رواية أحببت روح الفصل الثالث 3 بقلم سلمى سيد
 |
| رواية أحببت روح الفصل الثالث 3 بقلم سلمى سيد |
رواية أحببت روح الفصل الثالث 3 بقلم سلمى سيد
انصدم ادم قليلا بس ضحك وحضن الشاب دا وقال
يخربيت عقلك انت جيت أمته
الشاب: لسه واصل حالا
ادم بعتاب: ومقولتش ليه يا عم كنت جبتك من المطار
الشاب وهو يدعي احمد: مردتش اتعبك يا دومي
ادم: حيوان بطل تقول دومي دي
احمد بضحك: طيب دومي دومي دومي هااا وطلع لسانه
ضحك ادم علي افعال صديقه المجنون
فاحمد صديق ادم من الطفوله وعايش معاه كمان بس كل فتره بيزول اهله في الكويت وكان هناك من 3 شهور
ساره: يخربيت جمال امك يا جدع
سمعها ادم الذي نسيها اصلا انها واقفه وبصلها بغيظ
احمد: طيب هروح انا بقي
ادم: ماشي وانا هخلص شغلي وهاجي
احمد: اشطا سلام
ادم: سلام
ومشي احمد الي البيت وادم وساره كملوا مشيهم ودخلوا الشركه وكانت ساره تعاكس في الشباب وتقول
يا بوووي جمرات والله جمرات ايه دا في حد جمر كده
ادم بهمس: اخرسي بقي
ساره بغمزه: قول بقي انك غيران وانا بعاكسهم صح قول قول
ادم: اخرسي يا بني ادمه ثم ضحك بسخريه وكمل بني ادمه ايه بس دا انتي عفريته مش عارفه طلعتيلي منين بس
وهو بيتكلم جات موظفه الاستقبال وهي معجبه بادم لكن هو مش بيديها اهتمام
ريهام: ايه يا ادم انت بتكلم نفسك
ادم ببتسامه بارده: في حاجه يا انسه ريهام
ريهام بدلع: لا يا دومي كنت بطمن بس
استغفر ربه وقال وهو يمسح علي وشه: اسمي ادم مش دومي احنا مش بنلعب هنا يا انسه عن اذنك
وسابها ومشي وهي محرجه وركب الاسانسير
ساره: كسفتها حرام عليك
ادم: ينفع تسكتي
ساره: الله وانت هتزعقلي انا كمان ليه وانا مالي
ادم: انت اصلا سبب كل حاجه المهم عايزك متتكلميش خالص وتقعدي ساكته زي الكرسي ثم كمل بتحذير مفهوم
ساره ببرائه مصطنعه: حاضر انا مش هعمل حاجه
ادم: مش مرتاحلك
ساره: متقلقش ثق فيا
لوي ادم بوزه وسكت وهي ابتسمت علي شكله
ووقف الاسانسير وراح ادم مكتبه وبدا يشتغل وبعد ساعه
كان ادم لسه بتشتغل ومركز جدا وفجاه جات ساره وقفت جنبه وهو اتخض
ادم: يا شيخه بقي هتموتيني ناقص عمر اووف عليكي
ساره: ما انت اللي بسكوته الله المفروض تتعود
ادم: صح المفروض اتعود ان في عفريته معايا.. كنتي عايزه ايه
ساره بتذكر: صح الولا اللي اسمه عادل يا حزني ماسك بنت معاكم في الشركه واستغفر الله العظيم
ادم: ايه عادل دا محترم وغلبان وعلي قد حاله
ساره: اتنيل دا انت اللي غلبان يا اخي
ادم: معاكي حق من ناحيه غلبان فانا يا عيني مسكين
ساره: واه مديرك بيشرب حاجات كده غريبه
ادم: مديري
ساره: اه مش هو بكرش كده وعامل نفسه مدير بس هو اهطل
ادم بضحك من كلامها: هههههه اه هو مالو قولتي
ساره: بقولك بيشرب بتاعه اسمه ايه… اسمو
ادم: حشيش
ساره: ايوه حشيش الله ينور عليك
ادم: يخربيتك دا انتي جبتي تقرير الشركه كلها
ساره: لا لسه في
قاطعها ادم: بااااس اسكتي يا ست لما نبقا مروحين ابقا احكي ونسلي طريقنا
ساره: اشطا امشي انا بقي
ادم: هتروحي فين
ساره بغمزه: اعرف باقي تقارير الشركه ومشيت
ضحك ادم علي جنانها وضرب كف علي كف واستعجب من نفسه اوووي فهو اول مره يضحك بالطريقه دي من وقت ما جدته ماتت
ادم بتفكير: مينفعش اللي بفكر فيه دا هي روح ميته مينفعش واقنع نفسه وبدا يكمل شغله
عند احمد اول ماشي مشي راح البيت علي طول واول ما دخل الحاره قابل نور
احمد: نور ايه اللي منزلك ثم بص علي شكلها وكمل وكمان ايه اللي انتي مهبباه لابساه دا
نور: دي عبايه وواسعه اهي
احمد: ما هي مشكله انها واسعه
نور: ايه
احمد: يخربيتك قشطه حتي وانتي بالعبايه يا ابيض انت
ضحكت نور بصوت عالي وبصلها احمد جامد من ضحكتها بصت في الارض بسرعه وخافت منه
احمد: كنتي رايحه فين
نور: كنت رايحه اجيب فول وطعميه وعيش
احمد: طيب اطلعي انتي وهخلي الواد عبده يجبهملك
نور: لا مش مهم هروح انا مش هتاخر
احمد بنبره لا تحمل النقاش: مفيش مرواح ويلا اطلعي
نور: حاضر حاضر وجريت علي بيتها بسرعه
احمد: قمر بنت اللذينه ثم كمل بغيره وقال ايه عايزه تروح تجيب فطار كده دا قشطه العيال ياكلوها اما اطلع انام قبل ما المنيل ادم يجيي ويعمل دوشه
احمد: عبده انت يا عبده
عبده: نعم يا معلم احمد
احمد: خد هات فطار للست نور وطلعلهم فوق
عبده: حاضر يا معلم
احمد: ومتتاخرش
عبده: طياره
واخيرا طلع احمد البيت وفتح الشقه وغير هدومه ونام
عند ادم في الشركه كان بيشتغل ومره واحده جه البوليس الكل اتجمع في الاستقبال وهما مستغريين
المدير: في حاجه يا باشا
الظابط: اه مطلوب القبض علي ادم مصطفي
الجميع بصدمه: ايييه
يتبع…..
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية أنتِ لي للكاتبة سمية عامر
