 |
| رواية وعد سليم الحلقة العشرون 20 والأخيرة بقلم تيسير محمد |
رواية وعد سليم الحلقة العشرون 20 والأخيرة بقلم تيسير محمد
-اهلا اهلا اهلا العيله متجمعه هنا ماشاء الله.
سليم اتكلم بثبات عكس الي جواه لما لقي حبيباه بين ايده :
سيبهم احسنلك.
علي اتكلم بتهديد لسليم :
لا اسمع يابابا انا هاخد شروق واطير لتسبوني اخودها ف هدوء لاما هقتلك ست الحسن والست اختها ماتتعزش ع ابني.
يحيي بتكلم بنبره خوف علي حبيبته ، بس بردو مدريها وبيتكلم برزانه :
الي بتعمله غلط في بوليس هنا وكده كده مش هتعرف تسافر.
حامد :
مش مهم بس نخرج من هنا.
وعد اتكلمت من غير خوف :
انت فاكر البتاعه الي في ايدك ده هيخوفني انت بتحلم،انت فاكر نفسك راجل ده انت ماتفرقش عني حاجه بالعكس انا ارجل لكن انت بتحمي نفسك ف حريم.
وهو بيزق راسها بالمسدس :
اتلمي يابت لانتي حره.
وعد بجرأه :
ولا هتقدر تعمل حاجه ياراجل يابوق انت.
علي بخبث وضحكه ماكره :
لا اعرف.
حرك ايده بطريقه قذره علي كتفها بالايد الي محاوط رقبتها بيها .
سليم بصوت زلزل اركان المكان :
علييييييي.
وكأن عينه بطلع نار.
يوسف بيبص لنور في الوقت ده ،راحت في لحظه رجعت راسها جامد ضربت الي مسكها براسها في وشه وجريت ع حضن يوسف.
بصوا باستغراب.
حامد بص للراجل الي كان ماسك نور :
معانا راجل من رجالتنا خرو لكن انا وابويا لا وبما انكوا معاكوا واحده احنا ناخد الاتنين بسكات لانكوا انتو الي بدأتوا.
واحد من البوليس وبعد ماقوه جت :
سلم نفسك ياعلي المكان كله محاصر ،ارمي السلاح انت وابنك،مافيش داعي للمقاومه.
علي بصوت عالي :
اهااا هي بقت كده طب الحلوه الي ف ايدي دي هتموت لو مابعدتوش ماشي وبردو ههرب .
شروق بعياط زعقت :
سيبها بقي انت مريض مش طبيعي عايز مننا ايه،ااااااه ايدك ياحيوان يالي ماسكني.
علي بص لحامد :
ايدك ياض مرات ابوك براحه عليها.
يحيي بحده وغضب وهو بيحاول يكبته علشان مايرتكبش فيه جريمه :
علي ياباشا اياك تقول عليها كده اسمها اشرف من انه يتذكر ع لسانك او تتلقب باللقب ده ،مدام شروق يحيي عليان هتفضل كده ولاخر نفس فيه هتبقي مراتي وتخصني.
فجأه علي لقي مسدس في راسه وكل اعضاء البوليس اتحركوا وحطوا مسدستهم في راس حامد والحرس وشروق ووعد فكوا منهم وراحوا لحضن يحيي.
طبعا ده كان سليم الي استغل مناقشته مع يحيي ، ويحيي كان واخد باله من تحركات سليم الخفيه وكمل عشان يقدر ينجح وفعلا صاحبه نجح .
سليم سلمه للبوليس :
عيله عليان مايتلعبش معاها فاهم ولا لاء وجه الوقت الي اخد فيه حق عمي ووعد.
جه يمشي وبعدين لفله تاني وضربه بوكس :
وده عشان لمستها بايدك القذره …. بالسلامه ياااااا باشا.
ومشي ووعد جريت عليه.
سليم بلهفه :
انتي كويسه؟
وعد بتعب وابتدت تعيط :
اها وانت؟
-بخير بسببك انتي.
البوليس خرج بيهم وابطالنا السته بيتفرجوا عليهم،خرجوا الشارع راح علي فجأه زق العسكري وجري،بس مالحقش رصاصه خرجت من مسدس الظابط خليته يفارق الحياه.
وابنه اتحسر عليه واتسجن وهيفضل طول عمره في السجن .
