رواية الوقوع في الحب الحلقة التاسعة عشر 19 بقلم هبوش
 |
| رواية الوقوع في الحب الحلقة التاسعة عشر 19 بقلم هبوش |
رواية الوقوع في الحب الحلقة التاسعة عشر 19 بقلم هبوش
وخذيت تلفوني فتحته وبعثت لحنين
يامن/ جاء قعمز جنبي… ماتبيش اتحني عليا لينا اربع ايام في الناشف …
وقرب يبي ايبوسني????
انا/ وااااك وواااخر من عليااا
يامن/ اووف خيرررك اتصدي فيا نبي حقي ااالزززح
انا/ راسي وجعني… مانقدرش كل ماتقرب متي نفسي تعية ????
يامن/ بزعلة… جو جديد هذا راهو مايمشيش الحال هكي ااايو…
وقاطعه تلفونه ايرن
يامن/ بغضب…وقتك انت ااالثاني…ااالووو
معاذ/ الفار طاح في المصيدة
يامن/ بعدم فهم…. فار شنو انت الثاني
معاذ/ ااالحيوان خالد قاعد في ضيافتنا ????
يامن/بفرحة… اااوكي مااادير شي لين ااانجيكم…
معاذ/ تم…
وصكر الخط ومشى فتح دولابه وطلع صندوق
انا/ نشبحلها باستغراب… شن في
يامن/ طلع مسدس… مافي شي… وحطه على خصره وراء جاكيته
انا/ ???? علااااش ااالمسدس
يامن/ قالتلك ماافي شي انا طاالع توا اانجي
انا / نزلت من السرير بخوف… يااامن اااستنى ????…
ويامن طلع بسرعة وصكر وراه الباب ونزل يسرع مشى لسيارته وانطلق بسرعة جنونية ????
في دقائق كان واصل عندهم لاقي معاذ و معه اثنين من اللي يعرفهم ضربين خالد لين وجه متورم
معاذ/ اهو استلمه
يامن/ تقدم من خالد… اعطيتوه واجب الضيافة
معاذ/ اي عطينه العصير بس
يامن/ ممممم… وشد خالد من رقبته… ااانست والله…
ويضربه براسه على خشمه
خالد/ عيط يتألم… شششن تبوااا مني ااانا مااانعرفش علاااش جااايبيني شن درر…
قاطعه يامن شده اخرى من رقبته وضغط عليها
يامن/ عاض ع سنونه… صااار ماتعرررفش
شن داااير توا اني انذكرك ولا يهمك…
وينحي جاكيته ويطلع المسدس
يامن/ شبح لمعاذ… شده عندك توا ايجي وقته…
و عزقه لمعاذ
وخالد يشبح للمسدس بخوف
خالد/ برعشة… فااااهموني بالكي في سؤ تفا…
قاطعه بوكس قوي من يامن على فمه
يامن/ سؤؤؤؤ تفاااهم ياااكلب توا نوريك…
ويبدا فيه ???? كل مايطيح يرجع يامن ايشده وينزل عليه بالضرب في كل مكان في جسمه و خالد من قبل محصل طريحة باهية و زاد عليه يامن ????
قعد وقت طويل يضرب فيه لين خالد اعترف و محوتك ايتكلم
خالد/ بتجداي… نعترف غللللطت واالله الشيطاان وووز علياااا قولي شن تبوااا والله انديره
معاذ/ شبح ليامن… شنو تخلص عليه ولا نا اللي نقتله
خالد/????????
يامن/ لا حرام ايموت توا مزال ماخذا اللي يستحقه …
خالد/ برعب… لاااا ترربح ااامي مرريضة ماااعندهاش غيررري
يامن/ دعس عليه… خلفة وووسخة شن بدير بيك ااامك ياااا****…
ويشد يده يفعصها له لين عيط ابكاء
يامن/ بحمقة… ماتستاهلش انوسخ ايدي بيك كما هذا انفريك تفراااي ياافااسد اتفؤؤؤه ????…
و دفه بالقوة ع الارض
معاذ/ خليتنا قتلنيه خير
يامن/ لا خسارة فيه رصاصة بس مايمنعش اتعشوه قبل مايروحه لامه ????
