رواية حب غير مشروط الفصل الثالث والأربعون 43 بقلم لولا
رواية حب غير مشروط الجزء الثالث والأربعون
رواية حب غير مشروط البارت الثالث والأربعون
رواية حب غير مشروط الحلقة الثالثة والأربعون
مالك بعصبيه تتجوز مين ياجدع انت .. انت اتجننت
طارق بحده بنعرف نعلي صوتنا علي فكره ولو حاطط عينك عليها قولها صريحه انما انت راجل غريب جداا وبتتدخل في حياتها معرفش هي بتسكتلك ليه يمكن لان منة طيبه اوي وبعدين انت مالك بللي كانت مرات اخوك يا جدع عيب دي زي اختك يعني مفروض تحرم عليك لو انت صاين للعيش والملح
مالك مسكه من هدومه واكمل بعصبيه انت مجنون يا جدع انت ولا ايه هي كل الناس وس*خه زيك وضربه بلبوكس وقعه بقوه علي الترييزه الازاز بتاعت الانتريه فاتكسرت واكمل بعصبيه منه مراااات اخوياا ولحد دلوقتي مراااته ومطلقوش وهو شغاال برا ومش بيجي انما لسه علي ذمته انت اللي راجل ناقص ومش كويس بس معلش زي ماقولتلك انا هلم اللي لينا وهمنعها حتي تصبح عليك وانت يا ابن الكلب اايااااك اعرف انك هوبت ناحيه باب بيتها بس …. وعزه وجلال الله همسكك وافضل اضربك لحد ما ااموتك خالص ومش هيهمني وقوم غور امشي بكرامتك بدل ما امشيك من غيرهااا
طارق قام بوجع من ضهره اللي اتخبط في الازاز واكمل بوجع متجوزه ازاي يعني منه ..منه لسه مطلقتش ??
مالك مسكه من قميصه واكمل بعصبيه ده انت واقف ترغي وشكلك مصمم تمشي من غير كرامتك اااه ياروح امك مطلقتش ومش هطلق وبتعشق جوزها واقسم بالله العظيم اعملها عااادي انت لسه متعرفنيش ومتعرفش اللي يبص بس بعينه علي اهل بيتي انا اعمل فيه ايه وحياه ابني اقلعهاله بس هكتفي المره دي بلفت نظرك انما المره الجايه هدخل فيك السجن وانا راضي عن نفسي عادي وزقه بقوه ضربه في الحيط
منه طلعت وشافت وشه المورم واكملت بخوف يانهار اسود حصل ايه يا مالك
مالك بعصبيه انا مش قولتلك خشششي جوووه
منه اتخضت واكملت حاضر والله بس صوتكم عالي اوي
مالك بعصبيه ملكيش انتي دعووه وبعدين سؤال بس تعالي هنا قبل ماتدخلي
منه راحتله فمسك ايديها الشمال رفعها واكمل بحده يعني ناقص ووسخ واتربيت عليهم تمام انما حتي اعمي ومش شايف دبلتها
طارق بوجع انا فاكرها لابساها عادي اصل مفيش واحد مش هيجي لمراته كل ده
مالك بعصبيه لا يا شيخ طب تصدق انت لو كنت قولتلي مخدتش بالي كنت هرحمك انما كده لا وانت اصلا تركز معاها ليه وبص لمنه واكمل جوه انتي
منه بخوف طب فهمني في ايه يا مالك ميصحش كده
مالك بعصبيه انا قولت جووووه متفهميش ادخلي وبس واطلعي لما اقولك
منه هزت راسها واكملت بخوف حاضر ودخلت
طارق بحده لو سمحت سبني
مالك بضحك اسيبك اييه ده انت لسه مضايفتش يا راجل عيب بردو احنا بنعمل مع الضيوف الواجب ده الرسول وصي علي سابع جار وضربه بلبوكس اقوي من المره الاول لدرجه اتخبط في الحيط فاكمل مالك بعصبيه بس اكيد مش الجيران اللي زيك لان دي واحده ست والمفروض من نفسك ودينك بيقولك تغض بصرك عنها بس اقول لمين اشكال زباله صحيح بدل ماتغض بصرك بتاكلها بعنيك … اسمع يا جدع انت مرات اخويا ولا تبصلها ولا تركز عليها حتي تفاصيلها تلبس دبل ولا غيره ميخصكش ومتبصش نهااائي ولا تلمح طرفها ومسك فكه بقوه واكمل بعصبيه لو شوفت خيالها بس بص في الارض ومتنطقش حتي اسمها علي لسانك ووالله العظيم وغلاوه مراتي وابني مش هعديهالك لو وقفت اتكلمت مع منه تاني ولو هي كلمتك دي بقي مرات اخويا وانا في غيابه احكمها بمعرفتي
طارق بحده مليش دعوه بحد واوعي خليني اغور من هنا انا معرفش انها لسه علي ذمه اخوك وقولت اننا نبقي اسره علشان عيالنا
مالك بعصبيه مسكه من هدومه واكمل يا جدع متخلنيش امد ايدي عليييك انت مبلبع ايه علي المساااا قال اسره قااال انت شكلك مش هتعديها انهارده غير لما اكسرك خالص ولا ايه ??? بقولك ايه انا مش فاايق لاهلك راجل ناقص صحيح هي علشان طيبه وبتتعامل بحسن نيه تبصلها بس ده لا عااش ولا كااان اللي يبص لمرات اخويااا وانا بس نفسي تجرب تكلمها تاني اقسم بالله .. اقسم بالله كمان مره مش هيبقي ضرب كده بس لا هسيبك تكتشف بنفسك وزقه واكمل بحده غور يلا
طارق بعصبيه انا اقدر اقدم فيك بلاغ واوديك في ستين داهيه علي ضربك ليا
مالك قعد وحط راجل علي رجل واكمل بضحك اللي تقدر تعمله اعمله انا عايزك تجيب اخرك علي الاااخر اديني قاعد مستني وبص في ساعته واكمل بس معلش يا طروقه الوقت اتاخر وعنوان بيتي مع منه بلغ ومستنيك بكره وشاور علي الباب بايده واكمل بحده برااا
طارق بعصبيه اقسم بالله انا مش هسكت غير علشان خاطر منه وانك من اهل جوزها
مالك قام ضربه بلرجل بعصبيه خبطه في الباب واكمل انا قولتلك متنطقش اسمهاااا ولا لييك علااااقه بيهاااا يا حيووووان
طارق بعصبيه تمااام تماااام اوووي كده وخرج وقفل الباب بعصبيه
ومالك قعد وهو متعصب جدا
منه خرجت واكملت بتوتر هو في ايه يا مالك
مالك بعصبيه تسمحي متتكلميش مع الاشكاااال الوس*خه دي تاااني علشان يااااما حذرتك وقولتلك بلاااش يا منة بلاش بس ازاي تسمعي الكلاااام كل الناس عندك طيبه مش كده بجد
منه بدموع مش هكلمه والله بس انا عملت ايه طيب والله ماقصدي حاجه
مالك قام وقف قدامها واكمل بتنهيده منة انا مش بقولك كده علشان تعيطي انا مش قصدي اعلي صوتي عليكي بس انتي مرات اخويا يا منه وخايف عليكي فاهمه يعني ايه مرات اخويا يعني اختي ومن اهل بيتي وانا لما سمعته بيقولي ابعد عنك علشان يتجوزك فور دمي بصراحه وفشيت كل غلي فيه
منه بصدمه ودموع ي ايه يتجوزني! !!!!! هو عبيط ولا ايه
مالك بتنهيده ما ده اللي انا قولتهولك من الاول بس انتي لا شايفه كله ملايكه يامنه احنا شباب زي بعض ونظرته ليكي من اول سنه قولتلك مش مريحاني وانتي مش مقتنعه واكمل بسخريه وصلت بلبيه انه يقولي انت بتبص لمرات اخوك هما مش اطلقوا ابعد عنها وانا هتجوزها يمكن انا عوضها قال وااكمل بغل اه يا ابن الكلب انت والله لولاش هتسجن كنت مش هقومه منها تاني
