رواية فرح ولكن الحلقة الثالثة 3 بقلم مروان فرج
 |
| رواية فرح ولكن الحلقة الثالثة 3 بقلم مروان فرج |
رواية فرح ولكن الحلقة الثالثة 3 بقلم مروان فرج
بوي خبط وعيط انقذوها هيا العيل مااااااااانبيشي
بس قضاء الله كان اقوي
دارو عملية نقذوني اني
وللأسف……… أمي ماتت????
جيت ع الدنيا وياريتني ماجيتش ????????امي بسببي ماتت بس هدا قضاء الله وقدره
كان بوي يراجي برا ويدعي في ربي انا مايصيرش شي لخوله بس القضاء كان اقوي من كل شي انفتح باب العلميات وجي بوي يجري لعند الدكتور قاله طمني نقدتو خوله ولا شني صار بالله عليك قولي
الدكتور… للاسف عطاك عمرها بس حصلت بنيه زي امها بسم الله ماشاء الله هاك شادها❤️
عيط بوي… بكي قلب الدنيا الناس تهدي فيه وهوا يعيط
فقد مراته اللي عاش معها عمر قصير لكن كانت اعز عليه من روحه …كان يعيط ويقول للدكتور شوفها بالك حيه
شوفوهاااباالله اعليك راهي غاليا عليا
شوفوهاا بالك دايخه من الضربة بس
توا تفيق غير اصبرو عليهاا ????????
ماحد يدفنهاا ماحد يدفنهااا خلوها لين تفيق خلوهاالين تفتح عيونها خولة قالت بنكبر انا وياك خولة قالت
بنجيبلك ولد باش يرفع اسمك خولة قالت بنلبسه زبون باش يمشي معاك للجمعة لي من خليتني لللليي منييي
قالت بنكبر معاك وبنشيب قبلك ????????
الدكتور…مشي وحطني ف الغرفه التانيه
جي خوه ضياء وشده وسكته عشان عبدالرؤوف كان قاعد متاثر هلباا وقاعد مش مصدقه والدكتور قاللهم تعالو كان بتشوفو البيبي يلي هيا انا❤️
بوي…قعمز ف مكانه ومباش يمشي عشان يشوفني لين خوه ضياء ساعده وقاله البنيه شن دنبها كيف جت ع الدنيا وهيا من ريحه خوله نوض ع الاقل شوفها بس
بوي….ناض ومشي معاه جهه الغرفه خشو داخل الغرفه وكان حزين ومتوتر فالبدايه ماقدرش يمسكني بس
الدكتور قعد يصبر فيه وقاله ادعيلها بس وهيا جابتك بنت واكيد تعرف انك رح ادير بالك عليها❤️
بوي لااله الا الله وقعمز ع الكرسي
الدكور هدا شوفها وحظنتي ف حضن بوي
بوي مسكني وماقدرش يشد دمعته نزلو دمووعه علياااا وقتهاا انا لااراديا عيطت????
عبدالرؤوف… فاق ع روحه وقعد يحمد في ربي وشكره ع البنتيه يلي ربي رزقه بيها ومسح دموعه وحاول يسكتني
جت المرضه وخدتني من حضنه وبعد شويه وصلووو اهل بوي واهل امي ????
وبوي قاللهم للاسف خوله عطاكم عمرها الكل انصدم من الخبر مافيش حد توقع يصير هكي بكل انقلب المسشفي الي عزي الكل كان متوتر
قعدوا يصبروو في بوي وطلعوه من المسشفي وروحو بيه للحوش
ماتت امي من غير ماتشوفني ولاتشم ريحتي????
ماتت امي واني قعدت حيه
ياريتها شافتني حتي دقيقة وحدة ????
حتي ثانية ماتت أمي فتحو بطنها وطلعوني
ياريت متت معها ياريت ماجيت ع الدنيا
زي ماهيا مشت ياريت اني يلي متت وهيا قعدت حيه
ياريت وياريت والقدر يكتب في تفاصيل اقوي مني
ومن كل الكون ….???? ????
