رواية أحببتها رغماً عني الفصل الرابع 4 بقلم هند خالد

وصلنا البارت اللي فات أن في حد رن على عائشة 

: ازيك يا عائشة وحشتيني

عائشة : مين حضرتك !؟

: اي دا معقوله مش عارفاني

عائشة : هتقول انت مين ولا تاخد احلى بلوك

: خلاص يا ستي براحه انا ياسر اللي كنت معاكي في أولى جامعه

عائشة بصدمه : ياسر..انت جبت رقمي منين وليه اللي خلاك تتصل اصلا انا خلاص قطعت علاقتي معاك 

“فلاش باك”

عائشة  الاولى على دفعتها في تالته ثانوي وطبعا في الجامعه كلهم عارفين كدا 

في المدرج عائشة : اروى بقولك ايه رايك بعد الجامعه اروح اشتري بنطلون ببحي 

اروى : هيبقى تحفه عليكي يا قلبي 

عائشة : يديمك ليا يارب يا احلى بيست

اروى بمكر : ويديمكم ليا يا قلبي اه بقولك 

قاطعها ياسر وهي لسه هتتكلم : ايه الجمال دا معقوله في بنات حلوين كدا 

عائشة واروى : شكرا ليك 

ياسر : انتي بقى الاولى على الجمهوريه 

عائشة. : اه انا 

ياسر : دا انا كنت افكر أن الشطار بيكون شكلهم وحش بس طلعو حلوين جدا اهم 

عائشة : ميرسي جدا لذوقك

مرت الايام بينهم وبدأ الكلام يزيد وعائشة حبت ياسر لكن هو كان بيمثل عليها الحب 

ياسر : انتي فعلا اجمل بنت اتعرفت عليها يا عائشة 

عائشة : واللع وانت كمان اجمل يا حبيبي يااااه منتظره اليوم اللي هتيجي تتقدملي فيه 

ياسر بمكر : طبعا يا حياتي اول ما اخلص الكليه هاجي لوالدك اطلب ايدك

عائشة : بحبك اوي اوي والله 

…………………………………………….

اروى : اي يا ياسر طولت مع البت دي اوي ليه كدا

ياسر : كلها يومين واسبها هي مجرد تسليه وكمان بتفيدنا في الامتحانات

اروى : إياك تحبها بجد ..اقتلك فيها 

ياسر : انت اللي في القلب يا جميل وعائشة دي مجرد واحده بتساعدنا أننا ننجح في الامتحانات ونعدي

اروى : يا خوفي يضحك عليا زيها يا قلبي 

ياسر : ههههه لا انتي غيرهم كله 

” ياسر دا واحد مثل على عائشة انو بيحبها و بعد ما يخلص الكلية هيروح يتقدم لاهلها علشان يتجوزها زي ما بنات كتير بيضحك عليهم تحت مسمى الحب ، اروى بقى كانت البيست فريند بتاعت عائشة بس هي كمان غدرت بيها للأسف وباعتها للشخص دا ” 

بعد ما عرفت أن ياسر بيضحك عليا و واخدني مصلحه وبيتسلى بيا فوقت ومبقتش اتكلم مع شباب تاني واتعرفت على صحاب قربوني من ربنا اكتر و قالولي أن انتي غلطتي  بس ربنا بيغفر لو توبتي ومعملتيش كدا تاني وفهموني كل حاجه في الدين وانا حاليا بقيت في طريق الالتزام التام وبدل ما كنت عائشة اللي بتلبس لبس ضيق بقيت حاليا ذات النقاب

نرجع تاني من الفلاش باك

ياسر : بس انا موافقتش على كدا ولسه عايزك لانك بتعتي 

عائشة : انت انسان مش محترم 

وقفلت في وشه السكه وعملتله بلوك 

خديجه : معلش اكيد هو راجع يلعب بيكي تاني بس انا اختي قويه و مش واحد زي دا هيأثر عليها تاني صح

