رواية حب غير مشروط الفصل الثاني والأربعون 42 بقلم لولا
رواية حب غير مشروط الجزء الثاني والأربعون
رواية حب غير مشروط البارت الثاني والأربعون
رواية حب غير مشروط الحلقة الثانية والأربعون
تاليا اتصدمت بشده واكملت بعياط هستيري من شده الفرح ايييه انتي متأكده
ريهام بحب اهدي اهدي بس وانا هوريكي والله حامل اهو بصي كده
تاليا اتعدلت وبصت للشاشه فاكملت ريهام بحب اهو بصي كورتين بيض اهم وبقالك شهر بلظبط
تاليا كانت بتبص مش مصدقه وعماله تعيط واكملت احمدك يارب احمدك واشكرك يارب وفضلت تعيط واكملت الحمدلله الحمدلله بجد اخيرااا اخيرااا استجاب انا مش قادره اصدق نفسي وفضلت تعيط بهستريه
منه حضنتها وطبطبت عليها بدموع فرح واكملت بحب مبروك يا نورعيني مليون مبروك
تاليا بعياط وفرح مش قادره اصدق يا منه لالا مش مصدقه بجد وبصت لريهام واكملت والنبي صح انا حامل ارجوكي اتأكدي ياريهام
ريهام بحب والله يا قلبي حامل
تاليا بعياط طلبت منك عيل واحد وقولتلك مش عايزه يكون ليا غيره واحد وبس … بس انت كريم يارب وادتني اكتر من اللي عايزاه اتنين مره واحده انا فرحانه .. فرحانه ومش عارفه اوقف دموعي الحمدلله لسنه قدام مش هتكفي ولا توفي يارب اشكرك واحمد فضلك يارب اللهم لك الحمد اللهم لك الحمد رضيت وفارضيت قلبي يارب انا مش قادره اصدق يا منه ان انا حامل في ولاد عمر وكام شهر وهيجوا ويملوا حياتنا ونبقي اب وام مش قادره اصدق بجد لحد دلوقتي وحطت ايديها علي دماغها واكملت بعياط والله مش مستوعبه .. مش مستوعبه خالص وضحكت واكملت بفرح ودموع منه انا صاحيه صح ??هو ده حقيقي انا حامل وفي تؤام ??? ارجوكي قوليلي انا صاحيه ده واقع يعني مش بحلم وفضلت تعيط بفرح
منه حضنتها واكملت بدموع فرح واقع يا قلبي ووالله حامل وربنا فرح قلبك ورضاكي علشان ايمانك وصبرك ورضاكي
تاليا بعياط سمعني يا منه وانا بصرخ كل يوم واعيط واطلب منه طفل واحد راح ادااني اتنين انا مش عارفه اودي فرحتي لحد حاسه اني عايزه اقوم اتنطط ومبسوطه بجد مبسووطه اوووي انا ربنا خلاني مهما اشكره هحس اني مقصره في شكره انا مش عارفه اقول ايه بجد مفيش كلام يوصف فرحتي انا مفرحتش يوم جوازي علي عمر كده بجد
منه ضحكت بدموع واكملت ربنا يفرح قلبك يا نورعيني ويقومك بلسلامه ويرزق كل مشتاق
تاليا بدموع فرح يارب يارب بجد انا هحافظ علي حملي كويس اوي واهتم وبصت لريهام واكملت بدموع وفرح اكتبي اللي انتي عايزاه ادويه وابر عادي وحتي لو صعبين هاخدهم بس ارجوكي يا ريهام عايزه اهم حاجه احافظ عليهم وانا هستحمل اي حاجه عادي في سبيل يجولي بألف خير
ريهام بحب حاضر يا قلبي عنيا والله هنعمل اللي علينا والباقي عليه هو
تاليا بدموع فرح يبقي هتكمل باذن الله ربنا حنين وفرحني واداني اكتر مااتمنيت وتنهدت بارتياح واكملت بدموع فرح لسه كنت بقول لعمر والله ان نفسي اخلف وكل يوم في الفجر اقف ادعي يارب اديني عيل بجد الحمدلله حمداا كثيرا ودموعها بتنزل واكملت الحمدلله الذي خلق السماوات والارض وجعل الظلمات والنور وغمضت عنيها ودموعها بتنزل مش قادره تصدق واكملت بدموع فرح لالا نا شكلي مش هصدق غير لما اولد وضحكت واكملت يارب بجد مبسوطه مبووووطه اووي هو قال يا ايها اللذين امانوا استعينوا بلصبر والصلاه ان الله مع الصابرين وانا صبرت صبرت كتير اوي علي وجع قلبي وحياتي ومن قبل حتي ماتجوز عمر وضحكت بدموع فرح واكملت يلا يا منه يلا بسرعه قبل ماعمر يرجع ميلاقنيش معاد رجوعه جيه من بدري
منه حضنتها واكملت بدموع فرح والله ماعارفه اقولك ايه اكتر من انك انسانه جميله اوي وطيبه وقلبك ابيض وقويه ووالله ياتاليا كنت بدعيلك كتير اوي الحمدلله بجد يا حبيبتي
تاليا بحب ربنا يخليكي ليا يا نورعيني انتي والله كلكم حبايبي وكنتوا تدعولي وضحكت بفرح واكملت يلا يلا لسه لازم اعرفهم واحد واحد الخبر القمر ده وبصت لريهام واكملت بحب وفرح شكرا يا وش القمر انتي خبرتيني خبر عايشه عمري كله احلم بيه
ريهام بحب ربنا يسعدك ويفرح قلبك يا نورعيني وتقومي بالف خير
تاليا بحب يارب يارب يلا بقي يا منه تعبناكي يا رورو
ريهام بحب ولا تعب ولا حاجه ده واجبي يا قلبي
ومشيوا
——————————————-
في الحضانه معاد الخروج جيه وساره كانت مستنيه طارق يخلص وياخدها كلعاده
ساره كانت قاعده لوحدها في حته بعيده نسبيا وساكته وماسكه صوره لادم صغيره هي طلبت من منه تخليها معاها علطول
ساره بحزن اشمعنا بابا حور بيوديها وكل اصحابي الا انا ودموعها نزلت بحزن
رانيا ميس في الحضانه شافتها فاكملت بحب لالا مالك القمر بيعيط ليه
ساره بصتلها بحزن وسكتت
