رواية روح فارس الفصل الاول 1 بقلم محمد منصور

رواية روح فارس البارت الاول

رواية روح فارس الجزء الاول

رواية روح فارس الحلقة الاولى

انا مش سفاح ولا مجرم ولا كنت في يوم قاتل انا بس كنت كل اللي عايزه اني القيها. انا مش من ارضكم ولا من زمنكم. بس اتغدر بيا وبقيت في ارض مش ارضي وزمن مش زمني وبقيت بدور علي روح بس مين يدلني علي طريقها مين يعرفني ليها سكة. عايزين تعرفو حكاياتي. هاحكي لكم
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
بس هانرجع بالحكاية لسنين كتير جدا يجي الف سنه او اكتر اتولد في اوربا بعد ما والدي دخلها بيوم بالظبط لاب مسلم اسمه ضرغام وام مسلمه اسمها وصيفة وسموني فارس لكن قبل ما اتولد كان بيدور عليه الملك غادر اللي جت له نبؤة من عرافه ان في نفس الدقيقة اللي هاتتولد في بنته هايتولد في المملكة طفل عربي مسلم. والطفل دة هايكبر وهايتحكم في قلب بنتك وهاتحبه ويحبها وطبعا الكلام دة في عرف المملكة عار وعلشان يمنع العار من انه يلحق بالمملكة قرر انه يقتل كل الاطفال المسلمين اللي اتولدو في نفس يوم ولادة بنته وعرف والدي بقرار الملك دة من صديقة لويس اللي كان طباخ الملك غادر. فبلغ والدي وماكنش في قدام والدي غير انه يدعي انه مسيحي علشان يحميني وكبرت في المملكة واتعرفت باسم مايكل ابن جورج. والام تريزا. وعديت ايامنا كلها نحتفل باعياد ميلاد المسحين مع كل اهل المملكة اللي حوالينا. ونحتفل باعياد المسلمين سرا. في بيتنا من غير ما حد يعرف ويا ولينا لو كان حد عرف حقيقتنا. بس كنت ديما بشتاق لاسم فارس نفسي اسمع حد ينادني بي. ومات والدي وانا عندي 16 س. وكان لازم اشتغل واشتغلت كل الشغل الممكن في المملكة ومع الشغل كنت برسم ما هو انا بحب الرسم من صغري وفي عامي ال 20 لقيت امي اللي المرض اصابها بتبص لي وتقولي
فارس.
قولت لها
نعم يا امي
وصيفة
مرضي ملهوش علاج ولو هاعيش السنة دي مش هاعيش السنة الجاية علشان كدة لازم اخليك تورثني
فارس باستغراب
اورثك. وانتي حيلتك اي مال يا امي
وصيفة
وهو لازم الورث يكون في المال وبس
فارس
مش فاهم تقصدي اية
وصيفة
فارس. انا ساحرة بنت ساحر
اتصدمت من اللي عرفته لان في عرف المملكة العبيد اللي زينا ما ينفعش يكون سحرة والا الموت يكون مصيرهم لكن امي كملت وقالت
مش عايزاك تستغرب انا بنت الساحر سلطان عظيم
فارس
دة الساحر التركي اللي حكاياته بنسمع بيها في المملكة ومن واحنا عيال صغيرة
وصيفة
هو الساحر التركي. واللي انا عصيتة وهربت مع والدك واتجوزته رغم معارضة والدي سلطان. اللي كان عايز يجوزني جودا. أبن عمي. لكن بعد جوازي من والدك ضرغام اقسم علية باني ما استخدمش السحر اللي اتعلمته باي طريقة وفي اي وقت. لان من قوانين المملكة هنا ان السحر متحرم علي العبيد اللي احنا منهم
فارس
يعني افهم من كدة انكم جيتة مملكة الملك غادر علشان هربانين من جدي سلطان
وصيفة
بالظبط. ودي المملكة الوحيدة اللي جدك مستحيل يدخلها بسبب الحرب اللي كانت بين قبيلتنا قبيلة سحرة سلطان وبين مملكة غادر. علشان كدة يا فارس لازم تتعلم كل اللي اتعلمتة من جدك سلطان يمكن في يوم من الايام تحتاج للسحر دة علشان تحمي نفسك من اي شر لو في يوم اتعرف انك مسلم
