رواية زواج بالاجبار الفصل الأول 1 بقلم أسو أحمد
رواية زواج بالاجبار الجزء الأول
رواية زواج بالاجبار البارت الأول
رواية زواج بالاجبار الحلقة الأولى
هو انتى بتبصي على ايه هناك ؟؟
– دقيقه اصبر بشوف ماما مشيت ولا عند الباب
= افندم !!
– ” بصتله وهي متغاظه ” اى يا عم الامور ماتهدى شويه عليا فى ايه ؟
هو بصدمه ودهشه
الامور ، وياعم كمان ؟
– لا بقي انت هتقعد تعلق على كل كلمه اقولها مش حلو علشانك ، ده حتى انت لسه فى عز شبابك ، خاف على نفسك احسن
= هاااا وعلى ايه الطيب احسن برضه
– ايوه كده تعجبنى ، اسمع بقي علشان انا على اخري النهارده ومش ضايقه نفسي حتى و….
= باين ياختى من غير ما تقولى
– اهو ده نفس الكلام إللى قاله محمد قبل ما يمو*ت مسمو*م يا عينى
= هااااا ، محمد مين ؟ ومين إللى قت*له !؟؟
– لا أبدا أصله قاطعنى فى الكلام زيك كده ، بس انا ماعملتلوش حاجه هو إللى س*م نفسه ، يا عينى كان زى القمر بس نعمل ايه قضاء وقدر بقي
= لا رد
– بتقول حاجه يا … ، هو انت اسمك اى صحيح ؟؟
= فهد
– بص يا فهد يابنى علشان نكمل مع بعض فى كام شرط كده لازم تعرفها علشان نبقي على نور من الأول
فهد بهمس
هو بعد إللى حصل ده وفى امل اننا نكمل !
– بتقول حاجه؟
فهد بخوف
بقول ايه هما الشروط دى ؟
– الأول مافيش نزول من البيت واصحابك مسمحلك تشوفهم مرتين فى الشهر بس والسجاير ممنوعه تمام
فهد بصدمه
مرتين فى ايه يا عنيا
– مسكت السكي*نه اللى على الترابيزه وقالت ، بتقول حاجه ياروحى ماسمعتش
فهد بخوف :
انا ماعنديش اصحاب اصلا
– هاااا بحسب ، ورجعت السكي*نه مكنها وبصتله مكمله حديثها كأنها لم تفعل شئ ، تانى شرط تجيب وأى فاى ليا فى البيت والشاي ده تنساه خالص علشان عندى عقده منه ، فاهم
فهد بمرح
بشرب كوفي ينفع ؟
هي بحزن شديد
هو كمان كان بيحب الكوفي زيك كده
= مين ده ؟؟
– ابراهيم خطيبي إللى قبلك الله يرحمه
= عملتى ايه فى ده كمان يا مفتريه ؟ انطقي
– أبدا ياخويا كنت جيباله الكوفي وفجاه اتدلق على وشه قام دخل فى عينه اتعما فى ساعتها قام يدور على فوطه وهو مش شايف خد الفوطه وكان عليها سك*ينه وجه يحطها على وشه طلعت من النحيه التانيه ومات ، قضاء وقدر بقي
= هو انا ماقولتلكيش انى الكوفي ده عمرى ما شوفته فى حياتى غير فى الافلام
– اى ده بجد !!
= هكدب عليكى يعنى ، ربنا على المفترى والظالم 😭
– بتقول حاجه يا فهد ؟
= هااا لا بقول قولى باقي شروطك
– تالت شرط هقابل اصحابي وقت ما اعوز و هاتخدلى شقه جنب البيست بتعتى وهكلم شهد ومنه وخالد وعمرو
= استنى استنى مين خالد وعمرو دول يا ست هانم ، كيس جوافه انا صح علشان اسيبك تكلميهم وانا موجود
– هدى اعصابك بس يا عم الحج انت سمعت غلط انا كان قصدى خلود و نهى ” جابت وري😂 ”
= ايوه كده اتظبطى ابو شكلك وانتى زى القمر كده 🙄❤
– المهم خلينا فى موضوعنا ، هتخدنى وتفسحني على الاقل خمس مرات فى الشهر وكل يوم تجبلى حاجه حلوه وانت جاي البيت
= امممم تمام دول مقدور عليهم
– هسافر مع اصحابي شرم وتركيا والمنصوره وكفر الشيخ وسفاجه
= مادام هبقي معاكى تمام
– لا هسافر لوحدى انت ايه إللى هيجيبك معايا انا واصحابي ، استغفر الله العظيم يارب
= بصلى بصه السف*اح وماردش
– وعلشان تعرف بس انى فاكراك هساعدك فى شغل البيت ابسط يا عم 😅
= ليه وهو ده مش شغلك انتى المفروض؟!!