رانيا انا صح مش المس بتاعتك بس عادي نتعرف انا رانيا ياستي وانتي
ساره بحزن ساره
رانيا بحب الله انتي عارفه ان ساره معناه الاميره
ساره بابتسامه اه بابا بيقولي اميرتي علطول
رانيا بضحك ده يابخت بابا وماما بلقمر ده انتي عيطي وشك بقي احمر خالص علشان بيضه وعسل وباست خدها واكملت والاميره زعلانه ليه بقي
ساره بدموع بابا مش بيوديني الحضانه ابدا وكمان مش بشوفه حقيقي بكلمه بس وهو واحشني اوي
رانيا بحزن ياروحي طب هو بابا فين
ساره بحزن بيساعد المرضي فمسافر معرفش فين
رانيا بتفهم اه بابا دكتور يعني
ساره بحب اه هو ده بيجي علي الشاشه علطول بشوفه بياخد هديه كده جوه علبه
رانيا بصدمه انتي بنت ادم الشافعي
ساره هزت راسها ب اه
رانيا ضحكت واكملت بالله انتي نسخه منه بسم الله مشاء الله بس متخيلتش تكوني بنته قولت اكيد طلما سافر معاه عيلته اصل انا اعرف بابا من زمان اوي من قبل حتي مايكون دكتور معروف كده
ساره بابتسامه ايه ده بجد وشوفتيه
رانيا بحب اه شوفته وساعتها انا كنت بعمل حاجه مش صح وباابا ساعتها فهمني وخلاني بقيت واحده تانيه وجيت اشتغلت هنا
ساره بحزن يارب اشوفه زيك
رانيا حضنتها واكملت بحزن حقك عليا انا ياروحي بس فعلا بابا بقي مشغول خالص ده كتر خيره بسمع انه عنده عمليات بلكوم فاستحملي شويه علشان الناس تخف حرام يا سوسا ماشي
ساره بدموع ماشي
رانيا لالا كده ازعل منك من غير دموع وابتسمت بحب واكملت ده انتي متعرفيش انا ممتنه لابوكي قد ايه بجد .. بقولك اي يا سوسا حافظه رقم مامي
ساره بابتسامه اه
رانيا بحب طب اكتبهولي واديتها النوته
ساره كتبته وادتهولها
رانيا بحب تسلميلي يا قمرايه وباست خدها واكملت بحب مش عايزين نزعل بقي بابا هيرجع وهيوديكي وهيعملك كل اللي انتي عايزاه
ساره بابتسامه يارب يجي بسرعه
رانيا بحب هيجي يا قلبي
حور ساره ساره
ساره نعم يا حور
حور عمك مالك جيه وعاوزك
ساره بفرح بجد وبصت للمس واكملت يلا باي يا مس انا هروح لعمو مالك
المس بابتسامه باي يا حبيبتي
ساره طلعت تجري في اتجاه البوابه لقيته واقف
مالك لما شافها فتح ايده واكمل بفرح قلب وروح عمو يااا ناااس
ساره جريت عليه حضنته واكملت بحب واحشتني خالص
مالك شالها وباس خدها وضمها اكتر واكمل بحب وانتي واحشااني اكتر بجد يا سوسا
طارق بستغراب حضرتك قريبها صح بشوفك عندهم
مالك بحده عمها
طارق استغرب طريقته واكمل اممم تمام بس ممكن تكلم منه تقولها انك هتاخدها علشان انا برجعها معاايا علطول ودي امانه
مالك بحده انت عبيط ولا ايه دي بنت اخويااا يعني اخدها غصب عن اي حد ومن غير مستأذن هو انا هخطفها ولا ايه
طارق يا فندم من غير عصبيه انا بقولك انا متعود برجعها فامن غير زعيق قولها بس انك هتاخدها
ساره عمو طارق ده عمو مالك اخو بابا
طارق بتنهيده عارف يا سوسا انا بتكلم علشان ماما متقولش ليه ادتهالوا من ورايا
ساره لفت ايديها علي رقبه مالك واكملت بحب لا عادي انا هروح معاه
مالك باس خدها واكمل نورعيني انتي ومسك فونه كلم منه وفتح الاسبيكر
مالك انتي فين يا منه
منه رجعت عندكم يا مالك ليه في ايه
مالك بسخريه طمني البيه بس ان ساره معايا سمعيه ان عادي اخدها
منه بستغراب وفيها ايه لما تاخدها ساره بنت اخوك وخدها الوقت اللي تحبه
طارق احمم منه انا اقصد علشان دي امانه
منه فاهمه يا طارق بس انت بتشوفه عندنا ومالك ابوها التاني فمش هو اللي تعترض عليه بعدين تلاقي ساره متعلقه فيه وبتحبه فمش هتمشي مع حد مش كويس يعني
ساره بمرح انا قولتله كده يا مامي
منه بحب طب يا قلب مامي يلا تعالي علشان تيته وجدو عايزين يشوفوكي باي
مالك باي
ساره بحماس حاضر باي يلا يا عمو
مالك بحب سوسا عربيه عمو اهي سايبلك الباب مفتوح وسولي فيها اقعدي جمبه وجايلك ونزلها
ساره فرحت وطلعت تجري علي برا
مالك بتنهيده بص بقي من غير لف ودروان ورغي كتير ساره مش هتيجي هنا تاني انا هوديها الحضانه كل يوم مع ابني وهجيبها يعني شكرا لتعب حضرتك مش عايزين خدامات من حد عمها عايش واولي بيها وبمسئوليتها فباب شقه منة ميتخبطش عليه واظن كده كلامي واضح وصريح
طارق استاذ مالك انا مش في نيتي حاجه علشان كلامك ده كله انا فعليا بعامل ساره زي حور
مالك بسخريه لا منا عارف وعموما انا قولت اللي عندي واللي لينا احنا هنعرف نلمهم ونمنعهم يكلموك وبصله من فوق لتحت ومشي
طارق اتعصب واكمل كان ناقصه بصراحه عمها ده هو ايه القرف ده مش انفصلوا متدخل في حياتها ليه ده
———————————————–
في المكتب عند ادم