*** ‏للي حابب يسمع القصة دي كاملة هايلقيها. صوتيه علي قناة. يوتيوب حكايات منص و مي ****
وفي ظرف كام شهر اتعلمت السحر. وبقيت اشهر رسام في المملكة . لاني كنت برسم رسمتي من جلد الشخص اللي عايز يترسم. ودة بيحصل عن طريق السحر اللي اتعلمته من امي واللي هي ما كنتش تعرف اني بستخدمه في اللوحات اللي برسمها. وخلط السحر بالموهبة. لدرجة ان اللي يشوف اللوحة بتاعته بعد ما تخلص يحس انه شايف نفسه ودة خلي اهل المملكة كلهم يتكلمو عني وبقيت اشهر رسام في المملكة في فترة صغيرة جدا وبقيت غني واتنقلت انا وامي في بيت كبير وفي ليلة من الليالي وانا قاعد مع امي سمعنا باب البيت بيخبط فروحت وفتحت ولقيت قدام مني تلت حراس من حرس الملك غادر استغربت وقولت
اقدر اساعدكم ازاي
لكني سمعت صوت امي جاي من ورايا وهي بتقول
عايزين اية مننا احنا ناس في حالنا وملناش دعوي يحد وبندفع للوزير كل شهر حق حمايتنا
لكن واحد من الحراس قال
بس احنا جائيين عايزين الخير لابنك يا الام تريزا
استغربت وانا بقول
واية الخير اللي ممكن يجي من عند الملك غادر
الحارس التاني
انك ترسمة مثلا
الحارس الثالث
ويا بخت اللي يرسم الملك غادر
وصيفة
ولو الصورة ما عجبتش الملك تكون النتيجة قطع راس ابني
الحارس الاول
الام تريزا. خايفة زيادة عن اللزوم مع ان موهبة ابنك مايكل لازم تخليكي واثقة اكتر من كدة في انه اللوحة هاتعجب الملك
وصيفة
ولو. انا ما طمنش الملك غادر. وابني مش هايروح معاكم
الحارس الثاني
احنا مش جائيين ناخد رايك مايكل جاي معانا سواء رضيتي او رفضي
ولسة وصيفة بتستعد لاستخدام السحر. والهروب بفارس قال لها فارس
امي الحارس كلامه مظبوط انا ماقدرش ارفض امر من اوامر الملك. انا هاروح معاهم
وصيفة بصوت واطي
انت مجنون. عايز تروح برجلك لقصر الملك غادر
فارس
متخافيش باذن الله هارجع لك بمجرد ما تخلص اللوحة
وصيفة
دي هاتكون اللوحة الاخيرة ليك
فارس
دي لو معجبتهوش انما. اللوحة هاتعجبة
وصيفة
اخاف عليك منه. دة مجنون
فارس
ربنا معايا
وفعلا مشيت مع الحراس وخرجنا من البيت بعد ما خد كل ادوات الرسم بتاعتي وكل اهل المملكة كانو بيبصو عليه وبيودعوني بدموعهم لان ماحدش دخل قصر الملك غادر ورجع حي لكن انا كان عندي ثقة اني هادخل وهاخرج حي مش عارف انا كنت جايب الثقة دي منين بس ممكن لاني بحب التحدي وكمان لو رسمت صورة للملك وعجبته فاكيد هايبقي ليا شأن عظيم وسط المملكة. ودخلت القصر وشوفت جوة القصر كمية تحف وصور كتير للملك غادر من الذهب والالماس وجنب كل صورة. راس الرسام اللي رسمها ازاي صور بالجمال دة ما عجبتش الملك غادر ودة خلاني بدل ما اخاف من اللي جاي لا اعشق التحدي اكتر واكتر وخدوني الحراس للمجلس اللي بيقعد في الملك غادر ودخلت المجلس وحدي ولقيت الملك غادر قاعد وجنب منه الوزير شريان. وعراف الملك. وهو نديم والكل باصص ناحيتي وانحيت قدام الملك تقديرا وتعظيما وهو قال لي
انت الرسام مايكل
فارس
خدامك يا مولاي
غادر
انا سمعت عنك كتير وعن فنك وعلشان كدة نويت اخليك تنول شرف رسمي
فارس
وانا تحت امر مولاي
الوزبر شريان
طبعا وانت جاي علي هنا شوفت رؤؤس اللي سباقوك. ورسمه لوحات ما عجبتش مولاي
فارس
انا غير كل اللي فات وغير كل اللي جاي
لكن في اللحظة دي راح نديم ناحيتي وبص لي في عيوني وسمعت ساعتها الملك بيقول
اية يا نديم شوفت أية في عيونه
نديم وهو لسة بيبص في عيوني قال للملك
شايف انه مش قد اللي بيقوله
فارس
متاكد انك عرفت تقرأ عيوني
نديم
متاكد. وهاثبت لمولاي انك نص موهوب.
