رواية روح فارس الفصل الثاني 2 بقلم محمد منصور

رواية روح فارس البارت الثاني

رواية روح فارس الجزء الثاني

رواية روح فارس الحلقة الثانية

وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
★ومن جوة الزنزانه المحبوس فيها العراف نديم. كان نديم قاعد في وسط الزنزانه وبيرمي علي الارض رمل مغربي. والرمل دة اتجمع منه لويس ووقف لويس قدام نديم وقال له نديم
عملتي اية
في الوقت دة اتحول لويس من شاب الي فتاة وهي سلمي
بنت الملك غادر اللي قالت
الرسام دة ساحر. من سحره قبيله سلطان عظيم
نديم
انا اول ما شوفت اللوحة المرسومة وانا اتاكد انها مش رسمة طبيعية بس مش عارف ازاي الرمل المغربي
ما كشفش حقيقة اللوحة
سلمي
الرسام دة وجودة في القصر خطر انا متاكدة انه شاف اللي ما كنش لازم يشوفه
نديم بقلق
اوعي يكون شاف روح. بنت الملك غادر
سلمي
شافها. شوفت دة في عيونه اول ما بص في عيوني
نديم
وعرف انك مش بنت الملك وبنتي انا
سلمي
ما افتكرش.
في الوقت ده. يسمعوا صوت حارس جاي فتختفي سلمي بسرعه البرق وترجع الزنزانه زي ما كانت ويبص الحارس لنديم ويقول
كنت بتكلم مين
فبص له نديم وقال بشر
احسن لك بلاش تعرف انت عارف اني تحت ايدي شياطين في خدمتي
الحارس وهو خايف
طيب نام وبطل كلام. انا مش عارف لية الملك امر بسجنك هنا
ومشي الحارس ورجعت سلمي تظهر وتقول
لو عايزني اهربك انا مستعدة
ضحك نديم وقال
وهو انتي فاكرة اني لو عايز اخرج من وراء القضبان دي مش هاعرف انا مش هاخرج من هنا الا يوم الخلاص. بس المهم دلوقتي تخلي عيونك علي مايكل وتعرفي اصل حكايته يمكن يكون جاسوس من جواسيس سلطان عظيم
سلمي
من امتي سلطان بيستخدم جاسوس مسيحي
نديم بخبث
ممكن يكون مسلم وعامل نفسه مسيحي. وساعتها يبقي النار اولي بي.
سلمي
طيب واحنا نتاكد ازاي انه مسيحي
نديم
نبعت رساله لسلطان عظيم ونقول له الجاسوس اللي انت بعته مملكة غادر بقي تحت ايدينا ونشوف رد فعل سلطان عظيم
سلمي
تمام
نديم
امشي انتي دلوقتي واوعي الرسام يوصل لمكان روح مهما حصل.،،،،،،،،
وعديت الليلة وطلع النهار وكنت قدام الملك غادر اللي طلب مني ارسمه لوحه بالحجم الطبيعي تليق بي فقولت له
لوحة زي دي يا مولاي هاتترسم في شهر كامل
غادر
انت ضيفي لغاية ما تخلص اللوحة.
وفعلا بدأت ارسم اللوحة وكان ديما مع الملك في جلسات الرسم لويس. او سلمي اللي كانت ديما بتبص لي وفي عيونها اسئلة كتيرة وانا زيها ويمكن اكتر نفس اعرف مين اللي محبوسة واللي كل ما بص في عيونها اشوفها بتطلب المساعدة وفي وقت ما انا برسم لوحة الملك. كانت في رساله راحت في رجلين بومة نديم. لقبيلة سلطان عظيم. ونزلت البومة علي خيمة سلطان عظيم اللي كان راجل معدي التسعين ورغم انه اعمي لكنه شاف اللي مكتوب في الرساله بمجرد ما مشي ايدة علي الرساله وقال باعلي صوت عنده
جودا
وبمجرد ما ندهه حضر اللي اسمه جودا وهو راجل قصير وخبيث وبص لسلطان وقاله
سمعك يا عمي
سلطان
رساله جت من مملكة غادر. مكتوب فيها ان اللي لينا هناك اتمسك
جودا
تقصد أن عمر. ابنك في ايد الملك غادر
سلطان
ممكن يكون في ايدة وعمر هو اللي بعت لنا الرساله دي علشان نلحقة وممكن يكون ملعوب من الملك غادر علشان نكشف له عن الجاسوس بتاعنا في مملكته
جودا
وانت شايف اية يا عمي
سلطان وهو بيحط ايدة علي وشه وتتغير ملامحة تماما يقول
هاروح بنفسي لمملكة غادر واطمئن علي عمر
جودا
دي فيها مخاطرة كبيرة عليك يا عمي
سلطان
عارف اني ممكن اروح ما ارجعش بس دة عمر ولازم اطمئن عليه بنفسي واخلصة من ايد غادر
جودا
طيب ما تخليك انت يا عمي وانا هاخد حملة واروح احرره لو فعلا وقع في ايد غادر
سلطان
انا اللي هاروح بنفسي. دي زيارة غادر اتاخرت كتير وجه الوقت اننا نصفي الحساب القديم والجديد
جودا
يبقي رجلي علي رجلك
وعدي اسبوع بالظبط وساعة ما كنت قاعد في اوضي دخلت عليه سلمي وقالت
باين عليك موهوب جدا.