ادم قاعد باصص للبرواز اللي في صوره منه واكمل بابتسامه حزينه واحشتيني اوي 4 سنين كده تبعدي عن حضني يا منه ?? انا قلبي واجعني اكتر حاجه علي فراقك بجد بس هانت يا منه هانت وهرجع وهتشوفي بنفسك بقيت مين ومعايا ايه حلم العمر اتحقق بعد تعب وسهر كتير اوي بس المهم انه حصل وهتزعلي اوي علي كل كلمه قولتيها في حقي
سيف دكتور بيتدرب تحت ايد ادم خبط ودخل واكمل دكتور ادم
ادم رجع ضهره لورا واكمل خير يا سيف في ايه
سيف الست المصريه دي اللي حضرتك شخصت حالتها امبارح عندها مرض في القلب ابنها جابها علشان تعمل العمليه بس مراته جات زعقت معاه وقالتله هو احنا كمان هنعملها عمليات فسابها ومشي ومدفعتش تكاليف العمليه اصلا وبتكمله مش بيرد عليها
ادم بتنهيده وايه المشكله جهز الاوضه يا سيف
سيف بتستغراب يا فندم انا بقول لحضرتك ان ابنها مد
ادم بمقاطعه هنسيبها تموت علشان الفلوس يعني ولا ايه يا سيف ايه الجنان ده الفلوس مش مقياس ابداا لاي حاجه وانا مبحبش في حياتي اوقف اوموري عليها خلاص وانا لما كبرت مش علشان انا محتاجها لا علشان اثبت لحد اني مش قليل فاجي انا ابقي اعمل زي الشحص ده وادور علي الفلوس وكمان لواحده بتموت ??وبعدين دي قد امي هرميها زي ابنها ابقي انا واللي جابته الدنيا عليها
سيف بابتسامه ربنا يبارك في حضرتك يا دكتور ادم ويخليك لينا حاضر هحضر العمليات
ادم بسرعه ودخلها
سيف حاضر
وبعد دقايق الست دخلت سيف بيسندها فأدم قام بسرعه سندها واكمل عنك يا سيف روح شوف شغلك وهات البحث اللي هتعمله اراجعه واقيمه
سيف حاضر يا فندم وخرج وقفل الباب
ادم سندها وقعدها ورجع مكانه واكمل بابتسامه سلامتك يا ست الكل
الست بحزن الله يسلمك يا ابني ودموعها نزلت واكملت والله ماعارفه اودي وشي منك فين
ادم قام واكمل لالالا عياط ايه بس انا هعتبر العياط ده خوف من العمليه ومسح دموعها واكمل بابتسامه بس بفضل الله اسألي اي حد عليا متقلقيش انما مش هعتبر انك محرجه مني والجو ده وقعد قدامها وقرب الكرسي واكمل ابنك يعني يا ست الكل محصلش حاجه عيب تقوليلي كده انتي قد امي
الست بعياط تسلم الام اللي ربيتك والبطن اللي شالتك ياابني والله وسمعتك سبقاك يا حبيبي ربنا يعليك اكتر واكتر بس انا صعبانه عليا نفسي ان ابني يختار مراته عليا كده
ادم بحزن اسف علي اللي هقوله بس ابنك راجل ناقص انا مش بتكلم علي الفلوس دي اخر حاجه تفرقلي وغلاوه مراتي … بس بتكلم علي مبدا ان ازاي راجل يمشي ورا مراته كده وكمان علي امه فاسمحيلي اقولك يا دلعتيه كتير يا معرفتيش تربيه انا اسف بس والله مش حكايه فلوس اقسم بالله انا مش معترض وهتدخلي العمليات وهتبقي زي الفل كمان
الست بدموع وفرح ايه هدخلها ازاي يعني ما ابني مشي
ادم بحب ياست الكل احنا مصريين زي بعض عيب وانتي زي امي وادي الجمل وادي الجمال انا الدكتور وبقول مش عايز حاجه منك واهم حاجه متزعليش نفسك انتي وباس راسها
الست بدموع فرح مش عارفه اقولك ايه يا ابني انت عملت اللي ابني اللي من لحمي ودمي معملهوش ومحدش يقدر يعمله اصلا ربنا يباركلك بجد يا ابني وفضلت تعيط
ادم طبطب عليها واكمل بحزن هدي نفسك علشان نفسيتك والعمليه باذن الله هتبقي زي الفل ثقي فيا بعد ربنا
الست بدموع واثقه اومال انا جيتلك مشوار ليه …. انت حلفت بمراتك وانت بتتكلم يارب يخليهالك يابني وتجيب منها صبيان وبنات شبهك ويخليك ليها يا حبيبي ولو مخلف ربنا يخليهوملك يارب وتشوفهم زيك
ادم ابتسم بحزن واكمل اللهم امين ياست الكل انتي ادعي حكم في شويه مشاكل بينا ومش مع بعض الفتره دي
الست لفت نظرها صوره منه اللي علي المكتب فاكلمت بحب هي دي مراتك
ادم هز راسه ب اه
الست بحب بسم الله مشاء الله قمر قليله عليها ربنا يباركلك فيها ويبختها بيك يا حبيبي ويارب يحل كل مشاكلكم ويفك كل العقد بينكم ويجمعكم ويزود الحب في قلوبكم ومتبعدوش تاني ابداا ويرزقم الذريه الصالحه ويخليكم ويديمكم لبعض سند يا حبيبي
ادم دموعه نزلت بحزن واكمل اللهم امين يارب تعرفي انتي عملتي اللي الفلوس متعرفش تعمله انتي دعيتيلي من قلبك ودي بلدنياا كلها لان لما يحصل كلامك انا مش عايز الفلوس ولا هتهمني ساعتها هو بس كان تحدي اني هوصل ونجحت
الست بحب باين عليك بتحبها اوي والله يبختها بيك وان جوزها معروف كده وبيجي علي الشاشه ودايما بشوفك وانت بتتكرم وانت كنت قد التحدي يا حبيبي يسلم اللي رباك وعلمك اهي دي الخلفه اللي تشرف صحيح
سيف خبط
ادم ادخل
سيف الاوضه جهزت يا دكتور
ادم هز راسه بتمام وباس راسها واكمل تسلمي يا غاليه يلا بقي قومي اجهزي علشان اوضه العمليات جهزت
———————————————–
في بيت تاليا
