رواية الشهر الأسود الفصل السادس 6 بقلم ندى شريف

رواية الشهر الأسود الفصل السادس 6 بقلم ندى شريف

رواية الشهر الأسود الجزء السادس

رواية الشهر الأسود البارت السادس

رواية الشهر الأسود الحلقة السادسة

شادي عبر الاسلكي : كابتشن…..يا كابتشن
سامح و هو مازال نائماً و بخمول : عايز ايه؟؟
شادي : في مصيبه!!
سامح و هو يبدأ بالتعرق : في ايه!!!
شادي : البيبي عمال يعيط و شكله كده عايز ياكل
سامح و هو يضع يده على رأسه : استغفر الله العظيم…….خضتني يا اخي
شادي : يعني دي مش مصيبه يعني!
سامح : خلاص انا جايلك….ازاي انسى حاجه زي دي
ثم نظر إلى جميله و هي مستلقيه على الارض…
سامح : جميله…..اصحي
جميله و هي مفزوعه : محمد….. محمد فين؟؟؟
سامح بهدوء : اهدي….كل حاجه هتتحل ان شاء الله
ثم أعطاها زجاجة المياه..

سامح : اشربي
ثم أخذت الزجاجه و شربت…
سامح : انا بس كنت عايز اقولك أن انا هروح مشوار كده
جميله : ايه هو المشوار؟! عرفت مكان اخويا؟!!!…..متخبيش عليا
سامح : لسه معرفش حاجه و الله…..هجيب اكل لشادي و للبيبي اللي معاه
جميله : يعني هتسيبني؟؟
سامح : ايوه…. انتي تعبانه و محتاجه ترتاحي شويه
جميله : انا جايه معاك
سامح : بس…
جميله بغضب : انا قولت كلمتي خلاص
سامح متعجباً : خلاص اللي انتي شايفاه
رُقيّه أسفه اني اتدخلت…. بس تحبوا اساعدكوا في المشوار
سامح : على ما اعتقد خليكي انتي ساعدي ناس تانيه
رُقيّه : تمام….خلي بالكوا على نفسكوا
سامح : لو في اي حاجه حصلت قوليلي تمام
رُقيّه : تمام
جميله : متشكره جدا على اللي انتي عملتيه مع محمد
رُقيّه : ده الواجب….و متقلقيش ان شاء الله هتلاقيه
جميله بحزن : يا رب
رُقيّه : سلام
ثم خرجت متسلله للخارج..

شادي عبر الاسلكي : كابتشن….يا كابتشن
سامح : ايه تاني؟؟
شادي : انا تعبااان يا كابتشن
سامح : قولت هاجي…اسكت بقى
شادي : كابتشن….يا كابتشن
سامح :ايه يا زفت؟؟
شادي : انا جعاااان يا كابتشن
سامح بغضب : هجيبلك أكل…..مشغل معايا عيال صغيره صحيح
ثم ذهب سامح ليضع بعض الطعام في شنطه….و عندما انتهى من ملئ الشنطه…وضع 100 جنيه على طاوله الكاشير..
سامح : يلا
ثم دخل في الشارع الأيمن…
جميله : مش قولت رايح للمقر؟!!!
سامح : هنروح الاول المستشفى نطمن على نرمين
جميله : تمام
****************************
عندما وصلوا المستشفى…و دخلوا الغرفه التي بها حازم و نرمين..
سامح : عاملين ايه؟؟
حازم : احسن كتير الحمدلله
جميله : عامله ايه؟؟
نرمين : كويسه الحمد لله….متشكره جدا على اللي انتي عملتيه
جميله و هي مبتسمه : انا معملتش حاجه…اهم حاجه تكوني بخير

نرمين : انا عايزه اشوف البيبي
سامح : اومال احنا جايين ليه؟؟
نرمين : تمام..يلا بينا
سامح : استني بس…ناخد إذن الاول
ثم ذهب للدكتور….
سامح : هي ممكن تخرج النهارده؟؟
_ مش هينفع…..حالتها عايزه متابعه
سامح و يفكر : طب ينفع تخرج عادي و تكمل علاجها في البيت و هتكون تحت متابعه؟؟
_ لو انت متأكد انها هتبقى كويسه….أنا موافق
سامح : تمام
ثم عاد للغرفه مره اخرى…
سامح و هو يغمز : جهزي حاجاتك
و عندما جهزت…حملها حازم خوفا عليها و تركوا المستشفى..
*******************************
و عندما وصلوا المقر….قابلت نرمين طفلها و لأول مره..
نرمين و هي تبكي : يا حبيبي….شوفت قمر ازاي
حازم : طالع لمامته
ثم ابتسمت..
حازم : هنسميه ايه؟؟
نرمين موجهه كلامها لسامح: لوسمحت
سامح : اؤمري
نرمين : اسمك ايه؟؟
: سامح
نرمين : خلاص هسميه سامح
سامح و هو يبتسم : كتر خيرك و الله
و انشغلت جميله بتطهير جرح شادي و تضمد الجرح…
ثم أظهر سامح الاسلكي و قال : تقى…..سامعاني
تقى : سامعاك
سامح : انتي فاضيه؟؟

تقى : ايوه
سامح : بم انك ممرضه و كده…… عايزك تيجي ع المقر عشان كانت في واحده حامل و ولدت بس عايزه متابعه….ها؟؟
تقى : تمام…..انا جايه
***************************
شادي : جيبتوا أكل؟؟
جميله : ايوه متقلقش
ثم أحضرت الشنطه…
جميله : جابلك السوبر ماركت كله
شادي : رغم أنه رخم و تبت…….بس طيب و ابن حلال
سامح محذراً منذراً : بتقول حاجه؟؟!
شادي : ب كُح يا كابتشن
جميله و هي تضع يدها على رأسها : يلاهوي…..ماما
سامح و شادي في نفس الوقت : مالها؟!
جميله : لازم اروحلها….. على الأقل اطمن عليها و هي كمان تطمن عليا
سامح : تمام…..يلا
سامح موجهاً كلامه ل شادي : تقى جايه عشان تتابع الاستاذه
شادي : اشطا
ثم خرجوا من المقر…
*********************************
عندما وصلوا للبيت…

جميله بقلق : انا مش عارفه هواجه ماما ازاي……انا وعدتها أن انا هلاقي محمد
سامح : انتي لاقيتيه فعلا…..و زي ما لاقيتيه اولاني هتلاقيه تاني….اهم حاجه دلوقتي إنها تطمن عليكي…..زمانها قلقانه
ثم أخذت جميله نفساً عميقاً و قامت بطرق الباب….
و لكن لم يجيب أحد….
ثم طرقت للمره الثانيه…و أيضاً لم يجيب أحد..
جميله بصوت منخفض : ماما…..انا جميله….افتحي
ثم……………………………….

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية الشهر الأسود)