مافكروش في لحظه الموت ولقاء ربنا وفكروا انهم يخدوا كل الي هما عايزينوا حتي لو هيقتلوا او يخطفوا وبعد مالبوليس مسكهم افتكروا انهم هيطلعوا منها واهم حاجه الفلوس والسعاده والدنيا وفاكرين انهم خالدين مايعرفوش انهم فانين .
—————————-
في فيلا عصام عليان.
وعد :
انا حاسه اني كنت في حلم.
نور :
لا وحياتك ده فيلم اكشن من بلده.
يحيي :
ههههههه انا مستغرب لحقت الصحافه سربت ونزلت ع التليفزيون كأن فيلم بيتفرجوا عليه.
يوسف بيبص لنور الي قاعده جمبه وبيكلمها :
انا من ساعه ماشوفتك ياست نور وانا بعيش ف اجواء اكشن ولا كأني سيلفستر والله.
نور ضحكت واتكلمت بفخر :
سوري ي جووو هذا انا نور يعني حياتي لازم تبقي مختلفه .
يوسف :
انتي هتعشيلي جو رب الكون ميزنا بميزه ايييه؟
نور بفخر :
طبعا.
ضربها ع دماغها بخفه :
كنتي هتضيعي مني ياجزمه.
وسند جبينه ع راسها بتعب.
يحيي بص علي الي قاعده جمبه ساكته :
ساكته ليه ياحبيبتي؟
شروق ركزت معاه شويه واتكلمت :
مافيش مش متخيله الي حصل.
يحيي وهو بيحتويها :
حبيبي ماتفكريش ف اي حاجه كانك كنتي بتحلمي ولسه صاحيه وبعدين امبارح مابيفكركيش بحاجه(غمزلها عشان يغيرلها المود)
ضحكت بكسوف :
كان المفروض احلي يوم ف حياتي.
يحيي :
وليه المفروض مهو ده الحقيقه انا هخدك وكأننا امبارح ولاكأن حاجه حصلت.
-هههههههه مجنون.
يحيي ضمها اكتر :
عشان انتي ف حياتي مجنون بيكي.
كمل كلامه لسليم :
وانت يامؤمن اسيبك ساعتين ارجع القيك فقدت الذاكره ورجعتلك تاني ايه السرعه دي اومال اختي طولت معاها اوووي كده ليه؟!
سليم من غير نفس كده :
ضرب النار لما اتكرر تاني اغم عليا وافتكرت.
وعد بتبص لسليم واتكلمت بحزن :
انت لسه زعلان مني؟
سليم اخدها من ايديها وقاموا وهو بيتكلم وهو ماشي :
كل واحد ياخد عروسته وبيتك بيتك ويحيي اوضتك فوق مافيش داعي تروح.
وطلع هو ووعد.
نور بصت ليوسف باستغراب :
هو اخوك واخد اختي فين؟
مسك ايديها وقام :
تعالي وانا اقولك.
نور وهو بيجرها اودامه وحاطت ايده علي كتفها :
طب اسمع بس.
-اسمعيني انتي بس،الا قوليلي جبتي منين اللبس ده؟
-الحيوان الي كان خطفنا خلانا ندخل الحمام نغيرهم عشان فساتين الفرح.
وهما طالعين :
يلا نطلع نولع فيهم.
ضحكت وطلعوا.
يحيي بيبص لعصام ومنال.
يحيي :
احممم احم ايه الكلام علي ايه؟
عصام بضحك :
اطلع ياخويا من غير مقدمات.
يحيي بضحك :
عمي بقي وحافظني،يلا ي شوشو.
وقام وانچها وبصله :
صحيح ياعمي انت ايه ظروفك؟
-اطلع ي حيوان لاخد شروق وربنا.
وهو ماسك شروق بتملك :
نعم دي ملكيه خاصه دي يلا نستخبي من الساحره الشريره دي.
خلي الكل يضحك وخدها وجري.
شروق وهما بيجروا :
طب صاحبتي ط.
مش هيكولها ط ع فكره دي حياته زي مانتي عمري ف يلا بقي انا بجري فيكي انتي تقلتي بعد الخطف.
وقفت وشدت ايديها منه :
انا تخينه؟طب مش طالعه.
يحيي :
ع جثتي وراح شالها وطلع .
عصام ومنال شيفنهم وبيضحكوا وبيدعلهم ربنا يسعدهم.
