رواية سيدرا الفصل الثامن 8 بقلم أحمد سعد
رواية سيدرا الجزء الثامن
رواية سيدرا البارت الثامن
رواية سيدرا الحلقة الثامنة
( الحلقه الثامنه ) ( خلبوص )
…………..
عزيز : هند !! الكلام اللى حصل اكبارح ده مايوصلش لاحمد ابنى
هند : ابنك ؟ انت دلوقتى بتقول ابنك وانت سمحت لسليم يقول الكلام اللى قاله ده امبارح
سليم : هند انا قولت خلاص اسف كنت مخنوق ومكنتش ف وعيي
( احمد بيركن عربيته وداخل ع الفيلا وهما بيتكلموا )
….
عزيز : ( بزعيق ) الكلام انتهى !! مش عاوز كلمه تانيه ف الموضوع ده واللى هيفتحه من تانى انا اللى هطخه بالنار
احمد : ( بيسمع زعيق عزيز وهو داخل من باب الفيلا ) ايه يا جماعه فيه ايه ؟ بتزعقوا كده ليه
عزيز : ( بخضه ) انت جيت ؟
احمد : ايه يا بابا فيه ايه .. بتزعقوا كده ليه .. فيه ايه يا سليم ؟
سليم : مافيش يا احمد . بابا متعصب بس بسبب مواضيع ف الشغل وفيه شركات سياحه ولاد كلب سحبوا التسكين بتاعهم امبارح
احمد : وايه يعنى ماتشيلوش هم . الفندق نسبة اشغاله 90 % لغاية منا جاي ايه . اهدوا شويه ..
هند : ( بتحاول تغير الموضوع ) ايه رايكو نفطر كلنا سوا قبل ما سليم وبابا ينزلوا ع الشغل
سليم : اححم . ياريت . بقالنا كتير مفطرناش سوا ( بيقوم ناحيه احمد وبيحضنه ) والله بتوحشنى يابن اللذينه انت
احمد : والنبى ايه ؟ الا عمرك ما حضنتنى الحضن ده الا لما تكون عامل مصيبه وخايف حد يعرفها هههههههههههه
عزيز : بلاش لماضه ياض انت وهو ويلا عشان نفطر سوا . قومى يا هند شوفى امك جوه بتعمل ايه مع الشغالات عشان نفطر كلنا
هند : هوا .. ( بتقرص احمد من خدوده ) عسل يخربيت حلاوه امك
احمد : ( بيبدا يقلق ويستغرب من المعامله الزياده دى ) ربنا يهديكو
……………………
سيدرا : الو !
ام سيدرا : ايه يا حبيبتى لسا راجعه م الفندق
سيدرا : اه يدوب لسا داخله فطرت مع زمايلى هنا ف السكن قبل ما ينزلوا ويروحو الشغل وانا كنت لسا هناك قولت اكلمك شويه
ام سيدرا : انتى كويسه يا قلبى
سيدرا : ( براحه ف الكلام وسرحان ) مش عارفه
ام سيدرا : مش عارفه يعنى ايه ؟ ماهو يا مبسوطه يا لا
سيدرا : انا عايشه دلوقتى احساس غريب عليا ومش عارفه اعمل ايه … بس حاسه انى مبسوطه .. بقولك يا ماما انا هنام شويه ولما اصحى هكلمك ونرغى شويه
ام سيدرا : ماشي يا روحى قومى انتى نامى شويه
……………………
( بعد العصر )
سيدرا : ( بتلاقى تليفونها بيرن ومكالمه من احمد بتبتسم وبترد وهى مبتسمه )
احمد : الو !
سيدرا : اححم الو
احمد : انا خوفت تكونى لسا نايمه
سيدرا : لا .. صحيت من شويه
احمد : ايه رايك نخرج نشرب قهوه ف اى حته وبعدها نطلع ع الشغل سوا
سيدرا : وده بمناسبه ايه بقي
احمد : من غير مناسبه والله . انا حابب اعرفك اكتر لانك لا مؤاخذه يعنى ف الكلمه بتبقي مخشبه وانتى ف الشغل والواحد مابيعرفش يكلمك كلمتين على جنب
سيدرا : وهو فيه ايه بينى وبين حضرتك يستدعى الكلمتين اللى على جنب دول .. مش شايف انها غريبه يعنى ولا عشان حضرتك ابن صاحب الفندق اللى انا بشتغل فيه يبقي مباح ليك تخرج مع اى واحده شغاله معاك ف الفندق
احمد : انتى ليه فهمتيها كده
سيدرا : ( بتضحك بشكل هيستيرى وهى حاطه ايديها على بؤها ف محاوله لاستفزاز احمد )
احمد : انا مش قصدى اى حاجه انا قصدى ارحب بيك كزميله مش اكتر .. هو فيه ايه . ماتيجى تبطحينى احسن
سيدرا : ( لسا بتضحك )
احمد : ع العموم اوعى تكونى شايفه حالك يا ماما عليا احنا زمايل مش اكتر
سيدرا : ( بترفع حاجبها ولسا بتبتسم )
احمد : ومش هطلب منك الطلب ده تانى .. ولو عاوزانى ماجيش الشغل مش هاجى
سيدرا : لا مش للدرجادى .. بس ياريت نلتزم بحدود علاقة الزماله والشغل
احمد : طيب … حاضر
سيدرا : شكرا
احمد : ع فكره
سيدرا : نعم
احمد : انتى مستفزه
سيدرا : انا مستفزه ( بترفع جبهتها وبتضحك وبتكتم الضحك ) ليه بتقول انى مستفزه
احمد : معرفش بس انتى مستفزه
سيدرا : شكرا .. متشكره جدا
احمد : الساعه 9 هعدى عليك بالعربيه تكونى جاهزه هاخدك ونروح نقعد ف كافيه ونطلع من هناك ع الشغل ومش عاوز كلام كتير . سلام
………….
