رواية حكاية سارة الفصل الرابع 4 بقلم أروى اسماعيل

بعد ما قال انه انا مش فارقة معاه لو مت استرغبت ازاي دا الشخص اللي حبيته ازاي ده اللي وثقت فيه و امنته على حياتي في الاخر مش مهمة عنده كنت حاسة انه مش طبيعي لما بعد عن اهله عشاني مهو اللي يبعد عن أهله عشان مراته يبقى ملوش اصل فعلا بس ليه هوة عايزني انزل الطفل بأي شكل قطع تفكيري صوت والدتي بتقول: ايه ي حبيبتي قررتي ايه هتعملي ايه مع حسام و الكلام اللي قاله اوعي تقبلي انك تنزلي الطفل دا روح.

سارة: اكيد ي امي مستحيل انزل الطفل مهما حصل دا ابني بس انا عايزة اروح لمامته و افهم هوة ماله و ليه علاقته بيهم اتعدم بسهولة كدة.

والدة سارة: فعلا ي بنتي علاقته غريبة اوي مع اهله بصي بكرة ان شآء الله نروح انا وانتي و نشوف اهله.

…………………………. بعد يوم……………………………………

روحت عند مامت حسام و كنت خايفة طول الطريق من رد فعلها لما تشوف اللي بعدت ابنها عنها لكن الغريب انه لقيتها فتحت الباب و بتقول: اتفضلي ي بنتي خير عايزة حاجة حسام زعلك.

استغربت من كلامها و مقابلتها ليا بإبتسامة و قبل ما ارد عليها لقيت ماما بتقول: الصراحه ي حاجة ااه ابنك في حاجه غريبة و مش طبيعي بيعامل البنت بقاله فترة بطريقة مش كويسة لكن كانت مستحملة عشان علا الصغيرة لكن اول لما عرف انها حامل بقى عصبي و حالف ل يخليها تنزل الطفل بإي شكل.

والدة حسام: كنت متوقعة انه هيعمل كدة مادام انا و اخته مفرقناش معاه ازاي انتي هتفرقي معاه.

استغربت من ردها و انها متوقعة انه ده يحصل و قولت: ازاي يعني حضرتك متوقعة هوة حسام عنده مشكلة نفسية من حاجة او والده لما انفصل عنك ده اثر عليه.

والدة: بصي ي بنتي انا هقولك سبب انفصالي عن والده و انه مأثر عليه ده اكيد حسام طالع شبه والده في كل طباعه حتى شخصيته عصبي و همجي و بيهمهوش حد و دايما شايف نفسه الصح مهما حصل و انا كنت مستحملة عشان حسام

لحد ما حملت في عليا و والده قرر يطلقني عشان زهق من المسؤلية و راح اتجوز واحدة اصغر منه عشان يعيش يومين و من ساعتها وانا بشقى عشان حسام و عليا بس للأسف حسام كام دايما بعيد و متطبع بطبع ابوه ي بنتي.

سارة بصدمة: ياااه ي طنط دا كله حضرتك كنت مخبياه عليا طب ليه مقولتيش قبل ما اتجوزه اديني دلوقتي مش عارفة اعمل معااه ايه

والده حسام: بصي ي بنتي اهو نصيبك و مكتوبلك بس انا عندي شخص هوة اللي هيقدر يوقف حسام عند حده

سارة بلهفة: مين ي طنط انا لازم انقذ نفسي انا و ابني

والده حسام: الشخص ده هو…………