عائشة : طبعااا انا استرونج يا امي

خديجه : ايواااااا يا جامد انت 

عائشة : طول عمري جامد مش محتاجه رأيك

خديجه حدفته بالمخده : غوري يا بت من قدامي 

قعدو يهزرو مع بعض ويرمو المخدات على بعض

احمد والد عائشة: بس يا مجاااانين يلا جو الجيران هتصحى بسببكم

عائشة وخديجه في صوت واحد : مااااشي يا عمو حماااادة ….. تصبح على خير

احمد : وانتم من أهلو يا حبايبي

عائشة : تصبحي على خير يا اوختشي

خديجه : وانتي بخير ياختي يلا اتخمدي 

وعم الهدوء في المنزل ونامو الكل 

تاني يوم الصبح

امل والدة عائشة : قومي يا عائشة الساعه داخله على 8 وانتي لسه نايمه هتتاخر على شغلك كدا

عائشة بخضه : 8 يا ماما المره الجايه رشي عليا جردل ميه علشان اصحى 

أمل : طب كويس انك عارفه انك مش هتصخي غير بالميه يا حماره 

عائشة : حماره يا اموله ماشي مسامحاكي ….روحي بقى صحي القتيله اللي هناك دي

أمل : اه والله دا موال لغاية ام اصحيها

عائشة : كان الله في عونك وانتي بتصحيها ….اروح انا اجهز نفسي

راحت عائشة صلت ولبست هدومها و وصلت الشغل بعد عناء المواصلات

“عند محمد”

يستيقظ محمد وباخد دش ويرتدي ملابسه وينزل لتناول للإفطار

محمد : صباح الخير يا لوما

لمياء : صباح الخير يا حبيبي

محمد : اومال فين الباشا لسه مصحيش ولا ايه 

محمود : سمعتك جايب في سيرتي  

محمد : اي دا معقوله صحيت بدري …دي لحظه لازم تتسجل في التاريخ

محمود : نينينيني انا مش هرد عليك

محمد : طب يلا ياخويا افطر علشان نروح الشركة 

بعد انتهاء الافطار ركب محمد ومحمود سياراتهم وذهبوا للشركه 

“في الشركه”

محمد : صباح الخير يا انسه عائشة

عائشة : صباح النور يا بشمهندس

محمد : ممكن تجيبيلي  الورق بتاع الشركه اللي اجتمعنا معاهم امبارح علشان أتأكد منه

عائشة : دقائق ويكون عند حضرتك 

محمد : تمام 

ترن ترن ترن تليفون محمد

مامت محمد ناديه : الو يا محمد

محمد ايوا فيه حاجه

ناديه : اه متنساش انهارده خطوبة ابن خالتك ابقى تعالى بدري انت ومحمود

محمد : أن شاء الله نيجي بدري

ناديه : تمام خلي بالك من نفسك سلام 

محمد : سلام 

دق دق دق

محمد : اتفضلي يا عائشة

عائشة : اهو دا الورق بتاع الشركه بس هو.

محمد : فيه ايه 

عائشة : في باند هنا بقول أن لو مكملناش التعاقد معاهم هيبقى فيه شرط جزائي اتنين مليون

محمد : نعممم ..مين اللي كتب الباند دا 

عائشة : مستر اياد هو اللي كتبه 

محمد : خلاص تمام سيبي انتي الورق وانا هرن اياد واشوف الموضوع دا 

عائشة : تمام …بعد اذن حضرتك

محمد : اتفضلي

????عند ميرفت و محمود ????

محمود : السلام عليكم ازيكم يا شباب 

في صوت واحد : وعليكم السلام ورحمه الله وبركاته …بخير يا بشمهندس

محمود : انسه ميرفت جهزتي اوراق المشروع الجديد

ميرفت : اه جهزت كل الورق حضرتك ممكن تشوفه علشان تتأكد

محمود : لا لا عادي ابعتيهم بقى لعمي محمد علشان يبدأ شغل في الموقع 

ميرفت : تمام حضرتك

محمود : اه ومتنسيش في عشاء عمل بكرا في مطعم … الساعه 9

ميرفت : هو لازم اكون موجودة يعني 

محمود : اه مانتي تعتبري السكرتيرة بتعتي ولازم تسجلي كل حاجه

ميرفت : تمام

“في مكتب عائشة”

