رواية دواء قلبي الفصل التاسع 9 بقلم سلمى عبدالجليل
رواية دواء قلبي الجزء التاسع
رواية دواء قلبي البارت التاسع
رواية دواء قلبي الحلقة التاسعة
سيف : بتكلمي ميين
ندى بتوتر : ب ب ب بكلم بابا بيطمن عليا اصل قولتله لو اتاخرت هبات ف الشغل
سيف: اه اوكي انا كنت جايبلك سويتشيرت من عندي وبنطلون عشان لو هتنامي مش هينفع تنامي بلبسك دا
ندى : شكرا ي جدا ي سيفو
سيف بعصبيه وحاول يتحكم فيها لكن فشل : اسمي استاذ سيف او سيف براحتك بس سيفو دي اياكي تقوليها انتي فاهمه وقام سايبلها الحاجه وماشي ورزع الباب
ندى : لازم تتخطى كل دا لازم كل حاجه تخصها تبقى بالنسبالك عادي وانا هحارب عشان تبقى كويس
راحت لبست السويتشيرت والبنطلون وكانو كبار جدا عليها بسبب جسمها الصغير جنب جسمه العريض المفتول بالعضلات
ندى بضحك : اي دا دا انا فطوطه ف نفسي اويي وبعدها استنشقت البرفان الي على اللبس وقالت واااو برفاناتك جامد ي سيفو
ندى بتفكير : هو انا ليه وافقتهم وجيت اعمل كدا واحاول انسيه انا مالي هححح اما نشوف اخرتها معاك اي ي سي سيف ادي اخره الي يدرس حاجات ف الطب النفسي
تاني يوم الصبح ..
ندى صحت ع صوت هبد بره الاوضه خرجت وهي لابسه الزعبوط بتاع السويتشيرت وكانت مش باينه منه اصلا
ندى بفزع : اعععععع اي دا ي ماما انتو بتعملوا
وهنا كان عمرو وسيف شغالين ضرب ف بعض هي فكرتهم بيتشاكلوا ولكنهم كانو بيتدربوا عشان سيف مش هينفع ينزل للتمرين الفتره دي ف عمرو جه يدربه
عمرو : مالك خايفه ليه كدا دا انا بدربه
ندى بزعيق : بتدربه اي انت بتطحنه ودا غلط هو جسمه لسه ضعيف اي التخلف دا راحت شدت سيف من ايديه وقعدته ع الكنبه وراحت لعمرو وقالت اياك تعمل كدا تاني لسه جسمه تحت تاثير العلاج
منى طلعت م المطبخ : ي حبيبتي دا تدريب بسيط اوي انتي مشوفتيش التدريبات الاساسيه اصلا دول بيعجنوا بعض
ندى : ودي تمارين اي العك دا لو سمحت ي عمرو اياك تقرب منه تاني
عمرو بخبث : لي خايفه عليه ي ندوشه
ندى بتوتر واحراج م الي عمرو قاله : و هو انا هخاف عليه ليه اه خايفه يعني بص انا خايفه عشان هو جسمه ضعيف لسه لازم يرتاح انما دا غلط
سچا خبطت ع الباب ندى راحت فتحتلها بسرعه عشان تهرب من قدامهم
سچا بضحك : اي الي انتي لبساه دا ي ندى يخربيتك دا انتي اوزعه اوييي
ندى : اي اه دا اخوكي جابهولي عشان البسه عشان اعرف انام يعني هدخل اغيره اهو وجرت ع الاوضه
سيف : بطل تغلس ي عمرو
عمرو : ي عم انا بس عايزها تاخد ع الجو دا شكلها مطوله
سيف : لا متقلقش ملكش دعوه انت بس متفضلش تحرجها كدا عييب
عمرو : هحح ماشي اما نشوف اخرتها ي معلم
سيف : جتك نيله ف الفاظك السوقيه دي
سچا ومنى فضلوا ف المطبخ بيعملوا الاكل وندى لبست لبسها الخروج وطلعت
عمرو : ايوه كدا ي شيخه مش فطوطه الي كانت قاعدالنا دي
ندى : ي ابني اتهد بق انا عملتلك حاجه بطل رخامه انا داخله اعمل الحاجه مع طنط وسچا
دخلت ظبطت الاكل واخدت الاكل لسيف والباقيين نزلوا يتغدوا تحت عشان محمد
ندى اخدت الصينيه و العلاج وهو كان دخل اوضته ادته الاكل والعلاج والميه وقعدت بعيد تقرا نفس الكتاب
سيف : مش هتاكلي
ندى : لا مش جعانه
سيف : طب تعالي كلي نفتح نفس بعض
ندى : مش جعانه صدقني
سيق : طب مش هاكل
ندى : خلاص خلاص وقامت اكلت معاه
سيف بتفكير : اي رايك فيا
ندى شرقت وفضلت تكح هو ادالها ميه
سيف : اي ي بنتي بقولك اي رايك فيا
ندى: زي الفل زي الفل
سيف : يعني اي زي الفل يعني اصلح كزوج وحبيب وكدا
ندى : وانا مالي ي عم كل وانت ساكت
سيف : ندى تتجوزيني
ندى بصتله بدهشه ومتكلمتش
سيف : بصي الفتره الجايه هتبقى صعبه عليا احمم وانا احيانا لما بكون حزين بفضل حاضن الشخص الي قدامي والشخص دا كان بيبقى عمرو وعمرو هيتجوز وهيتجوز الانسانه الي انا حب… هيتجوز اختي ف انتي شايفع اني تعبان ولازم تفضلي معايا ف نكتب كتابنا بكره معاهم عشان تقدري تاخدي راحتك ف البيت وهتفضل الاوضه التانيه دي اوضتك وانا اوعدك اني مش هلمسك ولا هقرب منك ابدا
ندى: انت فاجئتني بص ي سيف انا لا ليا اب ولا ليا ام انا كنت ف ملجا اتعلمت واشتغلت ف المستشفى زي م انت شوفتني لحد م عشت لوحدي وكان في راجل الله يكرمه يارب ويشفيله ابنه هو الي دايما بق يطل عليا ويشوفني محتاجه حاجه ولا لا ف بعتبره زي ابويا بس هو مش موجود هنا الفتره دي ف سيبني لحد بكره الصبح هفكر واجاوبك ولحد الوقت دا انا هفضل ف اوضتي والاكل معمول بره كل وخد علاجك ع طول عن اذنك وسابته ودخلت اوضتها
ندى دخلت الاوضه فصلت تفكر كتير لحد م رنت ع نفس الشخص للي كلمته قبل كدا
ندى : الو ازيك عامل اي انهارده
مجهول : انا كويس هاا اي الاخبار
ندى حكتله الي حصل
مجهول : طب اعملي الي هو عايزه واتجوزوا
ندى :بس ا..