حطوني فالحضانه لاني مزال ناقصة شهرين
يعني ماعندهم شن بيدرولي كان عندي عمر توا نعيش
وكان هادا نموت وياريت متت ????
دارو عزي أمي حبيبه روحي عزي الغالية اميمتي اللي ماعشت
معها الا بالصور حتي لحظة تخيلو نولدت وامي ميته
بوي مش مصدق العيلة كلها مصدومة????
خولة الحنينة خولة الباهية مشت في رمشه عين
تم العزي وبوي في حاله مايعلم بيه الاربي
خالاتي وعماتي يجو للمستشفي يطمنو عليا ويمشو
واما بوي ماجاش بكل مكانش يقدر يشوفني لانا كان يتخيل في لحظات حياته معا خوله كيف اول مره التقي بيها????
كيف لما خطبها كيف لما دارو العرس كيف اول ايامات بعد العرس كل لحظات حياته كانو يمروو عليه وكانه شريط مسجل، ????
بعد 15يوم من العزي جات عمتي سليمه لبوي
عمتي لقاته قاعد ف حوشه وحزين
سليمه….عليش ياعبدالرووف ادير في روحك هكي هدا قضاء الله وقدره ربي هكي كاتب بيصير اتجي انتا تعترض ع قراره
عبدالرؤوف…. يسمع ف كلامه ومايردش ????
سليمه…. قديش ليك انتا معاش مشيت لعملك والله غلط يلي ادير فيه راهوو وفتحت شبابيك الحوش عشان كان واضح عليه ليهم فتره معاش انفتحو والضي معاش خش للحوش????
عبدالرؤوف….خليني في حالي توا يومين وانشاء الله نرجع زي قبل ومانبيش حد يقعد معاي هنا بكلللل
سليمه… باهي خوله جابتك بنتك وهيا امانته توا ف رقبتك معقوله لاتنشد عليها ولا شي ليها اكثر من 20يوم ف الحضانه مش معقوله هكي مسيبها ياعبدالروؤف ع الاقل امشي شوفها
عبدالرؤوف… في لحظه حس بي كلام عمتي وحس بي كلام خوله كانت تحكيلي زمان قاتليه كان يصيرلي شي يلي ف بطني امانه عندك ????
فاق بوي ع روحه وسال عمتي عليااا وينها قاعده في المستشفى صح
سليمه …. اي قاعده حاطينها ف الحضانه وطلبو عليااا اوراق عشان نسجلوهااا لانا طولنا ونا كنت ناجل ف الموضوع عشان نقولهم عندنا عزي ومانبيش نسجلها لين انتا تختارها اسم بروحك وضروري تمشيلها
عبدالرؤوف… اي توا نمشوو
سليمه…شن بتسمي البنيه
عبدالرؤوف.. بصوت حزين قاللها (فرح)????????
سليمه …ياحسره وينه الفرح
عبدالرؤوف…. خوله الله يرحمها خاطرها في اسم فرح وهيا قالت لو جتني بنت نبيك اسمها فرح????
سليمه باهي ..فرح فرح زي ماتبي
المهم امشي شوفها وخيي
بوي مانقدرش نمشي مانقدرش كل مانشوفها ندكر ف امها قدامي????
عمتي ياوخيي هيا شن ذنبها هيا بروحها اسملااعليها
كان عاشت راهي ناقصة بتعيش بلا اميمتها
بره سلم وخيي شوف بنيتك مرات تموت وانت ماريتها
بوي إنشاء الله خير توا نمشي نشوفها
مشو ايامات علي بوي وكان وحداني في حوشه خدي اجازه من عمله ومعاش قعد يمشي لحوش العيله هلباااا كانو عماتي يتصلو بيه بس اغلب الاحيان كان يفوت ومايردش
اتصل بيه صاحبه محمد وقاله عازمك ع الغدي اليوم ولو ماتجبش والله معاد بتجي بيناتنا كلمه
بوي تحشم منه ومشي ع خاطره????
