رواية بعت نفسي الفصل المائة وسبعة 107 بقلم نسرين

رواية بعت نفسي الجزء المائة وسبعة

رواية بعت نفسي البارت المائة وسبعة

رواية بعت نفسي الحلقة المائة وسبعة

**أدهم حبيبتي مافيش كرامة بين الراجل ومراتو احنا ضروفنا صعبة وفي أولاد بينا يعني لا أنا أفكر في نفسي ولا أنت كمان
لازم نفكر في أولادنا اللي اتعذبو بسببنا
هنا مليكه كانت بتعيط لأن كلام أختها وجعها أوى
**ادهم ماقدرش أشوفك بتتعذبي كدا أنت حتى مش قابله إني أحضنك أنت مش عايزة تقربي مني، ولا تخليني قريب منك
أنا فكرت أعزم أهلك علشان تفرحي وقولت أقربك من أختك وتتصالحو بس ماكنتش متوقع أنها تقول ليكي إنو ما عنديكيش كرامة
حبيبتي كرامتك من كرامتي
يبقى أنا كمان معنديش كرامة وأنا شايفك مش طايقاني وأنا بقرب منك وحاسس بي رفضك ليا بس لا أنا بحبك من غير أنك أم أولادي أنت اول حب ليا أنت الست اللي غيرتي نظرتي على الستات كلها حافضل طول عمري اعتذر منك على كل حاجة عملتها وحشة فيكي
**مليكه ياريت الاعتذار يقدر يمسح ذكرياتي الوحشة
طلعت من حضنه
ومسحت دموعها
**مليكه أدهم أنا مش قادره أقرب منك ماقدرش
**أدهم حاسس بيكي بس ازاي زمان ..
**مليكه من غير ما تكمل أرجوك زمان كنت بخاف منك ممنوع اقولك لا بس دلوقتي لا ماقدرش أعيش حاجه وحشه معاك
**أدهم ياه يعني قربك مني وحش عمرك ما حسيتي بحاجة كويسه بينا؟؟ لا يا مليكة مش كل ليالينا كانت وحشه احنا كنا سعداء مع بعض عشنا مشاعر بينا صعب تتوصف مليكه ماتفكريش بس في الوحش في حاجات حلوة بصي على الصور دي
بتنطق، وتقول إننا كنا مبسوطين
أنت خايفه تضعفي قدامي وخايفه إني لسه وحش وخايفه ارجع اعذبك واهانيك، وأضربك ودا مستحيل لأني والله العظيم ورحمة أخويا وابويا وأمي أتعالجت
الدكتور لسه موجود، ولسه بروح عندو انا مش مكسوف اقولك أني كنت تعبان نفسي دا أصعب مرض هو المرض النفسي كبرت في جو وحش اهلي ماتو وأنا صغير واخويا الصغير كمان كان ممكن انا كمان اموت معاهم بس جدي مخلانيش أروح
عارفة إحساسي أية اتيتمت، وبعدها جدتي تعبت وماتت
وطول عمري أسمع أمي خاينه، وكملت عليا غادة بس متخافيش انتقمت منها على اللي عملتو فينا هي السبب في الحادثة اللي حصلت لينا
مليكه كانت بتسمع ليه وهي شايفة دموع في عنيه
*مليكه ازاي هي السبب؟؟
*أدهم سحبها وقعد على الكنبه
لما عملنا الحادثة اتتفتحت التحقيقات، واتهامتها وفضل التحقيق شغال لحد ما اتمسكت في بيت للدعارة، وأخذت 15 سنة سجن لانو لاقو عندها شيكات من غير رصيد وتزوير وبلاوي سوده
بس كنت ورا الموضوع،
ولسه حسابي مع عصمت حتى لو عمتي بس ظلمتني فرقتنا، واتهمتك آه يا مليكة لو تعرفي اتعذبت قد إيه