سيدرا : ( بتضحك بشكل عالى وبتستغرب نفسها )
…………..
ام سيدرا : الو ! سوسو
سيدرا : يا روح وقلب سوسو
ام سيدرا : ايه ده ؟ اللهم صلى ع النبى .. ايه الروقان ده
سيدرا : وماروقش ليه بس انتى مش عارفه المكان اللى انا شغاله فيه .. آآمله يا ماما وكل الناس اللى هنا ذوق وبيحبونى
ام سيدرا : بيحبوكى يعنى ايه يا روح امك
سيدرا : هههههههههههههه لا بيحبونى كزميله يعنى انتى مخك راح لفين يا ست انتى
ام سيدرا : طيب قوليلى يا قلبى ايه اللى شاغل بالك اليومين دول
سيدرا : ماما !! انا بصراحه مابعرفش اخبى عنك حاجه وانتى عودتينى انك صاحبتى قبل ما تكونى امى …
بصراحه انا فيه ابن صاحب الفندق بيحاول يلمحلى بحاجه
ام سيدرا : حاجه من ناحيه ايه
سيدرا : يعنى .. بيحاول يهتم بيا وطبعا بذوق مش بقلة ادب ومهتم بيا وبيحاول يراضينى … انا مش زعلانه من اللى بيعمله . بالعكس انا مستغربه نفسي انى مبسوطه وحابه اشوفه كل شويه
ام سيدرا : وبعدين
سيدرا : ولا قبلين . بس .. لغاية دلوقتى بس …
ام سيدرا : طيب لو حصل اى جديد تبلغينى اول باول
سيدرا : حاضر . ده اساسي طبعا . ماتخافيش عليا انا اعرف اقف بطولى
ام سيدرا : انا عارفه … وعارفه انك راجل
سيدرا : راجل ايه يا حاجه … انا منظر راجل
ام سيدرا : انتى ست العرايس والف . لا مليون واحد يتمنى ضفرك بس راجل ف شخصيتك ومش صغيره وهتخلى بالك من نفسك . اتفقنا
سيدرا : اتفقنا يا ست الكل
…………………….
( ع الكافيه الساعه 9 ونص )
احمد : ممكن اعرف انتى مقفلاها اوى ليه كده ؟
سيدرا : انا مش مقفلاها بس حضرتك يعنى
احمد : اولا انا مش حضرتك . انا اسمى احمد زميلك
سيدرا : ماشي يا احمد يا زميلى
احمد : بقولك ايه …. استفزاز مش عايز
سيدرا : الله مش انت اللى قولت
ريهام : ( بنت حلوه وتعرف احمد ) اوبا اوبا انت فينك يا بنى
احمد : ريهام ؟ ايه الصدفه الحلوه دى ( بيقوم يسلم عليها بايده )
ريهام : والله واحشنى يا خلبوص انت ( بتشده وبتحضنه )
سيدرا : اسيبكو مع بعض واقوم امشي انا عن اذنكو
احمد : ( بيمسك دراعها ) استنى يا سيدرا بس وهنمشي سوا
سيدرا : ( بتزق دراعه وبتوقعه على الكرسي ) خليك ف حالك يا … يا خلبوص
…….
ريهام : ايه يابنى هى زعلت ليه كده
احمد : ( بيبص على سيدرا ومسهم وهى ماشيه وبيبتسم ومش مصدق انها بتغير )
ريهام : يابنى !! يابنى فيه ايه . دى الحته الجديده بتاعتك ولا ايه .. بس البت تستاهل … انت يا ولا … ياولا رد خلاص البت مشيت
احمد : ياشيخه ماتغورى بقي هو انا كنت ناقصك
…………….
( ف الريسبشن الساعه 11 بالليل )
احمد : احححم .. ممكن اشرحلك اللى حصل النهارده
سيدرا : يمين بالله لو جيت جنبى الليلادى ولا حاولت تكلمنى نص كلمه لنا مهزقاك ومخليه اكبر حته فيك اد كده … يا استاذ خلبوص انت
………………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سيدرا)