منال وهي بتبص لعصام وهو بيضحك :
بحبك.
وقف ضحكةبصلها وبرق :
قولتي ايه؟
هو انا ماقلتلكش؟
عصام :
يقطعني لو سمعتها.
هههههه بعد الشر.
عصام :
طب تصدقي بقي عشان الكلمه دي هخرجك بليل وهنلف.
منال بفرحه عيل صغير :
وهناكل ايس كريم؟
عصام وهو بيبوس ايديها :
هههههه وهناكل ايس كريم من الي بيبظ زي نور.
وضحكوا هما الاتنين.
——————————
دخل الاوضه وساب ايديها بس هي لا فضلت مسكه ايديه :
بصلي.
مابصلهاش.
وعد بدلع :
سولي!
وعد بجد بقي :
سليييم!.
بصلها.
بنظرت استعطاف :
اسفه.
فجأه حضنها.
-مابعرفش ازعل منك لاني اتحرمت منك كتير ومش عايز اضيع اي لحظه مابينا ف الزعل،بس بجد انا كنت هتجنن لما مالقتكيش.
وعد بعياط :
مانت كنت مش فاكرني وعملتني وحش وكنت تعبان كمان.
سليم بعدها عنه بيمسح دموعها بايده وحاضن وشها بايده :
هششش خلاص الي حصل حصل انا اسف ي روحي.
وانا كمان(قالتها بصوت بيدل انها بتعيط وكان شبه صوت الاطفال)
وهو بيقلدها :
وانا كمان.
ضربته بخفه ع صدره وبنفس الصوت :
رخمم.
وكأنه بيلاعب طفل :
قلب الرخمم والله .
————————-
بعد سنه.
-عاااااااااااااااا الحقنيييييي.
كانوا التلاته بيصوتوا وهما داخلين ع اوضه العمليات وسليم ويوسف ويحيي بيهدوا فيهم.
يوسف :
يابت اتهديييي بقي وبطلي عض بقي.
نور:
وديني مانا سيباك يايوسف يابن طنط زيناااااات.
يوسف بزعيق وهو ماسك راسها بايديه الاتنين ويهزها :
اسكني يخربيتك فضحتي اميييي.
-زي مافضحتناااااااااي ععااااااععع.
ودخلت اوضه العمليات.
الي بعدها بقي????
شروق بصراخ :
يحييييي اضرب ابن الورمه الي جوه ده عاااا.
يحيي بضحك :
حاضر ياورمه لما يطلع.
-عااااا انت بتتريق عليا يايحيي ،ابقي شوف الورمه دي هتعملك ايه؟
-اهدي ياحبيبتي انتي بتولدي براحه ع نفسك.
الدكتور وهو ماشي معاهم :
عاش من شافكوا بقالنا كتير مش شايفنكوا يعني؟
يحيي بسخريه :
معلش اصلنا قضينا ع كل الاشرار ومافيش حد بقي بيضرب بالنار،ده وقته يادكتور شد البت بتولد.
دخل الدكتور وسبقهم.
-عاااااااا عايزه جواااافاااااااه.
يحيي :
بطلي فجعه ابوووس ايدك بقالك تسع شهور بتاكلي،دخلوها دخلوها ارحموا امي العيانه.
ودخلت الحمد لله????
نيجي للي بعدها
سليم وهو ماشي معاها :
ياعاقل ياجميل انت يالي مابتصوتش.
وعد بتعب :
انا هاديه عشان انا لو صوت ممكن (كملت بصويييت)اولد هناااااااااااا.
سليم بخضه :
سرعتيني ي بنت المجانين.
كملت بصراخ ومسكاه من ياقه قميصه :
ورحمه اومي لاوريك ياسليم انا غلطانه اني فجأتك يخرج بس ابن الجذمه ده وهسبهولك كل يوم كفايه عليا كده.
سليم بتمثيل الزعل :
كده طب انا ماشي.
مسكت ايده بلهفه :
انت رايح فين ياد استني هنا والنبي والنبي حياة عيالك ماتسبنيش عموووووواات.
سليم اضايق جامد زعق ف الممرضه :
شدوا بسرعه انتو باردين كده لييييه.
جه يسبها مسكته من ياقة قميصه تاني :
انت رايح فين والنيعمه ماسيباك هروح اجيب ابنك لوحدي تعالي معايا.