وقربت مني ومسكت ايدي وهي بتقول
ايدك مش من الزمن دة موهبتك جاية من بعيد
وبصت في عيوني وانا قولت
عايز تعرف أية عني وانا مش هاحرمك من اللي نفسك في يا سيدي لويس
سلمي
عايزك تكون صريح معايا انت ازاي خلط السحر بالموهبة
ضحكت اوي وقولت
كلامك دة فكرني بالعراف نديم. هو كمان كان بيقول اني ساحر
سلمي
ماهي دي الحقيقة
فارس
واية دليلك
سلمي
ارسمني وانا هاثبت لك انك ساحر
فارس
انا فعلا رسمتك. بمجرد ما لمست ايدك
فتتفزع سلمي وتلاقي جلدها كله بيتسحب ناحية برواز في صورة ليها رسمتها بايدية ليها. علشان احمي نفسي منها واصبحت هي سجينة اللوحة دي وبتبص لي وبتقول
انت عملت فيا اية
فارس
رسمتك زي ما كنتي عايزا يا سلمي.
اتصدمت وقالت
انت عرفت ازاي اني سلمي.
فارس
عرفت من روح
وتنصدم سلمي لما تلاقي روح خارجه من وراء فارس. وقالت سلمي وهي مرعوبة
انت وصلت لمكان روح ازاي. انت مش مجرد ساحر انت اكيد ملعون
ضحكت وانا شايف الرعب في عيونها لكني قولت لها
متخافيش اوي كدة. انت بخير
وخليتها تغمض عيونها وفتحتها ولقيت نفسها برة اللوحة ووقفة بطبيعتها واختفت روح فبصت في كل حتي حوالين منها وهي بتقول
راحت فين روح
فارس
راحت لمكان عمرك ما هتقدري توصلي له
وحاولت ساعتها سلمي انها تمارس عليه سحر اسود لكني قعد قدام منها وهي بتحاول لكنها قليلة الحيلة وبتقولي
انت عملت فيا اية
فارس
خد منك كل قوتك السحرية. اصل مافيش حد في المملكة يقدر يعرف اني بمجرد ما برسمه هو بيكون عبد ليا وتحت سيطرتي.
سلمي وهي لسة بتحاول
مافيش ساحر يقدر يعمل اللي انت بتعمله ده. القوة اللي عندك دي جت منين
فارس
اصلي بسيطر علي القرين بتاعك. وبتاع اي حد اختار اني ارسمه.
سلمي
ازاي قدرت تعمل كدة.
فارس
بقدم جلد المرسوم قربان للقرين وساعتها بيبقي القرين هو المتحكم وانا بسيطر علي القرين. وقرينك بقي عبد عندي
ودلني علي طريق روح.
صرخت سلمي وهي بتقول
انت ملعون ملعون. ولو اهل قبيلتك عرفو بانك بتسخر الجن للسحر هايدفونك حي
وخرجت سلمي من اوضي جري. وانا ببص لها وبضحك وفي نفس الليلة وصل جدي سلطان ومعه جودا للمملكة وهما متنكرين وقدروا يوصلو لعمر عمي اللي كان في المملكة بينقل اخبار غادر لجدي. واستغرب عمر لما شافهم وقال عمر لهم
ماكنش ينفع تيجي يا والدي انت وجودا. دة ممكن يكون فخ
سلطان
اكيد فخ. لانه لو يعرف انك في المملكة مش هايسيبك تعيش وهايقطع راسك ويحطها علي بوابة المملكة
جودا
طيب لو فخ لية ما قبضش علينا لغاية دلوقتي
عمر
حاجة تحير صحيح.