تاليا مبسوطه وطايره من الفرح وجابت هي ومنه فنجان شكله رائع محفور في ارضيته انا حامل وجمبها قلب احمر وقالت هتحط لعمر القهوه فيه وتسيبه يتفاجئ في اخره ودخلت بحماس وابتسامه بس اتصدمت لما لقيت عمر قاعد علي الكنبه ووشه للارض ولما شافها رفع وشه واكمل بهدوء مخيف نورتي
تاليا بتوتر عمر والله انا
عمر قام وقف ومسك دراعها واكمل بحده كنتي فين يا تاليا وازاي تنزلي من ورااايا وبرن عليكي مش بتردي
تاليا بدموع هقولك والله
عمر بعصبيه تقولي ايه وزفت ايه من امتي بتنزلي من ورااايا انتي اتجننتي
تاليا بعياط يا عمر انا تعبت اوي ضغطي وطي ومنه كانت هنا خدتني ونزلت جري للدكتوره في الصيدليه ومتاخرتش علي فكره وقولتلها كلمي عمر قوليله قالتلي نطمن عليكي الاول انتي في ايه ولا ايه
عمر نفخ واكمل بحده ومكلمتيش اهلي ليه هو ينفع مراتي تتعب وانا معرفش وتنزل من ورايا وتروح وتيجي اجي اتفاجئ ان البيت فاضي هو معلش انتي لو اتصلتي بيا مكنتش هاجي جري اوديكي للدكتوره
تاليا حضنته واكملت بالله ماتنكد عليا انا اسفه والله يا حبيبي ومش هكررها تاني بس والله تعبت اوي وكان غصب عني انت عارف متجوزاك اربع سنين امتي نزلت من وراك
عمر بضيق طيب يا تاليا خلاص
تاليا بحزن لا والله ماتزعل مني حقك عليا يا عمر والله وباست خده
عمر ابتسم واكمل علي اساس بقي اضعف وكده
تاليا بابتسامه مش عارفه شوف انت بقي
عمر مسح دموعها اللي علي خدها وباس جبينها واكمل سلامتك يا حبيبتي المهم الدكتوره قالتلك ايه
تاليا بحب ضغطي عادي يا حبيبي منتا عارف بيتعبني
عمر باس ايديها واكمل سلامتك يا روحي ويلا جهزي الغدا علشان هنطلع لماما فوق داليا وعبدالله جايين انهارده
تاليا بفرح ده اسر واحشني قد الدنيا بجد
عمر بحب اه والله بجد
تاليا اغير واعمل الاكل وجايه ها
عمر دخل وراها الاوضه واكمل هاخد انا شاور لحد ماتخلصي
تاليا بحب ماشي يا قلبي
عمر شد وسطها ليه واكمل بحب مالك نازله قلبي وحبيبي ومودك رايك خير يا حبيبتي
تاليا ضحكت واكملت هو علشان بحب فيك يبقي في حاجه اخص عليك
عمر بضحك ربنا يهديكي يا توتي الا صحيح كنت عايز اقولك حاجه
تاليا قول ياروحي
عمر وهو بيشدها ليه اكمل بحب واحشتيني اوي وطول اليوم بفكر فيكي
تاليا ضحكت بتوتر واكملت عمر اتلم عايزين نخلص علشان نطلع للناس
عمر بحب طب وفيها ايه محنا هنطلع بردو
تاليا بضحك عمر بجد مش هينفع اوعي ورايحه تفلت شدها واكمل بضحك ليه بس
تاليا همست تعبانه
عمر تعبانه ازاي يعني
تاليا بضحك انت عارف ازاي
عمر فهم واكمل بضحك لا كدابه مش انهارده
تاليا بضحك يخربيتك انت مركز معايا
عمر بحب هو لو مركزتش معاكي اركز مع مين يا قمرر انت
تاليا ابتسمت بحب واكملت طب سبني دلوقتي ووعد مش هتندم هحضرلك مفاجاه قمررر
عمر بضحك هتبهريني يعني ?
تاليا بضحك هبهرك ايه ياباشا احنا عدينا الليفل ده
عمر سابها واكمل بضحك اما نشوف
ودخل ياخد شاور وتاليا غيرت ولبست قميص احمر حماالات قصير وفردت شعرها وحطت روج احمر وكانت قمر وراحت حضرت الغدا والقهوه بس صفيتها علشان الكلمه اخر الكوبايه تبان وطلعت رصتهم علي السفره
عمر من وراها صفر باعجاب واكمل بحب انا شكلي هتصل بعبدالله اقوله مع نفسكم ومحدش يخبط عليا
تاليا ضحكت واكملت اتلم يا عمر وتعالي كل
عمر راح شدها ليه واكمل بحب اتلم ازاي وانتي قمر قدامي كده مش منطقي يعني
تاليا ابتسمت بحب واكملت يلا ناكل علشان نطلع ونشوف اخويا لما يجي. هاا
عمر برفعه حاجب لا مش طالع انا هخليني في بيتي انا عايز افضل مع مراتي
تاليا بضحك طب هنشوف الحوار ده بعد الاكل
عمر وهو بيقعد اكمل بضحك طيب ليه التقل طيب مانتي جيالي من نفسك زي القمر اهو
تاليا قعدت جمبه وابتدت تاكل واكملت بحب يلا بس كل بسرعه علشان عايزاك في موضوع
عمر بحب ايه يا قلبي
تاليا بحب انت مستعجل ليه بعد الاكل
عمر بحب عنيا بعد الاكل مفيش مشاكل كده كده السهره طويله ومش طالعين لحد
تاليا بضحك والله صعبان عليا طموحك
عمر بضحك ليه انشاء الله ??? ولا انتي لسه مصممه منا كشفتك انك مش تعبانه
تاليا بضحك طب كل يلا
عمر بدا ياكل وخلصوا اكل وتاليا قامت شالته وراحت قعدت جمبه قدام الشاشه وهما بيشربوا القهوه
عمر بحب هو تسلم ايديك يا حبيبتي وزي الفل وكل حاجه بس مالها خفيفه شويه ليه كده
تاليا بضحك منا رميت القهوه اللي بتترسب تحت دي قولت علشان تشرب علطول
عمر بضحك انتي بتخترعي ??? منك لله يا تاليا بس معلش انا اللي استاهل مش هقولك اعملي قهوه تاني يا حبيبتي وشرب واكمل شايله همي اوي قال تشرب علطول قال
تاليا بضحك تصدق نا غلطانه
عمر بحب لا يا قلبي تشكري مش غلطانه بس استمحيكي عزرا متفكريش تاني
