رواية ضحية القاسي الفصل الثاني 2 بقلم صباح سامي
 |
| رواية ضحية القاسي الفصل الثاني 2 بقلم صباح سامي |
رواية ضحية القاسي الفصل الثاني 2 بقلم صباح سامي
سارة : انت مفكر نفسك مين عشان تكلمني كدا ، انت مجرد واحد جاهل فاهم ، انا هروح بس لاجل اخد حقي و ورثي لانكم نصبتوا علي ابويا زمان و همشي بعدها .
زين بصلها نظرة كلها شر و قرب منها : ملكيش حاجه عنديناا يابت الاسكندريه ، امك بقي المفهماكي الكلام الواكل عقلك دا .
سارة بخوف : ملكش دعوة بأمي و ابعد .
زين : هعديهالك المرادي يابت عمي ، لكن المرة الجايه متلوميشي غير نفسك ، فاهمه عاد .
و مشي و قال بصوت عالي : وراااايا.
سارة اتنفضت مكانها و مشيت .
” سارة عمرها ٢١ سنه وحيدة باباها و ماما بنت عثمان الزيناتي ، بتتعلم ف امريكا ف ٣ كليه طب ، الربتها دادة ثنيهه ” .
*************.
وصلت المكان بدأت تبص يمين و شمال .
قصر كبير حواليه زرع و صعايدة بجلاليب واقفين بسلاح ، مكنتش فاهمه و مكنتش قادرة تستوعب انها هتكمل يوم هنا.
زين : غريب .
غريب : ايوا ياريس .
زين : داخل الهانم الصغيرة القصر چوا و عرف ابوي .
غريب شال الشنط و سارة دخلت جوا.
عنيات : ادة هي دي ولد عمكم صوح .
هدي : ايواا يا ماما .
عنيات : و مالها لابسه و عامله و شكلها صغيرة كدا لي ، ميكونوش مش بيوكلوها .
سارة بهدء : حضرتك مين .
عنيات : حضرتي مين و بدأت تضحك : انا عنيات مرات عمك كمال .
سارة : هو لسه عايش ؟ .
عنيات : يوة فال الله ولا فالك ، ف ايه يابت انتي جايه تفولي عندينا علي الراجل ، ربنا يديك الصحه ياا حبيبي .
هدي : تعالي ياسارة اوريكي اوضك .
سارة : طيب .
سارة و هدي طالعين علي السلم .
هدي : انا هدي بت عمك متقلقيش
سارة : شكلك طيبه و بتتكلمي شبهي مش زيهم .
هدي : مانتي ياختي بكلامك دا و حركاتك و لبسك هنا هتجننيهم ، الستات هتغير منك عاد ههههه .
سارة : لا بلاش عاد دي ونبي اتكلمي زي الاول .
هدي : طيب ياختي اتفضلي الاوضه اهو ، حلوة .
سارة : الريحه مش حلوة .
هدي : مانتي متعودة علي ريحه الخوجات ، هنا احلي ريحه عندك اساسا .
سارة : طيب انا هغير .
هدي : غيري و انزلي علي الفطور .
سارة : طيب .
اول ما هدي مشيت .
سارة اتنفست و بدأت تدور علي تلفونها : يالهوي هو راح فين .
لقيت الباب بيخبط .
سارة : ايوا ثواني .
و بدأت تفتح : هو انت ، بقولك ايه انا مش لاقيه تلفوني هو انت اخدته .
زين : كنت جاي ادهولك ، خوديه .
سارة اخدته من ايدو. : شكرا .
زين : خلصي ابوي مستنيكي تحت .
سارة قفلت الباب و بدأت ترن علي الرقم .
سارة : روووود بقي .
زياد : سارة انا مش فاضي دلوقتي .
سارة : انت ازاي متسالش عني كل دا انا كنت بموت .
زياد : مالك بس ياحببتي ، اقفلي بس دلوقتي و هكلمك بعدين و قفل التلفون .
سارة بدموع : لحد امتي يااازياااااااد ، انا مبقتش فهماك .
و راحت تاخد شاور و تلبس .
****************
كمال : دي بنت اخوي ياا عنيات ، يعني مهما يحصل مستحيل نأذوها .
عنيات : وانا قولت ايه ، انا بقول هي بس مش عجباني ، و بعدين ما هدي اسمالله عليها سافرت و درست و زي الفل اهئ مش شبها .
