رواية أنين القلب الفصل الثالث 3 بقلم ليلة عادل

رواية أنين القلب الجزء الثالث

رواية أنين القلب البارت الثالث

رواية أنين القلب الحلقة الثالثة

كامل : يبتلع كامل ريقه يحاول ان يهدأ أن لا يتوتر… يمسح وجهه و يخرج من جيبه كورة الضغط
(كوره ازالة التوتر ) ويبدأ بالضغط عليها …. أنا مريض وسواس قهري، وعندي ميول للاكتئاب ، محبش أروح أماكن معرفهاش ،أو جديدة، بخاف من التجمعات جدا ، بس أنا بقيت بقدر أتخطى بعضهم ، أنا بتغير… أنا مكنتش كدا من سنة ،
أنا بحب وردة بحبها ، وعايز. عايز اتجوزها. أنا بوعدك هخليها سعيده معايا وإن عمرها ، عمرها ماتزعل بيوم وهي معايا ،
الأب : بص يا كامل أنا هكون صريح معاك زي ما أنت كنت صريح معايا ، كامل انت انسان حقيقى محترم ، أنا فخور بيك لأنك انسان قوي وصادق وده قليل فى الزمن ده ،معظم الشباب دلوقتي بتكدب تحاول تجمل شكلها وتقول أحسن ما فيها ولو في عيب تحاول تخبيه ،… وردة حكتلي عن حالتك وفهمتني كل شئ ، أنت شايف إنك قادر على مسؤولية الجواز قولى سبب يخليني أوافق
كامل : إني بحبها ومعنى إني بحبها يعنى هحافظ عليها ، يعنى هاخد بالى منها ، وإني هخليها سعيدة…. إني هعمل المستحيل وكل اللى اقدر عليه عشان اخليها مش محتاجة حاجة وأكون قد ثقتها بيا هكون ليها الظهر والسند… هكون الراجل اللي يستاهل إنها تسيب بيت أهلها وتعيش معاه. هخليها ملكة زي ماكانت ملكة فى بيتك
الأب : ردك عجبني
كامل.. أفهم من كدا إن حضرتك موافق
الأب :بص أنا باشتري راجل يخاف على بنتي ويصونها وما يزعلهاش في يوم ، وانا شايف إن معدنك طيب وهتبقى قد كلمتك وهتحافظ عليها
كامل : وأنا أوعدك إني هفضل محافظ على صورتي دي في عينك
أم كامل : طب مادام متفقين نقرأ الفاتحة
الأب : بعد إذنك يا أم كامل اديني فرصة اسأل على كامل ونقرأ الفاتحه
أم كامل : مافيش مشكلة حتى إخواته يكونو موجودين
أم وردة…عندك ولاد غير كامل
أم كامل : عندي جميلة وايناس كامل الصغير كان له توأم توفى من ٥ سنين
أم وردة : ربنا يخليهملك يا حبيبتي
أم كامل : ويخليلك بناتك يارب
♥️____بقلمى ليلةعادل____♥️
بعد رحيل كامل و والدته تجلس أسرة وردة براسبشن يتحدثون بعد تبديل ملابسهم لكن كانت وردة مازالت فى غرفتها
أم وردة. : ازاي يا أبو دنيا توافق
الأب. : أمال أنا جبته ليه منا جبته عشان موافق
الأم.. أنا قولت عايز تخلص من زن بنتك
الأب.. الولد ميتعيبش وشكله غلبان ومحترم وأنه كمان…
دنيا بمقاطعة… ايوة يا بابا مقولناش حاجة بس أنت شفت ده مسلمش عليك
أم وردة يبقى هيخلف من بنتك ازاي أنا مش عايزه أفسر البنات قعده يا أبو دنيا ميصحش هو راجل ومحترم وقمور. على عيني و على راسي بس سبحان الله الحلو ميكملش
ليلى اخت وردة التي تكبرها ٣سنوات
ليلى : فعلا الحلو ما يكملشي يا ماما
الأب أنا مش شايف ان فيها حاجة أنه بيغسل الحاجة أكتر من مرة ولا بيتأكد كل حاجة مقفول ولا لا المهم انه راجل وبيقدر ياخد باله من بنتك ويحبها وتبقى سعيده معه