غادر
ازاي يا نديم
نديم
نخلي يرسم الكلب بتاعك. لو نجح يرسمك يا مولاي ولو ماعرفش مافيش مانع راسة تكون جنب كل اللي سبقو
والفكرة عجبت الملك غادر وندهه نديم علي الحراس وامرهم بجيبو الكلب وخرجو الحراس ورجعوا ببني ادم في رقبته طوق من حديد وسلسة من حديد وشعره كبير وذقنه طويلة وبيجروا الحراس ولا كانه حيوان وكل ما كان يقف يحرقوا بالنار وبصيت للراجل دة وانا محتار عمل اية دة علشان يعملة في كدة وفي عز ما انا باصص للراجل دة قال غادر
ارسم الكلب بتاعي
من غير كلام بتدات ارسم الراجل دة وانتهت اللوحة بعد يوم كامل من الرسم وحطيتها قدام الملك غادر وشريان ونديم وبصوا الثلاثة للوحة لكن نديم خرج من جيبة رمل مغربي بيبطل اي سحر ورمي الرمل علي اللوحة فاستغرب الملك وشريان وقال غادر
لية رميت رمل علي اللوحة
نديم
علشان اللوحة دي مسحروة يا مولاي
غادر بعصبية
لسة في مملكتي عبيد بيستخدمو السحر. دة الحرق حي هايكون مصيره
نديم وهو بيبص لي
اظاهر يا مولاي ان النار هتاكل حد النهاردة
بصيت للوحة واللي بتعلمه الرمله فيها و وضحكت لاني فعلا مستخدم السحر في اللوحة بس الجلد اللي استخدمته المرة دي جلد العراف نديم نفسه ورسمت بي الكلب علشان كدة مستحيل الرمل تكشف السحر ولا ينكشف الساحر. لان اللي رمي الرمل هو المسحور نفسه وطبعا انتم مستغربين ازاي عرفت ان نديم عرف حقيقتي نديم قدر يعرف اللي انا بعمله علشان بص في عينية لكن زي ماهو ساحر وبيقرأ العيون فانا كمان ساحر وقدرت اعرف اقرأ عيونه واعرف هو بيفكر في اية واتجنن نديم لما شاف الرمله وهي ما غيرتش اي شئ في الصورة والصورة فضلت زي ماهي وبص له الملك غادر وقال
باين عليك كبرت وبدات تخرف يا نديم
نديم وهو بيبص للوحة وهايتجنن
صدقني يا مولاي اللوحة دي مسحورة مافيش رسام في الزمن دة يقدر يرسم لوحة بالشكل دة
غادر
اصدقك واكتب عيوني. اللوحة قدامي
فارس
سامحني يا مولاي لما دة العراف الخاص بيك وماقدرش يعرف حقيقة اللوحة بتاعتي ازاي بتثق في تنبؤاته.