تاليا ضحكت واكملت هتندم علي كلامك ده بس الصبر
عمر وهو بيشرب اكمل بضحك لا يا قلبي وعلي ايه زي القمر اهي وطعمها فل تعالي بس في حضني انتي بعيده كده ليه
تاليا راحت قعدت في حضنه واكملت بحب اهو ولا تزعل اديني جيت يا عمر
عمر بضحك عارفه عليكي واحده عمر كل مره بتقوليها بحب اسمي
تاليا ضحكت واكملت بطل رومانسيه ها مش هتفيد
عمر بضحك اخص عليكي فكراني بعاملك برومانسيه علشان خاطر كده والله انتي مش سالكه
تاليا بحب يابني انت اسمك ده قمر كفايه انه علي اسم احلي راجل كان بيتكلم بلعدل وثم انه فيه ميزه تانيه عجباني
عمر بحب اممم ابهريني
تاليا بحب منه مثلا كانت بتقول لادم دومي لما بتحب تحط ياء الملكيه انما انا بتبقي عموري وعمري شايف يعني بحبك وبدلعك في نفس الوقت
عمر ضحك واكمل والله عمر ..عموري .. عمري انتي اي حاجه منك سكر وقرب باسها برقه
تاليا بضحك اتلم
عمر بضحك وهو بيشرب اخر شويه اكمل الله هو انا عملت حا وسكت بصدمه وفضل باصص للكوبايه بصدمه وذهول وبص لتاليا وهو بيحرك راسه ببطئ ناحيتها بس عينه علي الكلمه واكمل بدموع وصوت مهزوز ايه .. ايه ده انتي …انتي بتهزري صح
تاليا بحب ودموع لا بجد انا حامل يا عمر
عمر اتصدم بشده واكمل بدموع فرح تاليا ركزي بس معايا حامل ?? حامل ازاي يعني ?? وعرفتي ازاي اصلا ?? انتي
وعيط بشده واكمل والمصحف انتي بتتكلمي جد ?? يعني .. يعني انتي حامل ?? وانا .. انا هبقي اب ??? تاليا لو مقلب مش هسامحك والمصحف ??
تاليا بدموع فرح وحياتك عندي حامل يا حبيبي هو انا ههزر في حاجه زي دي وفي تؤام كمان
عمر اتصدم واكمل بدموع غزيره والمصحف ??? والمصحف بتتكملي جد ?? حامل وفي تؤام كمان ?? لالاالا بجد انتي ازاي ?? لالا مش مستوعب وسكت بذهول لثواني واكمل بدموع فرح يا تاليا متهزريش ابوس ايدك انتي بجد حامل وفي تؤام !!! ومسك راسه واكمل بدموع فرح لالالا انا مش مصدق والله مش قادر اصدق تعالي ننزل نتاكد حالا يلا وبيشد ايديها
تاليا بدموع فرح انا متعبتش من الضغط يا عمر انا رجعت وتعبت ومنه ودتني لريهام وشوفت بعيني في السونار حامل في اتنين اومال هعرف منين انهم تؤام يا حبيبي ركز كذه اكيد مش مجرد تيست قال انهم اتنين وبقالي شهر وكنت مذهوله زيك كده بلظبط
عمر بعياط اااه ياربي يعني انتي فعلا حامل ??? يعني انا وانتي هنبقي اب وام بعد 8 شهور وحضنها جامد ولف بيها كتيررر اووووي
واكمل وهو بيوقفها علي الارض وحاضنها جامد بدموع فرح الحمدلله والشكر لله الحمدلله بجد اللهم لك الحمد يارب كلام الدنيا كله مش هيفكي شكر ليك يارب وفضل يعيط وهو ضاممها لحضنه واكمل مش قولتلك يا تاليا مش قولتلك اللي بيصبر بينول وانتي ياست البنات محدش صبر قدك تعبتي اكتر واحده شوفتي كل اصحابك واهلك معاهم الا انتي عايشه شايله ذمبي مع اني قولتلك مش فارقلي انت تعبتي فكل حياتك وربك عوضك عوض كبير عوض يتعجب منه اهل السما والارض قولتلك يا تاليا اللي شق البحر لموسي وخلي العذرا تلد هيقدر يديكي طفل بس نصبر شويه وانتي يا نورعيني صبرتي وكنتي قويه ومداكيش واحد بس لا ده اتنين وضحك بدموع واكمل لالا انا عايز اشوفهم في السونار يلا ننزل تاني
تاليا بدموع فرح استني جبتلك الصوره وحضنته واكملت بعياط من الفرح صدقت يا عمر صدقت يا قلبي وكلامك حصل وعوضي وفرحني اكتر من اي وقت كان ممكن ييجي فيه جيه لما رضيت فرضاني اداني زوج اي بنت تحلم بيه ومفيش منه ولا في حنيته وطلبت من ربنا اشيل ابن منك راح قالي هيبقي اتنين مش واحد بس اصبري وصبرت ونولت وعايزه اقول للعالم كله انا نصيبي حلو اوووي اووي رغم كل وجعه اللي عشته وان مهما يكون في تعب في حياتكم ثقوا ان العوض علي قد التعب بلظبط انا لما اتيتمت واخويا باعني لقيتك الاب والاخ والصاحب والحبيب وعيبت نفسك قدامي انك مش بتخلف لاجل متحسسنيش بلذمب تجاهك واستحملت اللي محدش يستحمله واكتفيت بيا ربنا رضانا يا عمر ربنا رضانا وفرحنا انا مش قادره صادق لحد دلوقتي
عمر حضنها جامد واكمل بدموع فرح من يوم ماشوفتك وانا ااتمنيتك تكوني حلالي ومكنش فارق معايا غير اني اخدك ورائي متغيرش لما عرفت بتعبك لاني بحبك من غير شروط يا تاليا انا بحبك وهفضل احبك يا اجمل مامي في الدنيا
تاليا بعياط بجد بحبك كلمه قليله علي اللي جوايا ليك تخيل يا عمر تخيل ان هيجي اتنين يقولك بابا وانا ماما وضحكت بدموع واكملت انا مش قادره استوعب لدلوقتي اني حققت حلم عشت احلم بيه ليل نهار اني اشيل حته منك
عمر حضنها وباس راسها واكمل بحب ودموع الحمدلله يا قلبي وبصلها واكمل تاليا ارجوكي متتحركيش لا ترويق ولا اكل ولا غيره
