رواية نوح الفصل الخامس 5 بقلم آلاء محمود
 |
| رواية نوح الفصل الخامس 5 بقلم آلاء محمود |
رواية نوح الفصل الخامس 5 بقلم آلاء محمود
هاله : شروق .. فكرك مرام دي تكون حاليتها أيه !؟
شروق : مش عارفه والله بس انا مستغربها اوووي .. اول مره تجيلنا حاله كده .. ادينا هنعرف من سلمي واسلام ممكن يوصلوا لحاجه إحنا مش شايفنها
هاله : ربنا يستر بجد
……………………………………………………….
اوضه مرام …
سلمي دخلت لقتها قاعده ومدياهم ضهرها
اسلام : مرام ازيك النهارده
مرام انتبهتله بس فضلت مركزه ع سلمي
سلمي وقفه مصدومه ولنفسها : ازاي !؟ ده هي اللي شوفتها هي نفس ملامحها .. طب ازاي ازاي
مرام تخطت اسلام و بدات تقرب من سلمي
كانت هتمسكها من رقبتها بس سلمي مسكت ايديها بسرعه
مرام بضحكه خبيثه : ههههههههه .. ذكيه وبفحيح افاعي يا سلمي
سلمي بصت ل اسلام وعنيها خايفه بس بتحاول ان مرام متشوفش ده ف عنيها
مرام ببتسامه : خايفه !؟ وبرائه ده مش وقت خوف .. الخوف لسه مجاش .. لسه مجاش يا سلمي هيجيلك .. هيجيلك .. هيجيلك .. هيجيلك
سلمي بعصبية : اتعدليلي كده ..
اسلام : سلمي أهدي ماينفعش كده خالص
سلمي : هي اكيد بتستعبطنا
مرام ببتسامه سامجه : هيجيلك يا سلمي هيجيلك يا سلمي
اسلام خد سلمي وخرج عشان فعلا لقي سلمي هتفقد السيطرة ع نفسها
سلمي : اوعي يا اسلام
هاله وشروق وعز وسفيان جم ع صوتهم
هاله : ف ايه
اسلام : ست هانم اتعصبت عليها .. جوا احنا من امتي يا دكتوره سلمي ينفع نتعصب ع مريض مهما كان حالته
سلمي : البت دي بتستعبطنا
اسلام : وياتري عرفتي ازاي .. هي اكيد بتلعب بتفكيرنا .. وانا مش محتاج افهمك ده .. انتي اول مره تبقي عصبيه ع مريضه .. وده مش من الأساليب اللي بنتبعها مع مريض ابدا يا سلمي
سلمي : انا هعتذر عن الحاله دي
كلهم بصدمه : نعم
سفيان : الف حمد وشكر ليك ياررب ..ادي عصب المستشفي بذات نفسها قالت .. المريضه دي بقا ترجع مكان مجت ..
اسلام : استني انت دلوقتي .. انتي من امتي يا سلمي وانتي بتتنزلي عن حاله بالسهوله دي ..
سلمي : تقدر تفهمني عرفت اسمي منين وهي اصلا مشفتنيش .. هي شافتكوا انتوا بس
اسلام سكت
سلمي : ها رد عليا .. طبعا مافيش رد .. البنت دي فيها حاجه مش طبيعيه تمام وسابتهم ومشيت
هاله وشروق : يا سلمي ياسلمي .. استني يا بنتي
………………………………………………………..
ف مكتب سلمي …
سلمي رايحه جايه ف الاوضه بعصبيه
هاله وشروق دخلوا ..
سلمي : لو انتوا جايين تسالوني ع الحاله خلاص انا مش هكمل تمام
هاله : طب ممكن تهدي هي قالتلك ايه جوا وصلتك لكده
سلمي : بقت كلمه هيجيلك يا سلمي هيجيلك يا سلمي .. بتترد ف ودانها زي جرس الانذار … انا عايزه اقعد لوحدي ممكن
هاله وشروق : بصوا لبعض .. طيب تمام يا حبيبتي اهم حاجه تهدي
سلمي بقت قلبها بينبض بسرعه وقعدت ع مكتبها واول ماحطت راسها ع المكتب لقت نفسها ف البدروم
وبهمس متسبيش مرام
سلمي بعصبيه : انت مين !؟ لو عندك الجرائه قولي انت مين
سمعت ضحكه عاليه .. وبهدوءحلوه وانتي متعصبه ع فكره
سلمي بستغراب : واو شيطان قليل الادب وبيعاكس.. جديده دي والله ..