هدي : يا امي هي غيرنا .
” عنيات زوجه كمال الزيناتي ، ست قويه و محدش يقدر يقف اصادها ، معظم ستات البلد يخافو منها ” .
سارة : احم انا جيت .
كمال : اقعدي يا سارة ، زين ولدي حطلها المقعد .
سارة : ايه المقعد دا ؟؟ .
زين : الشلته .
سارة : ايه الشلته .
هدي : الكرسي ياحببتي نحطلك عليه مخدة عشان تقدري تقعدي مرتاحه ، عشان هو خشب .
سارة : اة فهمت ، بس شكرا انا مش قادرة افطر .
زين : ليكي علاج لازمن تاكلي .
سارة : مش عايز….
زين بصلها بحدة .
سارة : طيب .
و بعدين بدأت تبص للاكل .
زين : مأكلتيش ليه .
سارة : مش لاقيه الباتيه .
عنيات : ال اي ياختي .
سارة : باتيه ياطنط .
عنيات : لا بعد طنط دي مسمعش حسك ، اطفحي من القدامك .
سارة فضلت ساكته .
كمال : مقولتيش بقي ايه الكان جايب ابوكي هنا .
سارة : معرفش ، اخدني و قالي لازم نصلح كل حاجه ، قولتله فهمني ، قالي لازم تعرفي الحقيقه و لكن اتوفي و ملحقش يقول ، وانا مش فاهمه ، بس اكيد طبعا ياخد الحقو السابهولكم زمان .
كمال : اخوي واخد حقه و زيادة من زمان .
سارة : محصلش ، انت كداب .
زين ضربها بالقلم : ابوي ميتقلهوش كداب يا بت السكندرانيه ، و صوتك ميعلاش ف بيوتنا .
سارة بدموع و صراخ : انتوااا عاوزين مني ايههه هاا ، انتو مفكرين عشان اهلي ماتو ان مليش حد ، لا فيه قانون انا عاوزة اسافر اكمل دراستي بس اخد حق ابويا الجدي سابهولو ..
زين : ملكش حاجه عنديناا .
سارة : يبقي همشي ومش هقعد ولا ثانيه واحدة .
زين : تطلعي جثه وقتها ياسارة .
كمال : زيييين اسكت ، اخوي صحيح مكناش لينا علاقه بيه ، بس منقدرش نسيبك ، نوصلك لبنت جوزك و نطمنوا عليكي ، لكن معندناش بنات تطلع .
سارة : يعني ايه ، لا بتهزروا انا مستحيل اقعد دقيقه واحدة ، انا الموت احسن ما اقعد معاكو انتو فاهمين .
و طلعت تجري زي المجنونه .
و اتصلت بزياد.
سارة : زياد متقفلش ارجوك ، انا عاوزاك تاخدني او تبلغ عن اهلي و تلحقني .
زياد : ف ايه ياسارة اهدي ياحببتي انا معاكي .
سارة : بقولك حبسونييييي .
زياد : لازم نفكر بالعقل عشان تعرفي تاخدي ورث ابوكي و نتجوز بعدها ياحببتي .
**************
زين : يعني مالهاش اي آثر .
غريب : لا ولا لقينها .
زين : ازاي يتجرءوا و ياخدو واحدة من نسونااا .
غريب : شكل خالد الابانودي ناوي يفتح أبواب جهنم عليه .
زين : ما هي اتفتحت من زمان بس الصبر حلو .
**************
طالعه ف نص ال ليل بتتسلل .
هو : بخخخ .
هي : يخربيتك فجعتني .
هو : وحشتيني .
هي : بطل بقي لحد يشوفنا .
هو : اتخنقت من اخوكي ، قلتلك اهربي و تعالي .
هي : مستحيللل انا بحب اخوي وبعدين انت قلتلي هتوقف الحرب و تصلح كل حاجه عشاني صح ولا ايه .
هو بخبث: ها طبعا طبعا ياحببتي .
هدي : خالد انت بتحبني .
خالد : طبعا اومال ايه ؟ .
جهه شخص من وراهم بالسلاح : انت بتعمل ايه هناا .
هدي بصدمه : ………
يتبع…..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية عريس من ديزني للكاتبة ندى حمدي
❤????