رواية أحببت كاتبة الحلقة الأولى 1 بقلم ندى ياسر
 |
| رواية أحببت كاتبة الحلقة الأولى 1 بقلم ندى ياسر |
رواية أحببت كاتبة الحلقة الأولى 1 بقلم ندى ياسر
كابتن لو سمحت ???? !؟
الشخص : نعم ؟
ندي :عايزه انزل قصه قصيره علي جوجل وشويه سكريبت..!
الشخص : حاضر بس ممكن اشوفها الاول اشوف حلوه انزلها وإلا اي ..!
ندي : ايوا طبعا ممكن اوي ثواني هبعتهم..
الشخص : تمام مستني …
ندي : اهييي دي قصه قصيره باسم لم ننتهي بعد ودي قصه باسم نصيبي وقسمتي ودي كمان روايه باسم عابر يغير حياتي ودي سكريبت ….
الشخص : هقرأهم واقولك رأييي
ندي : تمام ..
بعد حوالي ساعتين الشخص بعتلها مسج وبيقولها ..
الشخص : كتاباتك حلو وهنزلهم ليكي أن شاء الله النهارده ..
ندي : لا بتهزر قول وربنا يعني خلاص هينزل ليا علي جوجل كتابات باسمي وكدا ..
الشخص : ايو هينزلك وان شاء الله ليكي مستقبل حلو
ندي : شكرا اوي اوي ي كابتن
الشخص : كابتن كابتن اي ي بنتي شيفاني مدرب ..
ندي : لا بس عشان حضرتك باين عليك اكبر مني ومينفعش مش احترامك ..
الشخص : لي ي لمضه عندك كام سنه …
ندي : انا مش لمضه انا اسمي ندي قولي ي ندوش أو نودي كدا يعني مش لمضه .. وعندي 18سنه بس وربنا يحميني لماما
الشخص : لا دا انتي لمضه علي لآخر خالص وشكلي مش هسلك معاكي وبعدين بقي قوليلي ي استاذ تميم …
ندي : مبحبش كلمه استاذ ممكن اقولك ي انكل ..
تميم : لا كدا هتكبريني اوي ي اختي ف قوليلي تميم وخلاص ..
ندي : خلصا ي انكل تميم
تميم : اه وكدا بقي مفكراني غبي وبتتروشني عليا ….
ندي : ما اتروشن فيها اييي يعني …
تميم : انا لما كنت قدك سن 18 سنه كنت بتروشن علي صحابي بس انا دلوقتي عندي23سنه يعني شخص عاقل وليه احترامو..
ندي : ماشي ليك احترام وابرستيج بس الموضوع مش محتاج دا كلو وبعدين ما انت كنت بتتروشن وانت عندك 18 سنه جت عليا يعني ومنعوها بس علي العموم خلاص مش ههزر معاك تاني وبيباي بقي ..
تميم : استني هنا رايحه فين وانا قولتلك اقفلي أو امشي ..
ندي : حد كان قالك انو باخد إذن من حد دا انت لو قولتلي اقفلي مش هقفل عند فيك بس انا شخصيه عنيده اوي علي فكرا ف مش تتحداني. .
تميم : بصي ي طفله انتي انا اصلا مش فاضيلك بس مش انا اللي يتقفل في وشي ويتقالي باي وانا فاتح ولسه مخلصتش كلام وقولت كدا عشان انا اللي اقفل قبلك وفي وشك ي صغننه …..
ندي : مردوده ي انكل تميم
ندي قفلت وتميم كمان قفل وتاني يوم بعتلها مسج بيقولها ….
– انتي 3 ثانوي ؟
– تخيل !
– يعني الاسكريبتات دي كلها من عيلة ف 3 ثانوي !!
– عيلة !!
– آه عيلة
– طب العب بعيد بقا يا شاطر عشان متزعلش مني
– أنا حاسس إني بكلم واحد صاحبي والله
– هازعلك والله
– عبده موته ف نفسك أوي
أنا عبدة موته !! يا معدوم النظر والشعور والإحساس وكل حاجة والله..
-خلاص ي ستي حقك عليا انتي اتفتحي اي بالعه راديو ..
-تصدق انو انا غلطانه انو بكلمك اصلا ورديت عليك …
-ي ستي قولتلك اسف خلاص ..
-طيب ماشي هعديها
-قوليلي بقي انتي علمي علوم وإلا رياضه وإلا ادبي ..
– علم رياضة
– إيدا انتي عندك مخ وليكي ف الرياضة وكده ؟
– أقولك عندي إيه بس متزعلش !!
– إنتي علي طول دبش كده !!
