رواية بعت نفسي الفصل المائة وثمانية 108 بقلم نسرين

رواية بعت نفسي الجزء المائة وثمانية

رواية بعت نفسي البارت المائة وثمانية

رواية بعت نفسي الحلقة المائة وثمانية

**مليكة متخافيش يا حبيبتي
هنا عصمت راحت عند مليكه عايزة تاخد ملك
بس ملك صرخت بصوت عالي
**ملك ابعدي عنيييي
وفي الوقت نفسه ماسكة في مليكه، وعملت حمام علي مليكه
وبتصرخ
**مليكه ابعدي عنها من فضلك
عصمت كانت عايزة تضرب مليكه
راح ادهم مسكها
**ادهم اياكي تقربي من مراتي وبنتي
**عصمت البنت بنتنا حاتروح معايا
** ملك لا مليكه ماتسبنيش
أدهم بحاول يبعد عصمت
**ادهم بنتي مش عايزاكي
مليكه قربت من أدهم
**مليكه اديني بليزر بتاعك أغطي ملك
ادهم فهم شال بليزر، وغطا ملك
مليكه قامت عايزة تطلع
**عصمت رايحة بي البنت فين؟؟
**مليكه حاطلع وأنزلها
** عصمت أيه يا رحيم حاتخلي الشحاتة تاخد حفيدتي
**أكرم كفاية يا عصمت سيبي البنت مع مليكه لاقت فيها الحب والحنية اللي انت وبنتك ماتعرفوهاش
أدهم طلق كامليا أحسن ليك طالما هي طالبة الطلاق
**عصمت أنت بتقول إيه ازاي عايز يطلق بنتي وهي حامل
**كامليا خلاص يا ماما أنا عايزة أطلق
**عصمت اسكتي أنت خالص
**كامليا أنا تعبت من كل حاجة ملك عايزة تفضل مع مليكه تاخدها أنا مابقتش عايزة حاجة
**عصمت قربت منها، وضربتها بي القلم على وجها اخرصي
كامليا قعدت على أقرب كرسي،
وافتكرت قبل ساعات الاتفاق بينها وبين أكرم
********* فلاش باك**********
كامليا لما شافت ادهم دخل جناح رحيم وقفت تلمع أوكر زي ما بيقولوا
وسمعت
ادهم بقول لجدو
**أدهم جدي بالله عليك ما توقفش في طريقي أنا عايز أطلق كامليا أنا بظلمها وعمري ما أعدل بينهم لأن قلبي وروحي مع مليكه وكامليا، واقفة في طريقي علشان مليكه تسامحني
وكمان أنا مش مرتاح معاها وكفاية اكتشفت أنها ضحكت عليا ومكانتش بنت بنوت
وكانت حامل ونزلتو، ويمكن أنت كمان كنت عارف وضحكت عليا
*رحيم ما تظلمنيش يا أدهم أنا ماعرفش كل دا
*أدهم للأسف مابقاش عندي ثقة فيك يا جدي لأنك شوفتني بتعذب وسكت أنا مش حسامحك يا جدي وكامليا حاطلقها أنا شاكك فيها بتخوني من الأحسن أن أطلقها علشان لو لقيت دليل خيانتها ليا ممكن اقتلها أو اسجنها وبنتي حا خودها منها
**رحيم سامحني يا بني لو غلطت في حقك
*أدهم خلصني من حفيدتك
هنا كامليا طلعت الجنينة تجري واتصلت بي أمها حكت ليها
لما لفت كان أكرم ورآها
**كامليا خضتني هو أنت بتراقبني؟؟
*أكرم حاجة زي كده أكيد سمعت كلام أدهم أنو يطلقك صح؟؟
*كامليا صح بس دا بعدو
*أكرم بصي حاجيبها ليكي من الآخر اطلبي الطلاق من أدهم والا حافضحك أنت ومصطفى كل فيديوهاتك وصورك عندي تحبي أدهم يشوفهم؟؟
*كامليا اثوترت أنت بتقول إيه صور آية وفيديوهات إيه ومين مصطفى دا؟
*أكرم عشيقك اتفرجي وفتح ليها فيديو
*كامليا دا كدب والله
*أكرم أقسم بالله ماقدرتش افتح الفيديو لأنك في الآخر بنت عمتي عرضي وشرفي ياما اتكلمت معاكي زمان بس أنت بتكرهيني ماعرفش ليه أنا عايز أساعدك و أساعد ادهم لو شاف الفيديوهات دي حايقتلك
*كامليا والله أنا ضحية هو بينتقم مني مش عارفة ليه ماكنتش في الوعي بتاعي
*أكرم كلو ذنب أمك الحقي نفسك يا كامليا اطلقي منو
*كامليا وبنتي؟!؟!
