رواية المقابل الفصل الأول 1 بقلم سارة نصر

رواية المقابل الجزء الأول

رواية المقابل البارت الأول

رواية المقابل الحلقة الأولى

بقولك ايه
= تقولي ايه؟
– احنا نتفق اتفاق
= اللي هو؟
– انتي قاعده قدامي في اللجنه وانا وانتي نفس الامتحان
= وبعدين
– نساعد بعض
= بس انا مش محتاجه مساعده
– خلاص ساعديني
= والمقابل؟
– امممم اللي انتي عايزاه
= اسمك ايه
– ده المقابل بس مش معقول
= حيلك حيلك مقابل ايه انا بقول اسمك ايه مش اكتر
– ادم اسمي ادم وبعدين
= مبحبش الغش
– انتي مش هتغشي انا اللي هغش
= وهتغش من مين
– يعني انا واقف هنا بقالي ساعه ليه ايه الغباء ده منك
= بقا انا اللي غبيه انت هتغش مني يعني انا اللي هغششك وانا مبحبش الغش
– معلش انا كل اللي طالبه ترفعي الورقه شويه
= مش حابه
– بقولك ايه انتي عايزه تذليني وخلاص
= انا مقلتش كده
– ريناد هاتي اخرك
= ايه ده؟؟؟
– ايه في ايه؟
= انت تعرف اسمي منين؟
– يا شيخه دا انا والورقه بتاعتك حبايب
= طب كويس انك نبهتني علشان اخد بالي ان في ناس بتغش
– انا بقلك ساعديني تقوليلي كويس انك نبهتني انتي عبيطه
= عبيطه كمان بتغلط تمام اوي
– والله ما قصدي
= انا ماشيه اتاخرت بسببك
– طب هتساعديني
= سلاااام
– بارده
__________
– بس…بس
= مفيش هنا قطط
– هتساعديني صح انا مش عارف اي حاجه في الماده دي
= باى اللجنه هتبدا
– اعمل ايه بس يا ربي في حظي
________
– ريناد …. ريناد
= هقول للدكتوره اسكت بقا احسنلك
– هي دي اخرتها
= لا اولها يا سكره
– طب اي حاجه تعديني صافي حتى انتي قفلتيها عن الاول
= دكتوره لو سمحتي
– يا بنت الايه
= دكتوره انا………