رواية أريدك لقلبي الفصل الحادي عشر 11 بقلم ندى أحمد

رواية أريدك لقلبي الفصل الحادي عشر 11 بقلم ندى أحمد

رواية أريدك لقلبي الجزء الحادي عشر

رواية أريدك لقلبي البارت الحادي عشر

رواية أريدك لقلبي الحلقة الحادية عشر

^انتي تحاولي تصلحي علاقتك ب شادي .. اتقلبي قرد و صلحيها .. لو رجعتيلي وانتي مطلقه قسما بالله م هرحمك يا حور وهنسي ان عندي بنت زيك اصلا
بعياط -هو مش راضي حتي يتناقش معايا يا ماما ..
^مليش دعوه بالكلام دا .. انا قولتلك اهو لو رجعتيلي وانتي مطلقه مش هيحصلك كويس !
^قومي يلا البسي العبايه دي واغسلي وشك و اطلعي الصاله استقبلي حماكي وحماتك و اياكي يحسو ان فيه حاجه غلط
بعياط -حاضر
لبست العبايه و خرجت الصاله و سلمت علي حماها وحماتها و قعدت معاهم شويه بعدها مامتها و ام شادي وباباه ودعوهم و مشيو
بمجرد لما مشيو شادي كان هيدخل اوضه الاطفال بس حور وقفت قدامه
-شادي احنا لازم نتكلم

~ هنتكلم ف ايه ؟ مفيش داعي للكلام
-شادي انت لازم تسمعني قبل لما تحكم عليا
~ مفيش مبرر للي اتعمل يا حور
-والله يا شادي دي كانت غلطه وانا ندمت عليها صدقني
~ مبقتش قادر اثق فيكي يا حور .. حاسس اني كنت مخدوع فيكي طول الوقت دا .. انا مثلت ان مفيش حاجه فالفرح بس عشان الناس ميشكوش فحاجه بس خلاص يا حور احنا كل حاجه بينا انتهت .. بعد شهرين هطلقك و لو كنت مش راضي اطلقك حاليا ف دا عشان كلام الناس
بعياط -انا كنت متلغبطه يا شادي .. كنت متلغبطه جامد بس خلاص انا اختارتك انت
~ متلغبطه ف تقربي من راجل تاني صح ؟!الي عملتيه ملهوش اي تبرير يا حور وحتي لو حصلت معجزه وسامحتك مش هقدر اثق فيكي تاني .. الثقه عامله زي الخيط الرفيع لما بيتقطع مش بتقدري ترجعيه زي الاول
-انا بحبك يا شادي .. متسبنيش
~ عارفه ان بقالي ٣ سنين مستني الكلمه دي ؟! بس انتي قولتيها ف وقت ملهاش فيه اي لازمه .. عارفه يا حور انتي خلتيني اسأل نفسي للمره المليون هل انا وحش ؟ طيب هل انا مكنتش كافي ليكي ؟ يا تري عملت ايه غلط عشان تخونيني قبل فرحنا بشهر
بعياط- بس محصلش بينا حاجه غير الي شوفته فالفيديو والله !
~ حتي لو افترضنا ان كلامك صح و دا كل الي حصل بينكم .. عارفه يا حور الخيانه مش خيانه جسديه بس . خيانه مشاعر يا حور .. انا الي قهرني اكتر نظراتك ليه … دي نفس النظرات الي كنت بتمني انك تبصيلي بيها من اول لما اتخطبنا .. عينيكي كانت بتلمع يا حور و دي عين الي بيحب .. بس متقلقيش هما شهرين بس وكل واحد يروح فحاله و ابقو اتجوزو او اعملي الي عايزاه المهم بعيد عني

بعياط – انا كنت فاكره يا شادي انك هتسامحني لما تعرف اني اختارتك انت فالاخر .. كنت فاكره انك بتحبني لدرجه انك تقدر تسامحني
~ اظن ال ٣ سنين بتوع الخطوبه يقدرو يثبتو حبي ليكي كويس بس احنا دلوقتي بنتكلم عن الثقه .. انتي اتجبرتي عليا يا حور صح ؟ انا عارف مامتك كويس و اكيد هي الي اجبرتك تتخطبي ليا و تكملي معايا اصلا صح ؟
بعياط – لا والله دا كان قراري انا يا شادي .. طيب ينفع تدينا فرصه ؟ اي فرصه بالله عليك
~ اسف ..
وسابها ودخل اوضه الاطفال و قفل الباب بالمفتاح
اما هي ف دخلت اوضتهم وهي منهاره و مش عارفه تعمل ايه .. المفروض دي تبقا احلي ايام حياتها بس اتقلبت لجحيم بسبب مالك
فلاش باك من ٣ سنين ( ف بدايه خطوبتهم )
~ حور انتي لو مجبوره عليا قوليلي وانا هفسخ الخطوبه واقول ان انا الي مش عايز عشان مامتك يعني متضغطش عليكي .. انا عارف كويس ان مامتك شخصيه صعبه وممكن تكون جبراكي عليا
-لا يا شادي انا وافقت بيك عن اقتناع وواثقه اني هحبك مع الوقت .. عارف يا شادي انت خلتني اسأل نفسي هو فيه حد بيحب اوي كدا ؟ و حقيقي كنت هبقا هبله لو كنت رفضتك
~ وانا مبسوط بالفرصه دي و ان شاء الله تحبيني فعلا
باك