الدكتور اتدخل :
ماينفعش.
وعد بزعيق :
هو ايه الي ماينفعش انت مستغل فرصه اني مش قادره اقوملك،سيبه يخوووووووش عااااااا بمووووووت حرام عليكواااا.
سليم بزعيق للدكتور :
ماتقوليش كدا انا هدخل معاها.
وخدها ودخل بيها وهما ماقدروش عليه.
————————
عصام قاعد هو و منال اودام اوضه العمليات ويوسف رايح جاي وهما متبعينه بعيونهم :
اهدي ي يوسف خيلتني.
يوسف اتكلم بتوتر وقلق :
اتأخروا اووووي ي بابا.
منال :
كل تأخيره وفيها خيره.
بصت حوليهاوكملت :
الله يحيي فين؟
عصام بص حواليه وبعدين اتكلم :
مش عارف اكيد اعصابه تعبانه سيبيه.
الممرضه طلعت بسرعه :
استاذ يوسف الحقني،مدام نور مطلعه عنينا ومش راضيه حتي تاخد البينج وعيزاك.
يوسف جري لجوه بسرعه.
منال بقلق :
جيب العواقب سليمه يارب.
عصام طبطب علي ايديها :
ماتقلقيش انشاء الله خير.
منال :
يارب.
بعد مرور ساعه بالظبط.
اول واحد خرج يحيي وف ايده بيبي.
منال باستغراب :
انت كنت جوه؟
مالحقش يرد وخرج بعديه بثانيه يوسف وف ايده بيبي .
عصام بقلق :
طمني؟
هو كمان مالحقش يرد لان سليم طلع بعديه ع طول وف ايديه بيبي
هما التلاته وقفين جمب بعض وسليم كان في النص مابينهم بصوا لبعض وابتسموا.
—————————
التلت بنات اتنقلوا مع بعض ف نفس الاوضه.
منال بضحك :
يعني يايحيي انت اتسحبت ودخلت من غير مانحس؟
يحيي هز راسه وهو مبتسم وبيبص لشروق والبيبي.
منال :
ها ي يوسف ناوي تسميه ايه؟
نور بسرعه :
سليم طبعا.
يوسف حط ايده علي شياك السرير :
اشمعنا انشاء الله؟
نور برغم تعبها بس بتتحكم بردو :
كده عندك مانع؟.
خاف منها باصطناع ومن طريقتها :
انا كنت هقولك سليم اصلا انتي برحتك.
يحيي بضحك وتريقه :
ههههههههه دكر يلا وانتي ياقلبي طبعا عارفه احنا هنسمي ايه؟
شروق وهي بتبص علي البيبي :
عاصم طبعا .
بصت وعد ليهم وابتسمت بحب.
سليم بص لوعد :
ايه ي وعدي مالناش نفس نسمي ولا ايه؟
وعد ضحكت بتعب :
ههه هنسمي طبعا سمي انت.
سليم :
لا ي قلبي انتي تسميه براحتك انتي مامي ماليش دعوه …. بس بعد اذنك اناناوي علي اسم كده وابقي سمي لما نخلف تاني براحتك
وعد بحاجب مرفوع :
امممم ي بابي قولي ناوي ع ايه ؟!
انا كده كده هسمي اغلي اسم عندي وعد ومافيش كلام
وعد بابتسامه مفجأه :
انت بتهزر ي سولي هيبقي اسمنا زي بعض الام وبنتها
سليم باصرار :
مافيييش كلام وعد سليم عليان وانتهي الكلام .
بصتله بفرحه كأنها بتشكره علي حبه .
نور بمشاكسه قطعه الصمت :
والله عيب اسمي الواد علي اسمك وتنسي النور الي في حياتكم .
سليم بضحك :
طب والله مهو راجع البنوته التانيه نور
جاب البنت وادها لوعد وهو قاعد جمبها ع السرير ومسك اليد واحده الي شاله بيها البيبي واتكلم بطريقه تقديمه :
ايها الساده نقدم اصغر سيده اعمال ، وعد سليم عليان .
————————–
بعد ٧سنين.
يحيي بيكلم شروق وهما قاعدين في الشركه :
انتي شايفه ايه؟
شروق برسميه :
شايفه انها صفقه ناجحه ميه الميه.
يحيي بطاعه وابتسامته المعتاده :
مانقدرش نكسر كلام رئيس مجلس الاداره.