معاذ/ تم احلى عشاء ياكله ????…
وشبح لشباب كيف الوح اشرلهم براسه
خالد/ ماحوتك فاتح عيونه… شن بديرواالي ????
معاذ/ ناخذولك صورة تذكارية بس ماتخافش ????…
ويامن خذا منه المسدس و طلع يضحك
عندي
بعد ماطلع يامن لبست ملاية ونزلت نرعش لعمتي تحت
انا/ ياااعمتي ااالحقيني يااامن
صفية/ برعشة… شن فيه خيرررره يااامن
انا/ قعدت نبكي… جاه تلفون خذا مسدسه و طلع يجري…????????
صفية/ خبطت ع صدرها… وااااه عليااااا وووين امشي و تلفووون من منو…
انا/ بوجع…????مش عارررفه بس يمكن معاذ…
ومعش قدرت انصبي حطيت يدي ع بطني حسيت بمغز قعمزت ع كرسي
صفية/ ادور بخوف… وووين راح التلفون …
و دورت عليه لين لقاته
و اني نشبحلها ونتوجع من بطني
صفية/ اتصلت بيه… خيررره مااايرد! الصبر ياربي يبي يهبلني…
وتلفون يضرب بس مافيش رد
انا/ زدت نتوجع… ماايردش؟???? ااااه ااه بطني
صفية/ اي ماردش واانتي خيررك شنو مريضة
انا/ بالم.. بطني تنغززز فيا اااااه
صفية/ خشي اتسطحي داخل توا انديرلك ليمون تشربيه
انا/ لا اااتصلي اااخرى شووفيه قبل خاايفة يررتكب جريمة وينحبس اخرى ????…
صفية/ فاال الله ولا فاالك…
وجوري كانت راقدة سمعتنا جت لعندنا
جوري/ بستغراب… خيرركم شن في ياخالتي
صفية/ لا حبيبتي ماتخافيش مافيش حاجة… وشبحتلي… هيا يا وردة خشي مع جوري توا انكلم عمك ايشوفه
انا/ بااهي كلميه توا
صفية/ لا اله إلا الله اهو نتصل بيه…
وتصلت بالحاج
صفية/ الووو ياحاج فاضي؟
ح سليمان/ خيرك شن تبي
صفية/ بربكة… تبي الحق راهو يامن طلع بسلاحه والله اعلم وين ماشي ولا شن بيدير تربح شوفه بالكي ايرد عليك
ح سليمان/ لا حول ولاقوة الابالله نطلعوا من مصيبة انخشوا في مصيبة اامتى بس
اانموت ويريحني من هالهم… ????
صفية/ بزعلة… بعيد الشر
ح سليمان/ هيا صكري…
وصكر منها وعاود على يامن قعد تلفون يضرب ومايردش وقتها كان يامن يضرب في خالد وتلفون في سيارة بعد كم اتصال عصب الحاج و اتصل بمعاذ
شاف معاذ المكالمة مابش ايرد وفي ثاني اتصال طلع برا ورد عليه
ح سليمان/ بغضب… خيررركم مااتردوا
معاذ/ كنت مشغول خير شن فيه
ح سليمان/ خوووووك ووين
معاذ/ منو؟
ح سليمان/ يااامن ااالزفت
معاذ/ بربكة… ااي قاااعد
ح سليمان/ تي وووين قاااعد هاااته ااعطهولي
معاذ/ بارتباك… اااوكي ياا حاج توااا اايكلمك امغير مش جنبي توا
ح سليمان/ بغضب… اااستغفر الله العظيم توااا ااعطوهولي
معاذ/ بااهي باه شوي بس… وصكر الخط وخش
معاذ/ قرب من يامن… الحاج يبيك ااامشي كلمه شكله معصب
يامن/ بستغراب… علاااش اسمع قوله مش فاضي
معاذ/ قايله بس قالي توا اعطهولي شكله كيف اللي عارف باللي صاير
يامن/ بغضب… ماتطلع الا وردة قايلتله عااارفها ااني ????…
و خذا تلفون من معاذ وطلع اتصل بيه
يامن/ ايوة ياحاج
ح سليمان/ ااانت ووين
يامن/ قاعد قريب من الحوش خير في حاجه
ح سليمان/ االمسدس شن تبي فيه
يامن/ مسدس شنو من قالك عندي مسدس ????
