رواية حب وعذاب البارت الثاني والعشرون 22 بقلم آية السيد

مي خرجت من الاوضه وهي بتضحك علي اصحابها وفي نفس الوقت زعلانه ان علا هتسيبهم وتمشي ودموعها نزلت غظب

وبعد كده مسحت دموعها وكانت راحه ناحيه المطبخ لغايه ما خبطت في حد

مي بوجع /اهههه انا شكلي خبطت في حيطه ولا ايه

الشخص باستغراب /نعم

مي /نعم الله عليك ايه ماشي تخبط وخلاص

الشخص /انتي اللي خبطاني علي فكره

مي وصوتها بدء يعلي غظب عنها /نعم يا اخويا دا اللي هو ازاي

علا وريم خرجوا من الاوضه علي صوت مي

علا بفرحه/زيزو

الشخص بص وراها وابتسم

يزيد /لولو وحشتيني

علا جرت عليه بسرعه وحضنته وهو كمان حضنها

مي وريم واقفين فتحين بوهم ومستغربين من اللي بيحصل وازاي علا حضنته ومين الشخص دا

علا وهي تحتضنه/وحشتيني اوي يا زيزو

يزيد بحب /وانتي كمان يا قلب زيزو

علا بعدت عنه واستغربت /بس انت جيت ازاي انا كنت هجيلكم بكره

يزيد بابتسامه ساحره /خالي يا ستي اتصل عليا عشان اجي اخدك عشان متسافريش لوحدك

علا باستيعاب /امممم وطبعا انت ما صدقت

يزيد /هو احنا نطول نشوف القمر ونوصله كمان

علا بضحك /يا راجل ماشي ماشي خلاص يا عم انا كده اتثبت رسمي

يزيد وهو بيعدل اللياقه بتاع قميصه بغرور /طبعا يبنتي هو انا اي حد ولا ايه

علا /لا طبعا… وبعدين تعالي بقا اما اعرفك علي اخواتي

علا وهي تشير الي ريم /دي بقا يا سيدي ريم اكتر من اختي وصحبتي

ودي تبقا مي احلي حد ممكن تقابله في حياتك طيبه اوي وجدعه وهما الاتنين زميلي في الجريده

علا وهي تشير الي يزيد ودا بقا احلي حد في حياتي يزيد اخويا

مي وريم بصدمه /نعممم؟؟؟؟

علا بضحك /هو ابن عمتي اللي عايشه في اسكندريه واخويا في الرضاعه

ريم بابتسامه /تشرفت بيك

يزيد /الشرف ليا انا

مي وهي لسه متعصبه منه /اهلا

نظر لها يزيد وكتم ضحكته علي منظرها الطفولي /اهلا يا شاطره

مي بغضب /شاطره ايه دي… ليه شايفني بنت اختك ولا حاجه

يزيد باستفزاز/والله اللي انا شايفه واحده شبر ونص قدامي

علا وريم كانوا واقفين وبيحاولوا يكتموا ضحكتهم علي منظرهم هما الاتنين

مي /والله مش ذنبي انك عامل شبه عمود النور

يزيد كان هيرد بس سمعوا صوت نسرين والده علا

نسرين /فيه ايه يا ولاد مالكم

مي بعصبيه /ه…

ريم مسكتها بسرعه وردت هيا عشان هي عارفه مي وانها مش هتسكت

ريم /مفيش حاجه يا طنط وبعدين بصت لمي/احنا لازم نمشي احنا بقا احنا اطمنا علي علا والحمد لله انها بخير

نسرين /طاب اتغدوا معانا

مي /بالهنا يا حبيبتي احنا لازم نمشي بقا عشان اتاخرنا

ريم /عن اذنكم هكلمك يا علا وبصت ليزيد /تشرفت بمعرفتك

يزيد /انا اكتر

مي /مع السلامه يا طنط نسرين.. مع السلامه يا لولو وان شاء الله نتقابل بكره في الجريده

وبصت ليزيد بغضب وبعدين مشت وريم شداها وراها

ريم ومي مشوا

نسرين يلا اقعدوا لغايه ما اخلص الاكل

ويزيد واقف مصدوم من مي ومن تصرفاتها الطفوليه

يزيد بضحك /صحبتك دي هبله اوي

علا / هههههههه بس عسل اوي وطيبه وجدعه ومفيش زيها

يزيد سرح في كلامها وابتسم وفي هيئه مي الطفوليه

علا وهي بترفع ايدها قدام وشه /روحت فين

يزيد بانتباه /ها معاكي

علا بغمزه /هو الجميل وقع ولا ايه

يزيد /وقع ايه بس يبنتي دي كائن غريب خبطتني وكمان متعصبه

علا بخبث/معلشي هي بتبدء كده

يزيد بعدم فهم /هي ايه دي

علا بخبث/لا متاخدش في بالك

ماشي يا لمضه وبعدين سمعوا صوت عبدالحميد اللي طلع من الاوضه

عبدالحميد /ها يا حلوين يلا تعالوا علي ما الغدا يجهز نتكلم شويه وكمان اشبع منكم قبل ما تسافروا

