رواية صغيرتي الفصل الثالث 3 بقلم غادة صلاح

وصلت حور البيت ونيمت روز في السرير، بعدها ب ساعه دخل فهد البيت  ونادي علي حور،حور طلعت من الاوضه واول ما شافت فهد جريت عليه وحضنته.

فهد:ششششش اهدي متعيطيش

حور ببكاء:مقدرتش امسك نفسي

طلعها فهد من حضنه ومسح دموعها وبص ليها:اللي عملتيه صح

حور: بس الشغل دا كان حلمي والصغقه دي بالذات كانت هتوصلني للبقالي كتير بحلم بيه

فهد:تغور اي حاجه في الدنيا لجل عيونك ،مش عايز اشوفك بتعيطي،والشغل نبده من تاني في مليون شركه تتمناكي

حور مسحت دموعها:بس عارف الموضوع دا جه في صالحي انا، عشان اهتم ب روز لحد م تكبر هخاف عليها في اللوقت دا

ابتسم فهد:عقبال بنتنا

حور:روز بنتنا بردوا

فهد:طبعا ي عمري 

فهد حضنها وغمز:طب اي مش عايزين اخ ل روز

حور وشها احمر وخبطته في كتفه:ولد عيب

سمعوا صوت عياط، اتخض فهد طلعت حور من حضنه وجريت علي روز

فهد:اوبااا هنبتديها كدا

حور من الاوضه:اتلم وتعالي سكتها معايا

فهد بضحك:دا بينه مرار طافح

حور:فهد خد اجازه بكره

فهد:ليه

حور:ننزل نشتري حجات ل روز، سرير وهدوم والعاب واكل معندناش حاجه خالص ليها

فهد:عيوني ل ست روز هو ست حور

حور:بس احنا منعرفش عندها قد اي محتاجين نسجلها ب اسمنا

فهد:مش عارف بس حوار نسجلها ب اسمنا دا حاسه غلط اهلها اولي بيها بس الظروف تحكم ب اننا لازم نسجلها

حور:يبقا نسجلها ب اليوم اللي جته فيه ويكون دا عيد ميلادها اي رأيك

ابتسم فهد ومسك خدودها:فكره قمر ذيك ي حوريتي

ضحكت حور وضحك فهد، سمعوا صوت روز جنبهم بتضحك وترفع اديها، ضحكت حور جامد وشالتها حضنتها وفهد حضنهم سوا.

بعد 9شهور

فهد:حوووووور، اجري بسرعه

حور:في اي

فهد:هاتي الكاميرا وتعالي بسرعه بسرعه

جريت حور ;في اي انطق

فهد:روز وقفت هتبدا تمشي عايزين نسجل اول خطواتها

حور بفرحه:جايه بسرعه اوعا تخليها تمشي جايه جايه

فهد:بسرعه بترفع رجلها

حور جابت الكاميرا وفتحتها وبتجري نحيتهم، اتكعبلت وقعت علي وشها وعي رافعه الكاميرا وبتصور روز في نفس الوقت روز كانت بتخطي برجليها، وفهد بيصرخ في حور تصور، و روز بتصوت بفرمه عليهم، وحور مش قادره ترفع جسمها من علي الارض ورافعه اديها بالكاميرا ،مشيت روز 3خطوات وقفت عن راس حور وبتضحك، وراحت حاضنه راس حور بجسمها ،وفهد جري عليهم واتصور سلفي جنبهم وكلهم بيضحكوا.

حوربتعب :مش قادره اتحرك هموت من التعب،روز مش مخليه حاجه سليمه البيت كله كسرته

فهد بضحك: من يوم ما مشيت وهي  ماليه البيت فرح وبهجه دي قطعت نص ورقي

حور: شوف مهما تعمل ف هي روحي روحي روحي

فهد:حور مش هنروح للدكتور بقا، بقالنا فتره مأجلين موضوع الخلفه، عايزين ولد قمر كدا ل روز واهي تمت السنه وشويه

حور:عندك حق هاحجز ونروح بكره،متحمسه اوي عايزه اجيب عيال كتير عشان روز متحسش بالوحده وافضل عيد معاه كل اللي حصل مع روز من تاني

ضحك فهد عليها:طفله والله بحب طفله

حور:طفله ننننننني

الدكتور:اهلا اتفضلوا

فهد ;دي التحاليل اللي حضرتك طلبتها

حور:ها ي دكتور طمنا عايزين نجيب اطفال بسرعه،وبصت ل فهد وضحكت،وفهد بادلها الضحك

الدكتور:للاسف ي مدام حوار،التحاليل اللي قدامي بتقول ان عند حضرتك عيب خلقي في الرحم، مش هتقدري تخلفي

حور :ها

فهد بضيق:يعني اي اكيد في حل، اطفال انابيب اي حاجه

الدكتور بتفهم:للاسف حضرتك الرحم عندها مستحيل يشيل جنين جواه دا رحم طفله عنده 8سنين

حور بدموع:بس انا 25

الدكتور:عارف حضرتك، بس الرحم عندك هو اللي بعمر 8سنين، انا اسف جدا

فهد:شكرا ي دكتور نستأذن احنا

في البيت

فهد بيخبط علي اوضه حور  بقلق:حور افتحي عشان خاطري

حور بعياط:سيبني لوحدي ي فهد

فهد:ي حور مش عايز ولاد كفايه روز معانا

حور بتزيد عياط، خبطات خفيفه علي الباب وعياط طفولي

فهد:حتي روز قلقانه عليكي وبتعيط افتحي

قامت روز من مكانها وبتمسح دموعها فتحت الباب، روز اول ما شافتها اتعلقت ب رجليها وفهد وقف جنبها

فهد:حور اهدي

روز:حو…حو..

حور بصدمه وبصت ل روز وبعدها بصت ل فهد اللي كان مصدوم زيها وشالت روز

حور بفرحه:قلتي اي قولي كدا تاني

روز:حو….حوي

حور بعيون مدمعه وفرحانه:عيون حور من جوا

فهد بفرحه:قولي كدا ماما ها يلا قولي ورايا…ما.ما ماما

روز:ماه….ماما

حور بفرحه وعياط:قلب ماما وروح ماما

ضحك فهد وحور، جري فهد وجاب الكاميرا واتصورا كتير وسجل فيديوهات.

فهد قاعد وحاضن حور وروز نايمه في حضن حور.

حور:مش عارفه لو مش هي موجوده كنت تخطيت اللي حصل دا ازاي

فهد:عرفت ليه دلوقتي ربنا حطها في طريقنا،دي العوض ي حور روز عوضنا في الدنيا، روز بنتنا

حور:مش متخيله تبعد عني ابدا

فهد باس راسها:مستحيل نخليها تبعد عننا لحظه ي قلبي .