ح سليمان/ يامن هي كلمة وحدة روووح اانت ووخوك للحوش مش نااقصنا مشاكل
يامن/ تي بااهي يا حاج راهو مااافي شي انت خيرك معصب …
ح سليمان/ يااراجل طالع بمسدس وتقولي خيرني شن تبي فيه اااه !؟
يامن/ ماتخافش مانبي اندير شي هكي جو وخلاص
ح سليمان/ اهو بنصدقك وان شاءالله ماتطلعش تكذب عليا
يامن/ لا اطمن هيا سلام…
صكر منه وخش معصب زاد ضرب خالد
بعد ماخذا درس من الشباب عمره ماح ينساه ????
يامن/ صحيتوا ياشباب… وشبح لمعاذ… هيا
معاذ/ والكلب هذا شن انديروله
يامن/ توا يرفعوه الشباب ع الطريق …
وطلعوا روحوا الحوش و خالد عزقوه ع طريق
.
.
عندي امقعمزة ع سرير جوري انتوجع جابتلي صفية عصير ليمون شربت منه واني مزال قلبي نار ومش مرتاحة وجع بطني زاد موترني
انا/ رد عليك عمي
صفية/ لا ماكلمنيش خلاص لو كان في حاجة راهو قالها
انا/ وااااه علياااا انموت ناقصة عمر… وشبحت لجوري… اعطيني تلفونك
جوري/ خوذيه اهو جنيك …
خذيته و كتبت رقم يامن ودرت اتصال قعد يضرب يضرب وبعدين حطه ع مشغول
انا/ شبحت للتلفون… دارني ع مشغول ????
… وسمعت الباب انفتح نقزت
صفية/ اهووو جاء الحمدلله… وطلعنا للصالة
يامن/ شبحنا طالعين… بسم الله الرحمن الرحيم خيركم
انا/ يدي ع بطني… توااا هذه عملة اادرهالي تطلع تجري بالمسدس شن درت بيه؟
يامن/ قعمز ع صالون… انتي االلي موسوسة امركبة على روحك امشي ديريلي قهوة
صفية/جت قعمزت جنبه… كلمك بوك
يامن/ ااي ما شاء الله عليكم فزاعين????
انا/ بالم… ماالا انشوفوك اتضيع روحك ونسكتوا…
وزاد عليا الوجع قعمزت
يامن/ خيرك قعمزتي وين القهوة
صفية/ شبحتلي… مزالت بطنك توجع فيك؟
انا/ اايييي…
يامن/ من شنو
انا/ مش عارفه اااني بنطلع فوق مش قادرة … وصبيت
يامن/ صبى جاء لعندي… نرفعك اتعايني
انا/ بالم… لااا اكيد اعصاب معدة توا ناخذ مسكن ونرقد… ومشيت لفوق
و يامن قعد يشبحلي طالعة وبعدين خش المطبخ ايدير في قهوة
خذا فنجانه و طلع لفوق
يامن/ جاء لعندي راقدة ع سرير… شنو مزال توجعك
انا/ خف اشوي … وسندت ع سرير… هيا قولي الحق شن درت؟
يامن/ مادرت شي ضربته بس
انا/ منو خااالد؟
يامن/ من غيره الوسخ… وخذا فنجانه يشرب القهوة
انا/ كيف شديتوه وشن صار فيه
يامن/ فوووتي اامه الززح شن تبي فيه ان شاءالله ينحرق ومعش بنسمع اسمه مرة ثاانية فااهمة ????
انا/ ااني مش عليه هو ااني خاايفة عليك يشكي الشرطة اتجي تحبسك واني خلاص تعبت والله ماعاد نقدر اتبعد عليا دقيقة
يامن/ فرح ونزل فنجانه… حقه تبي قربي…
وقرب مني يتلصق عليا ????????