الأم : بضيق . أبو دنيا انا ما بتكلمش على كدا تتنهد بحدة .. فى إيه يا طارق متخلنيش اتكلم قصاد بناتك. انت فهمني أنا بتكلم على إيه هيتجوز بنتك ازاي. ويجيبه عيال ازى بلاسلكى ولا ايه
الأب : انتي مشفتيش سلم على بنتك بلايد
دنيا : هو عنده توحد ولا وسواس
تدخل وردة وهى ترتدي بيجاما كات
وردة… وسواس قهري حاد وعزله اجتماعية
تجلس وردة بجانب الأب
وردة.. التوحد مرض بيفضل مصاحب الانسان وبفضل معه على طول للأبد مالوش علاج بس بياخدو جلسات سلوكيه وجلسات تانية عشان تحد من مرضهم وللتواصل وحاجات كتير كدا. ام الوسواس على حسب نوعه ودرجته وشدته يعني مش كل الموسوسين زي كامل ، بيخافو من الملامسه على فكرة كامل بيلمس وبيلمس عادى بس لازم منديل… لازم جونتي يعنى هاجس بدماغه أنه هيتعدي بمرض هيحصله حاجة لو جلده لمس جلدك مش أكتر
بتوع التوحد مافيش لمس من الأساس سواء بحاجة أو من غيرها لأنهم بيخافو جدا بعدين فاكرة طنط شريفة بنت بنت خالتك يا ماما. ما بتكلش ولا بتشرب عند حد… ده نوع من الوسواس…. هو أنواع كتير بس للأسف أصعبهم مع كامل لأنه كمان عنده مشكله فى حوار خوفه من المجتمع لأنه تعرض. للتنمر كتير وشايف نفسه غريب وسطهم ده اللى سبب ان مرضه يتمكن منه كدا وكمان يسوء أكتر
دنيا : ياختى ايه كل المعلومات دي أنا فاكره إنك تجارة
وردة : أنا قرأت كتير عن مرض كامل قبل ما علاقتنا تبدأ كمان بصراحة يا بابا روحت مرة للدكتور بتاعه أفهم طبيعة مرضه
الأم : وقالك أنه بيتجوز عادي
وردة : اه والله بس هياخد وقت شوية وفتره الخطوبة معانا مش هتجوزه بكره
الأم: أنت رأيك إيه يا أبو دنيا أنا بصراحه مش موافقة
الأب : اصبرى يا أمل لحد مانسأل على الولد. وأروح للدكتور ووقتها أحدد
الأم : اللي تشوفه
♥️___بقلمى ليلةعادل____♥️
شقة كامل ٨ م
يدخل كامل الشقة ومعه والدته كانت جميلة بانتظارهم
جميلة : حمد الله على السلامة عملتوا ايه
الأم : اصبرى نقعد نرتاح
يجلس كامل على كنبه وننتبه أنه جلس دون مسحها أو وضع حائل عليها ثم تجلس الأم بجانبه والابتسامه على وجهها
الأم : قولى لأخوكي مبروك
جميلة : بسعادة حبيبي ألف مبروك تقترب منه وتضمه وتقبله من خديه
كامل : بضيق .. يا جميلة ياجميلة من بعيد… يخرج منديل ويمسح خده
جميلة : طبعا منا مش وردة أنا مكروب و وردة الهانم انسانة طبيعيه مضاده للفيروسات
كامل : أنا كنت بخليكى تلمسينى كدا زمان بس من غير بوس بعدين وردة مش بتبوسني
جميلة : الحقيقة لا ما ربنا يخليلنا وردة هانم انها قدرت تغيرك. كدا انا كدا هأغير على فكرة وهاعمل عمة عليها
كامل : لا متغيريش انتي حاجة كبيرة فى قلبي ، هى بس عرفت تتصرف معايا بعقل أكتر منكم أنتم العاطفه كانت بتغلبكم
الأم : يا حبيبى مبروك. عقبال كدا مشيل عيالك
كامل : هما ليه مقرأوش الفاتحه
الأم : لازم يسألوا عنك دي الأصول
جميله : ماتخفش يا حبيبي. احنا لازم نكلم إيناس
♥️___بقلمى ليلةعادل____♥️
جامعة اسكندريه ١٢م
مدرج تجارة
يجلس كامل على آخر بينج وتجلس بجانبه وردة
وردة: كامل تعال نخرج… بايخه
كامل : ركزي
