رواية سيدرا الفصل التاسع 9 بقلم أحمد سعد
رواية سيدرا الجزء التاسع
رواية سيدرا البارت التاسع
رواية سيدرا الحلقة التاسعة
( الحلقه التاسعه ) ( ع الباب )
…………..
( ف الريسبشن الساعه 11 بالليل )
احمد : احححم .. ممكن اشرحلك اللى حصل النهارده
سيدرا : يمين بالله لو جيت جنبى الليلادى ولا حاولت تكلمنى نص كلمه لنا مهزقاك ومخليه اكبر حته فيك اد كده … يا استاذ خلبوص انت
………….
سيدرا : الو !
ام سيدرا : ايه يا روحى انتى فين
سيدرا : انا ف الشغل يا ماما
ام سيدرا : ماشي يا قلبى مدفيه نفسك حلو
سيدرا : اه يا حبيبتى كويسه
احمد : احححم . دى مامتك ؟
سيدرا : ( باستغراب ) اه .. فيه حاجه ؟
احمد : طب هاتى اسلم عليها ( بيشد منها التليفون ) الو ازيك يا ماما
ام سيدرا : اهلا . مين معايا
احمد : انا زميل سيدرا ف الشغل . لقيتها بتكلم حضرتك قولت اسلم عليك
ام سيدرا : فيك الخير يابنى مش هوصيك عليها بقي دى زى اختك
احمد : اختى ؟ اه .. لا ماتقلقيش هى ف عنينا
سيدرا : ( بتاخد التليفون وبتهمسله وبتقوله . انت زودتها اوى ) الو يا ماما
ام سيدرا : ايه يا حبيبتى انتى كويسه ؟
سيدرا : اه كويسه الحمد لله . معلش ده زميلى اللى واقف معايا ف الشغل
ام سيدرا : فيه الخير … خلى بالك من نفسك
سيدرا : ماشي يا قلبى نامى انتى بقي ماتسهريش
………….
سيدرا : ايه قلة الذوق دى يا استاذ انت
احمد : قلة ذوق ايه ماتحترمى نفسك .. فيها ايه لما اسلم على والدتك
سيدرا : قولى الاول هاتى اسلم على مامتك مش تخطف منى التليفون
احمد : معلش اهو اللى حصل
سيدرا : مره تانيه ماتبقاش تعملها بقي
احمد : من عنيا . انت تؤمر ياسطا
سيدرا : اسطا ؟ بيئه اوى
احمد : ( بيكتم ضحكته ) مش هتفكى بقي
سيدرا : شايفنى مقفوله يعنى
احمد : اه .. ومش عاوزانى حتى اكلمك ولا اشرحلك البنت دى تبقي مين
سيدرا : ايه ايه ؟ وانا مالى بالبنت ؟ مانشالله يارب تكون مراتك وانا ايه دخلى بيك وبيها
احمد : اومال ليه مشيتى
سيدرا : انا مشيت من الحركه نفسها . المفروض اننا كنا قاعدين كزمايل وانت قومت ورحبت وحضنت وكنت هتبوس
احمد : شوفتى بقي انك ضلاليه ؟ انا كنت قاعد معاك ف امان الله هى اللى جات هجمت عليا
سيدرا : وهجمت عليك ليه ؟ ماتلاقيك متعود معاها على كده . والله اعلم متعود على كده مع مين تانى
احمد : بصى .. انا يمكن اكون كنت فعلا متعود وكنت بقابل دى واعرف دى واخرج مع دى لكن اقسم بالله بقالى اسبوع بالظبط وانا مش طايق اشوف اى بنت
سيدرا : ليه خير ان شاء الله . واحده منهم خزوقتك واتعقدت من صنف البنات كلهم ولا ايه
احمد : لا !! بس حسيت انى كنت بلعب قبل كده واول مره احس باحساس الضعف والقوه اللى انا حاسه دلوقتى ده
سيدرا : ايوه ليه يعنى ان شاء الله ؟ ايه اللى جد ف حياتك يعنى
احمد : انتى
سيدرا : ( بتبصله ومابتتكلمش وبتسكت )
احمد : انا من ساعة ما شوفتك وانا مقاطع الدنيا اللى كنت عايشها وحسيت اد ايه انها كانت تافهه جنب انى ابقي جنبك
سيدرا : وياترى قولت الكلام ده لكام واحده غيرى
احمد : ما قولتلك انسي اللى فات
سيدرا : مش هنساه …. بعد اللى شوفته النهارده ده مش هنساه … اقولك حاجه بس ماتزعلش
احمد : مش هزعل
سيدرا : انت لازم تتربي من جديد
احمد : ( بيرفع حاجبه وبيبتسم وبيسكت )
……………….