منه بصدمه ودموع ده مجنون هو ايه الكلام ده هو فاكرك بتبصلي وانا مطلقه ده شكله اتجنن رسمي لالالا انا هقطع علقتي بيه هي ناقصه قرف انا متجوزه وحتي لو ادم بعيد انا مسحمش لنفسي اكلم حد زباله زي ده ونظرته ليا كده وليا راجل اصون عرضه في غيابه وبصتله واكملت بدموع والله يا مالك مش في نيتي كل ده ربنا يعلم انا برغم بعد ادم عني ووجعي الا اني عمري مافكر في راجل غيره ولا اقول مثلا اصله راميني وادور برا علي دوا لجروحي لان مفيش غير حضن ادم اللي هيشفي جروحي ويرود روحي ليا من تاني
مالك مسح دموعها واكمل بحب والله انا عارف اهدي متعيطيش اانا واثق فيكي من غير حلفان انتي طيبه خالص واللي زيك مش موجودين الزمن ده بس علي قد ماهي ميزه هي عيب في نفس الوقت لان اللي حواليكي بيستغل ده وادم مسافر عارف سايب راجل وراه مش مجرد ست ويابخته بيكي وبحبك ليه اصيله طول عمرك يا منه وتربيتك لساره اكبر مثال
منه بحب تسلم بجد يا مالك وشكرت انك فهمتني
مالك بحب يا هبله احنا عشره وبص في ساعته واكمل المهم انا هروح دلوقتي الوقت اتاخر خالص وبكره هاجي اخد سوسا ها وانتي اقفلي الباب لما امشي بلقفل وبلمفتاح واياكي تفتحيله لو خبط متفتحيش ومتكلميهوش يا منه انا قولتله انا هعرف احكم علي اللي ليا اما نشوف اديكي عرفتي ناوياه
منه هزت راسها بتمام واكملت حاضر والله عنيا
مالك تسلم عنيكي .. سوسا نامت
منه بحب لا بتاخد شاور في البانيو
مالك بحب سلميلي عليها وتصبحي علي خير
منه بحب وانت من اهله يارب
وخرج مالك وقفل واكمل اعملي زي ماقولتلك
منة حاضر اهو وقفلت الباب بلمفتاح والقفل مالك سمع كده تنهد بارتياح ونزل
في الحمام عند منه
ساره هو عمو مالك مشي
منه بحب اه لسه ماشي
ساره بضيق مش قولتلك يا مامي خليه يستني اسلم عليه
منه بحب هو كده كده هيجي كل يوم ياخدك وهتشوفيه
ساره بمرح هروح مع سليم صح
منه بحب اه صح يلا اطلعي بقي كفايه كده
وطلعتها من الحمام ولبستها شورت وتيشرت حماله واكملت بحب هنعمل ناكل وعلي النوم هاا
ساره بحب ونشوف الصور
منه بابتسامه ونشوف الصور
ودخلت منه وساره معاها واكملت خليكي لحد ما اقلي السمك وضحكت بخبث
ساره بحزن لاااا يا مامي مش بحبه وفضلت تضرب رجليها علي الارض بغيظ واكملت بحزن انتي عاارفه اني مش بحب السمك ولا شوربه الخضار وعملتي سمك انا مش بحب ريحته اصلااا
منه ضحكت وهي عارفه واكملت اومال عايزه ايه ياسوسا بس
ساره بمرح بليز مكرونه وبانيه بليييز
منه بحب عارفه انتي مصممه توجعي قلبي بس عنيا يا ست ساره انا اصلا عملت كده ومعملتش سمك ولا هعمل شوربه الخضار مش هدخلهم البيت لا انتي ولا ابوكي بتحبوهم
ساره بضحك هو بابي مش بيحب السمك والشوربه زيي
منه هزت راسها ب اه واكملت بحب هو بيحب المكرونه والبانيه وانتي طلعاله بلملي افتكر مره تعب عمل زيك لما كنتي تعبانه قالي لا مش هاكل شورربه حضار غلبني ساعتها وضحكت
ساره بستغراب يعني ايه بلملي
منه ضحكت واكملت يعني بلظبط وافتكرت
فلاااش بااااك
منه بضحك منا قولتلها قبل كده فعلا انك مش بتحب السمك بس بتعشق البانيه والمكرونه
ادم بصلها بحب واكمل والله انا بعشقك انتي
منه طب ايه اعملك شوربه حضار ?
ادم بضيق ابتدينا اكل العيانين بقي
منه بضحك ماكيد مش هعملك مكرونه وبانيه وانت تعبان لازم حاجه خفيفه
ادم لا مباكلش شوربه الخضار اعملي مكرونه وعادي هاكلها
منه يااختااي يا مراري خلاص هتتفقع مرارتي منك بجد ومن تفكيرك
بااااك
وابتسمت بحب وشاالتها حطيتها علي الرخامه وهي بتحضر الصلصله واكملت تعرفي يا ساره بابا مفيش احن منه كان يعيط علي عياط ماما ويفرح لفرحها كان بيحبني لدرجه بيغير خالص لو حد كلمني بس وضحكت واكملت وكان دايما يقولي نفسي في بنت علشان هتطلع صاحبتي وحبيبتي وانا بصراحه غيرت منك وقولتله لا محدش يحبك انت جوزي انا بس وضحكت واكملت بس انتي جيتي زي ما ادم اتمني وشبه بلظبط زي منا اتمنيت علشان تهوني عليا وحدتي. وتخليني شايفه نسخه منه بس علي اصغر وباست خدها واكملت تعرفي يوم ماعرفت اني حامل فيكي وانك في بطني كان اجمل خبر اسمعه في حياتي
ساره ضحكت واكملت وحبيبي انا كمان وصاحبي واكيد بابي فرح بيا اكتر وابتسمت بفرح
منه ابتسمت بوجع واكملت اه اه طبعا فرح اووي ده انتي اميرته العسوله وباست خدها
وشويه ومنه خلصت الاكل وقعدوا اكلوا بعدين دخلوا قعدوا علي السرير ومنه جابت الالبوم اللي جمعته من صور كتير واكملت اهو ياستي تعالي
ساره بمرح جريت في حضنها واتغطوا وفتحوا اول صفحه
ساره بستغراب مين دي وده بابي صح
منه ضحكت واكملت بحب بصي ياستي دي تيته ساره وده جدو سليم مش بابي مش انتي اسمك ساره ادم سليم
ساره هزت راسها ب اه واكملت بس هما مش شعرهم ابيض زي تيته ساميه وجدو ابراهيم واصلا مش بشوفهم ليه هما دكاتره مسافرين
منه ابتسمت بحب واكملت ربنا بيحبهم اوي فسافرو لربنا السما وهما صغيرين فملحقش شعرهم يبيض وجدو سليم كان دكتور انما تيته ساره كانت محاسبه في بنك
ساره بضيق طب وتيته خدت اسمي ليه
منه بضحك هي اللي خدته ده انا سميتك كده علشان بحبها
ساره يعني دي مامت بابا وده باباه
منه بحب اه ايه رايك
ساره بابتسامه حلوه اوي وكمان جدو حلو شبه بابي خالص واكملت بحزن بس هما لما سافروا السما بسرعه بابي فضل لوحده
منه عنيها اتجمعت فيها الدموع وهي بتفتكر معناه ادم واكملت بحب لا تيته ساميه وجدو ابراهيم كانوا معاه وهما اهله بردو
ساره ابتسمت وهزت راسها واكملت بضحك بصي جدو عينه زيك
منه بضحك اه رمادي
ساره بضحك انا زي تيته اورنج
منه فضلت تضحك واكملت ايه لون عينك ايه اورنج ??