جودا
عمر انت لسة ما جندتش حد داخل القصر الملكي
عمر
ماحصلش وماينفعش اجند حد لان كل اللي حوالين منه مسيحين وولائهم الاول والاخير لي وصعب جدا يخونو
سلطان
لية ما يكنش في حد قاصد يبلغنا بالرسالة دي
جودا
هايكون مين يعني
سلطان
حد يعرف ان لينا جاسوس في المملكة ولازم نعرفه او اما ترجع معانا يا عمر
عمر
ازاي بس. دة يوم الخلاص قرب ودة العيد الكبير للمملكة ونهاية غادر هاتكون في اليوم دة
سلطان
ازاي
عمر
في اليوم دة غادر بيلف المملكة كلها والحرس مهما كان عددهم مايقدروش يأمنو بنسبة كبيرة.
★اللي عايز يتابع القصة دي كاملة هيلاقيها صوتية علي اليوتيوب قناة حكايات منص ومي ★
جودا
وانت فاكر اننا مفكرناش في اليوم دة قبل كدة. غادر السحرة اللي حوالين منه بيخلو كل كائن حي موجود في المملكة اعمي في اليوم دة. ومستحيل سحرنا يبطل سحرهم
سلطان
عمر يا ابني جودا بيتكلم صح. انا عميت بسبب اني فكرت اخلص عليه في يوم الخلاص وافتكرت ان سحري هايقدر يحميني من سحرهم
‏
عمر
الكلام دة قبل ما غادر يقرر انه يترسم واللوحة اللي هايترسمها دي هاتكون لوحته الاخيرة
سلطان
انت بتفكر في اية يا عمر
عمر
من كام يوم غادر بعت وطلب الرسام مايكل. ومايكل انا شوفته بعيني وهو بيرسم. وخليته يرسمني لوحة. وبصيت في اللوحة واتاكد ان دة مش رسام عادي دة بيخلط السحر بالرسم. ومش اي سحر دة سحرك يا والدي
اتصدم سلطان وجودا حاله ما كانش يفرق كتير عن حال سلطان وقال سلطان
سحري ما حدش يمتلكة غير اللي من نسلي
جودا
معقوله يكون في مسيحي من نسلك
عمر
ولية يكون مسيحي مش ممكن يكون من اب وام مسلمين وعملو نفسهم مسيحين علشان يقدروا يعيشوا في مملكة غادر
فهم سلطان مقصد عمر وقال
تقصد ان وصيفة بنتي في مملكة غادر
عمر
عندك تفسير تاني يا والدي
جودا
بعد السنين دي كلها تطلع هربانه مننا في مملكة اللي خلص علي اجدادها للدرجة دي الدم عند وصيفة بقي ملهوش ثمن.
سلطان
وصيفة اتسحرت بضرغام جوزها وحبها لي خلاها تنسي كل العهود وكل اللي ماتو من قبيلتنا علي ايد غادر
جودا
يبقي لازم تموت وتكون عبرة ل،،،،،،
سلطان بعصبية شديدة وهو بيقاطع جودا وبيقول
من امتي في حد بيقول لسلطان عظيم اية اللي لازم يتعمل. انت نسيت نفسك يا جودا ولا أية
جودا باحراج
مش قصدي يا عمي بس
سلطان
مافيش ولا كلمة تاني. نخلص من غادر وبعد كدة حساب وصيفة جاي.