– عايز الصراحة ؟
– ياريت
– بحب الرياضه دا اولا ثانيا بقي هروب من الأحياء …
– انتي مش بتحبي الأحياء ؟
– كحفظ بدحها عادي ، كتطبيق مش بعرف أفرق فيها بين الألف وكوز الدُرة
– يعني مش بتعرفي تحددي مكان الأجهزة ف جسم الإنسان ، متعرفيش قلبك فين يعني !
– إنت عبيط يلا ؟
– ليه الغلط ده بس !!
– جربت إنت أحياء النظام الجديد ، جربت تحل عليها يا عم المبدع ؟
– هيا يعني أحياء النظام الجديد تفرق إيه عن أحياء النظام القديم ؟
– ولا أي حاجة ، بناخد منهج ونحل ع منهج تاني ونلاقي ف الامتحان منهج تالت ، بس كده
– أنا هانفجر من التفائل والله..
– معلش معلش …لكن قولي بقي انت معاك اي وإلا شاطر بس تقلل مني ..
– انا ي ستي مهندس معماري وبشتغل في شركه وعامل الموقع بتاع الروايات دا وبكسب منو …
– اه يعني انت كمان كنت علمي رياضه ؟
– أومال فكراني عندي جرير بدل المخ زيك كده ؟
– هو مهزأ ليه ! بس أنا والله مش هارد عليه ولا هاشتمه أبدًا ، تدري ليش !! لإنه عنده حق والله..
– بحيث كدا بقي لو طلبت اي حاجه هتعملهالي ..
– ايوا بس حاجه زاي اي ..
– يعني مثلا مسأله واقفه معايا في الرياضه ابعتهالك وكدا …
– امممم دا من غير ماتقولي كنت لسه هقولك اي حاجه تقف معاكي قوليلي …
– ثانكس ي مااااان
– انجليزي دا ي مرسي ..
– بيقولو ….
– المهم قوليلي انتي منين واسمك ندي اي يعني قوليلي واحكيلي عن حياتك ..
– انا ندي ياسر 18 سنه زاي ماقولتلك عايشه في القاهره المعادي …
– هيا دي معلوماتك ي ندي يعني كنت مستني مسج كبيررر وتحكيلي عن صحابك وعن طموحك وتحكيلي كل حاجه عنك …
– ليا صديقه اسمها منه دي العشق والشق والتوينز وليا ايه دي قلبي دي ونورسان بت حلوه كدا ورسمها بعشقو و منار طيوبه وبحبها اوي ونوران ودي حاجه تانيه كائن هادئ كدا وقمر في نفسو … ونورا ودي بقي علي قد ما بتنكد عليا علي قد ما بتفرحني وتشجعني وبحبها اوي وليا صحاب كتيررر سوشيال ميديا واتعرفت علي ناس قمر من علي الفيس والحمد لله علي حب الناس ليا وحب صحابي ليا …..طموحي بقي عايزه احقق حلمي عايزه افرح اهلي عايزه ابقي كاتبه ليها فانز كتير بيحبوها عايزه اعرف اساعد ناس كتيرررر اووي مش عايزه حد يبقي زعلان مني عايزه اراضي الكل ي تميم حاجه حلوه اوويي انك يكون ليك ناس بتحبك وفرحنالك من قلبهااا اووي عايزه دا يبقي رزقي في دنيتي …
– لسانك طويل بس قمر اووي وكلامك عسل وكمان بخصوص كتاباتك ف أن شاء الله هيكون ليكي مستقبل كويس …
– طيب ي سيدي شكرااا..
– طب بقولك بقي عايز اعرف مواعيد دروسك ومواعيد مذاكرتك ….
– مواعيد دروسي *********** بس من ناحيه مواعيد مذاكره بيني وبينك مش ليا معاد محدد وكدا يعني ومش بذاكر اصلا انا مش محتاجه لمذاكره هنجح علي الدروس أو من الهواء …
– مشاء الله وناويه علي كدا تدخلي هندسه …
– ايوا أن شاء الله واقولك كمان هوا مش لازم هندسه اوي يعني ممكن اي كليه وخلاص وهوا في لآخر البنت ملهاش غير بيت جوزها يبني ….
– لا ي قمر من النهارده في حاجه اسمها مذاكره وهعملك انا جدول مذاكره وهتذاكري غصب عنك …
– اي دا اي دا انت هتتحكم فيا وانا اصلا معرفش يبني عنك حاجه وبعدين خد هنا انت ضحكت عليا وخليتني اقول معلوماتي وانا من خيبتي قولتهالك …
– طب ولي شغل عبد موته دلوقتي ماكنا ماشين حلوين ..
– اخلص يلاا قول معلوماتك دا انا مسجله خطر ..
– لا حقيقي شبح في نفسك اوي اوي …بس علي العموم انا تميم الميناوي مهندس معماري 23 سنه من القاهره برضو المعادي …
– اي دا يعني احنا جيران اهو ….