ساره اه اورنج او يالو اللي هو اصفر
منه بضحك اسمها عسلي يا قلبي وانتي وبابا وتيته زي بعض
ساره العسل لونه مش اورنج يا مامي
منه بضحك يا قلبي هي اسمها كده عارفه عسل النحل اللي انتي بتقولي مسكر اوي ومش بتحبي تاكليه ده
ساره هزت راسها ب اه فاكملت منه بضحك هو ده بقي نفس لون عينك انتي وبابا
ساره بحب بحبها خالص علشان زي بابا
منه اممم انتي كل حاجه بابا ماشي يا ست ساره
ساره حضنت رقبتها واكملت بحب والله وبحبك اوي يا مامي
منه باست خدها واكملت بحب وانا اكتر
وقلبت كان صور لادم ومنه وهما في كتب الكتاب
سااره بضيق ليه مصورتونيش معاكم
منه بضحك مكنتيش لسه جيتي ده يوم فرحي انا وادم
ساره مامي انا مجتش ليه الفرح
منه ضحكت واكملت تيجي الفرح ازاي احنا مكناش اتجوزنا هنجيبك ازاي يا سوسا يعني
ساره بستغراب مش فاهمه
منه ضحكت واكلمت مش هتفهمي بس المفيد ان لازم نعمل فرح بعدين انتي تيجي
ساره بغضب طفولي انا هقول لباابي اني زعلانه منه علشان مروحتش فرحه هو وانتي ليه لازم بعد الفرح ما كنت اروح عادي
منه فضلت تضحك واكملت ابقي اسألي بابا بقي في دي هو يقولك وقلبت واكملت دول انتي عارفهم
ساره بابتسامه عمو عمر وخالتو تاليا
منه بحب شطوره وفضلت تفرجها علي الصور وهي مبسوطين وبيتكلموا
———————————————-
في بيت سهير الباب خبط
داليا بحب دي اكيد توتي وعمر وقامت فتحت الباب واكملت بفرح حبايبي واحشتوني وحضنت تاليا واكملت بحب عامله ايه ياروحي
تاليا بحب زي الفل يا قلبي
عمر حضنها واكمل بحب حبيبت قلبي ايه اخبارك
داليا بخير يا حبيبي تعالوا يلا
سهير بضحك ما لسه بدري يا سي عمر
عمر بضحك لا المره دي وربنا تاخير سالك متفهموش غلط
تاليا اتكسفت وبصت للارض
عبدالله بضحك ماتلم نفسك يا ابو نسب البت وشها احمر
تاليا ضحكت واكملت ميبقاش عمر لو اتلم
عمر بضحك الله هو انت بقيت بتنفش ريشك علشاان خدت البت لاااا ده انا عمر الله يرحم ماكنت تتحايل تاخدها تخرجوا بس
عبدالله بضحك وكيد كان زمان بقي دلوقتي دي مراتي حبيبت قلبي وباس خدها واكمل مش كده ياروحي
داليا بضحك كده طبعا
سهير بضحك داين تدان هو الدنيا كده يوم ليك ويوم عليك
عمر قعد واكمل بضحك والله لولا فرحان كنت ربيتك علي اختي اللي واخد راحتك معاها قدامي دي
سهير بحب يديم فرحتك يا نن عيني
عبدالله بضحك يا باشا مراااتي اعلقلك صوره القسيمه ولا ايه خدت افراج منك خلاص وارتاحنا
تاليا ضحكت واكملت تستاهل يا عمر غلبته ووريته الويل بصراحه وبصت حواليها واكملت بحب فين اسر
عبدالله نايم جوه
تاليا بحب شويه وصحيهولي واحشني خالص
داليا بحب عيونا يا ست توتي ده الواد اسر ابني ده يتحسد انه عنده عمه قمر كده ومش حربايه
تاليا ضحكت واكملت بحب والله انتي قلبي وبعدين اسر ده ابني مش ابن اخويا بس
عبدالله بحب ابنك يا غاليه طبعا
عمر بابتسامه الا انا عايز اديكم حاجه
سهير بتسغراب اه صح ايه الجواباات اللي في ايدك دي
عمر بضحك هتشوفوا دلوقتي بس محدش يموت من الصدمه انا نبهت
داليا بضحك هيكون فيها ايه يعني ورينا
عمر بحب هو كل واحد ليكم ليه جواب مكتوب في رسااله وهتمسكوها وتفتحوها سوا في وقت واحد
عبدالله بابتسامه وايه المناسبه بقي
تاليا بحب هتعرفوا دلوقتي
عمر قام وزع ال 3 جوابات وكان محتواهم (( مبروك هتبقي اجمل تيته لاحلي تؤام — مبروك هتبقي اجمل عمتو لاحلي تؤام — مبروك هتبقي اجمل خالو لاحلي تؤام ))
داليا بضحك انا اتوترت ايه الجو ده بجد حاجه غريبه اوي
تاليا بحب بصوا لما اعد هتفتحوا في وقت واحد تمام
سهير بضحك تمام يلا علشان متحمسه
عمر بضحك طب يلا 1 -2 -3
كلهم فتحوا فبصوا بصدمه شديده وذهول ومش مصدقين وفضلوا شويه يقروا مش مستوعبين
سهير بصدمه ودموع فرح ايه ده …ايه ده ها عمر متهزرش والنبي يا ابني والنبي ده بجد وفضلت تعيط
داليا بدموع وذهول تاليا انتي … انتي وربنا حاامل في تؤام ????والله بجد حامل
عبدالله بصدمه ودموع ازاي يعني هو .. هو ده حقيقي بجد يا تاليا ودموعه زادت وقام وقف قدامها واكمل بدموع ورحمه ابوكي وامك يا شيخه حامل صح
تاليا بدموع وحب والله حامل وفي تؤام فعلا
سهير بدموع هستريه وفرح لولولولولولولولولولي ياما انت كريم ياااارب الحمدلله اللهم لك الحمد وحضنت عمر وفضلت تعيط واكملت بعياط وفرح مبروك يا قلب امك تستااهل تعبتوا وصبرتوا يابني والله ماقادره اصدق عوض ربنا كبير وكريم حامل واتنين كمان وفضلت تعيط واكملت والله معارفه ادي فرحتي لحد مش قادره هموت من فرحتي ومش قادره اصدق الحمدلله بجد الحمدلله نحمدك ونشكرك علي نعمتك يارب
عمر دموعه نزلت بفرح وباس جبينها واكمل الحمدلله يا امي بجد انا زيك هطير من فرحتي والله ومش قادر استوعب
عبدالله عيط بفرح وشال تاليا ولف بيهاااا كتيير وهو بيبكي ومش قادر يصدق
داليا وهي بتنطط علي الارض من الفرح اكملت بعياط من الفرح يا قلبي يا قلبي انتي والله قولتلك ..قولتللك هتحملي وربنا هيعوضك يا تاليا بس اصبري انا مش قادره اصدق بجد مش مستوعبه الحمدلله يارب وفضلت تعيط
سهير بخوف براحه يا عبدالله علي اختك يابني
عبدالله نزلها وهو حاضنها واكمل بدموع فرح بجد مش عارف اوصف فرحتي انا مش قادره اصدق من الفرح بس ده اجمل خبر سمعته في حياتي ربنا عوضك ياست البنات يا حنينه يااصيله مليون مبروك يا قلب اخوكي مليون مبروك يا اطيب قلب في الدنيااا وفضل يعيط
تاليا بدموع فرح الله يبارك فيك يا عمري
