رواية فرح ولكن الحلقة الرابعة 4 بقلم مروان فرج
 |
| رواية فرح ولكن الحلقة الرابعة 4 بقلم مروان فرج |
رواية فرح ولكن الحلقة الرابعة 4 بقلم مروان فرج
وقعدو يجدو فيه كل وحدة تبي تاخدني عندها
قاللهم بس علموني كيف نتعامل معها وامتي نرضعها
وامتي نغيرلها وهكي حاجات متاع البيبي
ومن هنا بدت رحله معاناتي معا بوي….. ????????
كان مايرقدش لاليل ولانهار وديما حايس فيا كان يهدرزلي
يقولي بنوتي الغالية كان امك حيه راهو تلعب عليك
وتناغيلك بس ياريت ماصار يلي صار ياريت لو خوله قاعده معانا❤️
بس انا رح نقعد معاك ومش حد نخلي غيري يهتم بيك ياروح بوك وعيونه
مانبي شي مالدنيا غير نشوفك تكبري قدامي
بعد تكبري شويا بنطلع بيك بره وبنعالجك ونديرلك
عملية ع رجليك نبي نشوفك تلعبي مع الصغار زيك زيهم???? وكان اغلب وقته معاي ف الحوش لانا كنت عمري 3شهور وقتها ومازلت صغيره مانتحملش الطلوع هلباا
بوي سيب الخدمة وسيب الاصدقاء وسيب الزرادي وحياتها كلها
حتي من الحوش معاش يطلع وكان يبي حاجة من السوق
يبعت واحد من ولاد عمي
كان مع عمتي بالحوش 24 ساعه
مرة شرقت عليه من الحليب قريب مات من الخوف????
يجو عماتي يضمو الحوش يطيبو وكان قاللولا
اطلع اشويا غير جوك اهو احني قاعدين معها
مايباش يقول بنيتي مانطلعش ونخليها بجد كان قلبه حنين علياا هلباااا
وكان يتابع بيا عند الدكاترة في كل موعد يرفعني
ماعمره نسي موعد
الدكتور ايقولا ازيدتها ماشاءالله
كنت بيبي معبي نهبل مشدقه من كتر الحليب
والسيرلاك هههه
يفرح لما يسمع هكي وانه مش مقصر ????
تسريع الأحداث ????
مشو الايام وليت عمري سنه ودارلي بوي عيد ميلاد
وجمع صغار العيلة وصورني وشرالي كيكة ورفعني
لجداي ام امي وخلاني عندها قريب ساعة????
كنت مش متعود علي حد لاني اغلب وقتي مانشوفش الا ف بوي بس قعد نعيط بصوت عالي وقلبت الحوش طلع بكي بالرغم من كان ف صغار اندادي بس ماكنتش متعوده الا ع بوي كنت نشوف فيهم كلهم غريبين قعدت نعيط لين اتصلو بي بوي
وفعلا جي عبدالرؤوف وكان يحاسب صاير شي جي مخلوع بس لما عرف انا موضوع كنت نبكي عشان كنت نبيه فرح وارتسمت الابتسامه ع وجهه وجي خداني ف حضنه وقعد يهدرز معا عمامي ????
بوي….. كان عنده ورث من بوه كلم عمامي يعطوه حصته
باش يطلعني بره ويديرلي عمليتي
عمامي قالو شوف شن تبي فلوس واحني معاك
ورثتك خليه للبنيه ماتنديرش ع الدنيا مايعملش حد شن يصيرله رح نساعدوك في فلوس ومش رح نبيعو حقك لما تحصل فلوس رجعنها
عبدالرؤوف….عجباته من خوته عشان مااستغلوش الفرصه وخدو من حقه هطوه ملبغ كويس وقالوله امتا ماتحصل رجعهم
وماحد من عمامي قصر جمعو مبلغ كويس
يسدني عمليتي وعلاجي وسافر بيا لي تركيا❤️
وصلنا غادي وقتها كان عمري سنه وشوي خشينا للدكتور بس الدكتور قاله للاسف مانقدروش نديرلها عمليه توا لا مزال صغيرة
لما يوصل عمرها 10 اسنين جيبها ورح نديرولها عمليه ????????
بوي ….زعل هلبا ومشي بيا لي دكاترة هلبا نفس الكلام
عملية توا لا بس بعد 10 ندير عملية ونمشي طبيعي بوي كان يبي يعالجني من وانا صغيره عشان كان مايبيش ترجع قصه خوله لي لبنتها والناس يقعدو يشوفلي اني ناقصه ويقعدو يحطو ف الكلام علياا شفو ماااطيب قلبه علياا????❤️
المهم بعد ماصارش من العمليه روح بيا بوي وبديت نوقف مع الحاجة ونبي نمشي
بوي…فرحان بيا لاني بديت نكبر ونخطي اشويا ونطيح
كلم عمتي سالها اني نطيح عادي الصغار كلهم
ولا غير اني ع خاطر رجلي
طمناتا عمتي ان الصغار كلهم اول مايمشو يطيحو عادي
ومشيت رسمي وكان واضح عيب رجلي????
