سكريبت اللطيف والخطير الفصل الثاني 2 بقلم ياسمينا محمد
 |
| سكريبت اللطيف والخطير الفصل الثاني 2 بقلم ياسمينا محمد |
سكريبت اللطيف والخطير الفصل الثاني 2 بقلم ياسمينا محمد
“فجأه الباب اتفتح”
-انا هقولكم هتعملوا ايه.
“قومنا واتفزعنا”
-محمد بيه!”ساعتها صُبحي خباني ورا ضهره”
“محمد بيه بسخريه”
-وانا كدا مش هعرف اخدها؟
-عايز منها ايه يامحمد بيه؟
-انت مالك انت،اب وبنته !
-مش هنضحك عل بعض اثبت انها بنتك؟
“زعق”
-صُبحي اطلع انت منها ومتدخلش نفسك ف مصايب.
-محمد بيه مريم ف حمايتي وهاخدها واخرج من هنا ومحدش هيمس شعره منها.
“ضحك بإستهزاء”
-تصدق ضحكتني، ادخلوا هاتوها.
“عيطت”
-صُبحي متسبنيش.
-اهدي انا معاكي.
“صُبحي ضربهم وزقهم”
-هتسترجلوا عل حريم ياعلي؟
“علي بصله وسكت وبص للارض”
“محمد بيه زعق”
-قولت هاتوها ياما هتقلكم مكانكم.
“الي كان مع علي الحارس التاني ضرب صُبحي ومريم عل دماغهم وشالوهم”
-حط مريم ف عربيتي والكلب دا اربطوه لحد ما اجي.
“وصحيت لقيت نفسي ف مستشفى وجسمي مربوط ف السرير والممرضه بتديني حقنه”
“زعقت فيها”
-انتي بتعملي ايه ابعدي عني.
-اهدي اهدي متخافيش انا جيالك من طرف صُبحي.
“بصيت عل ايدي لقيتها كلها كدمات ومكان حقن كتير ،عيطت”
-هو ايه الي حصل جسمي عامل كدا ليه انا مش فاكره حاجة !
-اهدي ووطي صوتك ،انتي بقالك شهر هنا ومحمد بيه هو الي جابك وكان طول الفتره دي بيديكي حقن مخدرات وحبوب صُبحي اخويا عرف وقالي اجي وهطلعك تقدري تقومي معايا؟
-هحاول بس صُبحي فين؟
“بصت ف الارض بزعل وعينيها دمعت”
-حابسينه ومحمد بيه مش راضي يطلعه بس متقلقيش صُبحي قالي هيتصرف ويخرج بس انتي قومي معايا اخرجك بسرعه.
“قومت معاها وسندتني من باب خارجي”
-بصي انا مش هقدر اخرج عشان الدنيا هتتقلب جوا وانا ممرضه ولازم ابقى موجوده اهربي انتي ودا تلفوني خليه معاكي وانا اول ما الوضع يهدى هكلمك بس خليه معاكي .
“بتعب قولتلها حاضر ومشيت وقابلتك ف وشي ودا الي حصل”
“بتساؤل”
-انتي قولتي الست الداده اسمها ايه؟
-سُميه.
“افتكرت يوم خطف الطفله وانا صغير والراجل بيقولها”
-سُميه انتي واثقه ف الولد دا؟
-متقلقش دا زين الشباب كلهم ،صح ياشاطر؟
-صح.
-زين سرحت ف ايه؟
-هه لاء ياخالتي انا همشي وهاجيلكم بعدين ،حمدلله عل سلامتك يامريم.
“وطلعت اتمشى وربطت الاحداث ببعضها زينه هيا مريم !عقابي بدأ خلاص!خالتي لو عرفت ان انا الي خطفتها مستحيل تسامحني،هيا مستغربتش اني وقعت ف طريقها وبقت امي وخالتي وكل حاجة ف حياتي ،هيا فكرت اني بعمل كدا قضاء وقدر هو اه قضاء وقدر مكتوب ،بس كله بسبب الي عملته فيها زمان وعمري مانسيته خالص عشان كدا قررت اساعدها واعوضها،ياترى الي هيحصلك يازين.”
يتبع…..
لقراءة الفصل الثالث والأخير : اضغط هنا
لقراءة باقي فصول الاسكريبت : اضغط هنا
نرشح لك أيضاً رواية شظايا القدر للكاتبة فاطمة عيد