داليا حضنتها واكملت بعياط وفرح يا قلبي انتي والله هموت من فرحتي مش مصدقه بجد وضحكت بدموع واكملت تاليا بجد انتي فعلا هتجبلنا اتنين عسلات كده يااربي بجد همووت من الفرح وعياطها زاد
تاليا حضنتها واكملت بدموع فرح الحمدلله يا قلبي رضيت فا ربنا رضاني
سهير بدموع فرح الا رضيتي يابنتي ده انتي استحملتي اللي مفيش جبل يستحملوا مني ومن غيري وكفايه وجعك قدام نفسك واحساسك بلذمب وانك ظالمه عمر انتي استحملتي اوي يابنتي بجد وعيطت بفرح واكملت والله مافرحت بحملي انا في عيالي قد مافرحانه بيكي يا تاليا مليون حقك عليااا يا حبيبت قلبي
تاليا حضنتها واكملت بدموع فرح يا ماما انتي قلبي والله وعمري مازعل منك ربنا يخليكي لينا يا ست الكل ويديكي طوله العمر وتجوزي عيال عمر
سهير بعياط اشوفهم بس بلدنيااا والله يابنتي
تاليا باست ايديها واكملت بدموع فرح والله فرحتي اضعاف علشان الفرحه اللي في عيونك دي يا غاليه
سهير بدموع فرح ربنا يخليكي لينا يا بنتي ويديمك نعمه في حياتنا وبصي بقي مش هتقومي من مكانك خاالص هتقعدي في سريرك وانا هنزل اقعد معاكي تحت وهخدمك بعيوني بس المهم صحتك انتي يا تاليا اهتمي يابنتي ارجوكي وداليا معلش تيجي كل يوم علشان لو عايزاكي تساعديني في حاجه
داليا بحب عنيا والله هاجي طبعا المهم انتي متتحركيش صح
عمر بحب شوفتي من نفسهم اهو يا تاليا علشان لما قولتلها ماما تنزل وداليا تيجي ويعملوا وانا هساعدهم زعلت وقالتلي لا يا عمر ميصحش
سهير بحب لا يصح يا ست اابنات انتي شايله عيال ابني الوحيد وبعد شوقه فمستحيل تتعبي نفسك في اي حاجه خلاص ده امر محسوم هتفضلي في سريرك لحد ماتولدي علي خير باذن الله
عمر بحب اللهم امين يارب
تاليا بحب بجد ربنا يخليكي ليا انتي وداليا يا ماما وميحرمنيش منكم
سهير بحب ويخليكي لينا ياقلب ماما
داليا حضنت عمر واكملت بحب وفرح الف الف مليون مبروك يا قلب ونورعين اختك
عمر باس جبينها واكمل بحب الله يبارك فيكي يا حبيبت قلبي
عبدالله حضنه واكمل بفرح مبروك يا غالي بجد والله فرحتي بيكم مش عارف اوصفها بكلام
عمر بحب تسلملي يا بودا والله عقبال ماتخاوي اسر يارب
عبدالله بحب تسلم يا حبيبي
سهير بفرح احنا بلمناسبه الحلوه دي نروح نتعشا برا احسن
عمر بحب طب والله فكره يلا بينا
تاليا بحب وفرح اشطا يلا ننزل نلبس
داليا بفرح وحماس بسرعه بس
تاليا وهي نازله اكملت عيوني
—————————————–
في بيت مالك فتح الباب لقي الدنيا هدوء فحط المفتاح علي التربيزه ودخل اوضته لقي جيسي خارجه من الحمام ولابسه البورنص وبتنشف شعرها فاكملت كل ده يا حبيبي
ماالك انتي لسه منمتيش
جيسي بحب مقدرش انام من غيرك بس اي خلاك تتطول كده
مالك قعد واكمل بتنهيده يا شيخه دي حرقه دم ده انا خربتها عند منه
جيسي بقلق ليه كفا الله الشر
مالك الزباله اللي محذرها منه جاي يقولي ابعد عنها هتجوزها قال فاكرها مطلقه
جيسي شهقت واكملت اما راجل مش محترم صحيح
مالك علي نفسه ده عدمته العافيه ونبهتها تكلمه تاني قسما بالله منه تكمله تاني هقلب عليها
جيسي قعدت جمبه واكملت حبيبي منه اكيد مش عايزه تكلموا بس هو كان لازق اوي وهي يعيني مش في نيتها حاجه
مالك بتنهيده اختك طيبه اوي بجد وعلشان كده بيضحك عليها بسهوله
جيسي اه والله نيتها سالكه علطول
مالك اديني قولت اللي عندي وخلصنا المهم كالتي ولا لسه
جيسي تؤ استنيتك
مالك طب وسولي
جيسي بحب اكلت سليم ونيمته طبعا
مالك بحب خلاص قومي حضري وهاتيه هنا ناكل سوا
جيسي بحب ده عيوني لنورعيوني
مالك بص لساعته واكمل بضحك عندي شغل بدري و شكلك هتسهرينا بس يلا مش مشكله
جيسي ضربته في كتفه واكملت اتلم هااا
مالك بضحك روحي بس يلا
جيسي لبست قميص وفوقيه الاسدال ولفته وخرجت تعمل الاكل ومالك دخل ياخد شاور
بعد شويه حضرت العشا ودخلت حطيته علي السرير وقلعت الاسدال وقعدت تستني مالك
مالك خرج وهو لابس بنطلون بيتي وعاري الصدر وبينشف شعره
جيسي حبيبي تتعب علشان بتخفف والصبح تلبس تيشرت وقميص
مالك بضحك انتي عارفه ان انا بعمل كده بقاالي سنين ومبتعبش فمتقلقيش وغمز واكمل بضحك انتي اللي لسه بتتكسفي
جيسي بحرج اي لا طبعا
مالك بضحك طب وحياه ابني لسه بتتكسفي انا عارفك
جيسي بضحك اه فانتا مصمم تكسفني صح
مالك وهو بيسرح شعره اكمل صح
جيسي طب تعالي يلا علشان تاكل
مالك راح قعد قدامها واكمل ما التربيزه اهي ليه السرير يا ام سليم ايه جو الصباحيه ده وغمز واكمل بضحك شكلك عايزه تعيدي الذكريات ولا ايه
جيسي بضحك يااللي مش سالك انت لحد ماقربنا علي سنه كنت محترم انهي ذكريات ولا صابحيه ايه اللي اعيدها هاا
مالك بضحك لا ماهو انتي بتعملي شغل العرايس فتعيدي الذكريات بس اللي هي الذكريات الحقيقيه بقي
جيسي ضحكت واكملت كل واتلم يا مالك
مالك بضحك الا نفسي الواد سولي يبقي عنده اخت او يدخل الجيش انتي ايه رايك في الموضوع ده وغمزلها
جيسي بضحك علي اساس ابوه اللي دخل الجيش اوي يعني انا رايي تاكل وتنام علشان عندك شغل بكره الصبح
مالك بضحك دي اجابه تالته خالص بتفكريني بنفسي ايام زمان في الامتحانات ده يقول أ وده يقول ب وانا اقولهم ج
جيسي بضحك كلنا مش انت بس
مالك حط مخده ورا ضهره ورجع راسه بتعب
جيسي بقلق مالك يا حبيبي
مالك ضهري ورقبتي واجعني اوي اتهديت انهارده
جيسس بحب بعد الاكل هعملهوملك
مالك بضحك تعمليهم ازاي يعني
جيسي بضحك اتقل بس اتقل تاخد حاجه نضيفه
وبعد شويه خلصوا اكل وجيسي قامت شالت الصنيه وراحت وقفت ورا مالك وبقيت تعمله بايديها رقبته