غادر
صدقت. باين كدة انه مابقاش يصلح لمنصب عراف الملك غادر
وندهه غادر للحراس ودخلو الحراس وقال لهم
خدوا نديم علي السجن
وسحبوا الحراس نديم وهو بيبص لي وبيطلب الرحمة من الملك غادر. وخرجوا الحراس من القصر وقال غادر لفارس
مايكل روح ارتاح دلوقتي ومن بكرة استعد لرسمي
انحنيت لي وهو اذن لي بالانصراف وساعتها قال الملك لشريان
خدوا علي الاستراحة اللي هينام فيها
استغرب شريان وقال
انا يا مولاي اوصل عبد من العبيد
غادر بعصبية
مايكل مش عبد. دة موهوب وموهبته هاتنقله من عبد الي رسام الملك غادر. اللي هايرسم لي لوحة ما ترسمش زيها اي ملك من ملوك هذا الزمان. يعني اصبح من البلاط الملكي ونفس الامر يا شريان والا حكمت عليك نفس حكم نديم
شريان بغيظ شديد
امر. مولاي
وخدني شريان وراح بيا لاوضة في الدور الثاني من القصر وقال لي باستهزاء
انت هتنام هنا يا رسام الملك.
ضحكت له ضحكه صفراء وماردتش. وهو مشي ونمت علي السرير وبدات اتخيل اللي جاي واللي ممكن اوصل له واشوفه وانا في قصر الملك غادر وجة علينا الليل وسمعت نقر علي باب الاوضة اللي انا نايم فيها قومت افتح لقيت شاب جميل جدا واسمه لويس واقف قدام مني وبيقولي
انت مايكل الرسام
بصيت في عيون الشاب دة وشوفت جوة منه بنت محبوسة بتطلب المساعدة فلاحظ لويس اني ببص له اوي في عيونه فقال
اية سؤالي ملهوش جواب عندك
انتبهت لي وقولت له
انا مايكل. بس سامحني جمالك يحير لاني ما شوفتش في المملكة طول حياتي شاب بالجمال دة
الشاب وهو بيدخل الاوضة
اشكرك. طبعا تسمح لي ادخل
وقعد لويس دة علي الكرسي الموجود في الاوضة فقولت له
اظن زي ما انت عارف انا مين من حقي انا كمان اعرف انت مين
بص لي وقال
اسف نسيت اعرفك بيا. انا لويس أبن الملك غادر
استغربت اوي لان الملك غادر ماعندوش الا بنت اسمها سلمي وهي البنت اللي اتولدت في نفس الساعه اللي انا اتولد فيها فقولت
بس اللي احنا نعرفه ان الملك غادر
وقبل ما كمل قال لويس
ماعندوش الا بنت واسمها سلمي.
فارس
بالظبط
لويس
دة اللي يعرفو العبيد واللي انت واحد منهم لكن الحقيقة ان الملك غادر عنده ولد وبنت. لويس وسلمي
فارس
باين عليه هاشوف مفاجات كتير جدا وانا في قصر الملك غادر
لويس
القصر الملكي مليان مفاجات بلاش تستعجل. وانا جيت لك النهاردة بس علشان نتعرف وبكرة هايبقي لينا كلام تاني
وقام لويس وبص لي وهو رايح ناحية الباب. وقال
اتمني ان اللوحة اللي هاترسمها لوالدي تعجبه والا راسك هاتكون الذكري الوحيدة اللي تفكر المملكة بيك.
وخرج لويس من الاوضة وقفل الباب وراء منه. ،،،
★اللي عايز يتابع القصة دي كاملة هيلاقيها صوتية علي اليوتيوب قناة حكايات منص ومي ★
ومن جوة الزنزانه المحبوس في العراف نديم. كان نديم قاعد في وسط الزنزانه وبيرمي علي الارض رمل مغربي. والرمل دة اتجمع منه لويس ووقف لويس قدام نديم وقال له نديم
عملتي اية
في الوقت دة اتحول لويس من شاب الي فتاة وهي سلمي
بنت الملك غادر ،،،،،،،،،،