انا/ تنرفزت… اووووف وووخر ماتقربش مني كبدي لعيت
يامن/ عقد حاجبه… ماهو توا كنتي كويسة ماتبينش نبعد عليك ولا امغير كلام ????
انا/ مش كلام نبيك جنبي بس مش بمفهومك
يامن/ اايح تفلسفي علينا توا…
ونزل من ع سرير خذا ريموت تلفزيون وقعمز شغله
انا/ اتسطحت ع ضهري… نقص الصوت
يامن/ بملل… بااهي…بعد ماخف عليا الوجع رقدت وساعة ثلاثة جاء ايوعي فيا
يامن/ ورردة نووضي اتغدي
انا/ تقلبت ع جهة تانية… مااانبيش خليني رااقدة
يامن/ ااسطفلي… ونزل تحت
صفية/ وين وردة
يامن/ ماتبيش…
وقعمز مع معاذ ايتغدا
صفية/ ليها كم يوم ماتكلش ارفعها اتعاين على معداتها
يامن/ ياكل… باااهي… وشبحلها… قعمزي اتغدي
صفية/ توا اانجي نرفع الغداي لجوري… وخشت للمطبخ خذت سفرة وخشت على جوري
جوري/ شبحتها… ليش امتعبة روحك يا خالتي قايلتلك مانبيش
صفية/ غصب تاكلي بيش تاخذي دواءك… وحطتلها السفرة
جوري/ ماعنديش نفس
صفية/ هيا سلم بنتي حتى شوية عشان اتصحي لعند امتى تقعدي هكي انغير بالاسم متزوجين
جوري/انحرجت????… باهي توا ناكل..
طلعت لشباب اتغداء معهم
صفية/ بتعب… مش عارفه هالبنات توا روسهم اقوة
معاذ/ ما يمشيش الحال تقعدي تخدمي فيهم بدل ما يخدموك جيبوا شغالة
يامن/ هي اللي مشقية روحها
صفية/ تعودت ع خدمة شن عندي ماندير
معاذ/ لا توا غدوة انجيبلك شغالة اتساعدك
…
انفتح باب الحوش خش ادم
ادم/ سلام
الكل/ سلام
صفية/ خش اغسل وتعال اتغداء دوبينه ساخن
ادم/ لا مانبيش جاي شوية وطالع… وشبح ليامن… غدوة اتجي للمزرعة عندي تصوير
في سرت
يامن/ بفم مليان… توا انشوووف
ادم/ بحمقة… شن اتشوف مش شوري عندي ماندير انت اللي فاضي تمشي تقعمز فاها
يامن/ بتذمر… تي باااهي الزززح خلااااص ماتنق
ادم/ لوح بيده… ااني عاارف ماعندك كلمة راهو اتفوت مدخلنيش اتفاهم انت والحاج
… و مشى لدار المعيشة
ادم/ مساء الخير
جوري/ مساء النور
ادم/ شبح للسفرة جنبها… خيرك ماكليتي
جوري/ كليت الحمدلله
ادم/ جاء قرب منها… شن كليتي قاعد كيف ماهو…
وخذا السفرة حطها قدامها
ادم/ زيدي كولي
جوري/ لالااا خلاص معش نبي
ادم/ خذا الكشيك… هياااا اافتحي فمك… وحط الكشيك ع فمها
جوري/ دفت يده بنرفزة … مااانبيش اااانت ماااتفهمش ????
ادم/ شبحلها بكسرة… راهو الدواء اللي تاخذي فيه قوي يبي تغذية كويسة
جوري/ معقدة حاحبها… عااارفة و ناكل كويس بس خلوني في حااالي ززهقتوني
ادم/ تمام على راحتك…
وخذا السفرة وصبى طلع بيها المطبخ
وجوري نفخت بضيق حست كسرت بخاطره ???????? اشوية وخش اخرى وقف ع الباب
ادم/ بعدين امسافر سرت
جوري/ علاااش
ادم/ عندي شغل الصبح في جامعة
جوري/ نزلت عيونها… اوكي
ادم/ قعد يشبحلها… تبي حاجه قبل مانمشي راهو طالع للمزرعة مش امروح هنا
جوري/ شبحتله… اااي نبي نقولك حاجة قبل ماتمشي
ادم/ خش داخل… شنو
جوري/ تفرك بيديها… نعتذرر على ردت فعلي امبكري كنت منرفزة ????