*أكرم مش حانضحك على بعض أنت أصلا مش بتهتمي بيها، ولا عارفة عنها حاجة سيبيها لمليكه على الأقل بنتك بتحبها وسافري ابعدي عن أمك روحي عند اخواتك اتعرفي عليهم ممكن تلاقي صدر حنين عند مرات أبوكي
**كامليا أنت حا تفضحني؟؟
**أكرم أنا مش عايز أعمل كده وخايف عليكي من أدهم لو سافرت عند اخواتك مصطفى دا مش حا يعمل معاكي حاجة
**كامليا اللي انت بتقوله مش سهل
**أكرم اسمعي كلامي عن اذنك
صحيت من سرحنها على صوت أمها وهي بتصرخ
**عصمت ايه يا بابا حاتخلي حفيدك يطلق بنتي وهي حامل ؟؟
مليكه هنا طلعت ووراها أدهم
دخلت بسرعة ملك تعمل ليها شاور،
وطلعت عند أدهم جيب هدوم ملك من فضلك، واطلع علشان الإحراج
أدهم راح بسرعة جاب الهدوم، وفضل مستنيهم بره
مليكه عملت شاور مع ملك اللي كانت بتعيط
**مليكه ليه بتعيطي ؟؟
**ملك أنا بكرهه تيتة وماما
**مليكه عيب يا ملك تقولي الكلام دا انت بنت حلوة مش لازم تتكلمي كده على ماما
خلصوا ولبسوا هدومهم
وفتحوا الباب
كان أدهم واقف
مليكه لبست فستان طويل في الأسود
**ملك بابي مش عايزة أمشي مع تيتا وماما أوعى تسيبني
**ادهم متخافيش يا حبيبتي مش حاسيبك
مليكه قولتي ايه؟؟
**مليكه في ايه؟؟
**أدهم إن ملك تتربى وسطنا تكوني أمها ؟؟
**مليكه لا يا أدهم مش أنا اللي أحرم أم من بنتها أنا مش شريرة كده حرام يا أدهم
**ادهم حبيتي هي مش حتاخد بالها منها هي أحسن تفضل معايا أنا كمان مش شرير بس بنتي مش حاترتاح معاهم
**ملك بعياط أبوس إيدك يا طنط ماتسبينيش أنت عارفة السر اللي بينا وأنت وعدتيني وماما وتيتا حايعاقبوني
**مليكه يا روحي أنت أنا مش عايزة أسيبك بس أمك ..
**ادهم مليكه في حاجات ماتعرفيهاش بس لو انت مش عايزة
**ملك لا يا بابي ماتسبينيش
**مليكه أنت عارف أنا بحب ملك وحا حطها في عنيا بس كمان مش عايزة مشاكل
**أدهم حبيبتي أنا ماقدرش اضغط عليكي
**مليكه وهي شايفة ملك بتعيط
أنا مقدرش أرد حد وهو محتاجني تعالي عندي حبيتي
**أدهم الحمدالله
يلا ننزل
كانت مليكة شايله ملك
اول ما وصلوا تحت
مليكه مسكت أيد ادهم
**ادهم متخافيش حبيبتي
**مليكه ادهم أبغض الحلال عند الله الطلاق فكر كويس في بنتك
**ادهم علشان بنتي أنا بعمل كده
و مشيو لي الجنينة
**عصمت أنت ايه يا راجل بقولك مراتك حامل طلعت مع الشحاتة وسيبتنا يا برودك يا راجل
*أدهم لو نطقت مرة تانية كلمة شحاته حا سجنك
*عصمت ضحكت بسخرية أنت عايز تسجني لا هزلت خالص طالما بقيت لم حواليك الناس البيئة دي حاستنا منك ايه؟؟ القصر بتاع أهلي من أحسن قصور مصر جدي اليوناني اللي بناه بقا من هب، ودب قاعد فيه
*ياسين معلش يا مدام كلنا ولاد تسعة وكلنا بشر من ساعة ما دخلتي وانت مش ساكتة و بتغلطي فينا واحنا محترمين الناس وساكتين بس ستوب أولا من الآداب والتربية صوتك مايعلاش وسط الرجالة وقدام أبوكي اللي بكل بجاحة تقوليلو رحيم معلش انت شايفة نفسك علي ايه يعني؟ علشان أمك وجدك من اليونان دا هما كانو مهاجرين عندنا مش عاجبينك الناس البيئة هما دول المصرين اللي انت عايشه وسطهم
*عصمت أنت مين أصلا علشان تكلم أسيادك كده
**ياسين عصر الأسياد خلص من زمان يا هانم اصحي لنفسك الشر مالي عنيكي بس حايحرقك لو مارجعتيش لي ربنا
*رحيم خودي بنتك واطلعي بره القصر
**عصمت مش طالعه فاهم انت شكلك كبرت وخرفت وأنا حا حجر عليك علشان ماضيعش فلوسي
*أدهم أنت اتجننتي؟؟