مالك وهو مغمض طب تصدقي بتفهمي يابت يا جيسي مين عمللك الحركه دي
جيسي بضحك حاتم
مالك فتح واكمل بحده ازاي يعني هو الباشا عادي كان بيعملك كده ويحط ايديه علي رقبتك
جيسي بضحك لا انت فهمت ايه هو منه مره كان رقبتها واجعاها راح قالي اعملي كذ كذا بس
مالك اااه اذا كده فتمام ده انا لسه لحد دلوقتي عايز اقتلك علي حضنك ليه ده
جيسي بضحك قلبك ابيض بقي ده اخويا
مالك اتلمي يا جيسي وكملي وانتي ساكته
جيسي وهي بتكمل اكملت بابتسامه طب والله صح اخويا هو انا اتبقالي غيره هو ومنه وحتي ملوكه بتقولي عمتو
مالك بابتسامه علي فكره انا عارف نواياكي ناحيته بقيت ايه من زمان بس انا بغير يا جيسي ومن اي حد مش بستقصد هو يعني
جيسي باست خده واكملت بحب منا عارفه نام علي بطنك بقي
مالك بستغراب ليه
جيسي بضحك يلا بس
مالك عمل كده فاجيسي قامت وقفت علي ضهره فاكمل بوجع اااااه انتي جاموسه يااابت انزلي انزلي الهي يخربيتك علي يخربيت ابوكي ايه اللي بتهببيه ده
جيسي بضحك متأفورش انا كلي 50 كيلو في ايه يا مالك بفكك متبقاش خفيف كده
مالك بوجع خفيف ااه ده انا هطلع عين اهلك بس الصبر يابت انزلي .. انزلي يخربيتك ده انا ابقي ابن كلب لو قولتلك فكي ضهري تاني انزلي انتي تقيله اوي ايه ده عماره واقفه فوقيا
جيسي بضحك اتللم وداست اكتر فاكمل مالك بوجع اقسم بالله اقدر اوقعك واعلمك ازاي تعمليلي كده تاني صح بس صعبانه عليا
جيسي بضحك لا اعملها
مالك قام وهي رايحه تقع لحقها شدها بقيت تحته واكمل بضحك انا مش قولت انزلي بكل احترام ولا هي قله الادب اللي بتنفع
جيسي بضحك خلاص يا مالك خلاص والنبي سماح سبني
مالك بضحك اقسم بالله ابداا انتي جيتي تحت ايدي خلاص وقرب باسها بحب
———————————————-
في بيت حاتم
قاعدين علي السفره بياكلوا فاكملت شهد ملوكه انتي عملتي الهووم ورك بتاعك
ملك اه يا مامي من بدري
حاتم باس راسها واكمل شطوره برافو
ملك بحب امسك وكانت بتمد ليه الاكل فابتسم بفرح وقرب اكل منها واكمل بحب ياخواتي علي القمر والحنيه دي
شهد بضحك هياكل هو لوحده ياختي متخافيش عليه وبعدين متنكرش دي حنيتي انا
حاتم بحب لا منكرش الصراحه انا اللي كنت قاسي شويه
شهد بضحك قصدك شويتين تلاته وتنهدت واكملت اااه كانت ايام سودا نحمد ربنا غارت في داهيه
حاتم بضحك ماخلاص يا شهد ايه بتدروي علي حاجه جديده تقولي بسببها طلقني ولا ايه منا مش فاهم
ملك ليه كان بيحصل ايه مش فاهمه
حاتم بضحك ماما تقصد انها كانت ايام وحشه قبل ما ملوكه تنور انما لما جيتي. كل يوم بيعدي معاكي اجمل من اللي قبله
ملك باست خده بحب
شهد بحب حاتم هفت في مخي اسالك سؤال
حاتم بضحك استر يارب قولي يا اخره صبري
شهد بحب ايه احساسك لو العمر جري بينا وملك هتتجوز بكره
ملك بضيق مش هتجوز واسيب بابي وحضنت حاتم
حاتم فكر شويه دموعه نزلت وحضنها جامد واكمل لالالا دي بنتي دي نورعيني مديهاش لحد خالص ولا تبعد عني
شهد بضحك اومال هتخلل جمبنا يا حاتم ولا ايه طبيعي يعني يا حبيبي هيجي يوم تتجوز
حاتم بدموع تصدقي عمري ماتخيلت ان ممكن اعيش ليوم هي تسبني فيه ده انا اموت بلحيا يا شهد لالالا مش هقدر
شهد بابتسامه طب بتعيط ليه هتعيطني وراك البت لسه في حضانه
حاتم بدموع عارف بس حسيت ان لو ده بيحصل دلوقتي فعلا لا صعبه اوي ياشهد ده انا كده حته من روحي هتبعد عني فمش متخيل بصراحه ويجي واحد معرفش يعاملها ازاي ولا ينيمها معيطه اخاف ربنا يعاقبني في بنتي ويرميها لواحد شبهي وتنام مقهوره وبتعيط كل يوم لالا مش هسمح لأي حد ياخدها واللي هياخدها هطلع عينه قبل ما اوافق ولا بلاش تتجوز خالص احسن لالا بلاش جواز خليها جمبي مش كده يا ملوكه
ملك مسحت دموعه وباست خده واكملت بعياط انا مش همشي واسيبك خاالص متعيطش يا بابي
شهد بحزن وعنيها متجمع فيها الدموع اكملت بص عيطنا علي عياطك ازاي يا حبيبي انت مفيش احن منك واتغيرت وتوبت وربنا احن من انه يوجعك في ملك ده كان ذمبي وانا سامحت
حاتم ابتسم واكمل بحب ربنا يخليكي ليا ياست البنات يابنت الاصول وحبيبت قلبي ونورعيني حبتيني رغم كل ده وغيرتي حياتي وجبتيلي اجمل بنوته و حضن ملك اللي كانت لسه بتعيط واكمل بس بس يا قلبي انا بهزر مش بعيط بجد كفايه عياط ومسح دموعها واكمل بحب والله يا ملك ماعندي اغلي منك انتي وشهد متخيلتش اني ممكن اخلف واحب بنتي بلشكل ده بس انتي نورعيني اللي بشوف بيها والنور اللي نور دنيتي كلها
ملك حضنته واكملت انا بحبك اوي
ملك بحب وانا بموت فيكي
شهد بحزن حقك عليا كمل اكلك البت لسه صغيره خالص واكملت بضحك انا مش عارفه بجيب الهرمونات دي منين
حاتم وهو بياكل اكمل بحزن انا عايش علي امل ان ده لسه بعيد وده حقيقي هو لسه بعيد انما لما يحصل هموت فيها بجد يا شهد
شهد بضحك بعد الشر عليك يا حبيبي متقولش كده
حاتم بضحك خلاص نخاويها علشان يبقي البيت مش فاضي
ملك يعني اي نخاويها
شهد بضحك احترم نفسك مفيش الكلام ده
خاتم باس خدها واكمل يعني يكون ليكي اخ او اخت
ملك سقفت بفرح واكملت اه اانا عايزه كده يا بابي بليييز
حاتم بضحك شهد انتي عارفه اني بضعف قصاد بليز بتاعه ملك
شهد بضحك بس يا حبيبي قال ملك قال
ملك بضيق ربعت ايديها واكملت انا عايزه اخويا مليش دعوه
شهد بضحك ياك في جيبي اخوكي
حاتم ضحك واكمل بحب انتي قولي لربنا انك عايزه نونو وماما هتجبلك علطول
ملك سقفت بفرح واكملت ماشي
شهد ابتسمت بحب واكملت اشوف علشانك يا ملوكه
حاتم برفعه حاجب لا يااا شيخه طب مش فاضي انا اجيب عيال