ادم/ ابتسم… ولايهمك عارف مش قصدك… وجاء بيمشي
جوري/ عضت شفتها… ووو في حاااجة تانية
ادم/ التفت وجاء قرب منها… ااي قولي شن
جوري/ بارتباك … على شغلك مانبيش قصدي اااني ااا… قطعها
ادم/ فهمت شن تبي ماتخافش اللي صار مش ح ايتكرر لا توا لا في المستقبل انا نبي منك حاجة وحدة انك تنسي ماضيي ونبدوا صفحة جديدة و لو شغل التصوير ايضايقك مستعد انتنازل عليه بس انتي ترضي
جوري/ تعرف اني مش ضد موهبتك
وشغلك بس اني ننسى هذا الشي انت اتحسسني بيه وتساعدني عليه
ادم/ شد يدها… جوري خليها في راسك من يوم دخلتي حياتي واني ملكك انتي وبس و البنت اللي في المانيا غير انها باتت في شقة مافيش حاجة صارت بينا والله مانعرفها ولا لمستها…وشد على يدها… امصدقتني ولالا
جوري/ هزت راسها… ااييه
ادم/ بتنيهدة … الحمدلله
جوري/ كم بتقعد يوم
ادم/ يوم بس غدوة انكمل تصوير انروح على طول
جوري/ اوكي…
ونزلت عيونها معش قدرت تشبحله من كثر ما هو مركز في عيونها
ادم/ ليش تحرمي فيا من عيونك…ورفع وجها بيده…ااشبحيلي واحكي شن في خاطرك … وابتسم
جوري/ عيونها في عيونه… شن بنحكي ????
ادم/ يعني بعد انروح اتجي تقعدي في غرفتك الحق انا مش متريح وانتي بعيدة عليا ????
جوري/ بخجل… مش عارفه انتحشم من خالتي انقوللها نطلع فوق نحس فاها بايخة
ادم/ ههههه شن اتحشمي راهو نحن اتنزوجنا ???? و ياستي توا اني انقوللها عادي صفصف صاحبتي مش امي
جوري/ ابتسمت… خلاص اوكي
ادم/ باس يدها… ح توحشيني والله
جوري/ دير بالك من روحك
ادم/ ان شاءالله…
وشد وجها بين ايديه ونزل باسها على فمها ???????? لين جوري نفضت وقلبها ايخبط
ادم/تبعد شوي وبصوت ايذوب… اااانحبك
جوري/ باكلكة… ححتتتى اااني… وبلعت ارياقها
ادم/ بحنية… حتى انتي شنو
جوري/ بربكة…اا اا انح ببب بك
ادم/ اااه ماحلاها طالعة منك كيف النسمة
…وشدها ليه…تعاالي في حضني محتاجلك
… وحضنها بالقوة ????
…….. ????????????????????????????????????????