شادي كانت حالته زي حور بس فيه نوع من الرجاله لما بيتضايقو جامد جامد مش بيعيطو .. بيكون حزنهم فصوره صمت و بيكونو كاتمين دموعهم
شادي كان حزنه بالطريقه دي .. اكتر حاجه وجعته فالخيانه دي انه تقريبا فقد ثقته فنفسه !! هو طول عمره واثق فنفسه بدرجه كبيره بس الي حور عملته خلاه يشك ف نفسه و يسأل نفسه اسئله كتير
‘يا تري هل انا عملت حاجه غلط ؟ خنقتها بحبي ف اتخنقت و خانتني ؟ معقول طول ال ٣ سنين دول محبتنيش و شخص غيري هو الي كان شاغل تفكيرها ؟ طيب مقالتليش ليه و خلتني دايما اوبشن ٢ بالنسبالها ؟ ‘
خرج من الاوضه و كانت حور قاعده فالصاله وقتها مستنياه يخرج
كان لابس كأنه خارج الشارع
-رايح فين يا شادي
~ الشغل
-هتروح اول يوم جواز الشغل يا شادي ؟! الناس هيقولو عليا ايه يا شادي
~ عندك حق نسيت النقطه دي ..
بعدها كمل بحزن
~ المفروض دي تكون اجمل ايام حياتي .. الايام الي كنت مستنيها من ٣ سنين بس بدل م اكون موجود ف بيتي بفكر انزل الشارع .. ليه عملتي فينا كدا يا حور ؟! هانت عليكي كل السنين دي ؟! طيب مكنش ف بالك اي موقف حلو ليا وانتي بتفكري تخونيني ؟ طيب مقولتليش ليه ان فيه حد فحياتك مكنتش استنيت السنين دي و بقيت اوبشن ٢ .. انتي خليتي الخطوبه ٣ سنين عشان لو قابلتيه تاني تسيبيني و تروحيله صح ؟ ولو مقابلتهوش تاني قولتي اكمل حياتي مع شادي وخلاص
بعياط -شادي لا انا مفكرتش كدا ..انا

كانت لسا هتكمل كلامها بس شادي قطع كلامها
~ مش عايز اسمع اي مبررات تاني يا حور .. انا داخل انام
*بالليل *
حور كانت قاعده ف الاوضه بتعيط من لما شادي راح ينام .. حتي شادي قالها رايح انام بس مقدرش ينام و فضل قاعد فالاوضه غرقان ف دوامه افكاره
وقتها رن موبايلها وكانت مامتها الي بتتصل
مسكت الموبايل و ايدها بتترعش جامد
-ا..ايوه يا ماما
^عملتي ايه يا زفته !!
بعياط – مش راضي يسمعني يا ماما
بسخريه^عنده حق هيسمع ايه اصلا ! هيسمع وانتي بتحكيله اد ايه كنتي مستمتعه وانتي بتخونيه مع حبك القديم !! ولا هيسمع انك مقدرتيش تحبيه طول السنين دول عشان بتحبي واحد تاني ؟! انا اهو نبهت عليكي وقولتلك لو رجعتيلي مطلقه مش هيحصلك كويس
بعياط -اعمل ايه طيب يا ماما اقفي جمبي و قوليلي اعمل ايه .. خليكي مره واحده جمبي و بطلي تعاتبيني
^فيه خطه واحده بس الي هتخليه ميطلقكيش بعد الهباب الي هببتيه
حور مسحت دموعها
-ايه هي ؟
^ ……
-لا طبعا مستحيل اعمل كدا يا ماما !! كدا هيكرهني اكتر وبعدين انا عندي كرامه يا ماما !
^هتنفعك ف ايه الكرامه وانتي مطلقه ؟!
-طيب انا هقفل يا ماما عن اذنك