وبص سلطان ناحية عمر وقال
ناوي ياعمر تستخدم ازاي مايكل واللوحة اللي هايرسمها لغادر في انك تخلص منه
عمر
هاخلي الساحر مايكل يساعدنا ويسلمنا الخبيث غادر. ويجي يوم الخلاص ويدخلنا مايكل القصر ونقلب السحر علي الساحر واللي يتعمي في اليوم دة حراس غادر مش احنا. وساعتها هاندخل ونخرج من القصر براس غادر ،،،،،
وبعدها بساعه وبعد اذان الفجر كانت وصيفة امي بتوضي وبتجهز لصلاة الفجر وهي قلقانه جدا وبتقول لنفسها
ربنا ينجيك يا فارس من ايد الظالم غادر
واول ما بدات أمي الصلاة سمعت صوت انفاس حد عند باب البيت سلمت وخرجت من الصلاة ولسة رايحة ناحية الباب لقيت قدام منها جودا لسة هادافع عن نفسها خرج جودا لسانه اللي بقي ثعبان ولفه حوالين امي وهي قالت
بتسخدم سحر ملعون يا شيطان
جودا
سخرت الجن لخدمتي. علشان اعرف ازاي أنتقم منك
يا بنت عمي. ولا اقول الام تريزا. احسن
وصيفة وهي بتحاول تفك نفسها منه
انا بكرة اشوف صورتي في عيونك. تفتكر اني هاحب اسمع اسمي بصوتك
جودا وهو بيضحك
اكتر حاجة بحبها فيكي هو كرهك ليا. لكن خلاص بقي احنا كبرنا ومبقاش فاضل في عمرنا قد اللي راح. سلمي لي نفسك والا غادر هايعرف حقيقة مايكل. وانه هو دة الطفل المسلم اللي اتولد يوم ولادة بنته. وساعتها بقي انتي عارفة غادر هايعمل اية في
وفي الوقت دة رجع لسان جودا لوضعه الطبيعي واتحررت امي وجودا بص لها وقال
البومة طارت وفي رجليها الرسالة. اللي هاتخلي من ابنك مجرد ذكري
وصيفة بصوت حزين
انت عرفت ازاي مكاني وازاي عرفت ان مايكل ابني
جودا
ماتساليش كتير وعرفيني انتي معايا ولا ضدي
بصت له امي وسكتت ومابقتش عارفة تقول اية. لان اخر حاجة كانت تتوقعها ان جودا يعرف طريقها. وفي نفس الوقت كانت سلمي واقفة جوة كهف وقدام منها تنام روح وكانها ميتة. وهي بنت في نفس سن فارس وجميلة جدا وفضلت سلمي تبص لها وتقول باستغراب
الله انتي لسة هنا اومال لية مايكل قال انه عرف مكانك ونقلك لمكان تاني
في الوقت دة جيت انا ووقفت وراء سلمي وقولت لها
قولت كدة علشان انتي اللي توصليني لروح. انا مجرد ساحر لكني مش مسخر جن لخدمتي
بصت لي سلمي ولسة هاتغدر بيا كنت قدرت اتحكم فيها وقولت لها وانا ببص في عيونها وسحري قدر يخدرها
سرقتي من روح صوتها وعيونها وروحها خليتها جسم من غير روح وكل دة لية
فضلت سلمي تقاوم لكني كنت مسيطر عليها وقولت لها بحدة
انطقي اية اللي بينك وبين روح علشان تعملي فيها كدة
سلمي بصعوبة
علشان اعيش. انا كان لازم هي تموت
فارس
مش فاهم
سلمي
انا اتولد مشوهه بسبب علاقة بين نديم والدي ومرات الملك غادر الجارية المسلمة مريم. اللي اتفتن بيها وبجمالها
وراح لها في ليلة في صورة الملك غادر. لكنه راح لها في ليلة قمرها مطموس ليلة عيد الدم. والعيد دة بيحتفل بي كل معشر الجن وفي وقت احتفالهم اي علاقة بتم بين بني ادمين بتكون نتيجتها طفل مشوهه والطفل دة بيكون من حق معشر الجن انهم ياخدوا لتحت الارض
فارس
يعني انتي هربانه من الجن في صورة لويس اللي عايش بروح وصوت وجسم. روح بنت الملك
سلمي
حظها اسود اتولدت معايا في نفس الساعه وعلشان والدي نديم يحميني من الجن تنبه قبل ولادتي للملك غادر بالطفل المسلم اللي هايحب روح وينقذها من اللي هو عايز يعمله فيها واهو يبقي قدر يخلص من اللي هايحرر روح من اللعنه. ويقدم للجن الكافر دم الاطفال اللي اتقتله قربان يحميني بي من شرهم
فارس
انتي وابوكي شياطين ونهايتكم هاتكون علي ايدي. وروح هايرجعها كل اللي سرقتو منها. وهافك عنها اللعنه
سلمي
ماحدش يقدر يخلص روح من اللي هي في. الا المسلم اللي اتولد معها في نفس الساعه. يعني انسي يا مايكل انك ممكن تحرر روح من اللعنه
فارس
حتي لو عرفتي اني انا فارس. المسلم اللي اتولد معها في نفس الساعه.
وانصدمت سلمي وانا قولت
جه الوقت ترجعي لاصلك
وحطيت ايدي علي راسها وبدات اقرأ عليها تعويذة تخص نسل سلطان عظيم. وبصيت لروح اللي بدات روحها ترجع جسمها وسلمي بتصرخ ووقفت روح علي رجليها لكن فجاة اتحولت روح للعراف نديم وبص العراف نديم لفارس وقال
صدقت يا مولاي ان سلطان عظيم بعت لك جاسوس من نسلة علشان يخلص عليك
وساعتها دخل للكهف الملك غادر ومعه الحرس الخاص بي. بصيت لهم ومابقتش عارف اعمل اية،،،،،،