يوم جديد
وساعة اطناش الضهر ✊✊✊
غالية/ ساااجدة اافتحي الباب
ساجدة/ غسلت يدها… من اللي جاي في هالوقت…
ونشفت يدها ومشيت تفتح
ساجدة/ من
اسامة/ اافتحي
ساجدة/ رعشت وقعدت اتحوس…اااساامة …ومشيت خشت على امها …يااامي ااطلعي اافتحي الباب هذااا ااسامة
غالية/ بسم الله الرحمن الرحيم وخيررك ماتفتحي شن بيااكلك
ساجدة/ بالله عليك ااامشي اانتي هيااا بسرعة
غالية/ تغسل في يدها…بااهي هيااا…
ومشيت تفتح وساجدة طارت لدارها
اسامة/ السلام عليكم كيف حالك ياعمتي
غالية/ وعليكم السلام ااهلين اسامة حمدلله ع السلامة
اسامة/الله ايسلمك… وخش داخل
غالية/ امتى روحت
اسامة/ اليوم الصبح… وجاء بيقعمز
غالية/ تعال خش داخل
اسامة/ لا خليني حتى هنا مستعجل… وشبح للمطبخ … وين ساجدة
غالية/ ابتسمت… توا اتجي …
وقعمزت تهدرز معه و ساجدة في ثواني كانت لابسة ومانقة طلعت عليه فرحانة والبسمة للوذن
ساجدة/ الحمدلله على السلامة…ومدت يدها اتسلم
اسامة/ سلم عليها… الله ايسلمك
غالية/ نستاذن منك انشوف الطنجرة
اسامة/ اذنك معك… و مشيت المطبخ
اسامة/ عيونه يلمعوا… ااستحشتك
ساجدة/ ابتسمت… ليش ماقلتلي امس
اسامة/ نبيها مفاجأة
ساجدة/ حليلي منك مش غير فاجئتني ههههه
اسامة/ شبح للمطبخ وشبحلها… عندي لك مفاجأة احلى
ساجدة/ بفرحة… شنو هدية؟
اسامة/ حك لحيته… لا الهدية نعطيها لك مش اليوم
ساجدة/ مالا شنو
اسامة/ قرب شد يدها… اختاري تاريخ زواجنا
ساجدة/ بفرحة… حقه يااا اساامة ????
اسامة/ اي حقه ههههه ????
ساجدة/ ضحكت… مش مصدقة
اسامة/ لا صدقي… وباس يدها… ها شنو امتى ايناسبك العرس
ساجدة/ مش عارفه عاادي انت اااختار
اسامة/ لا انتي اختاري
ساجدة/ امممم???? بعد اسبوعين كويس
اسامة/ هلبا اسبوعين
ساجدة/ ماهو بنحجزوا في الصالة ونحجز في المزين مش ح نلحق قبل الاسبوعين
اسامة/ ابتسم… بااهي تمام يوم شنو تبيه
ساجدة/ اخر خميس في الاسبوع الثاني كم ايصادف
اسامة/ شاف لتاريخ في تلفون… يوم 22/4
ساجدة/ اوكي تاريخ حلو
اسامة/ على بركة الله
ساجدة/ ان شاءالله ????…
اسامة/ نمشي انشوف المحل الفرش …
ساجدة/ استنى اشرب القهوة
اسامة/ لا توا شربتها مع عمك
ساجدة/ باهي … مشيت معه للباب
اسامة/ تبي حاجه ياعمتي
غالية/ وين ماشي خليك اندير في قهوة
اسامة/ لا والله مانبيها شربتها قبل مانجي
هيا السلام عليكم
غالية و ساجدة/ وعليكم السلام ورحمة الله …
طلع اسامة وساجدة صكرت وراه الباب
ساجدة/بفرحة… حددنا موعد العرس
غالية/ ما شاء الله امتى
ساجدة / يوم 22 اربعة يعني بعد اسبوعين
غالية/ الف مبروك ربي اتمملك على خير… وجت حضنتها… بيفضى عليا الحوش ????
ساجدة/ ضحكت… اني اللي ماليا عليك الحوش ???? اهو سامي و عبود جوزيهم بيش ايونسوك
غالية/ اااخ من سامي هو امغير ايوافق من غدوة انزوجه ونجيبله عروس
ساجدة/ ان شاءالله…
.
.