وقفلت المكالمه وهي بتفكر فكلام مامتها .. بس قررت انها مش هتنفذه . هي هتحاول مع شادي لغايه لما يسامحها لكن مش هتحل الامور بالطريقه دي ابدا
خرجت من الاوضه وكان شادي راجع من برا
جريت عليه وهي متوتره وقلقانه
~ متقلقيش مكنتش فالشغل .. نزلت بس اشتري كام حاجه .. خدي اهو العشا بتاعك انتي مأكلتيش من امبارح
-حتي وانا مزعلاك مني يا شادي بتفكر فيا ؟
~ لا مش بفكر فيكي انا فالنهايه انسان واكيد عندي رحمه
-طيب ايه رأيك ناكل مع بعض
~ لا بحب اكل وحدي
-حور افتكرت مواقف من فتره خطوبتهم عن الاكل
فلاش باك
-هو كل يوم ناكل مع بعض يا شادي ! مش بتزهق يبني ؟!
شادي ضحك
~ فيها ايه لما اكل كل يوم مع خطيبتي حبيبتي ؟ وبعدين الاكل بيبقا ليه طعم تاني لما اكله معاكي .. مش بحب اكل من غيرك
باك
خبطت علي اوضه شادي بعد لما فاقت من السرحان
شادي فتحلها الباب
~ نعم يا حور
-شادي لو سمحت اديني فرصه اخيره .. انا فوقت والله لما اخدتني للقاعه و عرفت غلطتي وقتها .. اديني فرصه وهتعرف اني اتغيرت

~ حور قولنا مفيش داعي تتكلمي فالموضوع دا تاني .. انا خلاص قررت وانتي عارفه اني مش برجع ف قراري يا حور
وقفل باب اوضته
اما حور ف قعدت عالارض عند باب اوضته وهي بتعيط و شادي كان فالجهه الاخري من الباب قاعد عالارض و ضامم رجليه عن صدره وهو حزين
*عند مالك ومريم *
خلصو يومهم فالشركه و روحو البيت
ومالك من وقت فرح حور وهو متضايق وعصبي
> ممكن اعرف ايه سبب العصبيه الزياده النهارده ؟ حرام عليك يا مالك انت خليت الموظفين يخافو منك
=مفيش متضايق شويه
> عندي ليك خبر حلو هيخليك مش متضايق
= خير
مسكت ايده وحطتها علي بطنها
>انا حامل يا مالك !!
مالك كانت مشاعره مختلطه فالوقت دا .. فرح انه هيبقا اب و حزن ان دا معناه ان هيفضل مرتبط بمريم طول حياته
مريم اتضايقت من رده فعله
> مش هي دي رده الفعل الي كانت فخيالي يا مالك ! مالك انا تعبت من اني احاول كل يوم انك تحبني و انت كل يوم بتصدني وكأنك مصر انك متحبنيش .. طلقني يا مالك
= انا بس تعبان من الشغل ف عشان كدا ملاحظتيش اد ايه انا فرحان من الخبر دا و بعدين يا مريم انا كمان بحاول والله استحمليني شويه تاني معلش .. بعدين يرضيكي ابني يتربي من غير اب ؟!
>انتي عايز ولد ؟
= اي حاجه هتكون كويسه
> لو بنت ينفع نسميها حور ؟!
بزعيق = مريم بطلي بقا انك تجيبي سيره صحبتك قدامي كل شويه !! يعني كل شويه حور كذا وحور كذا .. هو انتي ازاي اتصاحبتي عليها بالسرعه دي اصلا ؟!
> مش عارفه ليه متضايق من صداقتنا .. حور بنت طيبه وكويسه و انا بحبها
بزعيق = دي بقت عيشه تزهق .. روحي اتجوزيها يماما طالما هي عجباكي كدا و طالما كل كلامنا هيكون عنها
و دخل الاوضه و غير ونام
*عند شادي و حور *

حور مكنش قدامها اي حل تاني غير انها تنفذ خطه مامتها .. هي عملت كل الي ف بالها و شادي قابل دا بالرفض الشديد
فتحت الدولاب و طلعت قميص نوم احمر و قصير و فردت شعرها و حطت ميكب خفيف و اكتر بيرفن بيحبه شادي
بعدها خبطت علي اوضته
فتح الباب وهو بيزعق
~ عايزه ايه تاني يا حور !! م قولنا الكلام خلص
بس لما فتح الباب و شافها كدا قدامه فضل متنح فيها
-شادي الحق فيه فار فالمطبخ !!
~ ايه ؟! وريني فين الفار دا
دخل المطبخ بس مكنش فيه فار طبعا دي حيله من حور .. كانت كاتباله كلمه بحبك فكل حته فالمطبخ
كان لسا هيلف و يخرج من المطبخ بس حور وقفت قدامه و قربت منه
-شادي متيجي نلعب لعبه عريس و عروسه ؟ ايه رأيك
شادي بلع ريقه وهو بيحاول يثبت علي قراره
~ ابعدي من قدامي يا حور انا رايح اوضتي
-اوضتنا اهي يا شادي .. دي اوضه الاطفال .. بس حرام اوضه الاطفال تبقا فاضيه صح ؟ تعالا نملاها اطفال
~ حور لو سمحتي بطلي الي بتعمليه دا !!
-هو انا بعمل ايه ؟!
تفتكرو شادي هيثبت علي قراره ؟ ولا خطه حور هتنجح

يتبع…

لقراءة الفصل التالي : اضغط هنا

الرواية كاملة اضغط على : (رواية أريدك لقلبي)