة…
يوسف: حتى بعد السنين هذي مزلت تتذكر.
سما:حني نبي نقلك ع شئ …
امباركة: ونا نظفر في شعرها قولي بنتي …شن فيه..
سما:نا نحق مرات في خيال يطلع برا لدار الخزين ونسمع في اصوات لكن ديما نقول الباين نا نتخايل .
امباركة: مرات الشغلات هذين للي جبوهن لنا عقاب الوقت لنوطره بس.
سما: هههه نحب كلامك ياحني.
امباركة: حتى نا نحبك رغم صغر عمرك لكن عقلك كبير وتفهمي الصح من الخطأ ونا هكي حفيدتي تكون…
منال:من وقت حطيت الخزنة هنا ونا معاش نقدر نطلع ونخلي الحوش بروحه…
خالد:وين تبي نعدي نحطها عند من …
منال: ماعند حد وبعد خاطرها كانك ديما وانت صوتك عالي ومش طايق نفسك…
خالد: ضغط خدمة بس مافيش حاجة اخرى .
منال: قتلك ضغط الخدمة خله برا معاي نا واولادك لا.
خالد: ايش رايك بعد فرح مرام نعدوا نقعدوا عشرة ايام في تركيا ونردوا …
منال: كويس ومنها الصغار ايغيروا جوهم.
خالد: صغار شن نا وانت وبس بروحنا …بدون مرافقين من حقي نكون نا ومرتي حبيبتي بروحنا بالك نقدروا نجيبوا لسما اخت تخاويها …
منال: مسكت المخدة وعزفته بيها ع راسه يابارد تحساب روحك مازال صغير….
نهاية الاسبوع الكل مجتمعين ….
هالة:ايش خطر عليكم اللمه الحلوة هذي .
منال: ع قولتهم توديع العزوبية لمرام معاش مازال واجد ع الفرح.
خالد: واقف ع المشوى من بعيد اها كنت نحسابها لشباب بس.
يوسف : هضا كاين قبل يشهد الله ماعاد لحقنا ع حاجة معاهم.
هالة: ها شن ايسكته هدا المايك عدو المرأة عاد .
يوسف: ها قلتي شئ حبيبتي.
هالة: قتلك رد بالك من الطماطم لا ناكلوا سلاطه مشيطه كيف هذيك …
امباركة: الحمدلله للي عشنا ياخذيجة وحقيناهم مترحين .
خديجة: مرات يمر عليا شريط للي عشناه نقول سبحان الله … من يقول منال بتاخد خالد وبنتم طول العمر نا وياك رفيقتي…
امباركة: وانت وجهك في وجهي 🤣🤣
خديجة: تتفكري في مشاكلك مع صبايا الشارع قبل مش عارفة كيف انسجمتي معاي .
امباركة: تصدقي بروحي مش عارفه….
الله لما يبي يسهل ع عبده امر من امور الدنيا يسخرله كل شئ في محيطه من بشر ومكان وزمان وحتى الحيوان …. وتسهل عليه طريق ماكان رح يقطعها لولا فضل الله عز وجل والله سخر امباركة وولدها سند وامان لخديجة…
منال: مرام ياعروس امتا تبعدي من جنب الرجالة واتجى جنبنا …
مرام: كلامك زايد ماعندي ماندير به.
هالة: خا وكلامهم للي ينفع ..
مرام: اقلها نفهم شوي ع التجارة …
منال: منا ناوية تخشي عليها ….
مرام : عادي وين تعلمي ….
بعد العشاء كل واحد خش لداره وعم الهدوء المكان …
كنت نراقب في الساعة في يدي امتا ايجئ الوقت للي قالت عليه سما انها تسمع فيه في اصوات في المخزن ….
باحتث في خديجة لقيتها راقدة تسحبت بشويش
لعند وصلت الغريب انه وقت العشاء الشغلات ردن الشويه جوا وسكرن الباب ….
اما توا مفتوح شوية وكأنه في حد جوا فضل يخلي فيه فتحة بسيطة قربت وفتحت الضئ متع المخزن هنا كانت الصدمة 😳😳…..
طبيت طايحة من طولي … معاش فقت الا ونا في المستشفى والكل لافين بيا …..جيت بنتكلم خاني لساني حسيته رزين وماقدرتش نطلع صوت ….
منال: الحمدلله ع سلامتك هكي ولا اكثر…
خديجة: شن صار بس ايش طلعك هذاك الوقت خوفتيني عليك …
خالد: قربت وبست يدها ربي يحفظك ليا ياغاليه
الحمدلله …
امباركة: حاولت نتكلم نأشر لكن كله بلا فايدة عرفت بعدها انه جتني جلطة والحمدلله اني مزلت نتنفس ….
منال: ها ايش تبي نحس في عمتي تبي تقول كلام لكن مش قادرة …
مرام: كلام شن انت يتهيألك ماتشوفي شر ياعاليه…
روحت للحوش ونا نبي نتكلم نقول للي حقيته …لكن مش رح يفهم عليا حد بكل ….
خديجة: مرام مافيش فرح توصلي ع الساكت الوضع تحقي فيه مايسمحش بكل …
مرام : بنضرة خبث حتى كان تبيه يبطل بكل عادي ماعندكش مشكلة …
هالة: تكلمي كويس مع امك وردي حسب الكلام.
مرام: ليش تاخدن في راي مدامكم مقررين بنيابة عني ..
منال: انت ايش ماتحقيش في حالة امباركة الصحية مش معروف شئ هكي تستاهل منك …
مرام : وانت ياهالة نسيتي الفرح للي دارهولك رغم انك واخدة فاتل وارمل ونا توا للي تبن تطلعني هكي..
هالة: تصدقي لو قتلك انه العيب مش فيك في نا للي قعدا نتكلم مع وحدة زيك.
خالد: عادي يامنال خلوها ادير فرح من حقها .
خديجة: حق شن نا رفيقتي معادش تتكلم امك وانت تقول حقها…نعدي نحقها بالك محتاجة شئ….
منال:خلك نا جبت شغالة خاصة ع سبتها مهمتها طلباتها وبس وصغاري معاها من وقت ماردت من المستشفى …
خديجة: وهيا تحق في مرام فيهم الخير خير من ناس واجددددد.
بعد اسبوعين وصلت مرام حوش راجلها.
اسامة : ها عجبك الحوش…
مرام: هضا القبر انت مساميه حوش نسيت نا وين كنت عايشة…
اسامة: بعد كسرت خاطره ماتعلميش مع الوقت ربي يرزقني ونعيشوا في للي احسن منه.
مرام: توا نشوفوا …..
سن شافت امباركة باش انهارت هكي