شهد بضحك انت بتتكبر علي شوش لا لا لا يا روحي ده لا عاش ولا كان
حاتم بضحك تراهنيني اني اتكبر واغلبك عادي
شهد بتحدي موافقه
حاتم بضحك والله ما مريحاني
شهد بضحك لا ملكش دعوه بقي دي حاجه تخصني
واكلو وقامت شالت الاكل واكملت تومي نيم ملك لحد ما اغسل المواعين
حاتم شال ملك واكمل بحب يلا ملوكتي
ملك بنعس يلا
ودخل وفضل جمبها وفضل شويه لحد مانامت خالص وباس خدها وغطاها
ودخل اوضته لقي شهد واقفه قدام المرايا بتسرح شعرها ولابسه قميص حمالات سماوي قصير لقبل الركبه بشويه وفارده شعرها لاخر ضهرها وحاطه روج احمر وميكاب هادي
حاتم بانبهار واعجاب يخربيت امك ايه ده
شهد بابتسامه خبيثه تسلم ياروحي يلا تصبح علي خير ورايحه تنام حاتم شد وسطا ليه واكمل بضحك استني بس ايه الحلاوه دي ده انا كداب وابن كلب ورفعت رايه الاستسلام خلاص كسبتي يا شوش
شهد بضحك يابني عيب عليك قولتلك وبعدين دي اقل حاجه عندي انا مش مأفوره حتي
حاتم بحب لا في دي اشهدلك الصراحه كميه قمر ولطف وقبول غير طبيعي
شهد بضحك وبردو تشهدلي في انك كداب ومتقدرش تتكبر وتتقل علي شوش
حاتم بضحك لا اتقل مين واتكبر ايه انا اصلا وانا صغير كان اسمي حاتم الكداب
شهد فضلت تضحك واكملت تدري ايش
حاتم بضحك ايش
شهد بضحك والله دمك خفيف مش كداب بس
حااتم بضحك منا عارف الا قوليلي يابت يا شهد هو انتي ابوكي الله يرحمه كان مدرس انجليزي ولا ايه
شهد بستغراب لا اشمعنا
حاتم بحب اصلك بيتك الاساسي في الحته الشمال وحط ايديها علي قلبه
شهد فضلت تضحك واكملت بضحك لا شاطر برافو يا تومي عجبتني واكملت بحب طب انت عارف ايه الشبه بينك وبين الشمس
حاتم الشبه ازاي يعني
شهد بحب ان الشمس بتنور الدنيا وانت نورت حياتي
حاتم بحب والله بحبك
شهد بهمس وانا كمان
حاتم ابتسم وشدها ليه وباسها بحب وهي حطت ايديها علي رقبته وتجاوبت معاه بحب
———————————————
في امريكا
في الصالون
رامز بضحك وربنا ما اسيبك الا ماخدها انا حلفت
سالي بضحك رامز اتلم الواد ينزل يشوفك اوعي ورايحه تمشي شدها ليه واكمل بضحك طب انا حلفت يرضيكي حلفاني ينزل الارض
سالي ضربته في كتفه واكملت بضحك منتا قليل الادب والله
رامز بضحك اقسم بالله يابنتي معاكي انتي بس وقرب باسها بحب وهي حطت ايديها علي رقبته في دخول ادم
ادم اتصدم واكمل بحرج وبحده انت يا حيوان انت وهي مش في اوضه فوق ولا هي مغلقه للتحسينات منا مش فاهم
سالي اتنفضت بعيد عنه واكملت بحرج والله هو اللي مش محترم ياادم مش انا عن ..عن اذنكم وطلعت تجري علي فوق
رامز بضحك يا جدع ده انت قطاع ارزاق مؤدب اوي داري وشك واطلع
ادم بضحك ده علي اساس ايه يا حيوان واقف فين انت ده انت واقف في نص الصالون عارف يااالا لو شوفتك مره تاني بتبوس اختي في الصالون ولا غيره هعلقك
رامز بضحك لاااا ياا بطل هو انت علشان بقيت دكتور معروف هتشوف نفسك ده انا المقدم رامز الهواري يعني امسكك انا اعلقك
ادم بضحك جرب
رامز بضحك نفس اللي كنت بتعملوا زمان وكنت بردو بضربك بس بعد كده انت اتعلمت الملاكمه وبقيت فظيع
ادم بضحك ايوه فمتجيش تحت ايدي احسنلك وغمز واكمل لسه البت عايزه تخاوي مارو فهسيبك في حالك بس لو شوفتك كده تاني مش هتصعب عليا
رامز بضحك يا باشا مراتي وبراحتي فكل حته انت اللي قليل الادب علشان فتحت علطول
ادم بضحك فاكركم نمتوا ياللي مشوفتش ربايه واتلم علشان مارو ميشوفكوش هاا
رامز بضحك يا ادم ده هي جات فاجاه كده علشان اختك بطل فا الواحد بيتصرف بتلقائيه يعني حاجه قمر قدامي وحلالي ابعدها عني ليه مثلا
ادم بضحك ياااالا هضربك احترم نفسسسك
رامز بضحك هو انا ممنوع اعاكس مراتي كمان
ادم بضحك عاكس بادبك ومش قدامي
رامز بضحك اقسم بالله ده مبتحلاش المعاكسه الا قدامك
ادم داس علي رجله فتأوه بوجع واكمل ادم بضحك وهو طالع احسن تستاهل
رامز بضحك تشكر يابرو
في اوضه ادم دخل بارهاق وتعب قلع جاكته حطه علي الكنبه ودخل ياخد شاور وخرج فرد جسمه علي السرير وبيفتكر
فلاااااش باااااك
منه فضلت تضحك واكملت اصل احنا نحمل ونتعب وناخد ادويه ومرار وفي الاخر يطلعوا شبهكم كتير الصراحه
ادم برفعه حاجب امممم وانتي بقي عندك اعتراض يا ست منه ان عيالنا يطلعوا شبهي
منه ضحكت ومسكت وشه بين ايديها واكملت بحب هو انا هلاقي اجمل من كده فين يعني طب ده امنيه من امنياتي يطلعوا نسخه منك فكل حاجه
ادم بضحك والله بحبك انتي وكلامك كل مره تثبتيني كده
منه بضحك شوفت بقي
الست بدموع واثقه اومال جيتلك ليه. مشوار … انت حلفت بمراتك وانت بتتكلم يارب يخليهالك يابني وتجيب منها صبيان وبنات شبهك ويخليك ليها يا حبيبي ولو مخلف ربنا يخليهوملك يارب وتشوفهم زيك …. بسم الله مشاء الله قمر قليله عليها ربنا يباركلك فيها ويبختها بيك يا حبيبي ويارب يحل كل مشاكلكم ويفك العقد بينكم ويجمعكم ويزود الحب في قلوبكم ويرزقكم الذريه الصالحه ومتبعدوش تاني ابدااا ويخليكم ويديمكم لبعض سند يا حبيبي
بااااااك
ادم دموعه نزلت بوجع واكمل بجد واحشتيني اوي اوي كلمه واحشتيني ونفسي اضمك كلمه قليله علي اللي جواياا 4 سنين ولا شوفتك ولا حضنتك ولا نمتي في حضني عدوا عليا اربع قرون مش سنين يا منه ياتارا انتي لسه بتحبيني ولالا وتنهد بوجع واكمل ياريت الزمن يرجع واقولك اني فقير من نفسي قبل ماتجرحيني واتعلق بيكي بس مش هقدر اقول ياريت الزمن يرجع ومحبكيش لاني مستحيل افكر بس اني قلبي يملكه غيرك ودموعه زادت واكمل ندمان ندم عمري اني قتلت االي في بطنك مش كان زمانه بيكلمني وبسمع صوتك وانا بكلمه ويمكن بسببه كنا نقدر نحيي الي مات ?? انا غلطت اوي بس بردو صعبه عليكي لوحدك اووف … اللي حصل حصل خلاص كلامي كله مالوش لازمه ومسح دموعه واتصل بعمر