تاليا ازاي يعني يا حبيبي اومال مين هيعمل
عمر انا هقول لداليا تيجي كل يوم تساعدك وماما تقعد معانا ويعملوا الاكل وانا هساعدهم انما انتي مش هتتحركي وده امر مفيهوش نقاش
تاليا لا ياعمر امك تفهمها انك بتريحني انا وتتعبها ميصحش
عمر بحب باس ايديها واكمل حبيبتي ماما نفسها هتقولي كده وبعدين ماكنت قاعده هنا وطبخت معاكي وروقتوا سوا قالت ايه يعني وهي مش هتبقي لوحدها انا معاهم
تاليا بضحك هتروق وتطبخ انت
عمر بحب اه هروق واطبخ مش مهم مش مهم اي حاجه وانا هعملك كل حاجه اي ان كانت اي هي و اتعبلك 8 شهور واخدمك ما انتي شيلاني فوق راسك 4 سنين يا ست البنات المهم بس حبايب قلب بابا يجوا بالف خير وطي باس بطنها بحب ودموعه نزلت وقام باس جبينها واكمل بحب وريني السونار عايز اشوفه
تاليا راحت جابته وهي بتبتسم وادتهوله
عمر لما شافه دموعه نزلت من الفرح وشدها لحضنه واكمل بحب ودموع مبااارك يا ست البنات مبااارك
تاليا بحب ودموع الله يبارك فيك يا نورعيني وبصتله واكملت شوفت بقي ليه محطتش القهوه علشان كانت هتترسب في الكوبايه والكلمه مش هتبان
عمر ضحك من بين دموعه واكمل لو علي كده اعملي قهوه خفيفه علطول دي اجمل قهوه اشربها في حياتي وبجد حاجه جامده جداا بجد فكرتها تحفه انا جالي زي انهيار عصبي اللي هو ده حقيقي طب ازاي اكيد لا فاهمه تشتيت بطريقه غريبه بصي هو احساس مش هعرف اوصفه بس انا طاير بجد يا تاليا طااير وضحك واكمل اتاريكي واثقه اني مش هقربلك
تاليا حضنته واكملت ضحك اه بصراحه علشان كده واكلمت بحب ودموع يارب يجعلني سبب في سعادتك طول العمر يا عمر
عمر بحب طول عمرك سبب سعادتي ووجودك جمبي لوحده سعاده وباس ايديها واكمل بضحك ومش مهم خلاص هحترم نفسي الفتره دي الاهم تقومي بالف خير هنستحمل علشانهم الكام شهر دول
تاليا بضحك ده غصب عنك كده كده
عمر بحب مقدرش اتكلم فعلا غصب عني المهم عندي هما يكونوا بخير
تاليا بحب انا بجد برغم كل اللي في حياتي الا اني اختارت الراجل الصح
عمر بحب وانا اختارت ست البنات كلهم وابتسم واكمل اي رايك نصلي سوا جماعه نشكر ربنا
تاليا بفرح يلا بينا فعلا لازم
عمر مسك ايديها ودخلوا يتوضوا ويصلوا
———————————————-
في بيت مالك
مالك جيه هو وسليم وساره
ساره دخلت ولما شافت ستها جريت عليها
ساميه بفرح وهي بتشيلها حبيبي حبيبي ياااناااس كنتي واحشاني خالص وباستها في خدها كتير وهي حضناها
ساره بحب وانتي اكتر يا تيته
ابراهيم بضحك هي بس يا ست ساره
ساره نزلت وجريت عليه واكملت بحب لا وانت كمان واحشتني خاالص
ابراهيم باس خدها بحب واكمل قمرايه يخليكي لينا يارب ايه السكر ده
مالك بتنهيده انا قولت لزفت ده انك هتودي ساره معايا وخلصنا اقطعي علاقتك بيه بقي ممكن
منه حاضر يا مالك والله انا في نيتي مفيش حاجه
مالك والله عارف بس معلش ريحيني
منه حاضر والله خلاص
جيسي بصراخ سلييييم هدومك اللي رميتها علي الانتريه دي هي دي النضافه
ساميه بضحك نسخه من مالك في قله ادبه وهو صغير
جيسي بجد ده هيشلني يخربيت الصبيان علي اللي عيزاهم
سليم طلع وهو لابس شورت وتشيرت واكمل انا نازل العب كوره مع ساره
مالك مفيش الكلام ده اقعد هنا مفيش لعب تحت
سليم بحزن ياباابا علشان خاطري
مالك بحده ماقولت لا لحسن تقع تتعور
ساره بحب وحياه خالتو جيسي يا عمو وافق مش هنطلع برا والله هنفضل تحت بس وهنقفل باب البيت خالص
كلهم فضلوا يضحكوا فاكملت منه بضحك معرفش بتجيب الكلام ده منين بجد
ساميه بضحك لا وعارفه نقطه ضعفه
مالك ضحك واكمل طب اقول ايه طيب
سليم وهو بيطبطب علي صدره اكمل علشان خاطري وافق بقي يا بابا
ساره راحتله واكملت وطي
مالك ضحك وهو عارف انه هيتثبت واكمل ها خير يا ست ساره
ساره باست خده واكملت بحب بليز وافق ممكن لو مش ممكن خلاص
جيسي بضحك بصي البت ثبتته تثبيته انا مبعملهاش
منه بضحك خليتك ضعفت اهو
مالك شالها واكمل بضحك هو عندنا بنوته غيرها فكل العيله الاميره بتاعتي دي وباس خدها بحب واكمل بضحك انا فعلا ضعفت فانزلوا بس اقفلوا باب العماره
سليم بفرح حاضر يلا يا ساره
مالك بتحذير قسما بالله تطلع ولا تطلع بنت عمك ليلتك هتبقي سودا
سليم لالا متخافش والله مش هنطلع
جيسي روحوا بس متتاخروش علشان الواجب اللي عليكم
ساره بحب حاضر وبصت لمنة واكملت لما نروح خليني اكلم بابي اقوله علي حاجه في الحضانه مهمه خالص
منه ابتسمت بحزن واكملت عنيا يا حبيبتي روحي
ساميه بحزن عمر مش كده
منه بدموع ايوه
جيسي حضنتها ودموعها نزلت واكلمت حقك عليا يا نورعيني اهدي اهدي علشان بنتك