– ليه وانت اتشليت يعنى و لا هتتجوز امينه يا سي السيد ؟ هاااااا
= بقولك ايه انتي بصراحه تستهلى واحد احسن منى ، وأن شاء الله ربنا يبعتهولك قريب جدا ، بس انا مانفعكيش بجد
– اهو ده نفس الكلام اللي قاله جارنا إللى فوق قبل ما ينت*حر من الدور العشرين علشان رفضنى زيك كده بالظبط
= هااااا ” وقام وهو عمال ينده على بابا ” يا عمى يا طنط تعالو علشان نقراء الفتاه بسرعه
– لا انت تقولهم يجيبو المأذون بسرعه والنبي احسن مش عارفه ليه نفسي هفانى على حاجه حمره زى دمك كده بالظبط مش عارفه ليه
دخل الاب على صوته
* فى اى يابنى بتصرخ كده ليه ؟؟
= بص يا عمى بصراحه كده انا بحب بنتك قوى وياريت تجبلى المأذون يا اما هصور قت*يل هنا انا بقول اهو
– انصحك يا بابا تنفذ كلامه احسن ده مجنون ويعملها ، مش شايف حالته ازاى ؟
= يا عمى ابوس ايدك هات المأذون بسرعه والنبي 😭
فضل ماسك فى بابا لحد ما جاب المأذون وكتب الكتاب وأخيرا والمأذون قال ” بارك الله لكما وبارك عليكما وجمع بينكما في خير ” بصيتله وانا مش مصدقه إللى حصل ده ازاى انا اتجوزت بسرعه كده ، انا حاسه انى فى حلم بجد ، ازاى اتجوز من واحد ماعرفوش ، فضلت بصاله وهو بصصلى خمس دقايق بس ماقدرتش والدموع نزلت غصب عنى وقومت جريت على اوضتى واترميت على السرير وفضلت اعيط ، على إللى عملته فى نفسي علشان اثبت ليه ان ولا فى بالى ، بس انا باللى عملته ده انا كده إللى اتاذيت لما اتجوزت بالطريقه دى ” رفعت ايدى للسماء وقولت ” ياااارب انت الوحيد إللى ليا فى الدنيا دى يارب ساعدنى اعدى المحنه إللى انا فيها ، يارب انا تعبت كتير اووى بسبب ” وضحكت وانا بعيط ” بسبب خطيبى حبيبي او إللى كنت مفكرا أنه حبيبي بس للاسف طلع واطى ومايستهلش إللى عملته معاه يارب خرجه من قلبي وعقلي وساعدنى فى اللى عملته من شويه ده انا مش حمل وجع قلب تانى يااارب ساعدنى يااااارب ” واترميت على المخدة وقعدت اعيط وبعد لحظات لقيت حد بيقول “
= للدرجه دى بتحبيه يا هاجر
– ” قومت قعدت على السرير ومسحت دموعى ” هو مين ده ؟
= إللى بتبكى علشان واللى اتجوزتينى علشانه ، انتى مفكرانى مش شايف الحزن إللى كان فى عنيكى ده تبقي غلطانه لان من لما شوفتك وعنيكى قالتلى كل حاجه
– اى إللى بتقوله ده ، وبعدين انت ازاى تتجرأ وتيجى ورايا الاوضه هنا هااا ” ووقفت وقولت بغضب ” اتفضل اطلع بره لو سمحت بدل ما..
