رواية المقابل الفصل الثاني 2 بقلم سارة نصر

رواية المقابل الجزء الثاني

رواية المقابل البارت الثاني

رواية المقابل الحلقة الثانية

= دكتوره انا خلصت ينفع امشي
* بالسرعه دي
= اه الامتحان سهل
* اتفضلي
= طب ثانيه القلم وقع
= هات القلم من تحتك
– والمقابل؟
= خد اللباسه
– شكرا
= خدها يا غبي فيها ورق انقل اي سؤال
– دماغ جهنميه
* يلا في ايه
= ح حاضر
___________
– شكرا على المساعده
= طيب
– ممكن سؤال
= اتفضل يا اخويا
– هو انتي قليلة الذوق كده ليه
= ليه هو انا شبهك
……………….-
= باي يا سكره
– بطلي تقوليها احسنلك
= حاضر
___________
~ عملتي ايه مع الواد ده
= غششته يا ياسمين
~ بجد ده ولا ايه
= عادي اديته الي يعديه صافي بس
~ لا يشيخه
= اه والله يا شخشيخه
~ لما تخلصي امتحانات هنخرج سوا
= ماشي سلام بقا
~ سلام
(( انا زيي زيكوا معرفش انا غششته ليه بس لا اراديا لقيت نفسي بنقل كذا سؤال بسرعه و اديته الورقه بس مش عارفه ليه عادي يعني من باب العطف مثلا اساسا انا مغشتش حاجه دي اول سنه ليا في الكليه وبجاهد علشان اكون مجتهده ههههه يلا ربنا يعيني او ياخدني))
_________
في الشات
– اذيك
= نعم
– ده رد بدل ما تقولي الحمد لله
= عايز مني ايه يا جدع انت
– ايه جدع دي احنا واقفين على باب الميكروباص
= انت جبت الاكونت بتاعي منين انطق
– اولا انا مش هنطق علشان انا في الشات لكن يا ستي جبته منين فانا عارف اسمك كامل عملت سيرش وقعدت ادور في كل الاكونتات على الاقامه والدراسه وبس كده لغايت ما لقيتك بعد معاناه
= وده كله ليه ان شاء الله
– ممكن نكون صحاب
= اه طبعا
– بجد
= ودي بقا بدايه التعارف اتفضل
(( يابنت … انا يتعملي بلوك ))
(( هو قمر وكل حاجه بس انا مش هكلمه اه هو انا شويه اساسا انا مش بكلم ولاد اكلمه ليه يا ترى هيعمل فيا ايه بعد البلوك))
= ماما انا نازله
: رايحه فين
= هروح لياسمين نتمشى شويه وهرجع على طول
: طيب متتاخريش
= بس كده حاضر
: امم ابوكى هيرجع بدري النهارده اديني قولك
= اعمل ايه يعني
: بلاش لف في الشوارع كتير
= هههه حاضر باي
___________
= ما بدري تحبي افرش واقعد استناكي تحت البيت
~ بقلك ايه انتي لسه واصله انا كنت واقفه جمب الشباك
= احم طب يلا
~ ايه مش كنتي هتفرشي دلوقتي
= قلبك ابيض بقا المهم
~ هو انتي حياتك فيها حاجه مهمه اساسا
= طبعا انتي
~ يالهوييييي اتثبت خلاص
= بجد والله
~ في ايه يا ترى
= الواد اللي طلب اغششه
~ هيييح ماله
= انتي بتعملي كده ليه عادي يعني دخل كلمني
~ ازاي ان شاء الله
= ……………. بس يا ستي
~صح هو بعد الحارجه دي يسكت بقا
= انا شايفه كده برده بس هو اساسا معندوش دم
– لا يختي عندي
= انت…. انت ايه جابك هنا
– انتي بتقولي عليا معنديش دم طب والله لموريكي
= هتعمل ايه يعني وبعدين انت ماشي ورانا ليه بقا
– وانا امشي وراكي ليه انا كنت قاعد مع صحابي شفتك قلت اجي اشكرك على البلوك بس لقيتك بتتكلمي عليا
= انا مكنتش بقول عليك
– انا واقف هنا بقالي كتير على فكره
= يلا يا ياسمين نمشي
– امشي النهارده هجيبك تاني عادي
___________
~ يالهوي انا خفت
= انا اللي قلبي وقع
~ كنتي عامله ست الجامده اوى
= والله كنت بموووت بس الحمد لله عدت على خير
~ بس طلع قمر صحيح
= قمر بالستر
~ دا انتي فصيله
= حبيبي تسلم
~ يا نهار انا اتاخرت
= يا نهار اسود انا امى هتعلقني
~ اشوفك في جهنم
= ليه الفال الي زي وشك ده
~ بذمتك دي اشكال تدخل الجنه يعني
= سلام يا بومه
~ سلام
___________
= اذيك يا ماما
: الحمد لله ما بدري
= بابا جه
: اه مهو بابا بس اللي يتعمله حساب اما انا
= انتي ست الكل
: طب عدي كده
= هو بابا فين
: لسه مجاش……صوته تحت انزلي هاتي منه الحاجات
= حاجات ايه
: اكل وغيره اخلصي
= حاضر يا حجه بيت كله خلقه ديق كده ليه
= بابا حبيبي …..ايه ده؟؟؟؟؟