ساره دخلت واكملت مامي لميلي شعري واستغربت واكملت بحزن بتعيطي ليه هو بابي زعلك
منه مسحت دموعها واكملت بحب لا يا قلبي هو ادم يقدر يزعلني منتي عارفه بيحبنا قد ايه
ساره بضحك انا اكتر ولا انتي
منه ابتسمت بحزن واكملت انا متأكده انك انتي الاغلي
كلهم بصوا بحزن عليهم فاكملت ساره بضحك وانا بردو بحبك بس بحب بابي اكتر
كلهم ضحكوا علي كلامها فاكملت منه بضحك اخص عليكي وعلي اللي ربيتك ومع ذلك مش هلومك اللي خلي امك بتعشقه انتي مش هتحبيه
ساره بضحك باستها واكملت مامي انا بحبك بس هو مش بشوفه فاهمه فعلشان كده بحبه وبيواحشني اكتر انما انتي بردو قلبي اوعي تزعلي
منه ضحكت واكملت والله ده انتي اللي قلبي
مالك بضحك بلسااانين والله جيل مش طبيعي
ساميه بحزن ياريته يجي يشوف بنته بتعشقه قد ايه
جيسي بحزن اقرب وقت باذن الله
ساره بحب اه هو وعدني هيجي عيد ميلادي الجاي وهيفضل معايا وانا هبقي زيه دكتوره واساعد المرضي ونسافر سوا ونسيب مامي بس مش كتير هنيجي لها كل شويه هو قالي كده
ابراهيم بحب وهتبقي اجمل دكتوره في الدنيا
ساره ابتسمت بفرح واكملت شكرا يا جدو
ابراهيم بحب والله انتي قلب جدو من جوه
ماالك بضحك بس ليه حاسس منة مرات ابوكي مش امك مش حرام عليكي لما ادم يرجع تاخديه انتي وتسافري وتسيبوا ماما
ساره بضحك ماهي مش دكتوره زينا وبعدين انا هتجوز بابي وهفضل معاه علطول انا بحبه اووي
منه برفعه حاجب نعم ياختي تتجوزي مين
ساره بضحك بابي علشان قمر اوي
جيسي بضحك حتي بنتك بتعاكسه طب هو ينفع واحده تتجوز باباها يا سوسا
ساره بطفوله اه احسن ماتقعد ما واحد غريب متعرفوش اما ده بابي
كلهم فضلوا يضحكوا فاكملت منه بضحك ريحي يا ساره انا مش هدي جوزي لحد
ساره بضحك عادي احنا الاتنين
ساميه بضحك وانتي مين قالك ينفع اتنين
ساره بتلقائيه عمو مالك قالي ينفع اتنين واربعه
مالك بهمس وضحك اه يا بنت الكلب بتلبسيني
جيسي بحده نعم نهااارك اسود وانت تقولها كده بمناسبه ايه ومسكت السكينه اللي علي تربيزه واكملت بضحك مالك اتلم احسنلك ابقي فكر بس
ساره حطت ايديها علي بوقها واكملت بضحك دي عايزه تموت عمو وفضلت تضحك واكملت مامي لما بابي يتجوزني متعمليش كده هزعل منك
مالك فضل يضحك واكمل سامعه البت بتقول ايه خليتي منظري خرا قدامها عيب يا حبيبتي اتلمي وشيلي السكينه انا قولتلها علشان كانت بتتفرج معايا علي مسلسل فيه كده فقولتلها عادي انما عيب عليكي هو اللي يتجوز مجنونه زيك يفكر في غيرها اكيد لا
جيسي بضحك ايه مجنونه انا سمعت صح
مالك بضحك لا طبعا يا عمري بقولك اللي يتجوز قمر زيك فهمتي ايه بس
جيسي بضحك لا قولت مجنونه قال ايه يا ساره
ساره بهمس وهي بتضحك لمالك وكلهم سامعينها بس عاملين نفسهم مش واخدين بالهم اكملت عمو انت لسه قايل انك قولت زي القمر مش مجنونه صح
مالك فضل يضحك وهز راسع ب اه فاكملت ساره بضحك قال زي القمر
كلهم فضلوا يضحكوا فاكملت منه بضحك الا مالك عندها تخاف عليه اوي
جيسي بضحك خلاص هصدقك يا سوسا وحطت السكينه علي جمب واكلمت مش هكلمه
ساره ضحكت بفرح وراحت حضنت رجليه لانها صغيره خالص
مالك ابتسم بحب كبير وشالها وباس خدها واكمل بحب والله العظيم فعلا طلعاله في كل حاجه حتي في حنيته علي الكل دي
ساره بضحك لبابي صح
مالك بحب اه صح مش انتي اصلا شبه بابي
ساره بضحك بلظبط
منه بضحك اضحكي ياختي اضحكي انا اصلا مكنتش عايزاكي شبهي
ساميه بضحك زيه فكل حاجه الا طوله اللسان. ادم كان ساكت طول الوقت وبيتكسف يتكلم
جيسي يضحك بيتكسف اه يجي يشوف ابن اخوه اسكتي يا ماما الجيل اتغير خالص
سليم يا ساااره يلا صحابنا جم من بدري وانتي قولتي هتعملي شعرك وجايه الجيم هيضيع علينا
ساره حاضر نزلني يا عمو
مالك ضحك ونزلها
فاكملت ساره هقولهم اخر حاجه عارف يا عمو انهارده بنت في الحضانه قالتلي كلمه عيب وانا قولت للميس قالتلي دي كلمه عيب متكلميهاش تاني
منه اتصدمت فاكمل مالك بحده لمنه والله كويس بجد اني نقلتها شايفه اختيارتك يا مرات اخويا قال كلمه عيب مودينهم يتعلموا ولا يتشتموا بقله الادب ويسمعوها وهز راسه بيأس ومنه اتحرجت من كلاامه ووطي لمستواها واكمل ايه يا قلبي هي الكلمه العيب
ساره مش هتزعقلي
مالك بضحك لالا امتي عمو مالك زعقلك قولي
ساره قالتلي يا كلبه وحطت ايديها علي بوقها بسرعه
فكلهم فصلوا ضحك عليها فاكمل مالك بضحك نعم !!!! قالتلك يا كلبه ده هي اللي كلبه وبنت كلبه ولا تزعلي يا قلب عمو وحضنها
منه بضحك لا بس الحضانه وحشه صح واختياراتي غلط وفضلت تضحك
مالك بضحك خليني منظري عسل قدام امك وانا عمال أنأنب في ضميرها قال بس جدعه حبيبت عمو احنا منقولش الكلام ده وباس خدها