( تانى يوم الصبح )
سليم : الو . تعالى يا ليلى
ليلى : حاضر يا مستر سليم
……………….
سليم : ليلى شوفيلى عنوان سيدرا فين عشان مش مكتوب هنا ف السي في بتاعها
ليلى : حاضر يا فندم بس فيه مشكله ولا حاجه
سليم : مشكله ايه ؟
ليلى : مشكله تخلى حضرتك تسأل عن عنوانها
سليم : ابدا مانتى عارفه انى بحب النظام .. ولازم كل عامل ف الفندق يكون معلوم اهله وبيته عشان بعد كده لو حصل لا قدر الله اى مشكله مايبقاش علينا اى مساءله يعنى
ليلى : اه تمام . حاضر يا مستر ثوانى وهجيبه لحضرتك
………………………
( ف اوضة احمد )
هند : الباشا نام ولا لسا صاحي
احمد : لا صاحي تعالى يا نوده
هند : يا قلب نوده . قولت اتطمن عليك قبل ما انزل . اخبار الشغل ايه
احمد : الشغل ؟ الشغل زى القمر
هند : هههههههههههههه إلعب … الشغل بردو اللى زى القمر
احمد : يابت ماتبقيش لبط .. عاوزه تقولى ايه
هند : انا مش عاوزه اقول حاجه ياخويا ربنا يهنى سعيد بسعيده
احمد : يابت .. يابت دانتى تربايتى
هند : ههههههههههههه تربايه سوده انا خارجه بس دلوقتى شويه ولما ارجع تكون انت نمت وصحيت ونرغى شويه .. لانى مش مصدقه انك بقيت ما بين الشغل والبيت وبس وبطلت صرمحه
احمد : حكم القوى بقي
هند : يعنى ايه
احمد : لا مافيش حاجه
هند : ( بتنفجر م الضحك ) يابيضا انتى بقيتى تخافى يا بيضا هههههههههههه بركاتك يا ست سوسو
……………………
( الساعه 8 ليلا )
مى : ( اخت سيدرا ) ماما كلمتى سيدرا ؟
ام سيدرا : اه يا حبيبتى كويسه ومبسوطه ماشاء الله ..
مى : طب الحمد لله … واخبارها ايه . مافيش جديد خالص عندها
ام سيدرا : جديد من ناحيه ايه ؟ مانتو شويه كلاب سركو مع بعض ومابتخبوش حاجه عن بعض
مى : ههههههههههه حتى لو كده .. عمرنا ما نخبى عليك حاجه يا جميل انت
ام سيدرا : طب قومى شوفى مين اللى بيخبط
مى : من عنيا …
………
مى : اهلا مين حضرتك ؟
سليم : انا سليم .. صاحب الفندق اللى سيدرا اختك شغاله فيه
مى : خير
ام سيدرا : ( بتسمع الكلام وبتقوم تشوف فيه ايه ) خير يابنى فيه حاجه ؟
سليم : هههههههههه كل خير … هو انتو بتقابلوا العرسان كده ؟ من ع الباب ؟
……………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سيدرا)
تعليق واحد