رواية ريم الفصل الثالث 3 بقلم سليمان علي

رواية ريم البارت الثالث

رواية ريم الجزء الثالث

رواية ريم الحلقة الثالثة

انا ما حااجبرك البنت بنتك وانت ليك الحق تقبل وليك ترفض كمان بس فكر وإذا وافقته اوعدك إني اخليها تعيش ملكه.
وضع عدنان كرته على الطاولة.
=وده تلفوني انا بإنتظار اتصال منك.
خرج عدنان ومساعده وتركوه في صمته متحير ومشغول البال والأفكار مشتته،فإقتربت منه زوجته توشوش له.
=مالك ياصلاح بتفكر في شنو دي الدنيا ابتسمت ليك انت لازم تفرح.
ينظر إليها بطرف عينه ويتكلم ساخراً منها.
=نعم يعني انتي كدا شايفه الدنيا ابتسمت لينا، خلاص زغرتي خلينا نفرح بالدنيا معقول ده كل تفكيرك.
ترد بضيق من حديثه=مالك ياصلاح محسسني إني عايزه ارتاح منها بالعكس انا بتكلم علشانه هي لاني شايفه مصلحته، عدنان راجل غني وحايخليها تعيش مرتاحه ومبسوطه احسن من الفقر يلي هي عايشه فيهو.
يبعد عنها =القصة ماقصة غنى وفقر والقروش ما كل شي ياماجده .
تتحدث بنفره =لا انت غلطان القروش كل شي انت عندك قروش انت مقيم ماعندك انت ولا حاجة.
يبتسم بسخرية =للأسف طلع تفكيرك محدود القروش بنجيب بيها الناقص من حوائجنا مابنشتري بيها المبادئ وبعدين عدنا سعد الدين صحيح شخص مافيهو اي كلام بس العيب الوحيد هو أكبر من ابوها وهي في عمر بناتوا ولا أصغر حتى انا مابرمي بنتي علشان القروش.
تضع يدها بكتفه =بس انت هسا مااخدته رايها يمكن تكون موافقة.
يبتسم =هي مستحيل توافق انا عارفه انسانه فاهمه وواعيه وعمرها المال ماكان همها.
=بس انت لازم توعيها.
=لا انا ماحااغصبه على شي دي حياتها وخصوصا انو انتي عارفه العريس.
تدير وجهها وتتكلم بخبث في نفسها.
=عايله غاويه فقر، بس مهما كانت عندكم عزة نفس واستغنى انا مستحيل خليكم تضيعوا الفرصة دي وهي لازم توافق لانو لو وافقت انا حايكون لي قيمة بين المجتمع لاني قدام الناس انا امها يلي بتحبها وبتخاف عليها بس هي مابتهمني بي شي بس طلعت كنز ولازم استفيد منه.
وبنهاية الدوام ريم وهي خارجه من باب الجامعة تتقدم عن حبيبها بخطوات تنظر إليه بحب وابتسامة ترق لها العيون وفجأة دون إنذار خطر تصدمها سيارة عدنان حتى رمتها بعيداً وصار دمها يغرق الطريق.