جيسي بضحك البت دي متربيه 3 مرات ايه ده يا منه اومال لو شوفتي سليم ياختاي
ساميه بضحك والله عسل يلا روحي يا قلب تيته العبي
ساره نزلت علي تحت فاكلمت منه بصوت مسموع خلي بالك لتقعي
ساره حاضر يا ماما
——————————————-
في بيت حاتم
حاتم دخل ومعاه كيس مليان حلويات وشكولاته وشاف شهد قاعده بتقشر البطاطس ومربعه علي الكنبه فاكمل فين ملوكه قلب بابا
شهد بضحك طب قول مساء الخير كل يوم تجري علي ملوكه
حاتم بضحك دي قلبي دي بعد الساعات علشان اجيلها
ملك جات تجري لما سمعت صوته حضنته فاهو شالها بحب واكمل قلب بابا اللي كانت واحشااه يا ناس
ملك بفرح جبتلي حاجات حلوه
حاتم قعد وخدها علي رجله واكمل اهو ياست البنات مليان كل حاجه بتحبيها
ملك سقفت بفرح وخدت الكيس وباست حاتم واكملت بفرح شكراا بجد يا بابا
حاتم باسها خدها بحب واكمل العفو يا قلب بابا انتي
شهد برفعه حاجب اه وانا يعني فين
حاتم بضحك ياك صغيره انتي علي الحاجات الحلوه
شهد بضحك بقي كده طب طلقني
حاتم بضحك نعم اعمل ايه
شهد بضحك طلقني يا حاتم علشان انت خاين ومش هامك غير ملك وانا مبقتش افرق دلوقتي
حاتم عنيا هقوم اخد شاور واجي اطلقك
شهد بضحك لا طلقني الاول هااا
حاتم بضحك بت انتي مبلبعه ايه علي المسا
ملك ضحكت واكملت علشان جبتلي انا بس مامي بتغير وكل يوم تقول كده
شهد بضحك اه بغير اشمعنا هي تجبلها حاجات حلوه كل يوم وتيجي تجري علي اوضتها هي مراتك ولا ايه
حاتم بحب ياخواتي هو انا. اطول تبقي مراتي قمر كده وباس خد ملك واكمل بحب دي مراتي التانيه دي مش كده يا ملوكه
ملك بضحك اه كده
شهد بقي كده طب طلقني بقي
حاتم بضحك حاضر عنيا
شهد بضحك مبهزرش انت اصلا خاين بتخوني قدام عيني وبجح كمان ايه هو ده
حاتم بضحك مع بنتك مش كده
شهد بضحك لو سمحت اي ان كان دي خيانه انت كنت بتيجي تجري تحضني تقولي واحشتيني دلوقتي كل يوم اكلمت بسخريه وهي بتقلد حاتم فين ملوكه قلب بابا
حاتم فضل بضحك واكمل بغمز بلذمه انا قمر كده
شهد ابتسمت واكملت خلاص ردني
حاتم بضحك ملحقتش اطلق للاسف خليها يوم تاني كده كده كل يوم بسمع منك طلقني دي
شهد بضحك طب تصدق طلقني بقي
حاتم بضحك شهد روحي وانتي
شهد ايوه قول
حاتم بحب روح قلبي
شهد بضحك خلاص مسامحه انهارده بس بكره لو مجبتش ليا معاها هتطلقني
ملك بهمس متجبش
حاتم فضل يضحك واكمل ضرتك فعلا مش بنتك
شهد بضحك والله انتي ماتربيتي اصلا
حاتم فضل يضحك واكمل اللي ملوكه تقوله يحصل
شهد يعني مش هتجبلي ?
حاتم بحب انا رائي نجيب لشهد بكره حاجات حلوه معاكي زي امك بردو
ملك فضلت تضحك واكلمت خلاص ماشي
حاتم بضحك شايفه البت حنينه ازاي وافقت اجبلك
شهد بضحك اممم طالعه لابوها حنينه تشكري ياست ملوكه انك وافقتي جوزي يجبلي حاجه معاكي وقامت تعمل الاكل
حاتم بضحك اتلمي وملكيش دعوه بابوها علشان مقوملكيش
شهد بضحك لالا خلاص خليك و غير لحد مااحضر ااعشا يا حاتم
حاتم بحب حاضر قايم
—————————————–
بعد شويه مالك وصل منه لحد شقتها
واكمل هنزل انا عايزه حاجه
منه بحب سلامتك يا ابو سولي
مالك فتح لقي طارق في وشه كان في اتجاهو انه يخبط
مالك بحده هو انا مش قولتلك متجيش تخبط عليها ولا انت مبتفهمش
طارق انا عارف انك هنا فجيت لاني عايزك انت
مالك بستغراب وعايزني انا في ايه
طارق بص حواليه واكمل يستحسن جوه بلاش علي الباب
منه كانت مستغربه هيعوزوا في ايه
مالك بضيق اتفضل قول اللي عندك وامشي وبص لمنه واكمل خشي جوه ومتطلعيش
منه هزت راسها بحاضر وشالت ساره ودخلت بلفعل
طارق قعد واكمل بص يا استاذ مالك من غير لف كتير ودروران انا مبحبش كده ولا دي طريقتي انا كل اللي اعرفه عن مدام منة ان بينها وبين اخوك مصانع الحداد يمكن معرفش اي نوع الخلاف بس انفصلوا فانت معلش اي بيضايقك اني بكلمها اما جوزها نفسه رميها
مالك بحده ازاي يعني هو انت عبيط ولا ايه هو علشان انفصلوا عن بعض واخويا سافر يبقي مفيش حد يحكم بيته ويغير علي اهله ولا ايه دي اختي ومحدش يبصلها وبلنسبه لبنت اخويا كتر الف خيرك بس انا هشيل مسئوليها
طارق بتنهيده اهدي بس الكلام اخد وعطي انا من ساعه ماجيت هنا ومشوفتش جوزها ده جيه خالص لان اكيد علاقتهم انتهت كلياا وانا وحيد وهي وحيده فمعانا بنتين صغيررين عمر بعض فكنت جاي اقولك حاول متدخلش لان دي كانت مرات اخوك حاليا لا وسيبها تعيش يمكن ربنا يعوضها واكون انا العوض ده وانا مش فارق معايا انها مطلقه فعايز اتجوزها
مالك بعصبيه تتجوز مين ياجدع انت …انت اتجننت
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب غير مشروط)