وردة : بابا حبك أوي
ينظر لها كامل يضع يده على شفايفها هششش اسمعي ينظر أمامه ويكتب ما يشرحه الدكتور
تشد وردة القلم من يده كامل
ورده : بطل رخامة بقى
كامل : عايزة إيه
وردة.. مش عايزة أحضر أنا هروح الكافيتريا لما تخلص تعال
كامل : ماشي
وردة : تقف خليك قاعد و ركز يارب أقعد وراك فى اللجنة تعدي من أمامه كى تخرج وهي تقف خلفه و تضع ايدها على رأسه وتنعكش خصل شعره ركز ركز
كامل : وردة بس
الدكتور : مين بيتكلم ورا
كامل : يقف أنا يا دكتور
دكتور : كامل طب متتكلمش تاني
كامل : آسف يجلس. يلتفت لوردة اسكتي بقى وامشي
وردة : ماشي
♥️___بقلمى ليلةعادل____♥️
حديقة الجامعة
كانت تجلس وردة على أحد المقاعد مع صديقتها أسماء
وردة : يعني بابا هيسأل عليه بس
اسماء يعنى هو معندوش مانع
وردة : خالص بلعكس موافق جدا وحب كامل…. ماما بس اللي مزمزأة المهم بابا موافق
أسماء.. طب الخطوبة امتى
وردة معرفش هنخرج سوا النهارده ونتكلم
يقترب سامر صديقهم
سامر : وردة مبروك عرفت إنك اتخطبتي لكامل أبو منديل وقماشة
وردة : تقف بضيق يلا يا أسماء أصل الجو حرر فجأة
سامر: يمسكها من كتفها اقفي هنا… يعنى ترفضيني أنا وترضي بده
وردة : انت اتجننت. أوعى تزوقه بقوة
أسماء : أنت هتتخبط في دماغك يا سامر ولا إيه غور بقى بدل مانادي الأمن
سامر : أنا عايز أفهم ازاي ترفضنى أنا وتفضل ابو منديل عليا
وردة : بحبه و مالي عيني محترم مش زيك حشاش مش راجل. فرحان بفلوس ابوه زيك
يقترب منهم كامل
كامل : مساء الخير
سامر : ازيك يا أبو منديل
كامل : أنا اسمى كامل
وردة: سيبك منه عيل متخلف. يلا احنا
سامر : ايوة اسمع كلامها الراجل المحترم لازم يسمع كلام خطيبته
كامل : يتلفت له سامر.. احترم نفسك
سامر : ولو محترمتش نفسي يا أبو منديل هتعمل إيه
وردة : يلا يا كامل سيبك منه شكل الصنف اللي شربه عالي
سامر : بصوت تقليد وردة يلا كامل. بدل ميضربك متعرفش تعمله حاجة
كامل: يلتفت كامل له وبحركه سريعه يضربه بالبوكس ، يوقعه على الأرض. يقترب منه بهدوء .. اللي متعرفهوش يا سامر إني بلمس عادي بس وأنا ولالبس جونتى أو منديل عشان بخاف على نفسي من الأمراض
سامر : بغضب .. انت بتضربني أنا
يقف ويقوم بمسكه لكن يدافع كامل عن نفسه ويقوم بضرب بعضهم وسط صرخات وردة واسماء ويتلم الشباب يحاول فكهم ثم يقترب الامن ويأخذهم لمكتب العميد
♥️___بقلمى ليلةعادل____♥️
مكتب العميد
يقف كامل و وردة
العميد : أنت ياكامل تعمل كدا
كامل : هو اللي بدأ وعاكس خطبتي
عميد : أنا اعارف أنه بينمر عليك من سنة أولى وبيضيقك وأنت كنت بتتلاشاه ، وعشان إنك إنسان محترم. وملفك طول الأربع سنين نضيف مش هعملك حاجة ، انما سامر. هيتفصل سنة لانه مش اول مره يعمل مشاكل للطلبه ، ومبروك يا كامل أنت و وردة
كامل : الله يبارك فى حضرتك
الكورنيش ٢م
تجلس وردة مع كامل على الصخور
وردة : انت هتفضل ساكت كتير لسه حاسس انك تعبان
كامل : لا أحسن
وردة : على فكرة دكتور وافي هيفرح أوي
كامل : هيفرح أني بقيت بانفعل وبضرب.