وحياتك عندي مش حاسيبها يا تدخل السجن يا تغور بره مصر عند أهلها، حتى لو جدي رحيم بحبها، ودا أكبر عقاب ليه على اللي عملوا هو كمان أنا مش مسامحو أنك جيتي، وطردك
كل حاجه بخطط ليها، وحارجع عمامي وأولادهم لازم عيله الشرقاوي ترجع لازم، ولادي يكبرو في جو عائلي لو حصل ليا حاجة يلاقو سند
أنا طول السنين دي وأنا بشتغل و بحفر الصخر علشان ابقى رجل أعمال ليه وزنوا فاكره لما قولت ليا عايزاك تبقي رجل أعمال مشهور وابقا فخورة أني كنت مراتك أهو أنت لسه مراتي إن شاء الله الأسبوع الجاي افتتاح مصنع كبير، وحاعمل مؤتمر صحفي، واعترف بيكي وبي أولادي وحاكون فخور جدا أنك مراتي
مليكة أنت حلويتي آوى أنت ست يفتخر بها أي راجل تكون على ذمته
**مليكه و كامليا ؟؟
**أدهم دي بلوة حياتي مش عارف أعمل معاها إيه انا بظلمها لأني مش حاعدل بينكم في المشاعر والحب ماقدرش أديها حقها الشرعي
تصدقي بالله عمري ما كانت ليا رغبة فيها وهي كانت عارفة وكانت بتديني منشط يا في العصير يا الأكل شايفة إني عايش مع شياطين أمها دي مصيبة وحدها وهي معندهاش شخصية حاكلم جدي عايز أطلقها
**مليكه وبنتك ؟
**أدهم حاخودها بي الاتفاق معاها
**مليكه بس مش عايزاك تطلقها بسببي وبعدين انا حارماك من حقك وهي اكيد حاتفرح …
**ادهم بلاش تكملي في كلام مالوش معنى انتي مش حارماني من حقي؛ لأننا متفقين وانا وراضي ماتحسيش بي الذنب وحتى لو طلقتها مش حاتفرق سيبك من الموضوع دا يوم ما قلبك يسامحني وأنت تسامحي نفسك ساعتها موضوع تاني
في الوقت نفسه
في غرفة كان ياسين ومريم وعبد الرحمن
**عبد الرحمن قوليلي أعمل فيكي إيه؟؟ عايزة من أختك إيه؟؟
** سهي انتو مالكم معايا !؟
**مريم أنت زوديتيها ازاي تقولي أختك معندكيش كرامة
**ياسين هي عندها حق فعلا مليكه معندهاش كرامة لأنها ضيعتها علي وحده أنانية ناكرة الجميل
أنت يا بت عايزة إيه؟؟
أختك تعبت عليكي لحد ما كبرت واشتغلتي بسببها باقيتي تلبسي كويس و حايبقا ليكي مستقبل
خفي علي أختك هي مش ناقصة
**مريم لا دا هي قالت ليها ليه جوزك ما يشتريش لينا شقة بره الحارة
**عبد الرحمن مش ملزوم بينا، ورغم كده دفع الديون كلها اللي كانت علينا، واشترا الشقة اللي احنا فيها
**ياسين وناوي يفرشها بكره عايز ياخد مليكه معرض الأثاث
علشان الفيلا اللي حاتنقل فيها اللي بتقولي عليها معندهاش كرامة
رجعت ليه بشروطها أختك الكرامة اللي عندها ماعنديكيش منها واحد جرام يالي عايزاه يجيب ليكي شقه هي حاتسيب ليه القصر بكل اللي فيه، وتعيش مع أولادها في الفيلا اللي تابعه القصر يبقى عندها كرامة ولا معندهاش وبعدين أنت مالك بيها سيبي أختك في حالها أقسم بالله لو كنت عارف إنك حاتزعليها ما كنتش جيبتك لازم تعتذري منها
*سهي انا عايزاها تفضل معانا في القاهرة
**ياسين ماينفعش جوزها هنا وعايز أولادو يتربوا في حضنه الموضوع دا يتقفل هنا و اياكي تضايقي أختك وأنت لازم تتحملي مسؤوليتك عايزة شغالة جيبيها أنت مش شغالة وبتقبضي كويس وانسي مليكه
يلا يا عبد الرحمن نغير
وهما طالعين كان أدهم واقف عند الباب
*أدهم بعد إذنكم ممكن أكلم سهي؟
* ياسين معلش احنا اسفين هي بتعمل كده علشان مليكه ترجع تعيش معاها سهى مندفعه بس بتحب أختها أوى طريقتها اللي غلط هي تعتبر أمها برضو الفراق صعب
**أدهم انا فاهم بس محتاج أكلمها
**ياسين ماشي خبط الباب دخل سهى جوز أختك عايز يكلمك وعمل حركة بي إيدو أنها تهدأ
مريم كانت عايزة تطلع
*ادهم لا خليكي انتو كمان انا مش حاقول حاجة سر