عمر كانوا في المطعم بياكلوا فرد واكمل بحب ايه ياحبيبي عامل ايه يا غالي
ادم بخير يا عمر انت وتاليا عاملين ايه ومنه طمني عليها
عمر بحب لسه كنت بكلمها الصبح زي الفل … بس انا عايز اقولك خبر
ادم بقلق ايه مالها حصلها حاجه
عمر بحب لالا منه زي الفل فعلا اطمن
ادم تنهد برتياح واكمل قول طيب
عمر ابتسم بحب واكمل تاليا حامل في تؤام
ادم بصدمه تاليا مين
عمر بضحك تاليا مراتي يا ادم مالك في ايه
ادم بدموع فرح انت بتتكلم جد وربنا
عمر بحب اه يا حبيبي اللهم لك الحمد بقالها شهر ولسه عارفين اهو
ادم بدموع فرح يانهار ابيض يا منتا كريم يارب الحمدلله الحمدلله بجد اقسملك بالله ياعمر اقسملك كمان مره كل ليله بدعي لتاليا ربنا يكرمها يقوم كرمها يبقي اكبر ويبقوا تؤام ودموعه زادت واكمل بجد الف الف مليون مبروك ياريتك قدامي كنت حضنتك
عمر فرح اوي من فرحه ادم ليه واكمل بدموع فرح تسلم يا غالي والله فرحتك دي بلدنيا
ادم بدموع فرح ده انت متعرفش بجد فرحتني قد ايه يارب علي ده يوم يختم بلخبر ده هات تاليا هاتها اباركلها
عمر بحب حاضر ودخل واكمل ادم عايزك
تاليا طلعت واكملت بضحك طمني عليك عامل ايه ياللي مشرفنا في الخارج
ادم ابتسم بفرح واكمل انا بخير سيبك مني المهم والله العظيم ماقادر اصدق مبروك يا ست البنات وعقبال ماتقومي بالف خير وربنا يسعدك وتفضلي بتضحكي كده. علطول تعبتي وتستاهلي يا ام اطيب قلب في الدنيا عندك رضا وايمان وصبر وصلوكي لكده
تاليا بدموع فرح الحمدلله يا ادم نحمد ربنا
ادم بحب الحمدلله فعلا بجد
تاليا بدموع انت عارف اني مش بعتبرك صاحب او اخو جوزي والجو ده انت عشره 8 سنين يعني اخويا انا وجوز اختي كمان
ادم بوجع عارف يا حبيبتي والله
تاليا بدموع ارجع ارجوك كفايه اللي فاتك يا ادم والله هتندم كل ماقعدتك تتطول كفايه سليم اللي مشوفتوش غير فون وبقي بلسانين وبيتكلم و…. وسكتت واكملت بتوتر وضحك ومنه يا سيدي سايبها 21 بقيت 25 وموزه زي ماهي وانت بنشوفك زي مانتا ولا 28 ولا اتغيرت وبجد وفخورين بيك بس سيبك من كل ده وارجع مش هسامح لو محضرتش ولاده عيالي ده انا جاينلي بعد شوقه وتعب وعايزاكم كلكم
ادم بحب انا واثق ان منه حلوه طول الوقت وعنيا والله هاجي اقرب وقت انا عاقد النيه خلاص ووالله كنت بدعيلك كل يوم الحمدلله انه استجاب
تاليا بدموع وانا كمان بدعيلك انت ومنه ويارب يستجيب
ادم بحزن اللي في الخير يقدمه ربنا … بقولك ايه لو معاكي صوره ليها دلوقتي بسن 25 سنه ابعتيها بسرعه
تاليا ضحكت واكملت حاضر عنيا
ادم تسلم عنيكي يا توتي والف مليون مبروك
تاليا بحب يبارك فيك يارب
ادم تسلمي يارب يلا باي
تاليا باي
وقفلت واختارت صوره لمنه بلدريس اللي ادم كان جايبهولها هديه وبحجابه ومتصوره في جنينه وملامح وشها قريبه وباينه اوي وبعتتها
ادم شاف الصوره انبهر بيها وابتسم واكمل بحب ودموع زي مانتي قمر بل زيدتي حلاوه يخربيتك يعني الفراق حلاكي اكتر يابنت كمال وابتسم وقرب الصوره منه باسها بحب واكمل بدموع مهما ظلمتيني بس حقك عليا لان حتي تاليا بقيت حامل وانتي ابنك مات بسببي انا اسف بجد يا منه اسف يا نورعيني
——————————————
تاني يوم الصبح في بيت مالك
جيسي صحيت وخدت شاور ولبست الاسدال وراحت تصحي سليم
جيسي سولي وباست خده يا سليم قوم
سليم فتح عنيه واكمل ممكن خمس دقايق بس
جيسي بضحك قوم ده ساره جايه معاك انهارده
سليم بفرح صح وقام بسرعه جري علي الحمام
جيسي بضحك قليل الادب زي اللي جابك
وراحت لمالك الاوضه وقعدت جمبه واكملت بحب لوكا .. حبيبي .. وقربت باست خده واكملت وهي بتهزه بخفه يا لوكا قوم
مالك فتح عنيه وابتسم واكمل بحب ده ايه الصباح القمر ده رايقه انهارده
جيسي بضحك علشان تعرف ان لما ابنك مش بيغلبني ببقي حنينه اهو بس مغلبنيش ليه ماهو بتاع بنات افتكر ساره رايحه قام جري
مالك بضحك حقه ساره بنت ادم تتاكل اكل الصراحه حته قمر
جيسي برفعه حاجب ماتتلم دي في دور ابنك
مالك بضحك بنت انتي هبله دي بنتي
جيسي بضيق منا عارفه انا بقول متعكسهاش
مالك بضحك اه شكل هرمونات الهبل حضرت اهو
جيسي قوم يا مالك واخلص يلا يا حبيبي الواد جهز وانت لسه هتاخد شاور
مالك قرب باسها برقه واكمل رايح ياختي رايح محسساني رايح الجنه قوم قوم
ودخل خد شاور ولبس قميص وبنطلون ودخل لجيسي المطبخ حضنها من ضهرها واكمل بحب الا انتي مش بتاخدي موانع صح
جيسي بابتسامه اه
مالك باس خدها واكمل بحب شاطره. سمعتي الكلام اهو
جيسي بضحك بس هتقعد انت بلعيل التاني لما احمل بقي
مالك بحب منا ياما بساعدك عيب عليكي علي فكره
جيسي بضحك اه بتساعدني بتبوسه تصحيه مش بتعرف تعمل حاجه غير انك تبوسه
مالك بضحك وببوس امه كمان عادي جداا وباس خدها
جيسي بضحك اتربي يا مالك انت مش في الاوضه
مالك لفها ليه واكمل بضحك مراتي يعني براحتي في اي حته يعني ايه اتربي مش فاهم هو في واحد بيبقي متربي مع مراته
جيسي ضحكت واكملت بهمس طب امشي عيب
مالك شدها ليه ورايح يبوسها وفي نفس الثانيه دخل سليم واكمل ماما ووقف بصلهم فجيسي زقته بسرعه واكملت بتوتر اي يا حبيبي اي
سليم فضل يضحك وحط ايده علي بوقه ومشي
مالك بضحك يانهار ازرق هو شاف فعلا??