وردة : لا إنك ما باقتش تخاف تواجه لما حد يتنمر عليك
كامل : أنا مش مبسوط من اللي حصل
وردة : أنا بقى مبسوطة أوي ، شكلك كان حلو ، وانت نازل ضرب فى الواد الرخم اللي اسمه سامر ده يا ملاكي الحارس
كامل : عم طارق قالك إيه إمبارح
وردة :قالي أنه فرحان بيك أوي
كامل : بجد أنا خايف يرفض
وردة : بابا لو رفض كان مقبلش إنك تيجى من البدايه
كامل : يتنهد تمام
وردة : خايف
كامل : أكيد
وردة : متخفش اطمن بابا حبك جدا
كامل : وأنا كمان حبيته جدا
وردة : بس بتحبنى انا اكتر
كامل : انتي كلمة الحب أقل من انها توصف إحساس بيكي
تبتسم وردة بخجل.
كامل : بحبك
وردة : ممكن يلا عشان هتأخر
كامل : يلا
♥️____بقلمى ليلةعادل____♥️
العيادة ٦م
مكتب الدكتور
يدخل طارق والد وردة غرفة الكشف
طارق : مساء الخير
وافى : مساء النور يصافحه اتفضل اقعد
طارق : يجلس أنا طارق والد وردة خطيبة مريض عندك
وافى : كامل مش كدا
طارق : ايوة هو
وافى : انا كنت عارف انك هتيجي وده حقك إنك تطمن على بنتك لكن اللي أحب أاكدهولك ان كامل. مافيش اي خطوره منه هو مريض (ocd) أو الوسواس القهري هو عبارة عن أفكار ومخاوف غير منطقية تؤدي إلى تصرفات قهريه ، زى تكرار فعل بعض الأشياء أكثر من مرة بشكل لا إرادي
طارق : دكتور أنا فاهم ده وعارف ، وردة فهمتني أنا بتكلم هل هو قادر على الجوازة وممارسة الحياة الزوجية بشكل طبيعي ، لان وردة أكدتلي انه ما بيحبش اللمس ولا حد يقرب منه
وافى : طبعا قادر على الزواج وقيامه بالعلاقة
الزوجية بشكل طبيعي جدا ، بص يا أستاذ طارق ، حالة كامل مش صعبة ولا خطر على حياة وردة ، هو إنسان طبيعى جدا ، يختلف عننا انه عنده شوية افكار سلبية ووساوس ، أنه لازم يغسل كل شئ أكتر من مرة ،انه مايلمسش حاجة ، بيخاف ان لو عمل عكس كدا هيحصله حاجة ، أما عند تقدمه فى الشفاء ، هو بيحصل لكن بشكل بطئ ، انما بيحصل يعنى فى تقدم هايل وملحوظ فى حالته ، كامل اتقدم كتير عن زمان ، صدقني لو كامل ما بيتقدمش والعلاج مش جايب نتيجة معه ، بتأكيد مكنتش حمسته للخطوة دي ، حتى هو ، مكنش اخدها ، كامل راجل متصالح جدا مع نفسه وفاهم كل شى عن حالته ، ونقاط الضعف فى مرضه ، خلينا نديله فرصة يعيش حياته بشكل طبيعي
طارق : أنت أب أكيد فاهم شعوري أنا موافق عليه بس كان لازم اطمن
وافي : اطمن
طارق : طب هو بياخد جلسات كهربا زى الافلام
وافى : لا حالته كامل لا تستدعى النوع ده من العلاج ، هو بياخد جلسات العلاج السلوكى معرفى تكنيك معين من العلاج النفسى ، وبناخد بعض المهداءات لو لزم الامر ، يعنى عشان التوتر والقلق المصاحب لمرضه ، غير انه بيميل للاكتئاب عن غيره ، لكن احب اطمنك احنا بقالنا فتره كبيره موافقين الادويه ، وبنكتفى فقط بجلسات
والفضل كبير بعد ربنا لوردة ، بنت حضرتك فرقت كتير بحاله كامل
طارق : الله يطمن قلبك يا دكتور شكرا جدا
♥️____بقلمى ليلةعادل____♥️
شقه وردة ٦م
غرفة الأب و الأم
أثناء مساعدة الأم الأب بارتداء ملابسه
الأم : أنت بردو وافقت