شروق :
هههههههه يابني والله انت الي رئيس مجلس الاداره .
يحيي باعتراض :
سوري الفرع الجديد الي اتفتح ده بسببك وانتي رئيسه مجلس الاداره بتاعته.
شروق هزت راسها بحيره وجايه تمشي مسك ايديها وهو قاعد ع كرسي تربيزه الاجتماعات وقف وشدها ليه :
وحشتيني يا احلي سيده اعمال ف الدنيا.
بضحكه ردت عليه :
طب لما حد يدخل علينا دلوقتي المنظر يبقي ايه؟
مسكها بتملك وبارياحيه كده :
امممم والله ماحدش ليه عندنا حاجه انا وحبيبتي مراتي ام ابني مش بنعمل حاجه غلط يعني.
شروق حطت ايديها حولين رقبته :
ممكن امشي عشان في شغل .
يحيي كشر :
بت مافيش خروج من هنا ناو.
شروق بتضحك عليه :
ههههههههه .
يحيي بانشكاح :
الله ????
——————————–
دخل من باب المكتب لقاها مدياله ضهرها :
ايه يانور ايه اللبش الي عملاه ف الشركه ده؟
بصتله بعصبيه :
اقدر اعرف انت كنت فين كل ده؟
قرب منها :
ممكن تهدي وانا هفهمك.
-اتفصل بررلي اخطأك.
يوسف بنظره استعطاف :
انا اسف.
وهي واقفه ومدياله جمبها ومربعه ايديها :
اصرفها منين دي بقي انشاء الله؟
باسها من خدها :
اسف ي حضرة المديره كده اتصرفت.
بصتله بابتسامه وخلاص لانت :
دايما بتدخلي من ثغراتي.
هو واقف وراها ووشه جمب وشها وساند دقنه علي كتفها :
بقولك ايه مش هتقوليلي بردو سبب رفدك لسهي فاكره .
بصتله بغضب بس قبل ماتتكلم :
والنيعمه بحبك بس بحب اسمع السبب بس والله مش اكتر.
-هههههههه عشان ماتفكرش تبص ع حبيبي تاني.
مسك قلبه بطريقه دراميه :
ااااه هموووووت بعشق امك.
-ههههههههه.
يوسف :
لا انا لاجىء ف مكتبك هنا
———————————–
في كليه التجاره جامعه القاهره.
دخلت بكل ثقه ووقفت بكل هدوء لحد مالطلاب سكتوا :
صباح الخير انا دكتور وعد عليان هدرسلكوا محاسبه تكاليف وانشاء الله يبقي تيرم جميل علينا كلنا.
حست ان نظرها معتاد يشوف صوره شخص قاعد بين الحشد ده
لفت بنظرها تاني لحد مااخيرا لقت معشوق عنيها ابتسمت وبعدين كملت بنفس الثقه وهو طول الوقت مستمتع بشرحها وفخور بيها وبنجاحها.
————————————–
بليل ف فيلا سليم عليان.
-يلا عشان نطفي الشمع .
هابي بيرزداي تويوا هابي بارزداي تويوا هابي بارزداي تويو واااااعد هابي بيرزداي تويوا.
طفت وعد الصغيرا الشمع.
عاصم وسليم الصغيرين قدمولها الهدايه :
كل سنه وانتي طيبه ياوعد.
وانتو طيبين ….هو انا ممكن اسألكوا سؤال؟
سليم :
انتي تؤمري مش تستأذني.
-انتوا ليه مش بتعملوا عيد ميلاد زيي؟
عاصم واخد رزانه ابوه وتلقائيه امه :
احنا رجاله مالناش ف ده.
وسليم بقي رد وكأن يوسف هو الي بيرد :
عشان انتي اغلي حاجه عندنا لازم نعملك كل حاجه تحبيها.
وعد بفرحه :
انا بحبكوا اوي.
سليم بحب :
واحنا بنحبك اوووي،يلا ناكل جاتوا.
وعد :
يلا وانت ياعاصم مش هتاكل معانا؟
عاصم:
انا هروح اشوف نور فين وجاي.
ومشي.
وعد بزعل بسيط :
هو بيحب نور اكتر مني ليه؟
سليم بيحاول يغيرلها نظرتها :
لا بيحبكوا اد بعض بس هو بيميل لنور اكتر زي مانا بميل ليكي وبلعب معاكي اكتر مش كده.