جيسي بحده وهمس ماكله منك وضربته في كتفه
وسمعوا برا
ساميه بضحك بتضحك علي ايه ياواد
ابراهيم امك وابوك فين يا سليم
سليم بضحك بابا حاضنها في المطبخ وفضل يضحك فساميه وابراهيم ضحكوا علي ضحكته
جيسي بصدمه يانهاااار اسوود
مالك بحده اوعي بقي
جيسي بتوتر لالالا اسكت متفضحناش.
مالك طلع واكمل بحده انت ازاي ياحيوان انت تقول كده هااا ينفع نشوف حاجه نروح نقولهاا
ابراهيم بضحك خلاص يا مالك ده عيل صغير ميفهمش
مالك بعصبيه لا فاهم كل حاجه ورايح ناحيته جيسي وقفت بينهم واكملت بتوتر حقك عليا انا والله هربيه وبصت لسليم واكملت اعتذر لبابا حالا
سليم بعياط انا اسف يا بابا والله مكنتش اقصد
ساميه بضحك منتا اللي مهزق بتحضن البت في المطبخ
مالك هي مش بنت الجيران دي مراتي وعادي انما مش العادي انه ينقل كل حاجه يشوفها واكمل بعصبيه اوعي يا جيسي من قدامي علشان متتهانيش معاه
سليم مسك رجلها وفضل يعيط فاكملت جيسي بدموع علشان خاطري خلاص الواد خايف منك يا مالك
مالك بعصبيه انا مش هقول اوعي تاني و100 مره اقولك تربيتي لابني متدخليش فيهاااا
جيسي سابته واكملت بدموع وهي بتوطي لمستواه متخافش بابا مش هيعملك حاجه
مالك بحده تعالي ورايا يا سليم
سليم كان بيعيط ودخل اوضته مع مالك
مالك قعد واكمل ينفع اللي انت عملته ده
سليم هز راسه ب لا وهو بيعيط بخوف
مالك اولا امسح دموعك علشان مفيش راجل بيخاف ويعمل كده
سليم مسح دموعه وهو بيعيط بشهقات
مالك بضحك هو انا بخوف اوي كده
سليم بدموع انا… انا اس اسف يا بابا
مالك حضنه وطبطب عليه واكمل وهو بيبوس راسه بص يا سليم انا وماما واحد يعني ايه يعني لما احضنها او ابوس خدها زي مابعمل معاك عادي هي ربنا اداها ليا تكون حلالي وعادي انما مش عادي مثلا احضن غيرها غير مثلا لو اختي زي عمتو ميرا انما اي حد تاني مينفعش وعيب وحرام اي قرايب مينفعش بس ماما تحديدا لا احنا واحد زي ايديك ورجليك كده ينفع الاتنين يتكسفوا من بعض
سليم هز راسه ب لا
مالك بلظبط وبردو انا وماما واحد وعلشان كده ببقي قريب منها علشان دي هديتي من ربناا .. ربنا قالي يا مالك جيسي هي دي البنت الوحيده اللي هتقدر تحضنها عادي ومش عيب ومش حرام وانت بردو لما تكبر ربنا هيبعتلك بنت واحده تحضنها انما العيب بقي انك لما تشوف ماما وبابا كده وده عادي انهم قريبين لبعض تروح تقول طب ده يصح انك تنقل اصلا اي حاجه تشوفها ??
سليم بحزن مكنتش افهم انا اسف يا بابا
مالك باس جبينه واكمل انا لما بزعقلك ببقي علشان بحبك وعايز اعرفك الصح مش قصدي اخوفك يا سليم انت نورعيني ودنيتي كلها واديني فهمتك بهدوء اي حاجه تشوفها عموما متنقلش عيب
سليم بابتسامه حاضر يابابا
مالك باس ايديه واكمل يلا نجيب سوسا ونروح الحضانه
سليم بمرح يلا
وخرجوا جيسي شافتهم تنهدت بارتياح
مالك بضحك حبيبتي ده ابني اكيد مش همد ايدي عليه ولا هموته بس متدخليش انتي في تربيتي ليه
جيسي بابتسامه حاضر يا حبيبي ووطت باست سليم واكملت بحب باي ياقلبي
سليم بحب باي
———————————————
في بيت منه
ساره ومنه بتربطلها الكوتش اكملت انا مكلمتش بابي
منه بحب لما ترجعي عمو مالك كلمني وقاالي انه جاي خلاص لما تيجي كلميه براحتك
ساره بابتسامه ماشي
ومنه حست بتعب ودوخه فقامت جريت علي الحمام رجعت بتعب
ساره بخوف ماما مالك انتي كل شويه ترجعي
منه وهي بتغسل وشها وحاطه ايديها علي دماغها المصدعه اكملت بتعب مفيش يا سوسا انا كويسه
ساره بحزن لا انتي امبارح بليل بردو تعبتي واول امبارح وقبليه كتير
منه بحب اهدي متزعليش مش انا كشفت والدكتوره قالتلي هتقولي النتيجه انهارده
ساره هزت راسها ب اه
منه بحب بس فاهنشوف المهم متجبيش سيره لحد يا ساره
ساره بحب حاضر
والباب خبط فتحت منه
ساره بفرح عمو مالك
مالك وطي لمستواها حضنها وقام وقف واكمل بحب حبيبت عمو مالك وباس خدها واكمل يلا بينا وبص لمنه واكمل اقفلي علي نفسك ومتفتحيش لحد
منه. بابتسامه حاضر والله
ساره قربني من مامي
مالك قرب فباست خدها واكلمت باي
منه ابتسمت بحب واكملت باي ياروحي
مالك يلا سلام خلي بالك من نفسك عوزتي حاجه قوليلي
منه بحب حاضر تسلم
ودخلت وقفلت وفونها رن
منه الو يا دكتوره
اادكتوره ممكن تجيلي يا منه
منه بقلق هو في حاجه ولا ايه
الدكتوره تعالي بس وانا هفهمك
منه بقلق حاضر هلبس وجايه وقامت لبست دريس ولفت الحجاب ونزلت ركبت عربيتها وراحت العياده
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب غير مشروط)