وع الغداء كانت ساجدة تهدرز مع سامي تقنع فيه ايتزوج
سامي/ اني مش رافض فكرة الزواج بس البنت اللي قالت عليها امك مانبيهاش
ساجدة/ في وحدة براسك
سامي/ اي فيه بس مزال ماحكيت معها
ساجدة/ بستغراب… ليش ماتسالها
سامي/ مالهاش هلبا امطلقة وخايف ترفض
ساجدة/ بتعجب… ااامطلقة !!! اانت تاااخذ وحدة امطلقة؟
سامي/ بعقدت حاجب… ليش لا بعد البنت كويسة
ساجدة/ بس انت اصغير ليش تاخذها مطلقة
سامي/ نبيها من قبل حتى تتزوج
ساجدة/ نفخت… مش عارفه شن انقول بس امي مستحيل اتوافق
سامي/ انا نسال البنت ونضمن موافقتها و امي ساهل توا تقتنع بس انتي ماتقوليها شي
ساجدة/ لا اني مادخلني يالا نلقى راس للتجهزات …
سامي/ اووص ااهي جت
غالية/ خشت معها سفرة الشاي… نبي نقترح عليك تتزوج نفس اليوم انت و اسامة وحتى عمك قالها انديروه عرس جماعي يوم واحد
سامي/ ههههه راهو بعد ااسبوعين العرس
غالية/ شن اللي ناقص
سامي/ كيف والعروس وين
غالية/ البنت اللي قلتلك عليها مزالت قاعدة الليلة نمشوا نخطبوهالك لو وافقوا نعطوهم الدفع اتجهز في اسبوعين
سامي/ لا يا امي اانا في وحدة حاط عليها عيني من زمان
ساجدة/????♀️
غالية/ باهي من نمشوا نخطبوها
سامي/ بشويش توا نسالها قبل و ان شاءالله اتوافق
غالية/ وخيرهااا ماتوافق وين تلقى احسن منك
سامي/ ايصير خير
غالية/ خلاص اليوم اسالها
سامي/ اوكي …
وشبح لساجدة بمعني ماتحكيش و قعد لين شرب الشاي وصبى خش داره ايقيل واستنى حنين اتروح من العيادة بيش يتصل بيها وبعد وعي العشية خذا فنجان قهوة وطلع للسطح فوق واتصل بحنين
و حنين شافت لرقم غريب ردت ع ثاني اتصال
حنين/ الووو
سامي/ مساء الخير كيف حالك يا حنين
حنين/ بستغراب…مساء النور !!! من معاي ؟
سامي/ سامي
حنين/ ارتبكت…اااهاا دكتور سامي اااسفة والله ماعرفتش الصوت
سامي/ لا عادي مش مشكلة ان شاءالله بس مانكون ازعجتك
حنين/ لا بالعكس مافيهاش ازعاج ????
سامي/ الحق من فترة خذيت رقمك من وردة و كل يوم نبي نتصل بيك وو ماايصيرش
حنين/ برتباك… اان شاءالله خير
سامي/ اااا سسسمعت اااطلقتي و ااانا قصدي…بلع رياقه… هو مش مناسب نحكي ع تلفون بس مانبيش نوقف عليك في العيادة ونسألك
حنين/ قلبها يضرب… اهااااا
سامي/ خذا نفس… حنين انااا أنحبك و نكرر طلبي لو وافقتي ح انكون اسعد انسان ولو … قطعاته
حنين/ دكتور سامي ااني مطلقة
سامي/ عارف و راضي بيك ❤
حنين/ قلبها زاد نبضاته… بس الناااس واااهلك
سامي/ مادخلهمش هذه حياتي اني وبعدين اخر همي الناس…
وقعدت حنين ساكتة معش عرفت شن اترد
سامي/ ها شنو اانتي موافقة عليا ااني ولا عندك اعتراض
حنين/ بلعت ارياقها… لا انت مافيش منك واي بنت تتمنى ترتبط بشخص محترم كيف حضرتك وانت تستاهل احسن مني
سامي/ بس اني نبيك انتي ومانشوفش في بنت احسن منك مناسبة ليا ❤
حنين/ والله مش عارفة شن انقول الحق ????
سامي/ قولي موافقة ❤
حنين/ اي موافقة ❤
سامي/ ربي يرزقني بيك واتكوني حلالي ???? ان شاءالله هاليومين ايجو العيلة شوفي يوم مناسب ليك امتى
حنين/ عادي كيف ماتحب
سامي/ خلاص بينا اتصال…
.
.