وعد بفرحه :
ايوه سليم بيلعب مع وعد .
يحيي شاف عاصم ماشي :
عاصم انت رايح فين؟
عاصم بهدوء :
رايح لنور؟
-طب ماتبعدش.
-بابا انا مش صغير وبعدين نور قاعده ع المرجيحه هروح اقعد معاها.
-خلي بالك منها طيب.
بابتسامه بسيطه :
ف عيني.
وسابه ومشي.
راح ليوسف :
فين سليم الكبير ؟!
يوسف :
جايب وعد وجاي.
يوسف :
طب الوعد الصغيره حبيبتي دي فين مش لقيها.
نور بابتسامه واسعه :
مع سليم طبعا.
سليم وهو جاي :
هههه وابنك دي مش سأل عليا خالص.
نور :
انا مطمنه انه مع بنتك ي سليم ، هو طايش وهي عاقله .
يوسف بغيره :
يابنتي ده انتي مابتقوليليش كده.
نور وهي بتبص لسليم :
عشان سليم ده احلي اخ ف الدنيا.
يوسف وضرب كتفها بكتفه من ورا :
وانا احلي زوج ف الدنيا صح.
نور :
اوي ي اخويا.
يوسف :
للاسف بعشقك.
يحيي بضحك علي منظره :
هههههههههه لو ابنك جه شافه كده هيبقي منظرك وحااااااش.
شروق بصتله :
اسكت انت بالذات.
يحيي فهم وسكت بس قرب من ودانها :
هو انا قولتلك اني بحبك انهارده؟
شروق ضحكت :
لا.
-طب بحبك.
-هههههههه يابني والله كده غلط.
وعد جت ف وسطهم ،كلهم :
-شوفتوا سليم جاب لوعد ايه؟
شروق بنزلت لمستواها :
الله حلوه اوووي اومال فين عاصم ونور مش معاكوا ليه؟
وعد شورتلهم عليهم :
هناك اهم ع المرجيحه
بصوا عليهم.
عاصم كان قاعد وبيصالح نور :
خلاص بقي ي نور بقالي ساعه بصلحك.
نور بزعل :
انت وحس انا زحلانه منك ،تجيب ل وعد وانا لا.
عاصم :
والله جبتلك …. اي نعم اول مره اديها هي الاول بس والله عشان جيت متأخر وعشان عيد ميلادها كان بدأ.
نور(عندها خمس سنين) :
انا عايفه(عارفه)انه مس عيد مييادي(ميلادي)بس انت كل عيد ميياد ييك(ليك ) تجبيي(تجبلي)
عاصم :
ههههه عشان بحب اجبلك ياستي ومش هبطل اجبلك حتي لما اكبر ايه رايك بقي.
انت جمييي(جميل)اوي ي عاصم.
-وانتي اجمل ي نور،خلاص صافي ي لبن.
حييب ي قسطه(حليب ي قشطه)
ضحك جامد.
رفعوا انظارهم من عليهم .
وعد الكبيره بصت لسليم:
طالع قلبه زي قلب عمه .
بصلها بحب :
وعمه قلبه معاكي .
وعد الصغيره :
سليم بيحب وعد(قصدها انه سليم الصغير بيحب وعد الصغيره ودي كلمه علي طول بتقولها)
سليم الكبير وهو لسه بيبص لوعد مراته بهيام :
بيعشقها.
فضلوا يبصوا لبعض بحب وتتلقط الصوره ع المشهد ده مشهد بيعبر عن كتير ،نظره سليم لوعده وعده الي وعد نفسه انه يلقيها لو حتي قضي عمره كله يدور عليها وعده الي مش بنت عمه ولا مراته بس ولا حبيبته كمان لا دي بنته روحه حياته ،كان كل نظره ليها بتقولها اخيرا لقيتك…اما نظرتها هي فكانت نظره شكرا ع كل الحب الي منحه ليها ده ،نظره بتقوله شكرا انقذتني منحتني حياتي الي كانت ضايعه مني .
قصه كانت محكوم عليها بالاعدام ،قصه من غير روح ،اصراره وعزيمته وتمسكه بحب حياته خلاه يلاقي روحه وهي بطبيتها وتعبها والظلم الي اتعرضتله ربنا خلاهم يتجمعوا من جديد.
تمت