– ايوا ي ستي جيرااان ….وممكن نبقي جيرااان اوي اوي قريب او في المستقبل وكدا يعني ….
– تقصد اي ي فندم ..
– لا مقصدش ويلا عشان تزاكري لكن استني قبل ماتقفلي ….
– نعم!
– مين القمر اللي علي صوره البروفايل دي …
– اقولك مين ومتزعلش ..!
– اخلصي قولي مين بس متكدبيش وتقولي انتي ..
– لا بس دي انا فعلا ..
– طب ازاي عبده موته يبقي قمر كدااا
– لا بقولك الحكايه مش ناقصه علي المسا مش انا اللي اتعاكس ايواااا
– يبنتي انتي اييي عندك رد لكل حاجه ولسانك دا عايز قصة علي فكرااا
– تصدق انك مهزأ وانا مهزأءه زايك عشان كلمتك ورديت عليك …سلام
– سلام يختي
– رميت الموب وأنا قلبي بيبتسم ، هو العبيط دا مخليني طايرة من الفرحة كده ليه ؟
– حاولت أذاكر كتير بس للأسف مش عارفة أذاكر ، أنا كان مالي ومال التعليم والحوارات الكتير دي ياربي بس !!
– دخلت نمت لإني حقيقي مكنش عندي طاقة أكمل اليوم بأي شكل ، ف فراغ غريب كده جوايا ومش عارفة سببه إيه !!
– صحيت تاني يوم علي صوت نبع الحنان امي …
– انا نفسي اعرف انتي بتشربي قهوه لي وهيا بتتعبك ..
– كنت بعمل دماااغ وبعدين هوا في حد بيصحي حد كدا برضو ..
– تعملي دماغ بقا في بنت متربيه وفي تالته ثانوي تقول تقول اعمل دماغ ياخوفي منك تكوني بتشربي مخدرات….
– حاشا لله يا امي نحن بنات عائلات محترمات انا بشم بدره بس….
-نهار ابوكي اسود دا بس لما ابوكي يرجع هخليه ينفخك
-ليه بس كدا ياحوبه دا انا بنتك القمر الفرفوشه انتي بتعملي معايا كدا ليييييه…
-انا هعرفك يا حببتي….
-هتعملي ايه ياحوبه هدي نفسك يا حببتي انا كنت بتقمص شخصيه تامر حسني مش اكتر…
-ليه يا رب.. ليه يا رب ترزقني ببنت هبله اعمل فيكي ايه بس
-خلاص يا حوبه بقا قلبك ابيض يالا انا هقوم ادخل الحمام عشان ورايا درس وكدا ..
-خدي هنا انا عاوزه افهم الحاجه اللي ابوكي جابها امبارح راحت فين ابوكي امبارح كان جايب 2كيلو موز و كيلو لانشون راحو فين
-هقولك اهو استني عليا بس
-انطقي هتنقطيني
-حاضر اهو.. بصي اصل انا الصراحه امبارح كنت جعانه اووي وانتي عارفه انا قد ايه بحب اللانشون فجبته وكلت مره واحده لقيته خلص مع اني سميت بس صدقيني انا ماكنتش باكل لوحدي
-نعم يا روح أمك امال مين كان بياكل معاكي
-انه الشيطان يا حوبه
-شيطان وحيات امك والموز وباقي الحاجات فين
-اديني فرصه اكمل طيب
-اخلصي هتجلطيني
-بعد الشر عنك يا حوبه يا قمر انتي
-اخلصي يا ندي
-حاضر.. بعد ماخلصت اللانشون لقيت نفسي لسه جعانه جبت الموز وكلتو واهو يسد جوع وخلاص يعني
-ان شاء الله عنك ما طفحتي
-بقا في ام بتعامل بنتها كدا انا حاسه انك لاقياني علي باب جامع
-اهو انا دلوقتي هحطك علي باب جامع بجد
-شكراً يا ست حوبه مهي دي اخره 18 سنه خدمه في البيت ونزول تقوليلي هحطك علي باب جامع هي دي اخره العشره بس هقول ايه ما هو دا حال الزمن غدار ومغوار وقلاب وغلاب لا حلوه دا انا بقول امثال دا انا عليا جمل دا انا عليا جمل بصوت احمد عز
-غوري من وشي يا ندي بدل ما ارتكب فيكي جنايه
-كدا ياحوبه مكنش العشم
-غوري من وشي غورررري
-خلاص هغور اهو بس ماتزقيش يلا انا هقوم بقي …
– قومت غسلت وشي وخدت شاور وجهزت عشان كان ورايا درس ولسه بمسك الكشكول اتصدمتتت …
يتبع..
لقراءة الحلقة الثانية : اضغط هنا
لقراءة باقي حلقات الرواية : اضغط هنا
نرشح لك أيضاً رواية زوجتني عشيقها للكاتبة يوش.