عائشة بتتكلم في الفون

عائشة : يا بنتي الايه حصل امتى الكلام دا 

: والله الموضوع جه بسرعه بس انتي بيستي فا قلت لايمكن متحضريش

عائشة : اه بيستك فا تقولي في يوم الخطوبه يا ساره

ساره : والله زي ما قلتلك الموضوع جه بسرعه حتى لسه مقلتش لباقي البنات 

عائشة : طيب يا ستي بس قوليلي بقى هذا اللي أمه داعيه عليه يلبس في حيطه سد زيك كدا محترم ومؤدب وملتزم

ساره : بغض النظر عن كلامك الدبش فا اه مؤدب ومحترم جدا وعنده لخيه كمان ومز وقمرررر كدا 

عائشة : بنت احترمي نفسك ايه مز دي 

ساره : اني اسف يا اش اش …المهم تجيلي بدري انهارده 

عائشة : تموز ..يلا بقى اسيبك علشان اشوف الشغل اللي ورايه 

ساره : تمام يا قلبو السلام عليكم 

عائشة : وعليكم السلام ورحمه الله وبركاته

……

ميرفت بصوت عالي: شوووووفتي الاستاذ اللي عندي دا طلب ايه 

عائشة بخضه : ايه يا جزمه الخضة دي فا حد يدخل على حد كدا 

ميرفت : ماهو البشمهندس محمود دا خلاني اتعصبت

عائشة : حصل ايه يعني 

ميرفت بتقليد صوته : قال بيقول بكرا عندنا عشاء عمل الساعه 9 فا انتي لازم تحضري علشان انتي تعتبري السكرتيرة بتعتي

عائشة : امممم الساعه تسعه متأخر جدااا 

ميرفت : انا هترفد او هتطرد من البيت حاجه من الاثنين.

عائشة : تفائلي بالخير يا ستي احنا نحاول نقنع ابوكي انك تروحي الاجتماع 

ميرفت : تمام …بس انا عارفه بابا مش هيوافق

عائشة :لا إن شاء الله يوافق ..يلا هروح للبشمهندس محمد علشان استأذن امشي بدري انهارده

ميرفت : ليه تعبانه ولا ايه 

عائشة : لا بس انهارده خطوبة صحبتي فا عايزه اروح بدري 

“في مكتب محمد”

دق دق دق 

اتفضل

عائشة : امم بشمهندس محمد معلش انهارده عايزه استأذن بدري واروح 

محمد بخضه : ايه تعبانه ولا ايه 

عائشة : لا بس في مناسب عندنا وعايزه احضرها فا لو ممكن يعني 

محمد : يعني عايزه تروحي الساعه كام كدا 

عائشة : لو الساعه اربعه يعني 

محمد : مش بدري أربعه .. بس تمام تقدري تمشي بس دي آخر مرة 

عائشة بفرحه : بجد شكرا جدا جدا لحضرتك 

محمد : عفوا 

جت الساعه اربعه وعائشه روحت بيتها وصلت الفروض اللي عليها وبدأت تجهز نفسها ولبست دريس بيج ضيق من فوق ونازل بوسع وعليها خمار ونقاب اسود وراحت على خطوبة صحبتها

عائشة وساره اول ما شافوا بعض صرخوا وحضنو بعد جاااامد

عائشة : وحشتيني وحشتيني اوووووي يا ساره 

ساره : والله وانتي كمان وحشاني اوووي بجد 

عائشة : واخيرا شوفتك عروسه يا قمر لا وكمان أجمل عروسه والله 

ساره بهزار : انا عارفه اصلا اني قمر 

عائشة : لسه زي مانتي يا جزمه ..بس المره دي هستحملك علشان عروسه مش اكتر

ساره : عقبالك لم اشوفك زي قمر كدا 

عائشة : بعد الشر عليا ياختي اتلهي انتي في جوازك  وتوترك دا بس

ساره : هيجي اليوم اللي هشمت فيكي فيها وانتي بتتجوزي ومتوتره كدا

قعدو يرغو مع بعض وجه وقت أنهم ينزلو القاعه

: عائشة انتي ايه اللي جابك هنا

عائشة بتبص تشوف مين وكانت المفاجأة : …..

يتبع…..