قطعنى وقال :
بدل ما ايه يا هاجر ؟ وبعدين انا دلوقتى جوزك ياهانم ولا نسيتى
هاجر بسخريه :
بسيطه نطلق وكل واحد يروح لحاله يا… يا جوزى
قعد على الكرسي وحط رجل على رجل وقال :
اولا تتكلمى معايا بأدب وصوتك مايعلاش عليا ثانيا طلاق مش هطلق واتفضلى اقعدى ورودى على سؤالى
دموعى نزلت اكتر :
اتفضل اخرج بره لو سمحت ، بدل ما هصوت وهلم عليك الناس كلها واقول انك بتتهجم عليا
قام من مكانه ووقف قدامى :
اعملى حسابك لو خرجت دلوقتى قبل ما تجوبي على سؤالى هطلبك فى بيت الطاعه وساعتها مش هتقدرى تعملى اى حاجه
بصتله بألم:
ايه هو السؤال
فهد مكرر سؤاله :
بتحبيه اوووى كده ؟؟ ولما انتى بتحبيه خلتينى اتجوزك ليه ؟؟! وهو فين دلوقتى ؟
هاجر بكسره :
هاتفرق معاك يعنى
=مش ده الرد على سؤالى برضه
– عايز تعرف انا بحبه ولا لا ، ” وقعدت على السرير وهو قعد قبالى ” اذا كنت انا نفسي مش عارفه بحبه ولا بكرهو ولا ايه ؟ بس الحاجه الوحيده إللى متاكده منها انى قلبي واجعنى اووى اوى دلوقتى عارف ليه ” بصتله وقولت بألم ” علشان حبيته من كل قلبي ووثقت فيه اكتر من نفسي وهو عمل ايه غير ان بكل بساطه سبنى علشان وحده ماتسواش حاجه ، سابنى علشان هى معها فلوس وانا لا ، سابنى علشان حبيته زى الهبله رغم أن اصحابي حظرونى منه بس انا للاسف ماكنتش شايفه معاملته ليا او تقدر تقول كنت بعمل نفسي عميا علشان ماتوجعش بس هو ماقدرش اي حاجه من دى مجرد بس مارمتله حبت فلوس جري تحت رجليها وسابنى ، سابنى انا إللى حبيته من كل قلبي ونسي جمايلى كلها ووقفتى جنبه لما كل الناس بعدت عنه ، هو ليه عمل معايا كده هو انا وحشه اووى كده علشان يسبنى ولا فى حاجه ناقصه فيا ؟؟
= ياحبيبتى انتى مافكيش اى حاجه وحشه ، هاجر انتى حاجه غاليه جدا فى حيات أي حد ، وانا اهو اول مره اعرفك بس بجد انجزبت ليكى جدا جدا ل خفت دمك وطيبتك وقلبك الابيض كفيلين انهم يخطفو قلب أي حد ، بجد انا بشكر ربنا انه جعلك من نصيبى ، يا هاجر انا عيشت طول عمرى بتمنا وحده زيك كده بس ماتوقعتش انى القيها اكتر ما انا كنت متمنى كمان ، بس كان فى حاجه نفسي اسالهالك وخايف
– ايه هى دى ؟؟
فهد بمرح لكى يجعلها تخرج من ذالك الحزن :
هو إللى انتى قلتيه من شويه ده حقيقي محمد وابرهيم إللى ما*تو يعنى بجد الكلام ده ولا كنتى بتهزري
ضحكت :
اطمن دول بالذات ماكدبتش فيهم وكلهم حصلو حتى ان كان فى أوحد كده بيتحشر فى كل حاجه زيك كده يعنى وده ما*ت مشلول يا عينى 😂😂
= احلفى😢
– وحياتك 😂🙈
عجبا لها … عبثت بها اشواقها
تقول من شرط المشاعر اكرهك
محتالة…. مفضوحة احداقها
هل تضحك العينان لك لو تكرهك💜
عدا خمس شهور على كتب كتبنا وفى الخمس شهور دى فهد كان كل يوم يعملى مفاجاه اجمل من اللى قبلها واهتمامه ليا خلانى من غير ما احس احبه لا احبه ايه دى كلمه قليله عليه لان العشق خلق لهو فقد ، و النهارده 29/9/2018 اجمل يوم فى حياتى كلها يوم فرحنا