سمعت ضحكه عاليه تانيه .. بس لقت نفسها بتبتسم تلقائي
اسلام : سلمي .. سلمي
سلمي اتنفضت : بصت حواليها لقت نفسها ف مكتبها
اسلام : انتي تعبانه يا سلمي .. كفايه مقاوحه وتعالي اخدك لدكتور
سلمي سرحانه
اسلام بستغراب : سلمي سلمي
سلمي : فاقت .. ايه يا اسلام ايه !؟
اسلام : ايه !؟ انتي سرحانه ! سرحانه ف ايه كده !؟
سلمي : اكيد ف حاله مرام اللي هتجبلنا الامراض اللي العلم اكتشافها واللي لسه مكتشفهاش دي
اسلام : بلاش تسيبي الحاله وفكري تاني برضو .. بس انا من راي بلاش ياسلمي
سلمي : حاضر يا اسلام
اسلام ببتسامه : تعالي بقا ننزل نقعد ف كافتريا المستشفي تحت احنا وباقي العيال
سلمي : انت عندك حق فعلا هما عيال يلا ننزلهم
……………………………………………………….
ف الكافتريا …
سفيان بضحك : ماشاء الله عصب المستشفي هتنورنا وتقعد معانا لالا هو ايه اللي حصل ف الدنيا
سلمي : بطل تقولي عصب المستشفي دي بقا
سفيان : خلينا واقعين .. انتي بجد عصب المستشفي .. انتي اي حاجه بتمشيهالنا بجد .. انتي ونعمه الصديقه .. حبيب قلبي يا ابو الصحاب
اسلام : ماتتلم يا حج كتك وجع ف قلبك
سفيان بضحك : اسفين يا ريس
عز : استقريتي ع ايه يا سلمي .. هتسيبي الحاله !؟
سلمي : مش عارفه والله يا عز بس انا هشوف
عز : انا واثق انك هتوصلي لحل
سلمي : الواحد من كتر القاعده مع المرضي هيجي هنا ف يوم من الايام
شروق : بيجيلي الاحساس ده كتير اوووي برضو
سفيان : بيجيلكوا احساس ! .. احنا اصلا بقينا مرضي خلاص
كلهم ضحكوا ..
سلمي : طب يلا كفايه كده .. كل واحد ع شغله .. وكفايه لڤلڤه ف المستشفي الحب مولعش ف الدره اوووي كده لدرجادي ولا ايه يا عز انت وشروق عندكوا بيت يلمكوا وضحكت
عز بضحك : بص لشروق مركزه معانا اوووي عصب المستشفي
سلمي : انت كمان يا عز .. انا مركزه مع كل واحد فيكوا يلا امشوا كل واحد ع شغله يلا يا دكتور منك ليه
سفيان بضحك : عامله زي الفرخه اللي بتلم عيالها يخربيت كده
سلمي : يلا اتكلوا ع الله
………………………………………………………
ف ممر المستشفي …
الشخص : لو سمحتي
سلمي : فضلت متنحه ودي اول مره تحصل ان سلمي تتنح ع راجل .. لدرجه ان كلامها طلع متحشرج احم نعم حضرتك .. اقدر اخدمك بحاجه !؟
الشخص ببتسامه : اه ياريت عشان الريسبشن توهني
سلمي : ابتسمت .. حضرتك عايز دكتور ولا بتسأل ع مريض
الشخص : بصراحه انا عايز دكتوره سلمي
سلمي ببتسامه : حظك بقا .. انا دكتوره سلمي
الشخص ببتسامه : طب الحمدلله اخيرا
سلمي : اتفضل معايا حضرتك ع مكتبي
الشخص : تمام
………………………………………………………..
اوضه مكتب سلمي …
سلمي : اتفضل حضرتك
الشخص : انا اخو مرام
سلمي : اهلا وسهلا بحضرتك … مرام !؟ هو حضرتك عرفتني ازاي اصل انا النهارده اول مره اشوف مرام وغير مش انا لوحدي اللي مسكه الحاله
الشخص : انا قابلت دكتور قالي روح لعصب المستشفي هي هتقدر تفيدك ع حالتها
سلمي بهمس مش مسموع : ياابن اللذينه يا سفيان
الشخص : اسف مسمعتش يا دكتور
سلمي : لا مقولتش حاجه .. بص حضرتك هو احنا لحد دلوقتي مشخصناش الحاله .. حالتها جديده علينا بصراحه .. هو ممكن اسألك سؤال .. هي وصلت للحاله دي ازاي
الشخص بهدوء : مش عارف .. انا بصراحه كنت مسافر ولسه راجع
سلمي بشك : تمام ع العموم هنحاول معاها
الشخص : ع العموم شكرا لحضرتك جدا .. وانا هتابع الحاله مع حضرتك برضو
سلمي : تمام جدا ماشي
سلمي لنفسها : ايه الراجل ده ايه الحلاوه دي .. ايه قله الادب اللي انا فيها دي .. وضحكت ع نفسها اما وريتك يا سفيان الكلي مبقاش انا
……………………………………………………….