في الليل جاء يفتح الموضوع مع امه اتصل بخوه بلال وبعد ما اجتمعوا جابت ساجدة قهوة وقعمزت اتشوف لسامي
بلال/ خير شن الموضوع المهم
سامي/ قررت نتزوج
غالية/ زغرطت… لوووولوووووولي
بلال/ باهي الف مبروك ربي ايتمملك على خير
سامي/ ان شاءالله
غالية/ ها امتى نمشوا لعندهم
سامي/ بعد غدوة ان شاءالله
بلال/ بنت من؟
سامي/ تشتغل معاي في العيادة و تقعد صاحبة وردة مرت يامن
غالية/ اها والبنية شنو كويسة و عيلتها من
سامي/ اي هي ما شاء الله عليها محترمة وبنت ناس
بلال/ خلاص على بركة الله غدوة انشوف عمي ونمشوا لبوها
سامي/ تمام بس في حاجة ضروري تعرفوها مع ان حاجة تخصني اني ومش ح ايغير في الموضوع
ساجدة/????
غالية وبلال/ شن
سامي/ البنت مطلقة
غالية/???? مطلاااقة ….
.
.
عند ادم روح من سرت وجاء سلم ع الحاج وقعمز ايهدرز معه وبعد طلع الحاج يرقد
ادم/ امي بناخذ جوري ترقد في دارها
صفية/ بس جوري مزالت مريضة اصبر هالشهر وخوذها
ادم/ مسح ع لحيته… عارف ماتخافش عليها
صفية/ ???? لا مافيش امان تقعد معك في دار وحدة
ادم/ عليك تزريط وخلاص ماهو قعدت معها في المانيا بروحنا ما معانا حد شن صارلها
صفية/ و شن يفرق ترقد هنا ولا فوق بعد لا تقدر اتخش عليها
ادم/ تي زبري ????♂️ يااصفصف نبيهااا معاي بس مش ح نلمسهااا ااالزح…
صفية/ راهو على مسؤوليتك اايوه
ادم/ اايي باهي
صفية/ خلاص شوفها كان تبي تمشي معك تربحوا
ادم/ بفرحة… ااي تبي سالتها قبلك ????
صفية/ يعطيهالكم والله ماتحشموا ????♀️ …
ومشيت طلعت لفوق خشت ترقد وادم خش ع جوري لقاها تندب????
جوري/ واااك حشمت بيااا
ادم/ هههههه معش فاها كيف هيا تعالي… وطبس يرفعها
جوري/ استنى نمشي بروحي ساد من حشمة
ادم/ عادي مافيها شي
جوري/ لالا خليني براحتي
ادم/ اوكي يا همي …
وشد بيدها ومشيوا لفوق تلاقوا مع يامن غمزله
يامن/ ليلتكم سعيدة ????
ادم/ ليلتك اسعد????…
وخش كل حد داره ❤❤
انا/ مع من تحكي
يامن/ ادم و جوري خشوا دارهم اخيرا ????
… وجاء نقز لسرير… نيالهم ????
انا/ بعقدت حاجب… البنت مريضة توا ايضرها
يامن/ لا مايصيرلها شي توا اتصح وتقعد خير من قبل ????
انا/ مش اعناد لو خايف عليها يصبر شن مزالها كم اسبوع ويعيشوا حياتهم
يامن/ ونحن امتى انعيشوا حياتنا ????…
وجاء باسني على فمي
انا/ ااااعععع يااامن وخررر عليااا صنة نفسك اااخيي …وصكرت خشمي
يامن/ يافرخة والله امفرش اسنوني… ونفخ في يده شم نفسه… مافيش صنة ولا حاجة
انا/ يدي ع خشمي… اااني شميت عفونة شن نكذب عليك ????…
يامن/ تي بطلي جو والله ماني طالقك الليلة…
ونحى تيشرته حذفه و جاء قرب مني كبدي لعيت وطرت نجري للحمام انرجع????…. ????????????????
يتبع..
لقراءة الحلقة العشرون : اضغط هنا
لقراءة باقي حلقات الرواية : اضغط هنا
نرشح لك أيضاً رواية رقية للكاتبة هاجر محمود.