يزيد /يلا يا لمضه تعالي

علا /بس احلي لمضه ولا ايه رايك

يزيد /طبعا يا باشا

*يزيد الصياد /شاب عنده 26 سنه مهندس معماري في شركه كبيره في اسكندريه يبقا ابن عمه علا واخوها في الرضاعه… عيونه بني وبشرته قمحيه وعنده دقن خفيفه زادته وسامه وعنده غمازيتن وشعره اسود وجسمه رياضي وعايش في اسكندريه مع والدته بعد وفات والده ورغم ان الفرق بينه وبين على مش كبير لكن هو بيعتبرها زي بنته*

_____________________

مي وريم نزلوا من عند علا وكل دا ريم ماسكه نفسها

مي بغضب وحنق طفولي /عيل بارد ومستفز

ريم بضحك/هههههههه يخربيت كده دا انتوا كان شكلكم مسخره انتوا الاتنين

مي بغيظ /يا سلام يا اختي

ريم /هههههههه بامانه لو كنا استنينا شويه كنتي ضربتيه صح انا عرفاكي

مي بغيظ /اه كنت هصربه والله يستاهل دا بارد تاته القرف في حلاوته

ريم بصدمه /نعم انتي بتشتميه ولا بتعكسيه

مي /لا بشتمه هي بس عيون اهله دي اللي جامده

ريم /والله انتي دماغك بايظه… ويلا بقا يا اختي عشان منتاخرش

مي /يلا عصبني ابن الجزمه

ريم /يبنتي اهمدي بقا ويلا

مي /يلا يا اختي

ومشوا هنا الاتنين وكل واحده رجعت بيتها

_______________

في المستشفى

الحارس 1/هو حالته ايه

الدكتور / لو مكنتوش لحقتوه كانت هتبقي كارثه

الحارس 2 وهو يبتلع ريقه /بس هو كويس دلوقتي صح

الدكتور / ايوة بس محتاج يفضل يومين لان جسمه بقا ضعيف اوي وكمان احنا اكتشفنا انه مدمن ودا سبب من اسباب الحاله اللي هو فيها وحصله كده بس تأخر الجرعه بالاضافه طبعا للضرب اللي هو واخده

الحارس 1/ماشي يا دكتور

الدكتور مشي وسابهم

الحارس 1/الحمد لله انه كويس

الحارس 2/بس المهم احنا لازم نتصل برحيم بيه ونبلغه باللي حصل وباللي الدكتور قاله

الحارس 1/وانت مستني ايه اتصل بيه بسرعه

الحارس 2/ ماشي

وفعلا اتصلوا

__________________

في شرم

رحيم بحب / حنان انا بحبك اوي

حنان /وانا كمان يا رحيم بحبك اوي ومن زمان

رحيم قعد علي ركبته في مشهد رومانسي وبص لحنان

رحيم بحب /تتجوزيني يا حنان

حنان بخجل وهي تؤمئ براسها بمعني ايوة/موافقه

رحيم مسك ايدها ولبسها الخاتم وباس ايدها ولسه هيحضنها و……….

________________

في القسم زين قرر انه يروح لفارس

زين خبط وفتح الباب واول لما دخل فارس اتصدم

فارس باستغراب /زين بيه بنفسه عندي في المكتب دا ايه سر الزياره المفاجاه دي

زين بابتسامه وهو يجلس أمام فارس /ازيك يا فارس

فارس /تمام انت عامل ايه

زين /الحمد لله تمام زي ما انت شايف

فارس /يا رب دايما بس بردوا مقولتليش ايه سر الزياره دي وايه هي الحاجه المهمه اللي تخلي زين بيه بنفسه يجيلي مكتبي.

زين بثقه وابتسامه /ايه هو انا مينفعشي اتكلم مع صاحبي ولا ايه… دا احنا حتي يا راجل زمايل من زمان

فارس /لا طبعا انت تنور في اي وقت

زين /تسلم… هقولك يا سيدي انا عاوزك في ايه

فارس /اتفضل وانا سامعك

زين /انا عرفت مين اللي بيساعد الزعيم وعاوز مساعدتك

فارس وهو يعتدل في الكرسي ويبتلع ريقه /ب.. بجد مين دا وعرفته ازاي

زين بثقه /مع الأسف هو واحد معانا هنا في الداخليه وعرفته ازاي فدا موضوع يطول شرحه

فارس /طب مين هو وانا هساعدك ازاي

زين بابتسامه /شريف عز الدين

فارس بصدمه /مين!؟؟؟؟

يتبع..