فرح
” هاجر و فهد “💍❤
* هااا يا هاجر خلصي فهد مستنيكى بقاله ساعه بره ، بتعملى ايه كل ده يا بنتى ؟
– ابوس ايدك يا مى مش وقتك خالص وحيات ابوكى سبينى كده فى اللى انا فيه
* لا وحيات ابوكى اوعي تعيطى المكياج يبوظ
– حتى العياط مستكتراه عليا 😢
* طب انتى هتعيطى ليه مش ده اليوم إللى طول عمرك مستنياه يجى ، واهو جه بنعيط ليه بقي؟؟
– علشان جه😭
* نعم ؟؟؟ لا انا اروح أندم على فهد يجى احسن بدل ما مررتى تتفقع معاكى ، يا فههههههههد تعالى يابني شوف الس…
حطيت ايدى على بقها علشان تخرص:
اششششششش اسكتى الله يخرب بيتك ياشيخه هتفضحينا
فهد من خارج الغرفه وهو قادم نحوهم:
فى ايه يا هاجر ؟؟ بتندهو عليا ليه بالشكل ده ؟؟ فى حاجه حصلت معاكم ولا ايه !!؟
هاجر بسرعه علشان مايدخلش الاوضه :
هااا مافيش حاجه دى مى بس كانت بتجرب صوتها بس مش اكتر ، ما انت عارفها مجنونه حبتين
مى بغيظ
* لا ماكنتش بجرب صوتى ، تعالى يا فهد شوف مراتك الهبله مالها
وليقت الباب بيتفتح روحت لفه الناحيه التانيه ومدياه ضهرى ، دخل وقال :
ايه فى ايه يا مى؟؟ ، صوتكم جايب لاخر الشارع ليه ؟
* أسأل مراتك اهى ، أوعى كده من طريقي ياشيخ هتجننونى قبل ما اتجوز منكم لله يا ظلمه 😭
= مالها البت دى يا هاجر ؟؟ عملتى فيها ايه تانى ؟؟
– والنبي يا خويا ما عملت حاجه دى هى لوحدها كده دايما ملبوسه مش عارفه ليه ؟
= اممممم ، يلا مش مهم خلينا فيك انت يا جميل
ولسه بيتحرك وجاى نحيتتى :
أوعى تتحرك من مكانك يا فهد اثبت مكانك بقولك
وقف فى مكانه وهو خايف :
فى ايه يا هاجر ما تخوفنيش ، أوعى تقولى فى كلب ورايا ولا استنى استنى أوعى يكونو لعبة فى وشك وعملو المكياج بشكل وحش ولا تكونى …
اتعدلت ليه وانا بشوح بايدى وبردح :
ايه كل ده حيلك حيلك ، وبعدين هما يقدرو يلعبو فى وشي او يعملو حاجه غلط ده انا كنت اخلص عليهم ، فهد مالك ياحبيبى واقف كده ليه انت كويس ؟؟
فهد لا رد
– فهد انت هنا يا بابا ” مديت ايدى وبمررها قدام عنيه ” نحنو هنا يا عم الحج ، لا لا فوق كده جو السهوك ده للعيال السيس لكن انت استرونج اثبت كده بدل ما…
فهد مقاطع ايها:
بس بس ايه بكبورت وطفح فى وشي ، الناس تقول مالك يا حبيبي بحبك وحشتنى وانت الحب الأول والاخير ، لكن وانتى بسم الله ماشاء الله عليكى مجارى وطفحت ومش عارفين نسدها يخربيت ام فصلانك يا شيخه
– هو كده ان ماكنش عاجبك🙄
= هو ماينفعش ارجع فى كلامى لامواخذه يعنى😅
– لا يا عزيزى انت الان فى قفص الزوجيه والحكم للأبد يا روحى 😂❤
= احلى قفص ده ولا ايه 😍💙
” عيناك سمائين دونهن خمس ومن الأرض سبع مثلهن. .اتيه فيهم ولا اكاد اصل “
= يعنى ايه ؟ 😂
ضحكت وقولت :
يعنى بحببببببببك😍❤
خدنى فى حضنه وقال :
بعششقك يا بنت قلبي ❤❤
عيناك سمائين دونهن خمس
ومن الأرض سبع ….مثلهن
اتيه فيهن…… ولا أكاد اصل💜
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زواج بالاجبار)