*رحيم احجري عليا يا أخرت صبري يالي ضيعتينني أنا وأولادي
**عصمت ولادك اللي مجرمين
**أدهم أنت عايزة ايه؟؟
*عصمت حقي في كل حاجة الشركات والمطاعم والمصنع والقصر دا بتاع جدي
*رحيم بصوت عالي قولتلك ألف مرة أمك كذبت عليكي جدك باعوا لي أبويا بعد ما خسر في القمار ليه مش عايزة تفهمي
*عصمت يعني ايه القصر دا بتاع أهلي اليونانين ازاي يبقى بتاعكم
*ياسين ايه العنصرية اللي انت فيها هو أنت مش مصرية مش أبوكي مصري ولا أنت نسبتي نفسك لي أهل أمك قاعدة في مصر ليه ؟؟
**عصمت أنت تخرص خالص
**ياسين لولا أبوكي قاعد كنت ربيتك، وأعلمك ازاي تعلي صوتك علي الرجاله
*شريف كفاية الثمثليه التافهة بتاعتك أنت وبنتك عيب عليكي
* عصمت أنت تسكت يا راجل يا عجوز يالي سيبتي أسيادك واتجوزت جربوعة زيك لا وصغيره عليك مش مكسوف من نفسك
*شريف لا مش مكسوف والحمد لله أني ما اخدتكيش دا ربنا بحبني، ورحمني منك
*أكرم ادهم خلصنا خليهم يغورو في داهية
**عصمت أنت اخر واحد تتكلم أمك لاقوها نايمه هنا مع سلفها، وانت طلعت بفضيحة
**أكرم بصوت عالي اياكي، وتتكلمي علي أمي أشرف منك ومن بنتك أنت اللي قتلت لي أهلي واتهمتيهم بي الخيانة زي ما عملت الخطة الحقيرة عليا وعلي مليكه بس أنا دورت وراكي نسيتي أن مافيش جريمة مكتملة الناس اللي طلعوا مليكه جنبي موجودين، وشهدوا ضدك بي اللي عملتيه وحتى الشغالين
*عصمت أمك خانت أبوك وكمان أم ادهم خانت أبوه انتو كلكم عيله الخيانه عندكم في الدم
أنا مايشرفنيش أكون منكم
*أدهم اياكي تتكلمي علي أمي يا عديمة الشرف
كامليا أنت طالق
*عصمت آه يا واطي تطلق بنتي وهي حامل؟؟
*أكرم كفاية كذب بنتك شالت الرحم من زمان حامل ازاي
**عصمت أنت كذاب
** أكرم خلاص أنا كداب أهي معانا دكتورة نسائية أخصائية توليد عندك الشجاعة يا كامليا تكشفي ؟؟؟
**عصمت أنا ما سمحش ليك تتكلم عن بنتي وأنت كداب
*فارس تمت العملية بنجاح
*أكرم الحمد لله أبشرك يا عصمت أنك فلستي
*عصمت ايه؟؟
ورن موبيلها
راحت تتكلم
أدهم راح عند كامليا مسكها من أيديها
**أدهم أنت ايه يا شيخه معموله بي ايه شايله الرحم من أمتي وبتكذبي عليا
شيلتي الرحم أمتي؟؟ ردي عليا
سناء جات اخدت ملك من عند مليكه، وراحت الناحية الثانية من الجنينة مع مريم بيلعبو مع أولاد
أكرم اخد كامليا، ورا ضهرو
*أكرم خلاص يا أدهم أنت طلقتها بتحاسبها ليه ؟؟
*أدهم اوعي كده ردي عليا أمتي شيلتي الرحم؟؟
*كامليا كفاية حرام عليكم انتو السبب في اللي أنا فيه
*أدهم خونتيني؟؟
*كامليا أيوه خونتك
هنا لف أكرم عندها
*أكرم اسكتي، وحط إيدو علي بؤها
**ادهم تعالي يا عصمت شوفي بنتك بتتكلمي على الشرف والخيانة أهي بنتك خاينه فضحتي مراتي مليكه واتهمتيها
أهي بنتك فضحت نفسها
بنتك طلعت خاينه
*كامليا أنا مش خاينه أنا ضحيتك أنت وهي أنت أهملتني وخلتني اسهر، وأسكر وهي الله أعلم عملت ايه علشان ينتقم مني
بعدت من أكرم
والله هو اللي دمرني واغتصبني وأقولك كمان مش لوحده هو وأصحابه كنت مغيبه يومين، وكلمت ماما جات أخدتني وضحكت عليك اتجوزتني وتاني شافني سكرانة أخدني وضعفت خونتك غصب عني، ولما حملت اخدني لدكتور وشال ليا الرحم علشان ينتقم مني
*عصمت اسكتي!!!!
*كامليا مش حاسكت عملت ايه لمصطفي علشان يدمرني؟
*أكرم قتلت اختو اللي كانت مرات أبوكي وكانت حامل أمك أجرت ستات سقطوها ونزفت لحد ما ماتت أمك مجرمة