الأب : لا إله إلا الله منا سألت الدكتور وقالي مافيش حاجة تخوف ليه خايفة
الأم : يعني نديلو البنت ويبهدلها ، يعنى هيتجوزها ازاي هيجيب منها عيال ازاي
الأب: يا ام دنيا صلي على النبي
الأم : عليه أفضل الصلاة والسلام
الأب : الدكتور أكدلي أنه مش هيقابل مشكلة في الموضوع ده ، بس محتاج شوية وقت ، وإن الولد فاهم طبيعة مرضه وعمره ما هياخد خطوة زي دي غير وهو قدها ، غير اني سألت عن الولد ، طلع محترم والشارع من أوله لآخره بيشكرو فيه وفي أخلاقه ، وفى أهله حتى مدير الشركة بيشكر فيه ، وبيحب بنتك وشريها ، جه اتقدم على طول وملعبش ببنتك ، عايزة إيه أكتر من كدا ، ياستي لو على أنه بيسلم بالمنديل فين المشكلة ده حتى صح فى الكورونا دي
الأم : بردو مش بلعاه
الأب : أمل. اعتبري كامل ابنك ، كنتي هتعمل ايه ، أكيد هتتمني أنه يلاقي ناس محترمة بيفهمو وبيقدرو طبيعة مرضه ، وإن المرض مش بايدنا ، بايد ربنا ، بعدين لو أنا شاكك أنه هيأذي بنتي ، نص واحد فى مليون ، مش هديهاله ، لكن الولد يستاهل الفرصة ،وشغال على نفسه ، الدكتور وراني قد ايه اتقدم ، وانه بيحارب عشان يخف ، اتعاملي معه كأم مش حماة ، حرام بلاش نقسى عليه زي الدنيا
الأم : اللي تشوفه يا طارق. بس أنا مش هجوزه بنتي إلا لما اشوفه كدا كويس
الأب : سبيها على الله. هتيلى الجزمة عشان مانتأخرش عليهم
الأم : حاضر
♥️____بقلمى ليلةعادل____♥️
نرى مشاهد سريعة
اثناء شراء وردة وكامل الشبكة وفرحة وسعادة على عيون الجميع
ثم نرى حفلة الخطوبة بسيطة فى بيت وردة
كانت ترتدى وردة فستان بسيط ورقيق جدا وكان يرتدى كامل بدله سوداء بسيطة جميلة كان يبدو على ملامح وجهه السعادة والراحة نرى ابتسامته التي لا تفارق وجهه كانت حفلة جميلة مليئة بالسعاده والفرحة
فأخيرا بدأ أن يعيش كامل بشكل عادي يحب ويخطب ويتزوج ويمارس حياته بشكل طبيعى
وخلال شهر
نرى كامل وهو يذهب للجلسات ومعه وردة وتقدم. ملحوظ جدا جدا فى حالته
ونرى ايضا وهما يتنزهان فى مدينة الاسكندريه على بحر. كان كامل يمسك ايد وردة ويقوم بتعديها الشارع. نرى السعادة على ملامحهم
حديقة الشلالات ٤ونص
يجلس كامل وينظر لوردة
وردة: اتأخرت
كامل : ٣٧دقيقه١٤ثانيه
وردة : هههههه الطريق زحمه
كامل: غمضي عنيكي
وردة :. ماشى تغمض عينها يخرج كامل من جيبه علبة يفتحها كانت سلسله
كامل: فتحي
تفتح وردة عينها. الله جميلة أوي. يلا لبسهالي مش هتنازل يلا
تقف وردة يلا قوم
تشده من ايده يقترب كامل منها ويقوم بتلبيسها السلسلة بابتسامة
ورده : يلا بقى نتمشى شوية ونتكلم
كامل : يلا
يقوم بانجكتها ويسيرون
وردة : هتيجي معايا العيد ميلاد
كامل : بلاش
وردة.. ليه بلاش بس
كامل أنتي عارفة محبش الزحمة
وردة. بابا مش عايز يوديني عشان بعيد. لو قولتله إنك جاي معايا هيوافق. أنا مش عايزة أزعل اسماء
كامل.. ماشي حاضر
♥️___بقلمى ليلةعادل____♥️
أحد الكافيهات على البحر ٨م
نرى أجواء احتفالية لعيد ميلاد حركة دخول وخروج ثم يدخل. كامل الحفلة وهو يمسك يد وردة
أحد الأصدقاء. هاي وردة. ازيك يا كامل
كامل : ازيك يا مؤمن.