بصي يا سها انا فاهم إنك متعلقة بي مليكه وهي كمان علشان كده أي كلمة منك بتوجعها أختك في فترة علاج نفسي علشان الحالة اللي بتجيلها فا هي حساسة جدا جدا والفترة دي مهمة أوي لنفسيتها حتى انا مش بضغط عليها علشان كده حاتنقل الفيلا تعيش فيها من غير ستريس وترتاح ارجوكي يا سهي أجلي أي عتاب ليها وبلاش موضوع الكرامة اللي عملتو زمان علشانكم دلوقتي بتعملو علشان أولادها عن إذنكم
في جناح كامليا
وهي بتكلم أمها
**كامليا أنت مش عارفة اللي حصل دا جدي ضربني قدام الناس البيئة
**عصمت لا لا الموضوع دا ما يتسكتش عليه انا حاتصرف كويس القصر مليان
**كامليا حاتعملي أية؟؟
**عصمت مش حاقولك نفذي الخطة اللي قولتلك عليها
**كامليا لما أشوف الوقت المناسب
يلا سلام
الرجالة ابتدت تلعب كورة في جو كلو هزار ولعب
ورحيم كان قاعد بيتفرج، وبيضحك
ونزل عم محمد قعد معاه
**رحيم شكرا يا راجل يا طيب على اللي عملتو مع مليكه وأحفادي
**عم محمد الحمدالله البنت تستاهل وكمان دا تدبير ربنا مين قال انا اللي ألاقيها وتعيش معانا
معلش يا رحيم باشا مش ناوي تقول لي أدهم على تعبك
**رحيم بلاش باشا ومش عايز هو عندو بلاوي كثيرة ومشاكل مش عايز أزود همو بس يخلص من المشاكل دي، ويوقف على رجليه واطمن عليه عندو افتتاح المصنع الأسبوع اللي جاي والصحافة مش سايباه في حالو
** عم محمد ربنا يعينوا خلصوا لعب وكل واحد. طلع يغير وياخد شاور،
واتفقوا يعملوا مشاوي في الجنينة
علي بليل الكل قاعد
**سناء مليكه عايزاكي في موضوع
**مليكه قولي يا حبيبتي
**سناء انا عارفة أن ياسين بحبك جدا وعايزاكي تكلميه في موضوع الخلفة انا نفسي أبقا أم قوليلو أني عايزة أعمل تلقيح صناعي
**,مليكه والله مش عارفة لأن الموضوع حساس، وأخاف أتكلم فيه بصي انا فاهمة وجهة نظروا هو عايزك ترتاحي
**سناء حارتاح لما أولد هو من حقو يبقى أب والله حسيت حز في نفسوا لما يشوف أخوه الصغير مراتو حامل
**مليكه حاضر حبيبتي
هنا كان داخل شريف و مراتو
**أدهم أهلا وسهلا نورتونا
**هناء مليكه فين؟؟؟
مليكة شافتها وراحت عندها
وحضنو بعض
**هناء وحشتيني يا مليكة
**مليكه وانت كمان
**هناء لا يا شيخة دا انا اسوء ذكري ليكي
*أدهم ادخل بسرعة إيه يا هناء هو دا كلام يتقال برضو
*هناء آسفة والله ماتزعليش يا مليكه
أولادك فين؟؟
مليكه ندهت عليهم، وسلموا عليهم
*هناء دول ولادي آدم وسلمي
أولاد قعدوا يلعبوا مع بعض
في جو عائل
ي
لحد ما جات عصمت
دخلت زي الثور الهايج
*عصمت بابي عايزاك في المكتب
*رحيم الناس اللي بتدخل بتقول سلام عليكم
*عصمت ضحكت بي استهزاء
انا عصمت الشرقاوي أسلم على دول
*أدهم وقف اطلعي بره
*عصمت أنت مين اللي تقولي اطلعي أية نسيت نفسك ولا أية؟ خليك مع الشحاتة بتاعتك وأهلها وسايب مراتك بنت الحسب والنسب تعبانة وقاعد هنا
**رحيم عايزة إيه يا عصمت؟!؟!
*عصمت عايزة حقي وحق بنتي وحق أحفادي
**رحيم حقك اخدتيه من زمان، ولسه بتاخدي فيه الحق اللي مش عايز يخلص وأحفاد ايه دا شكلك اتجننتي
*عصمت لا يا رحيم انا ما اتجننتش انا عارفة بقول إيه كامليا حامل، وكانت عاملاها مفاجئة ليكم بس للأسف أنت كسرت بخاطر حفيدتك اللي كانت عايزة تيجي عندي أروح معاها الدكتورة
**أدهم أنت بتقولي إيه ؟؟
**عصمت بقول الحقيقة لا وكمان بتساومها علي الطلاق، وتاخد بنتك وأنت يا رحيم هانت عليك حفيدتك بسهولة دي
هنا كانت كامليا محظره شنطة ونازله
*كامليا مامي،
وراحت حضنتها
شوفتي يا مامي جدي بيتفق عليا معاه علشان يطلقني
*أدهم أية تمثيلية جديدة دي
*كامليا طلقني يا أدهم وحاخد بنتي
ملك اول ما سمعت كده راحت تجري على مليكه حضنتها تحت صدمة الكل
*ملك أنت وعدتنيي ماحدش يعرف سرنا ماتخلينيش أروح معاهم