سلمي : انت يا كلب السرايا
سفيان : شكرا يا صحوبيه
سلمي : انت ازاي تقول لاهل مريض روح لعصب المستشفي
سفيان : الله اكبر متصيته يا سلمي .. صيتك مسمع .. هو عرف ازاي صح
سلمي : انا اللي جاي اسألك عشان انت اللي بتقولي كده دايما
سفيان بستغراب : انا مقابلتش حد من اهالي المرضي خالص يا سلمي والله
سلمي : اومال مين اللي قاله
سفيان : مش عارف والله .. بس ممكن يكون عز متنسيش انه قالك كده هو كمان تحت واحنا ف الكافتريا .. حظك اهو جاي هو واسلام
سلمي : عز مش اي حد يتقاله روح لعصب المستشفي احنا هنستهبل ده بينا وبين بعض ماشي لكن كمان يوصل ل اهالي المرضي لا بقا
عز بستغراب : انا مش فاهم حاجه
سلمي : اخو مرام كان قاعد معايا ف مكتبي وقالي اني ف حد قابله وقاله روح لعصب المستشفي وهي اللي هتفيدك .. برغم اني مش انا لوحدي اللي مسكه الحاله بس تمام .. ع العموم مايتقالش كده ل اهالي المرضي تاني ممكن
اسلام : ثانيه ثانيه بس .. اخو مرام ازاي .. واخو مرام كان قاعد معايا فوق
سلمي : قلبها انقبض ومتعرفش من ايه .. ممكن يكون اخ تاني ولا حاجه
اسلام : الملف بتاع مرام بيقول اني مرام عندها اخ واحد بس .. واخوها ده كان قاعد معايا فوق .. انا مستغرب اصلا انك بتقولي ان اخوها كان قاعد معاكي
سلمي : والله قالي انه اخوها
اسلام : طب هو مقالكيش اسمه ايه !؟
سلمي : لا مقاليش .. ولا انا حتي سالته .. هو مقاليش غير انه هو اخو مرام بس
هاله : انسه مجنونه هانم
سلمي : مش وقتك خالص يا هاله
هاله : يا ست انا جايه اسألك ع حاجه .. اصل البنت بتاعه الريسبشن شافتك واقفه ف الممر بتكلمي نفسك
سلمي بصدمه : نعم بكلم نفسي ايه ؟ .. ده امتي ده ؟
هاله : بقاله شويه الحوار ده .. وبضحك انتي اتجننتي بدري بدري ليه كده
سلمي : ف حاجه غريبه انا مش عارفه ف ايه !؟وسابتهم ومشيت
هاله : رايحه فين
سلمي : رايحه اوضه مرام .. انا هعرف ايه حكايتها
اسلام : طب استني انا هاجي معاكي
سلمي : لالا .. انا عايزه ابقا معاها لوحدي
اسلام : طيب تمام ع العموم سيطري ع اعصابك تمام وهستناكي عشان نروح مع بعض
سلمي : انا هشوفها ونروح ع طول
………………………………………………………
اوضه مرام
سلمي اول مادخلت لقيتها واقفه بتلعب ف شعرها وبدندن اغنيه
سلمي : احم .. انا بعتذرلك ع اللي حصل مني بس مكنتش اقصد
مرام بصتلها بخبث : قربت منها هو اللي قالك متسبيش حالتي صح
سلمي : هو مين .. بس ع العموم تعالي ندردش مع بعض
مرام : ندردش !؟ بس انتي مش بتاعه دردشه ياسلمي .. انتي حياتك كئيبه وممله ومافيهاش اي تطوير حقيقي
سلمي : بتحاول تسيطر ع نفسها .. شكرا يا مرام مش عارفه اققولك ايه
مرام بخبث: عجبك صح !
سلمي بستغراب : هو مين ؟
مرام ببتسامه سامجه وخبيثه: اللي عينك منزلتش من عليه طول مانتي قاعده بتكلميه … انا عارفه عنك كل حاجه وبشوفك دايما بتعملي ايه ف كل وقت وف كل مكان
سلمي : وقفت عشان هي مش ضامنه هي ممكن تعمل فيها ايه دلوقتي .. ع العموم هندردش بكره سلام يا مرام وسابتها ومشيت بس وقفت من كلامها
مرام بخبث : هيكون جواكي قريب اوووي يا سلمي .. وقربت منها جدا ووقفت قدامها.. هيكون جواكي وشاورت ع بطنها هيكبر جواكي هيكبر ف رحمك وهيكون بمزاجك مش غصب عنك وضحكت ضحكه غريبه
يتبع..
لقراءة الفصل السادس : اضغط هنا
لقراءة باقي فصول الرواية : اضغط هنا
نرشح لك أيضاً رواية خطأ أفقدني عذريتي للكاتبة سمسمة سيد