وصل باتي لحوش محمد وخش للمربوعه نفس المكان يلي تلاقي فيه معا خوله خش قعمز ع الصالون وقعد يسترجع في دكريات اول لقاء بيناتهم????????
وحس بروحه انا مضايق ومخنوق
جي محمد سلم عليه ورحب بيه وقعدو يهدرزو وحس انا بوي مش متريح
محمد خيرك ي عبدالرؤوف نحس فيك مش متريح
بوي اي الجو ضاغط شوي شن رايك نقعمزو برا
محمد عادي فرش محمد برا وناضو قعمزو برا وجاب محمد الغدي وتغدو وكان صاحبه كل مره يفتحا في موضوع ويبصر ويضحك معاه يبي يغيرله جوه????????
المهم قعدو يهدرزو لعند العشيه وبعدين ساله علياا
محمد شن صار في بينتك سميتها????
بوي اي بنسميها فرح
محمد يعني مشيت سجلتها
بوي مزال والله
محمد شن تراجي لعند توا
بوي انشاء الله ف اليومين هادم
محمد لا غضوا الصبح نجيك انا ونمشو للمستشفى ونسجلوها تمام
بوي تمام
روح باتي كان تعبان ورقد ع طول????
تاني يوم جي صاحبه محمد لبحوش خداه ومشو للمستشفي
كان متوتر خش وشافني وبكي لان نشبه هلبا لي امي
قعد يحكي معاي من وراء المرش????????
..بنيتي ياقطعه مني ومن الغالية بنيتي
سامحيني هادا وين جيتك واجعني خاطري ع امك
بنعيشلك وبنربيك ومانخلي شي في خاطرك
بنعوضك عن فقد امك بنربيك اني ماحد ياخدك مني
سميتك فرح وان شاءالله ايامك كلها فرح
بتعيشي معاي اني بوك واني امك????
سجلني باسم فرح وقعدت في الحضانه لمده شهرين
واني متمسكة بالحياة بشكل غريب
الدكتور المشرف عليا لاحظ ان رجليا
مش زي بعض وحدة منهم ملتوية عن التانية
يعني اني نفس حاله رجل أمي موضوع مرتبط بالوراثة
كلم بوي وخبره وطمنه ان فيه عمليات بعدما نكبر اشويا
وان ساهل ومش موضوع اكبير وحتي امي الله يرحمها
لو دارولها عملية راهي شفت ومشت طبيعي
بوي زعل الحق لكن سلم امره لله ماعنده مايدير
بوي كلم حناي وخلاتي وقاللهم قريب طارو عليا
بس الله غالب هادا قدري
وقاللهم ان هوا بيطلعني للحوش
قاللولا احني نبوها انت واعر عليك تعاني بيبي
صغيرة وعندك خدمة وهكي????????
ماباش دارو فيه لين عيو صكر راسه وقال اني بنعانيها
بروحي كلمتا عمتي واجدت فيه جيبها عندي نديرها
زي صغاري ولين تكبر وبعدها خودها
ماباش ????
طلعني من المستشفي وجو خالاتي وحناي
وعماتي والعيلة وداروه عزي من اجديد
امي ماتت ورجلي ومش معروف شن بيصير
فيها وضعيفه هلبا ع خاطر جيت قبل وقتي
وقعدو يجدو فيه كل وحدة تبي تاخدني عندها
قاللهم بس علموني كيف نتعامل معها وامتي نرضعها
وامتي نغيرلها وهكي حاجات يلي للبيبي
ومن هنا بدت رحله معانا بوي….. ????????
يتبع..
لقراءة الحلقة الرابعة : اضغط هنا
لقراءة باقي حلقات الرواية : اضغط هنا
نرشح لك أيضاً رواية ملاك أوقع شيطان للكاتبة ريم محمد.