رجل طبيعية ورجل ملتوي شويا ممكن رواثه كنت نمشي زي ماتمشي امي بالضبظ
كنت ديما معا بوي حتي يمشي للحوش عمامي
يقعمزني بجنبه مايخلي حد من الصغار يقرب منني
يقعدو عماتي ولا نساوين عمي يقولو خليها مع صغارنا داخل
يقوللهم لالا توا ايطيحوها جيبو صغاركم اهني يلعبو قدامي
وفعلا ايجيبو صغارهم للصالون يلعبو معاي
مشت الايام
وعمري وله 4 اسنين ومزال الخوف ولاهتمام هوا هوا وزاد
بديت نتكلم ونحكي كويس وكنت لما بنلعب يقولي راك اطيحي ويجيب كرسي ويقعمز باش يرد بالا مني ولو صغار العيلة يخافو منا
يلعبو وحتي هما يقولو راهي فرح اطيح
نسمع ونضحك خيرني ????كلهم راهي اطيح راهي اطيح
وبديت نمشي للروضه يرفعني يوصي عليا وايجي
ياخدني من الاستاده
ولما نروح نحكيله كل حرف قريته وكل شي صار
كان يوصي فيا كولي سندويش كله مش تخليه
بنتي الحلوه تكمل فطورها باش بوها مايزعلش منها
بنتي الحلوه تشرب عصيرها باش تكبر وتولي حلوه
بنتي الحلوه مادس شي ع بوها …
وخشيت للمدرسة طبعا قريت في مدرسة خاصة
لان مافيهاش هلبا صغار نمشي وقت الحصص ويروح بيا
فاتو العشر اسنين ورفعني درت عمليتي
وقعد بيا بره لين كملت علاجي كلا
ورجلي ولت طبيعية الحمدلله
وفاتو كم سنة تانية وبديت نكبر
وقعدت نتحشم كان عندي في لبس حوايجي
كان بوي يفهم في كل شي????
كلم عمتي وقاللها
فروحه بدت تكبر وماعندها حد قريب منها الااني
واني بوها هلبا حاجات تتحشم تخبرني عليهن
بنجيبها عندك هدرزي عليها ولاقولي لوحدة من البنات
تحكيلها
قالي اليوم بنمشو نتعشو عند عمتك شن رايك
اني.فرحت وقتلا باهي بببس ☺
بوي ..بس شن حبيبتي
انا …شي شي
…بوي…شن فيه حبيبيتي في يضايق فيك لما نمشو غادي
اني..لا لا…كان بترفعني بتقعمزني معاك بحدا الرجالة
كان تخليني نخش داخل مع لبنات نمشي
وكان هادا نبيش نمشي
بوي….ههههههه كبرت بنت بوهاااا????
حاضر من عيونك بوك نخليك تخشي داخل مع البنات
انا…..حقه قصدك نقدر نقعمز بروحي معاهم
بوي..اي تقدري وكان تبي نجيبو وحدة من البنات معنا من بنات عماتك عادي
شن رايك
فرحت هلبا هلبا…اي نجيبو ساجدة نحبها وديما دسلي
في شكاليط لما نمشي نعطيني فيهم
قالي..نجيبو ساجدة وغدوه نمشو للملاهي راضيه هكي????
اني..راضيه ????
روحت معاي ساجدة ولعبنا وهدرزنا للصبح
كانت تسال فيا علاش بوك مايخليش فيك
تلعبي معنا وتباتي عندنا وعلاش ديما يخاف عليك
وعلاش وعلاش
واني ماعنديش جواب الا بس نقوللها بابا يحبني
ويخاف عليا
ورفعنا بوي تاني يوم للملاهي اخطمنا ع حوش عمتي
نزلنا ساجدة كان خاطري نقولا خليني نبات لكن قعدت
الكلمة ع راس لساني تعودت مانقولش حاجة ممكن تضايقه❤️????
لاني نعرفه ونعرف شن يحب
ورحنا للحوش رقدت وتاني مشيت للمدرسة
وحياتي روتين عادي
كنت لما نروح نبدل حوايجي ونطيب اني وياه الغدي وبعتالي
اني نغسل الماعين ونلها في قرايتي وهوا يضم الحوش
ويحوس عليا كان نبي حاجة ولاخاطري في حاجة
كانت حياته كلها ليا اني وبس والحمدلله مش منقصني شي
لما نكمل قرايتي ندير اني وياه عشانا
ونمشي نرقد
هلبا قاولولا عماتي واصحابة ازوج مرة تانية
قال مستحيل نجيب لفروحه مرة بو
مرات ماتتعاملش باهي وتكسر خاطرها
كلامته عمتي قالتلا مرة مرة جيب فروحه
نعلمها خدمة في ايديها
عمتي كانت ادير فالحلويات وفالحة فيهم
قاللات للزمان خليها تتعلم
وتفاجاءت برد بوي يلي كان كالصدمه ع قلبي….????
يتبع..
لقراءة الحلقة الخامسة : اضغط هنا
لقراءة باقي حلقات الرواية : اضغط هنا
نرشح لك أيضاً رواية ملاك أوقع شيطان للكاتبة ريم محمد.