يقتربان من الترابيزات
أسماء : وردة. كنت خايفة إنك متجييش
وردة : كامل أقنع بابا
أسماء : حلو ده خطيبك أجدع من عصام… جدع يا كامل الخطيب الفرفوش رزق
كامل : كل سنة وانتي طيبة يعطيها شنطة هدايا
أسماء : شكراً يا كامل. تفتحها
جيبلها منبه تنظر لها بستغراب
كامل : عشان تبطلى تتأخري على وردة وتخليها تفضل مستنياكي فى موقف المشروع
أسماء. : بيهزقني باحترام شكراً يا كامل
وبعد قليل تبدأ الحفلة وسط أجواء سعادة وفرحه ثم يقف الجميع حول الترابيزه لكي يطفؤا الشمع ، لكن كان يبدو على ملامح وجه كامل الارتباك قليلا.
ثم يخرج. كورة الضغط. لإزالة التوتر. تنظر. وردة له وهى تغني. بابتسامه وتمسك ايده. لكي تهديه وبمجرد اطفاء الشمع يبدأ الأصدقاء بضرب الألعاب النارية يبدأ التوتر بالإزدياد عند كامل فهو منزعج جداً من أوراق الزينه التى تقع على جسمه من ثلج الأفراح الذي يرشه الأصدقاء على بعضهم فهو بدأ بالشفاء لكن ليس بهذا الشكل. لا يقدر على التحمل أكثر. يجرى مسرعا للخارج تراه وردة… تذهب خلفه
كان يبدو عليه الانزعاج يحاول ان ينفض نفسه فهو كان يرى الزينه والثلج الذى يتساقط عليه جراثيم تتساقط عليه فايخلع الجاكيت ويحدفه على الأرض .. تقترب وردة وتتحدث معه
وردة : كامل اهدى مافيش حاجة حصلت
كامل : يلتفت لها بضيق .. قولتلك بلاش أدخل… قولتك هوصلك واستناكي بره
وردة : أنا كنت بساعدك عشان تتخطى أى شئ بتخاف منه زي ما الدكتور قال. ممكن تهدى. خد نفس
كامل : بنفاعل أنا هادي يا وردة أنا كويس مش محتاج تهديني
وردة : متتعصبش كدا. طيب
كامل : يلا نمشي
وردة : حاضر يلا
يخرجان للشارع وأثناء سيرهم كان يبدو على ملامح كامل الضيق والتوتر ثم يشاور بايده
ليوقف إحدى سيارت الأجرة (تاكسى)
كامل : محرم بيك .. يلا اركبي
وردة : مش هتيجي معايا
كامل : لا محتاج أتمشى شويه
وردة : خلاص هاجي معاك
كامل : وردة من فضلك سبيني لوحدي
وردة : حاضر. لما تروح كلمني
تركب التاكسى وتذهب ينظر كامل بأسف وضيق ثم يعدى الطريق للجهة الأخرى. ويسير على الكورنيش وثم يقف أمام البحر. ينظر حوله يرى شاب يجلس مع حبيبته ويتحدثان يبتسم كامل. ثم ينظر بعينيه. يجد رجل وزوجته وابنه يلعبون سوا ينظر بضيق ويتنهد ثم يتحدث بصوت داخلي
أنت لسه تعبان ، لسه بتخاف أنت مستحيل توصل إنك تبقى طبيعي زي الراجل ده ويبقى ليك بيت وزوجة وأولاد ,أنت مش عادي ياكامل، ولا أنت كامل زى اسمك حرام تظلم معاك وردة , بقالك سنة كل اللي قدرت تعمله ولا حاجة , تمسك ايدها تسلم على ناس اللي بتثق فيها من غير جونتى , هتفضل ركنها جنبك لحد امتى ولامتى هتتحمل أكيد هتزهق وتسبني أنا حسبتها غلط ولازم أصلح غلطتي…