محهول : مبسش اسمعي الكلام دا الاحسن ليه وليكي
ندى : تمام
ندى غيرت هدومها ولبست السويتشرت بتاعه والبنطلون وفضلت قاعده تفكر لحد بالليل طلعت تاكل سندوتش المطبخ وبتلف وشهاا لقت سيف واقف ببنطلون ومن غير السويتشرت ندى لفت وشها تاني
ندى باحراج : حرام عليك دي تاني مره اي ي ابني مفيش بنات هنا طالع كدا وواخد راحتك وبعدين احنا ف الشتا اي مش سقعاان
سيف : م انتي قولتي مش هتطلعي من اوضتك
ندى : جووعت جوووعت اي ماكلش عشان حضرتك قليل الادب وطالع من غير سويتشرت
سيف فضل يقرب منها بتلف لقته ف وشها
ندى بخوف : احمم انت انت بتقرب لييه
سيف نزل لمستواها : اي مالك خايفه ليه
ندى حاولت تبان قويه : و و ههخاف ليه يعني هو انتت بتخوف
سيف قرب منها اكتر طلعت تجري ع اضوتها
ندى : منك لله وقفت قلبي هو انا قلبي كان بيدق كدا ليه وهو قريب مني اممم عشان كنت خايفه مش اكتر
نامت
تاني يوم الصبح
ندى :سيف
سيف بصلها :نعم
ندى : انا موافقه
سيف : تمام اجهزي عشان كتب الكتاب هيكون بالليل
ندى :تمام يلا هجيبلك الفطار والعلاج افطر
سيف : ماشي خدى سچا وروحوا اشتروا الفساتين والحاجه الي هتلبسوها وخرج فلوس من جيبه انتي كدا بقيتي مسؤله مني اتفضلي دي الفلوس الي هتجيبي منها الحاجه
ندى : شكرا انا معايا متقلقش
سيف : وانا قولت انك خلاص هتبقي مراتي ومسؤله مني اتفضلي الفلوس اهي
ندى اخدتهم : شكرا ودخلت لبست ونزلت لسچا
سچا : اي القمر الي بنشوفه ع الصبح دا
ندى : شكرا انا كنت عايزاكي ف …
سچا : سيف حكالنا امبارح بالليل والحمدلله انك وافقتي
ندى : سيف انسان طيب ومحترم
سچا: ربنا يهنيكوا ببعض يارب
ندى: يارب
ونزلوا يجييوا الفساتين بالليل الاتنين جم ودخلوا يلبسوا وعمرو جه لابس بدلته وسيف لبس وندى وسچا لبسوا تحت ف شقه محمد
الماذون وصل وعمرو وسيف نزلوا من فوق وكانو ف غايه الجمال
سچا وندى طلعوا
تم عقد قران ندى وسيف وعمرو وسچا
وقيلت الجمله الشهيره”بارك الله لكما وبارك عليكما وجمع بينكما في خير ”
عمرو قام حضن سچا ولف بيها وسيف كان بيبصلهم ونار قايده جواه بس بعدها بص لندى الي كان باين عليها الحزن راحلها وحضنها وقالها مبروك ي زوجتي وضحك
وهنا تحولت ملامح ندى الحزينه لملامح فرحه وسعاده فضلوا قاعدين سوا واتفقوا ع معاد الفرح الي هيبقى كمان شهر وعمرو روح بيته وسيف وندى طلعوا فوق
سيف: اوضتك اهي ي ندى خدي راحتك واتفضلي دي شنطه هدوم ماما جابتها انهارده البسي الهدوم الي فيها براحتك وخدي راحتك ف الشقه انتي دلوقتي مراتي
ندى : لي عملت كدا
سيق : عشان تكوني مرتاحه هطلقك قبل الفرح وهقول اننا مش متفقين عادي عشان تعيشي حياتك بعدها براحتك
ندى : تمام عن اذنك وسابته ودخلت اوضتها وغيرت هدومها لبيچامه مريحه وكانت هتنام ولكن سمعت صوت هبد وعياط
راحت بسرعه ع اوضه سيف لقته…
ي ترى ندى لقت سيف ماله
ومين الراجل الي بيكلم ندى دا
واي حكايه حرف الN الي ع قلب سيف
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية دواء قلبي)
